பயங்கரவாதத்தை அழிக்க புறப்பட்ட பயங்கரவாதம்

(நந்தன்)

உலகில் மேலான இரு இனம் ஒன்று மனித இனம், மற்றையது மிருக இனம், அது ஒவ்வொன்றுக்குள்ளும் தனியான ஒரு இனம் உண்டு, ஒன்று மனித வடிவில் மிருகம் மற்றையது மிருக வடிவில் மனிதம். பெரும்பாலும் மனித இனத்தை ஆள்பவர்களோ அல்லது ஆளத்துடிப்பவர்களோ இந்த மனித வடிவில் மிருக இனத்திலிருந்துதான் தோன்றுகிறார்கள் போலும் . இதைத்தான் சனல் 4 தொலைக்காட்சியும் சொல்வது. இந்த வீடியோ பதிவில் பொய்கள் பல சேர்க்கபட்டிருக்கலாம் அல்லது உண்மைகள் பல தவிர்க்கபட்டிருக்கலாம் ஆனாலும் இந்த போர்க்குற்றத்தில் குற்றம் சாட்டப்பட்டிருக்கும் இந்த இரு பகுதிக்கும் நாங்கள் 'இப்படிப்பட்ட குற்றங்கள் செய்பவர்கள் அல்ல' என்று அடித்து சொல்வதற்க்கு எந்த தகுதியும் இல்லை. மொத்தத்தில் இந்த இருபகுதிக்கும் அப்பாவி பொதுமக்களின் மரணத்தில் எந்த சஞ்சலமும் இல்லை. வேணுமானால் ஒருவரை ஒருவர் குற்றம் சொல்வதற்க்கு பொதுமக்கள் மேல் அக்கறை இருப்பது போல் நடித்திருக்கலாம். இதில் வேடிக்கை என்னவென்றால் இந்த போர்க்குற்றங்களை பற்றி ஓங்கி தட்டிக்கேட்ப்பதற்கு பெரும்பாலான இலங்கை தமிழர்களுக்கும் அருகதை இல்லையென்பதுதான்.

கண்மூடித்தனமாகவோ, கட்டாயத்தின் பேரிலியோ புலிகளை ஆதரித்து வந்த பொதுமக்களுக்குகோ அல்லது பதவி ஒன்றுக்காய் பத்தையும் பறக்கவிட்டு புலிகளின் வால்பிடித்து வயிறு வளர்த்த அரசியல்வாதிகளுக்கோ, ஏன் இப்படி வயிறு வளர்த்தவாகள் பின்னால் சென்றாவது தங்களை மக்களுக்கு அடையாளம் காட்ட புறப்பட்டு புலிகளின் பயங்கரவாத்தில் கணிசமான பங்கை கடைசி நேரத்தில் எடுத்து கொண்டவர்களுக்கோ, ஆளும் அரசு என்ன செய்தாலும், சொன்னாலும் வேதவாக்காய் வியாக்கியானம் செய்து வேண்டியதை பெற்றுக்கொண்டு வாழ்வை ஓட்டி வருபவர்களுக்குகோ இப்படி ஒருவருக்கும் இந்த குற்றங்களை பற்றி மனசாட்சியை விட்டு தட்டிக்கேட்க்கும் உரிமை கிடையாது. ஏன் புலிகளின் பயங்கரவாத்தை முற்றுமுழுதாய் தெரிந்து வைத்திருந்தும் ஏதோ ஒரு காரணதுக்காய் பலகாலமாய் வாய்மூடி மௌனியாய்  இருந்து வந்து வெளிநாட்டு சமூகங்களுக்கும் இந்த குற்றங்களை பற்றி கண்டனம் தெரிவிப்பதற்கும் அருகதை இல்லை.

சிறீலங்கா அரசாங்கமோ! அறிக்கைகளும் சரி, வீடியோ காட்சிகளும் சரி பொய்யானது, போலியானது பக்கசார்பானது என திரும்ப திரும்ப சொல்லிக்கொண்டிருந்தாலும் அது இன்றைய காலகட்டத்தில் எல்லோராலும் முற்றுமுழுதாக நம்மபட முடியாது ஒன்று என்பதை புரிந்து கொள்ளாது காலத்தை கடத்தி வருகிறது. தொழில் நுட்பங்களை கொண்டு பொய்களை ஜோடிக்கலாம் என்பதை பற்றி வாதித்து வருகின்ற சிங்கள அரசு அதே தொழில் நுட்பத்தின் உதவியுடன் மற்றவர்களால் உண்மையையும் வெளிக்கொணரலாம் என்பதை ஏனோ உணராமல் இருக்கின்றுது. சனல் 4 தொலைக்காட்சியிலினால் வெளிக்கொணரப்பட்ட அந்த வீடியோ காட்சிகளில் பாதி உண்மைகள் இருந்தால் கூட அது மனித இன குலத்தினால் நடத்தப்பட்ட வெட்க்ககேடான வெறியாட்டம் என்பதே உண்மை.

இத்தனை அழிவுக்கு பின்னால்தான் பயங்கரவாதத்தை எங்களால் அழிக்க முடிந்தது என்பதை வேதனையுடன் வெளிக்கொணரவேண்டிய கட்டாயத்தில் மாறாக வெற்றிக்கழிப்புடன் எக்காளம் போட்டு சொன்னது (அதாவது இந்த வீடியோ காட்சிகளிலுள்ள சம்பவங்கள் பலவற்றை வீடியோ காட்சிகள் மூலமாகவோ அல்லது வாய்வழி செய்திகள் மூலமாகவோ ஏற்கனவே பார்த்தும் அறிந்தும் வைத்திருக்ககூடிய சந்தர்ப்பத்தில்) பொதுமக்களின் அழிவில் சிறிலங்கா அரசுக்கு கொஞ்சமும் சலனமேற்ப்படவில்லை என்பதையே எடுத்துக்காட்டுகிறது. சிறிலங்கா அரசாங்கம் பயங்கரவாதிகளை மட்டும் அழித்தால் போதும் என்று உண்மையாகவே நினைத்திருந்தால் இறுதிப்போரில் சற்று தாமதம் ஏற்ப்பட்டிருந்தாலும் பெருமளவு பொதுமக்களின் உயிர் இழப்புக்களை தவிர்த்திருக்கலாம், அதை ஏனோ சிங்கள அரசு செய்ய விரும்பவில்லை.

சரி இவ்வளவு உயிர் இழப்பு தவிர்க்க முடியாது என்று போயிருந்தால் கூட இன்னமும் தமிழ் பேசும் மக்களுக்கு கொடுக்க வேண்டிய கௌரவமான அதிகாரங்களை எவ்வளவுக்குகெவ்வளவு இழுத்தடித்து குறைத்துக்கொள்ள முடியுமோ என்ற அரசாங்கதின் முயர்ச்சி, சனல் 4 ஆவணம் பொய்யாய் இருந்தால் கூட இந்த போர்க்குற்றங்கள் அனைத்தும் அது செய்ய நினைத்திருக்காது என்பதற்க்கு வலு சேர்க்கவில்லை. முழுப்பூசணிக்காயை சோற்றுப்பானைக்குள் மறைக்கமுடியாது என்ற உண்மையை புரிந்துகொண்டு, தமிழ்பேசும் மக்களுக்கு தரவேண்டிய நியாயமான உரிமைகளை தந்து இந்த போர்க்குற்ற நடவடிக்கையில் இருந்து தப்பிக்க வழி தேடுவதை காலம் தாழ்த்தாமல் உணர்வதே சிறிலங்கா அரசுக்கு இருக்ககூடிய ஒரே வழி. இதன்மூலம் இந்தியாவின் உதவியாவது கிடைக்ககூடும் என்பதை இந்த அரசு நம்பித்தான் ஆகவேண்டும். இப்பொழுது தமிழ் பிரதேசங்கள் முழுவதும் சிங்கள மயமாக்குவதில் காட்டும் அவசரமும், புத்த சின்னங்களை தமிழ் பிரதேசங்களில் ஆங்காங்கு நிறுவும் செயலகள் எதுவுமே தமிழ் மக்கள் இந்த அரசை நம்பி செயலாற்றுவதற்க்கு ஏதுவாக அமையாது. மாறாக சுமத்தபப்பட்டுள்ள குற்றங்களுக்கு மேலும் வலு சேர்க்கும் செயலாகும்.

புலிகள் முற்றுமுழுவதமாக அழிந்த விட்ட நிலையில் புலிகளை இன்றுவரை நியாயப்படுத்தி வரும் புலன் பெயர்ந்த புலிக்கூட்டங்களுக்கு எதிராகவே புலிகளால் நடத்தப்பட்ட அனைத்து போர்க்குற்றத்திற்க்கு எதிரான நடவடிக்கை எடுக்கபடவேண்டும். இதுகள் குற்றங்களுக்க முன்னால் 'போர்' என்ற ஒரு சொல் இருப்பதானால் தான் என்னவோ பயங்கரவாதிகளாகிய எங்களுக்கு இது பொருந்தாது என்று முடிவு கட்டி சிறிலங்கா அரசாங்கத்திற்க்க எதிராக கங்கணம் கட்டி நிற்க்கின்றன. புலிகளை பொறுத்தவரை தங்களை எவ்வளவுதான் நியாயப்படுத்தினாலும் தங்களை விட மற்றவர்கள் நியாயமானவாகளோ? இரக்கமுள்ளவர்களோ? என்றொரு எண்ணம் அடி மனதளவில் எப்பவும் இருந்துதான் உள்ளது, அதனால் தான் என்னவோ ஏனையவர்களின் தவறுகள் எல்லாவற்றையும் இவர்கள் பெரிதாய் எடுத்து சொல்வார்கள். (இறுதி யுத்தத்தில் நடந்த தவறுகளை இங்கு குறிப்பிடவில்லை)

இல்லாவிடில் சிறிலங்கா அரசாங்கத்தால் செய்யப்பட்டதாக சொல்லப்படும் குற்றங்களில் எதுதான் இவர்களால் செய்யப்படவில்லை?, கொன்றொழித்த உயிர்களின் எண்ணிக்கையிலும் சரி இவர்கள் சிங்கள அரசை விட எந்தளவுக்கும் சளைத்து போனவர்கள் அல்ல. புலிகள் இதுவரை காலமும் செய்து வந்த கொலைகளின் எண்ணிக்கையும், அதை செய்த வழி முறைகளையும் ஒரு வீடியோ பதிவில் எடுத்து வந்திருந்தால் அது இந்த சனல் 4 வீடியோ பதிவை ஏப்பம் விட்டிருக்கும் என்பதே உண்மை. ஏன் கந்தன்கருணை கொலை வெறியாட்டம் ஒன்றே போதும். மொத்தத்தில் அப்பாவி பொது மக்களின் உயிர் இந்த இருபகுதியினருக்கும் அரசியல் செய்வதற்க்கு கிடைத்த அல்வா போன்றது.

புலன் பெயர்ந்த புலிக்கூட்டங்களே!! புலிகள் என்றுமே மக்கள் நலம் சார்ந்து எதுவுமே செய்ததில்லை என்று தெரிந்திருந்தும், இன்று நீங்கள் போர்க்குற்றம் அது இது என்று கூக்குரலிடுவதும் புலிகளை அழித்தவர்களை பழி தீர்த்து உங்கள் சுகபோக வாழ்வுக்கு கிடைத்த முற்றுப்புள்ளிக்கு மனச்சாந்தி பெறவே. உங்கள் சுயநலபோக்கு தனத்தால், தாய்மண்ணில் வாழும் உறுவுகளுக்கு மேலும் நெருக்கடி கொடுப்பதை தவிர வேறு ஒன்றும் உருப்படியாய் நடந்திடப்போவதில்லை. இறந்து போன மக்கள் எவ்வளவு முக்கியமோ இருக்கின்ற மக்களும் முக்கியமே! போர்க்குற்றங்களுக்காக சிங்கள அரசை தண்டிக்க நினைப்பதை விட (அப்பிடி தண்டிக்க நினைத்தால் அது உங்களையும் சேர்த்து தண்டிக்க வேண்டி வரும்)  இருக்கின்ற மக்களுக்கு கௌரவமான அதிகார பகிர்வை சிங்கள அரசிடமிருந்து பெற்றுக்கொடுப்பதற்க்க நீங்கள் புலம் பெயர்ந்து வாழும் நாடுகளின் அரசுகளை ஜனநாயக வழிகளில் முக்கியமாக யாரும் முகம் சுழிக்க வைக்காமல் கேட்டுப்பாருங்கள். அதுவே புலிகளால் தமிழ் மக்களுக்கு ஏற்ப்படுத்தப்பட்ட அழிவுகளுக்கு புலிகள் சார்பாக நீங்கள் செய்யும் பரிகாரம்.

இது சனல் 4 போன்ற தொலைக்காட்சி நிலையங்களுக்கும், சர்வதேச புலி சார்பு அரசியல்வாதிகளுக்கும் குற்றங்கள் என்பது எப்போதுமே குற்றங்களே, அது போர்சூழலில் நடந்தாலென்ன சமாதான காலத்தில் நடந்தாலென்ன. இப்பொழுது இருபகுதியையும் குற்றம் சாட்டும் மனித உரிமை அமைப்புக்களெல்லாம் இலங்கை மண்ணில் இதுவரை காலம் நடந்து வந்த கொடூரங்களையெல்லாம் சகித்து கொண்டுதான் வந்தன. முக்கியமாக புலிகளால் நடத்தப்பட்ட வன்முறைகளை பார்த்து வாய் திறவாமல் தான் இருந்தன. நோர்வேயின் மத்தியஸ்தின் ஊடாக இலங்கை அரசுக்கும் புலிகளுக்கும் இடையில் ஏற்ப்பட்ட சமாதான உடன்படிக்கையில் இரு தரப்புக்கும் பல நிபந்தனைகள் விதிக்கபட்டன, ஆனால் புலிகளால் அது ஆயிரம் தடைவுக்குள் மேலால் மீறப்பட்டன முக்கியமா அந்த நேரத்திதான் அமைதி வழியில் வாழ்ந்து கொண்டிருந்த பல மாற்று இயக்க போராளிகளெல்லாம் வகை தொகை இல்லாமல் கொல்லப்பட்டனர். ஒரு அயல்நாட்டு அரசுடன் ஏற்ப்பட்ட ஒப்பந்ததத்தின் மூலம் பல நிபந்தனைகளுடன் திறந்துவிடப்பட்ட புலிக்கூட்டங்கள் நடந்து கொண்ட வெறியாட்டங்களை எந்த மனிதநேய அமைப்புகளும் சரி இது போன்ற தொலைக்காட்சி நிலையங்களும் வெளி உலகத்துக்கு கொண்டு வரவில்லை.

ஏன் சமீபத்தில் ஒரு குறிப்பு சொல்கிறது 2001 செப்டம்பர் தீவிரவாத தாக்குதலுக்கு பதிலடி கொடுக்கும் முகமாக அமெரிக்காவினால் நடத்தப்பட்ட தாக்குதலில் சிக்கி 1 லட்சத்து 72 ஆயிரம் அப்பாவி மக்கள் கொல்லப்பட்டுள்ளனர், 70.8 லட்சம் மக்கள் அகதிகளாக போயுள்ளனர். இந்த போர்க்குற்றங்களுக்கு எதிராக விசாரணை செய்ய வேண்டுமென்று அல்ல வாய் திறந்து சொல்வதற்க்கு கூட யாரும் முன்வரவில்லை. அதனால் தான் சனல் 4 வீடியோ காட்சி ஏதோ உள்நோக்கம் கொண்டதாக இருக்குமோ என்று அதைப்பற்றி குற்றம் சொல்பவர்களின் வாதங்களுக்கு வலு சேர்க்கிறது. எது எப்படியோ நடந்து முடிந்தது போர்க்குற்றங்களாகவே இருந்து விட்டு போகட்டும், அதற்க்கு காரணமானவர்களை தண்டிக்க நினைப்பதை நிறுத்திவிட்டு அதைக்காரணமாக சுட்டிக்காட்டி தமிழ் பேசும் மக்களுக்கு ஒரு வலுவான அதிகாரங்கள் கொண்ட ஆட்சியை பெற்றுத்தருவதற்க்கு முயற்ச்சி செய்யலாம். இதுவே எஞ்சியுள்ள மக்களுக்கும், எதிர்கால சந்ததியினருக்கும் செய்து தரப்படும் நன்மையான விடயமாகும்.

(நந்தன்)