நாட்டிற்கு தேவையான நற்குணசீலர்களை பல்கலைக்கழகங்கள் உருவாக்கும்

இலங்கையின் பல்கலைக்கழகங்களுக்கு வருடா வருடம் சேர்த்துக் கொள்ளப்படும் சுமார் 20 ஆயிரம் புதிய பட்டதாரி மாணவ மாணவிகளுக்கு நாட்டின் பண்டைய பாரம்பரியம், கலாசாரத் திற்கு ஏற்புடைய வகையில் சிறந்த கல்வியை மட்டுமன்றி, நல்ல பிர ஜைகளாக மாற்றி பல்கலைக்கழகங்களிலிருந்து வெளியேறி, நாட்டி ற்கு சேவை செய்யும் நாட்டுப்பற்றுள்ளவர்களாக உருவாக்குவதற்கான பாரிய திட்டம் ஒன்றை உயர் கல்வி அமைச்சர் எஸ். பி. திஸாநாயக்க தயாரித்துள்ளார்.

சுமார் 50, 60 ஆண்டுகளுக்கு முன்னர் எமது பல்கலைக்கழகங்கள் எமது நாட்டிற்கே பெருமை தேடிக் கொடுக்கும் அடையாள சின்னங்களாக விளங்கின. அன்றைய காலகட்டத்தில், பல்கலைக்கழகங்களிலிருந்து பட்டம் பெற்று வெளியேறியவர்கள் எங்கள் நாட்டின் அரசியல், கலா சார, கல்வி, வைத்தியம், பொறியியல், கணக்காய்வு, நீதித்துறை ஆகி யவற்றில் உயர் பதவிகளை வகித்து, நாட்டின் கலாசாரத்திற்கும், நாகரீ கத்திற்கும், வளர்ச்சிக்கும், அபிவிருத்திக்கும் பெருமை தேடி கொடு த்தார்கள்.

1956ஆம் ஆண்டிற்கு பின்னர், எமது பல்கலைக்கழகங்களில் இருந்து வந்த இந்த ஒழுக்கமும், கட்டுப்பாடும், சீர்குலைந்து போய் பல்கலைக் கழகங்கள் வன்முறைகளை தூண்டிவிடும் கேந்திர நிலையங்களாக சில அரசியல் வாதிகளின் கைப்பொம்மைகளாக மாறி, நாட்டிற்கே அவ மானச் சின்னங்களாக மாற்றம் கண்டன. இதனால்தான் அடிக்கடி பல் கலைக்கழகங்களில் மாணவர் பிரிவுகளிடையே கைகலப்புகளும், இர த்தக் கலரிகளும் ஏற்படுகின்றன.

1940ஆம் ஆண்டு தசாப்தத்திலும் மற்றும் 1950ஆம் ஆண்டு தசாப்தத் தின் ஆரம்பத்திலும் பல்கலைக்கழக மாணவர்கள் மத்தியில் நாட்டில் புரட்சி செய்ய வேண்டும் என்ற உத்வேகம் இருந்த காரணத்தினால், சில சமூக சீர்திருத்த போராட்டங்களை அமைதியான முறையில் வன் முறைகளின்றி ஒழுக்கமாக நடத்தினார்கள். அன்று பல்கலைக்கழக மாணவ, மாணவியர் தங்களை இடதுசாரிகள் என்று வர்ணம் தீட்டிக் கொண்டு, இத்தகைய ஆர்ப்பாட்டங்களை செய்வதுண்டு. ஓரிரு சந் தர்ப்பங்களில் அவர்கள் பொலிஸாருடன் சிறு மோதல்களில் ஈடுபட் டாலும், அவை என்றுமே விஸ்வரூபம் எடுத்து நாட்டின் அமைதிக் கும், சட்டத்திற்கும் அச்சுறுத்தலை ஏற்படுத்தவில்லை.

இவ்விதம் தங்களை இடதுசாரி சீர்திருத்தவாதிகள் என்று அழைத்துக் கொண்டு, பல்கலைக்கழகத்தில் கல்வி கற்றவர்களில் பெரும்பாலா னோர் பட்டம் பெற்று வெளியேறியவுடன், அரசாங்கத்திலும், தனியார் துறையிலும், ஆயுதப்படைகளிலும், பொலிஸ் திணைக்களத் திலும் உயர்பதவிகளை வகித்தார்கள். பலர் நாட்டின் தலைசிறந்த வைத்திய நிபுணர்களாகவும், பொறியியலாளர்களாகவும், கணக்காளர்க ளாகவும், கல்விமான்களாகவும் நாட்டிற்கு தங்களுடைய பழைய இடதுசாரி இலட்சியங்களை அடியோடு கைவிட்டு மகத்தான பங்களி ப்பை வழங்கினார்கள்.

இதுபோன்று, ஒரு புதிய நல்லொழுக்க கலாசாரத்தை மீண்டும் எமது பல் கலைக்கழகங்களில் உருவாக்கும் எண்ணத்துடன், உயர் கல்வி அமை ச்சர் எஸ். பி. திஸாநாயக்க, பல்கலைக்கழகங்களில் ஒவ்வொரு ஆண் டும் புதிதாக சேர்ந்துகொள்ளும் சுமார் 20,000 பட்டதாரி மாணவ, மாணவிகளுக்கு 3 மாதகால தலைமைத்துவ பயிற்சி பாசறை ஒன்றை ஒழுங்கு செய்து அவர்களின் செயற்திறனையும், நல்லோழுக்கத்தை யும் மெருகூட்டுவதற்கான திட்டம் ஒன்றை விரைவில் நடைமுறைப் படுத்தவுள்ளார். இத்துடன், இவர்களுக்கு பட்டதாரி கல்வி ஆரம் பிப்பதற்கு முன்னர் சுமார் ஒரு மாத காலத்திற்கு ஆங்கில மொழியில் விசேட பயிற்சி வகுப்புகளும் ஒழுங்கு செய்யப்படும்.

இந்த பயிற்சி பாசறைகளுக்கு ஆயுதப்படை உயரதிகாரிகளும் பூரண அனுசரணை அளிப்பதற்கு முன்வந்துள்ளார்கள். இந்த முயற்சியின் ஊடாக பல்கலைக்கழகங்களை அரசியல் பிரசார மேடைகளாக மாற் றும் தீய சக்திகளின் கொட்டத்தை அடக்குவதற்கும் அமைச்சர் நடவ டிக்கை எடுத்துள்ளார். பல்கலைக்கழகங்களிலிருந்து நற்குணசீலர்க ளாக பட்டம் பெற்று வெளியேறும் மாணவ, மாணவிகளுக்கு அர சாங்க நிர்வாக சேவையிலும், தனியார் மற்றும் வெளிநாட்டு வங்கிக ளிலும், தனியார் துறையிலும், பல்தேச நிறுவனங்களிலும் உயர் பதவி களை பெற்றுக்கொடுக்க வேண்டும் என்ற ஜனாதிபதி மஹிந்த ராஜபக்ஷ அவர்களின் மஹிந்த சிந்தனை எண்ணக்கருவை நனவாக் குவதே உயர் கல்வியமைச்சர் எஸ். பி. திஸாநாயக்கவின் இலட்சிய மாக அமைந்துள்ளது.

இதுபோன்று உயர் கல்வி கற்க வேண்டும் என்ற ஆர்வத்துடன் கல்வித் தகைமை பெற்றுள்ள பல்லாயிரக்கணக்கான எமது நாட்டு இளைஞர்க ளுக்கும், யுவதிகளுக்கும் உதவும் முகமாக உயர் கல்வியமைச்சு தனது நேரடி கண்காணிப்பின் கீழ் வெளிநாட்டு பல்கலைக்கழகங்க ளும் இங்கு உயர் கல்வியை வழங்குவதற்கான வளாகங்களை திற ந்து, அவர்களுக்கும் உயர் கல்வியை பெற்றுக்கொடுப்பதற்கு ஒழுங்கு களை செய்து வருகிறார். அமைச்சர் எடுக்கும் இந்த முயற்சிகளினால் இலங்கையிலுள்ள பல்கலைக்கழகங்களும், உயர் கல்வியை புகட்டும் வெளிநாட்டு அமைப்புக்களும், உலகிலுள்ள மிகச் சிறந்த 1000 பல் கலைக்கழகங்களின் தரத்திற்கு எமது நாட்டின் பல்கலைக்கழகங்களின் கல்வித்தரத்தையும், ஒழுக்கத்தையும் வளர்ப்பதற்கு எடுத்து வரும் முயற்சிகள் நிச்சயம் வெற்றியடையும் என்று நாம் நம்புகிறோம்.