10 ஆண்டுகளுக்கு மேலாக அரசியல் வெற்றிநடை போடும் முன்னால் பாராளுமன்ற உறுப்பினர்கள் அடைக்கலநாதன் ஐயா, வினோதரலிங்கம் ஐயா, சிவசக்தி ஆனந்தன் ஐயா இது உங்களின் மேலான கவனத்திற்கும், ஆக்கப்பூர்வமான நடவடிக்கைகளுக்குமாக Mannar Voice Mannar குழு உங்களுக்காக.... கடந்த 10 வருட காலமாக வன்னி மண்ணில் பாராளுமன்ற உறுப்பினர்களாக இருந்து இற்றவரைக்கும், அதாவது யுத்த சூழ் நிலைக்குள்ளும் தமிழ் மக்களின் உரிமைகளுக்காக குரல் கொடுக்கின்றோம் எனவும், தமிழ் தேசியத்தை நேசிப்போம் என்றும் கூறி உங்களுக்கு முடிந்த அளவு மக்களுக்கு விரும்பியோ, விரும்பாமலோ, அல்லது மக்கள் விரும்பியோ விரும்பாமலோ, மக்களுக்கு நீங்கள் செய்ததையும், மக்கள் வாக்களித்து பாராளுமன்றம் உங்களை கொண்டு சென்ற விடயத்தில் நீங்கள் மக்களை மறந்தாலும் மக்கள் உங்களை மறக்க வில்லை என்பதனை சுட்டிக்காட்டுவதுடன் உங்கள் பணிக்கும், சேவைக்கும் மக்களுடன் சேர்ந்து mannar voice mannar குழுவினர் நன்றிகளையும் பாராட்டுகளையும் தெரிவித்து நிற்பதுடன் சில விடயங்களையும் உங்களுக்கு தெளிவு படுத்தலாம் எனவும் எண்ணி இதனை mannar voice mannar குழு மூலம் வெளியிடுகின்றோம்.

இற்றைக்கு யுத்தம் முடிந்து 6ஆண்டுகள் கடந்த நிலையில் முன்னைய ஐனாதிபதி மகிந்தவின் ஆட்சியின் கீழ் தான் மக்களுக்கு அபிவிருத்திகளை பெற்றுக்கொடுக்க முடியவில்லை, ஆனாலும் மக்களின் தேவைகள் பற்றியும், அபிவிருத்தி பணிகள் பற்றியும், மக்களுக்கு கொடுத்த வாக்குறுதிகளையும் நிறைவேற்ற வன்னி தமிழ் பாராளுமன்ற உறுப்பினர்களாகிய நீங்கள் 3வரும் பாராளு மன்றத்தில் சமர்ப்பித்த ஏதாவது ஏற்றுக்கொள்ளக்கூடிய தகவல் திரட்டு புத்தகங்கள் அல்லது, நீங்கள் மக்களுக்காக பாராளுமன்றத்தில் வாதாடிய ஏதாவது video clips இருக்கின்றதா? அல்லது மக்களின் பிரச்சினைகளை தொகுத்தவண்ணமான ஏதாவது தகவல் புத்தகம் இருக்கின்றதா? இல்லவே இல்லை யாருவந்து கேட்டாலும் மூவரும் மாறுபட்ட கருத்துகள்,மாறுபட்ட அறிக்கைகள் இதனால் பாதிக்கப்படுவது மக்கள் என்பதனை மறக்க வேண்டாம்.

அடுத்து யுத்தம் முடிவிற்கு வந்ததன் பிற்பாடு தமிழ் தேசிய கூட்டமைப்பு வன்னி பாராளுமன்ற என்று உறுப்பினர்கள் என்ற வகையில் மக்களின் பிரச்சினைகளை வெளிகொண்டுவருவதற்கென உங்கள் மூவரினாலும் மக்களை ஒன்று திரட்டி செய்யப்பட்ட அழுத்தசெயற்பாடுகள், செய்தியாளர் மகாநாடுகள், கிராம மட்டத்திலான கலந்துரையாடல்கள்,மாவட்ட மட்ட கலந்துரையாடல்கள் ஏதாவது செய்திருக்கின்றீர்களா? இல்லவே இல்லை அமைப்புக்கள், பாதிக்கப்பட்ட மக்கள், இல்லாவிடில் மனித உரிமை சார்ந்த சில அமைப்புகள் அழுத்த செயற்பாடுகளை செய்கின்ற போது நீங்கள் முன்னிற்கு படத்திற்கும், அறிக்கை விடுவதற்கும் தயாராக நிற்பீர்கள் அதில் வழு கெட்டிகாரர்கள் அதற்கு பாராட்டுக்கள்.

அடுத்து பாராளுமன்ற உறுப்பினர்களாகிய உங்களுக்கு அரசாங்கம் வருடா வருடம் தருகின்ற பண தொகை எவ்வளவு? அதனை எவ்வாறு செலவு செய்கின்றீர்கள்? யாருக்கு செலவு செய்கின்றீர்கள்? வரவு எவ்வளவு? செலவு எவ்வளவு? இதனை நீங்கள் யாராவது 10 வருடத்துக்குள் மக்களின் பார்வையில் படக்கூடிய வகையில் வெளியிட்டது உண்டா? நாங்கள் நினைக்கின்றோம் கடந்த ஆண்டு சிவசக்தி ஆனந்தன் ஐயா ஒரு தடவை வெளியிட்டதை உதயன் பத்திரிகையிலும், தினக்குரல் பத்திரிகையிலும் நாங்கள் பார்த்து அறிந்து கொண்டதோடு தொடர்ச்சியாக யாருடைய வரவு செலவு திட்டங்களையும் மக்களாகிய நாம் பார்வை இட்ட சந்தர்ப்பம் பூச்சியமாகதான் இருக்கிறதை அறிய முடிகின்றது.
எனவே mannar voice mannar குழுவினராகிய நாம் 16 கொள்கைகளை முன் வைத்திருக்கின்றோம். இதில் சில விடயங்கள் தேர்தலுக்கு முன்பாக செய்யப்பட வேண்டியவை, சில விடயங்கள் தேர்தலுக்கு பிற்பாடு செய்ய வேண்டியவை எனவே வன்னி மண்னை பொறுத்தவரையில் மக்களை வழிநடத்த வேண்டிய பொறுப்பும்,தார்மிக கடமையும் உங்கள் மூவருக்கும் முதல் இருந்தது. ஆனால் இந்த தேர்தலின் பிற்பாடு இருக்குமோ? இருக்காதோ? அது நீங்கள் தேர்தலுக்கு முன் நடந்து கொள்ளும் விதத்திலும், மக்கள் வாக்களிக்கும் விகிதாசாரத்திலும்தான் தங்கி இருக்கின்றது.

எனவே இனி உங்கள் கையில் தான் இருக்கின்றது. எமக்கு யார் வந்தாலும் மக்களுக்கு சேவை செய்கின்ற நல்ல சேவகனை எதிர்பார்ப்பதோடு உங்கள் பணி மக்கள் மத்தியில் துளிர் விட்டு எழும்ப வேண்டும் எனவும் mannar voice mannar குழு மக்கள் சார்பாக கேட்டு நிற்கின்றது.
(Mannar Voice Mannar)

அமைதி சமாதானம் ஜனநாயகம்

www.sooddram.com