இளம் ஈரானிய பெண்ணுக்கு மரண தண்டனை

தனக்கே சொந்தமான ஷியா இஸ்லாமிய மதக் கொள்கையினை அரசியல் ஆயுதமாக இன்றுவரை இஸ்லாமியப் புரட்சி காலத்தில் இருந்து ஈரானிய இஸ்லாமிய குடியரசு பாவித்து வருகின்றது. சோவியத் யூனியன் உலக நாடுகளுக்கு காட்டிக்கொடுத்த சோஷலிஸ அரசியல் போக்கில் பாரிய மாற்றங்கள் ஏற்படுவதற்கு எழுபது வருட காலங்கள் எடுத்தன. இமாம் கொமெய்னி அவர்கள் பிரான்ஸ் நாட்டில் இருந்து வரைந்த இஸ்லாமிய புரட்சியின் வரை படத்தில் ஏற்கனவே மாற்றங்கள் வளர ஆரம்பித்துள்ளன.  ஈரானின் அரசியல் வாழ்வில் இப்படியான சீர்திருத்தங்களுக்கு அடித்தளம் இட்டவராக ஜனாதிபதி முஹம்மத் ஹாத்தமி அவர்களை கூறலாம். இவர் சர்ச்சைக்குரிய மஹ்மூத் அஹமதி நஜாத் ஜனாதிபதிக்கு முன்னர் 1997 - 2005 வருட காலப்பகுதிகளில் இஸ்லாமிய குடியரசின் ஜனாதிபதியாக இருந்தவர்.

மனித உரிமைகள் விடயத்தில் இன்று பரவலாக பேசப்படும் நாடாக ஈரான் உள்ளது. இதற்கு முக்கிய காரணமாக விளங்குவது பல விடயங்களில் சரியான நீதியான தீர்ப்பு வழங்கப்படாது அப்பாவி ஈரானிய பிரஜைகள் அரசினால் நியமிக்கப்பட்ட ஒரு பக்கசார்பான நீதிபதிகளினால் திட்டமிடப்பட்டு பல வருடங்களுக்கு சிறைக்குள் தளப்படுவதும், வாழ வேண்டிய வயதில் உள்ள யுவதிகளும், இளைஞர்களும் சம்பந்தப்படாத குற்றங்களுக்காக மரண தண்டனையினை பெறுவதுமாகும்.

பிரதி வருடமும் ஈரானின் மரண தண்டனைக்கு ஆளாவோரின் தொகை அதிகரித்துக் கொண்டு வருகின்றது. கடந்த வருடம் சுமார் 369 ஆக இருந்த தொகை இந்த வருடத்தில் இது வரைக்கும் 585 ஆக உயர்ந்துள்ளது. வருடம் முடிவதற்குள் அதிகரிக்க கூடும். பாரபட்சமுறையில் இந்த நடவடிக்கைகள் மேற்கொள்ளப்படுவதை சர்வதேச மனித உரிமை அமைப்புகளும் சர்வதேச மன்னிப்புச் சபையும் எதிர்த்து வருகின்றன.

சமீபத்தில் மரண தண்டனைக்கு உள்ளான 26 வயதுடைய யுவதியான ரெஹானா ஜப்பாரியின் விடயம் பல நாடுகளில் முக்கியமான செய்தியாக வெளியிடப்பட்டது. இதற்கு காரணம் பல வருட காலமாக மறைத்து வைக்கப்பட்டிருந்த இந்த இளம் பெண்ணின் மறுபக்க உண்மைகளை ஈரானிய அரசாங்கம் வெளியிடாமல், இவர் மீது கொலை குற்றத்தை சுமத்தி மரண தண்டனையினை நிறைவேற்றியதாகும்.

ரெஹானா ஜப்பாரி என்ற இந்த இளம் பெண் 2007ம் ஆண்டு ஈரானிய பொலிஸாரினால் கைது செய்யப்பட்டு, இரண்டு மாத காலம் எந்த விதமான வெளியுலக தொடர்பும் இல்லாத நிலையில் அடைத்து வைக்கப்பட் டிருந்தார். இவரை கைது செய்தவுடனேயே ஈரானிய அதிகாரிகளும் அரசாங்கமும் தர்மசங்கடத்தில் மாட்டிக் கொண்டன. இருந்த போதிலும் கூட இவருக்கு மரண தண்டனை தீர்ப்பு 2009ஆம் ஆண்டு விதிக்கப்பட்டது.

இந்த தீர்ப்பினை எதிர்த்தும் கண்டித்தும் பல நடுநிலை அமைப்புக்களும் மனித உரிமை அமைப்புக்களும் செய்திகளை வெளியிட்டன. ஈரானின் உள்ளே இருந்து பலதரப்பட்ட மட்டங்களில் இருந்து நீதிபதியின் தீர்ப்பு பிழையானது என கூறப்பட்டது. இது மாபெரும் அழுத்தத்தை அரசுக்கு கொண்டு வந்ததன் காரணமாக தூக்கு தண்டனையினை குறிப்பிட்ட காலகட்டத்தில் நிறைவேற்றாமல் அதிகாரிகள் தள்ளிப்போட்டனர். இது ஒரு வகையில் ஒரு சின்ன ஆறுதல் தாயாருக்கும் நலன் விரும்பிகளுக்கு வழங்கியது.

கடந்த வாரம் தாஸ்னிம் என்ற செய்தி ஏஜன்ஸி இந்த இளம் பெண் ஜப்பாரியின் தூக்கு தண்டனை நிறைவேற்றப்பட்டதாக அறிவித்தது. இது பலருக்கும் ஆச்சரியத்தையும், அதிர்ச்சியையும் அனுதாபத்தையும் உண்டாக்கியது. ரெஹானா ஜப்பாரிக்கு அரசு மன்னிப்பு வழங்கும் என்று பலர் எதிர்பார்த்தனர். இவர் மீது எந்தவித குற்றமும் இல்லை என்பதை அரசும் நீதிபதியும் தெளிவாக விளங்கியுள்ளனர் என்பது பொதுமக்களுக்கு நன்றாகத் தெரிந்த விடயமாக இருந்தது.

எவர் மீதாவது பழியை சுமத்தி தண்டனையினை நிறைவேற்ற வேண்டும் என்ற எண்ணத்தின் அடிப்படையிலேயே இந்த தண்டனை இவர் மீது நிறைவேற்றப்பட்ட ஈரானிய உளவறியும் - இரகசிய பொலிஸ் உத்தியோகத்தர் ஒருவரை இவர் கொலை செய்தார் என்ற குற்றம் சுமத்தப்பட்ட அரச தரப்பிலான இந்த பொலிஸ் அதிகாரி செய்ய முயற்சி செய்த குற்றத்திற்காக எவரும் பேசுவதாக இல்லை. அந்த இரகசிய பொலிஸ் அதிகாரியின் பெயர் முர்திஸா அப்துலிப் சர்பன்தி என்பதாகும்.

ஈரானிய அரசியல் கொள்கை களுக்கும் இஸ்லாமிய ஷரீஆ சட்டங்களுக்கும் மாறுபட்ட தீர்ப்பே இந்த பெண்ணுக்கு வழங்கப்பட்டது. இவரது தூக்கு தண்டனையை அமெரிக்கா, பிரிட்டன் மற்றும் ஐரோப்பிய நாடுகள் பகிரங்கமாக விமர்சித்தன.

ஏனைய இஸ்லாமிய அரபு நாடுகளை போன்று இஸ்லாமிய குடியரசு என்று உலகிற்கு தன்னை அறிமுகப்படுத்திக் கொண்டுள்ள ஈரான் இஸ்லாத்தில் கூறப்படாத சட்டங்களையும் தீர்ப்புக்களையும் நடைமுறைப்படுத்தி வருகின்றது.

கற்பழிப்பு செய்த ஒருவனுக்கு இஸ்லாமிய சட்டத்தினை முற்று முழுதாய் கடைபிடிக்கும் ஈரான் ஏனோ இந்த யுவதியின் விவகாரத்தில் சரியான தீர்ப்பினை வழங்கி விடுவிக்காமல் ஜப்பாரியை தூக்கிலிட்டது. இவரை கற்பழிப்பு செய்ய முயன்ற அரச உத்தியோகஸ்தரான சர்பத்தியின் குற்றத்தினை ஏன் ஏற்றுக்கொள்வதில்லை.

ரெஹானா ஜப்பாரி தன்னையும் கற்பையும் காப்பாற்றிக் கொள்ள எடுத்த தற்பாதுகாப்பு நடவடிக்கையின் காரணமாக மூன்றாவது நபர் ஒருவரினால் காமுகன் சர்பன்தி கொலை செய்யப்பட்டான். பலாத்காரத்தினூடாக இப்பெண்ணின் கற்பை சூறையாட காடையன் சர்பன்தி முயற்சிகளையும், பிரயத்தணங்களையும் எடுத்ததன் காரணமாக ஏற்பட்ட கைகலப்பில் மூன்றாவது நபர் ஒருவரின் கத்திக்குத்தினால் இக் காடையன் சர்பன்தி கொல்லப்பட்டான். இங்கு அரசாங்கத்தின் கடமையினை வேறு ஒருவர் செய்துள்ளார். இதேநேரம் இந்த கற்பழிப்பு நடந்திருந்தாலும் கூட இஸ்லாமிய ஈரானிய அரசாங்கம் தனது அதிகாரியினை குற்றவாளியாக கண்டிருக்காது. மாறாக இங்கு தூக்கிலிடப்பட்ட ரெஹானாவையே குற்றவாளியாக கண்டிருக்கின்றது. இன்றைய ஈரானின் அப்பட்டமான மனித உரிமை மீறல்கள். இது தெட்டத்தெளிவான உதாரணமாகும்.

கடைசி வரையும் தனது நியாயமானதும் நீதியானதுமான காரணங்களை விளக்கியும் கூட ஜப்பாரிக்கு நீதி கிடைக்கவில்லை. தவறு செய்த தனது அரசு அதிகாரி கொலை செய்யப்பட்டது. பெண்ணின் கெளரவத்திற்கும் கற்புக்கும் ஏற்படவிருந்த கொடுமையினை அது துச்சமாக மதித்த பொதுமக்களுக்கு இன்று ஈரானிய இஸ்லாமிய குடியரசில் அரசாங்கத்தின் அதிகாரிகளுக்கு அதுவும் குறிப்பாக அரசாங்க இயந்திரத்தை இயங்க வைக்கும் ஈரானின் இரகசிய பொலிஸ் படைகளுக்கு எந்த நேரமும் நல்ல முடிவுகளையே வழங்கும் சட்டங்கள் இவர்களுடன் மோதிக்கொள்வது அரசாங்கத்தை அவ்வளவு நன்மையினை கொண்டுவராது.

உத்தியோகபூர்வமாக அறிவிக்கப்படாத எத்தனையோ மரண தண்டனைகள் ஈரானில் உள்ளன. இது தொடர்பாக அலட்டிக் கொள்ளவோ தகவல்களை வெளியிடவோ அரசாங்கத்திற்கு கால நேரங்கள் இல்லை. அணிவாயுத விவகாரத்தில் கூடுதலான அக்கறை செலுத்துவதால் இன்னும் பல இளம் ரெஹானா ஜப்பாரிக்கள் தூக்கு மேடைக்கு முன்வரும் காலங்களில் செல்லாம்.

பஸ்லி எம். அவ்பு...- (எம்.ஏ.மொஸ்கோ