Contact us at: sooddram@gmail.com

 

பிர்லா தப்பியோட வாஜ்பாய் உதவி!

(அருணன்)

இந்தியக் கம்பெனிச் சட்டத்தின்படி அரசி யல் கட்சிகளுக்கு கம்பெனிகள் நன்கொடை தரக்கூடாது என்றிருந்தது. 1977 தேர்தல் அறிவிக் கப்பட்டிருந்தது. இந்தச்சட்டத்தை மீறி காங் கிரசுக்கு எப்படி நிதி திரட்டுவது என்று யோசித் தார் கே.கே. பிர்லா. இதற்கு அவர் கண்டுபிடித்த வழிதான் அகில இந்திய காங்கிரஸ் கமிட்டி சார் பில் சிறப்பு மலர்கள் வெளியிடுவது. மலர் என் றால் ஒன்று இரண்டல்ல, அனைத்து முக்கிய மொழிகளிலும் 90 மலர்கள் கொண்டுவரப்பட் டது. போதாக்குறைக்கு மாநில அளவிலும் இந்தக் காரியம் நடந்தது. இதுபற்றி அவர் கூறுவது-

“இந்தச் சிறப்பு மலர்களில் விளம்பரங்கள் தருவது சட்டப்பூர்வமற்றது அல்ல. நானும் ராமா கோயங்காவும் நாட்டின் சில முன்னணி வழக் கறிஞர்களைக் கலந்தாலோசித்தோம்.
அவர்க ளும் இந்தக் கருத்தையே கூறினார்கள். இந்த விஷயத்தில் திருப்தியான பிறகு தீவிரமாகக் காரியத்தில் இறங்கினோம். ஆனால் யாரையும் நிர்ப்பந்திக்காமல்”.

இதன் பொருள் தெளிவானது. இந்திரா காங் கிரசுக்கு தேர்தல் செலவுக்காக பிர்லா தலைமை யில் பெருமுதலாளிகள் கூட்டம் ஒன்று பல கோடி ரூபாய் திரட்டித் தந்தது. சட்டத்தின் பிடி யிலிருந்து தப்பிக்க “சிறப்பு மலர்களில் கம்பெனி விளம்பரம்” என்று ஒரு குறுக்கு வழியைக் கண்டுபிடித்தார்கள். இப்படியாக மீண்டும் இந் திராவின் ஆட்சியைக் கொண்டுவரப் பார்த்தார் கள். வந்திருந்தால் மீண்டும் அவசரநிலைக் காட்டாட்சி தொடர்ந்திருக்கலாம். அதுவே இந்தப் பெருமுதலாளிகளுக்கு வேண்டியிருந்தது.

நல்லவேளையாக வட இந்தியாவில் பெரும் எழுச்சி ஏற்பட்டு காங்கிரஸ் தோற்கடிக்கப் பட்டது. தேர்தலில் இந்திராவும், சஞ்சய்யும் கூடத் தோற்றுப்போனார்கள். மொரார்ஜி தேசா யைப் பிரதமராகக் கொண்டு ஜனதா கட்சி ஆட்சி உருவாகியிருந்தது. அந்த ஜனதா கட்சி யில் ஸ்தாபனக் காங்கிரஸ், ஜனசங்கம், லோக் தளம் என்று பல கட்சிகளும் சேர்ந்திருந்தன. சவுத்திரி சரண்சிங்தான் உள்துறை அமைச்சர். அவர் சர்வாதிகார ஆட்சி செய்த இந்திரா மீது மட்டுமல்ல, அவருக்கு நிதி உள்ளிட்ட சகல உதவிகளையும் செய்த பிர்லா மீதும் கோபமாக இருந்தார். கம்பெனிச்சட்டத்தை மீறி குறுக்கு வழியில் நிதி வசூலித்துக்கொடுத்த விவகாரத்தை எடுத்துக் கொண்டார்.

சிபிஐ- மத்திய புலனாய்வுத்துறை- விசார ணைக்கு உத்தரவிட்டார். பிர்லா வெளிநாடு செல் லாமலிருக்க வேண்டும் என்பதற்காக அவரது பாஸ்போர்ட்டை முடக்கவும் முடிவு செய்தார். ஆனால் அதைச் செய்ய வேண்டியது வெளியு றவுத்துறை. அதற்கு மந்திரி அடல் பிகாரி வாஜ் பாய். அவரது துறையிடம் உள்துறை அதிகாரிகள் கூறினார்கள். ஆனால் நடந்தது என்ன தெரி யுமா? பிர்லா கூறுகிறார் - “இதுபற்றி அரசல் புரச லாகக் கேள்விப்பட்ட நான் அடல்ஜியை உடனே சந்தித்தேன். அவர் எந்த நடவடிக்கையும் எடுக்க வேண்டாம் என்று தனது துறையினருக்கு உத்தர விட்டார். கடைசியில் சவுத்திரி சாகேபே நேரடி யாக அடல்ஜியிடம் பேசினார். பாஸ்போர்ட்டை முடக்கி வைக்கிற அளவுக்கு திட்டவட்டமான புகார் கூறப்படாதவரை இதற்கு ஒப்புக் கொள்ள மறுத்துவிட்டார் அடல்ஜி”.

ஜனதா கட்சி ஆட்சி வந்த பிறகும் அரசாங்கத் தில் என்ன நடக்கிறது என்பது பிர்லாவுக்குத் தெரிந்தது. உள்துறை மந்திரியின் வேண்டு கோளை நிராகரிக்கிற அளவுக்கு வெளியுறவுத் துறை மந்திரியின் அன்பைப் பெற்றிருந்தார் பிர்லா! அவரோ இந்திராவின் கையாள்! உருப்படுமா ஜனதா ஆட்சி? இந்த விஷயத்தில் இதுவல்ல உச்ச கட்டக் காட்சி. அது இனிமேல் தான் வரப்போகிறது.

பிர்லாவின் பாஸ்போர்ட்டை முடக்குவதில் தோல்வி கண்ட சரண்சிங், விஷயத்தை அந்த அளவில் விட்டுவிடவில்லை. காங்கிரசுக்கு சட்ட விரோதமாகப் பணம் திரட்டித் தந்த விவகா ரத்தில் அவரைக் கைது செய்து விசாரிக்க முடிவு செய்தார். இது பற்றிய நம்பகமான தகவல் முன் கூட்டியே வந்து விட்டது பிர்லாவுக்கு. அவர் தரப்பு நடவடிக்கை-” நான் முதலில் அடல்ஜி யைச் சந்தித்தேன். நிலைமை எப்படி இருக்கி றது என்று கேட்டேன். நிலைமை மோசமாகத் தான் இருக்கிறது என்றும், எந்த நேரத்திலும் நான் கைதாகப்படலாம் என்றும் அவர் கூறினார்”.

இதனால் தனது தந்தையார், மனைவி உட் பட குடும்பத்தார் எல்லாம் எப்படி பரிதவித்தார் கள், பதைபதைத்தார்கள் என்று விரிவாக எழுதி யிருக்கிறார் பிர்லா. கோடீஸ்வரர் வீடு என்றாலும் பிரச்சனை பிரச்சனைதான். தாங்க முடியவில் லை மனிதருக்கு. என்ன செய்தார் தெரியுமா? “1977 செப்டம்பர் 10 ம் தேதி வாக்கில் நான் அடல்பிகாரி வாஜ்பாயைச் சந்தித்தேன். வெகு சீக்கிரத்தில் என் மீது சவுத்திரி நடவடிக்கை எடுக்கலாம் என்று அவர் தெரிவித்தார். இந்த அபாயத்தைத் தடுப்பது பற்றி நான் என்ன திட்டம் வைத்திருக்கிறேன் என்று கேட்டார். நான் எது வும் செய்வதாக இல்லை என்றும், முதலில் சவுத் திரி சாகேப் நடவடிக்கை எடுக்கட்டும், பிறகு பார்க்கலாம் என்றிருப்பதாகவும் கூறினேன். வெளிநாடு போகிற திட்டம் ஏதும் இருக்கிறதா என்று கேட்டார் அடல்ஜி. இந்த மாத இறுதியில் அப்படிப் போகிற திட்டம் இருப்பதாக அடல் ஜியிடம் கூறினேன். அடல்ஜி பின்னர் தனது திட் டத்தைக் கூறினார். அப்படிப் போகிறத் திட்டம் இருக்கிறதென்றால் ஏன் உடனடியாகப் போகக் கூடாது என்றார்.”

இது சுத்தமான உள்குத்து வேலை. உள் துறை அமைச்சர் என்ன திட்டம் போட்டிருக் கிறார் என்பதை வெளியுறவுத்துறை அமைச்சர், சம்பந்தப்பட்டவரிடம் சொல்லி விடுகிறார். அது மட்டுமல்ல, உள்துறை அமைச்சரின் திட்டத் தை முறியடிப்பது எப்படி என்று வெளியுறவு அமைச்சரே பிரமாதமாக ஐடியா தருகிறார்! வெளிநாட்டுக்கு ஓடச் சொல்கிறார்! வெளியுற வுத் துறை அமைச்சர் அல்லவா? ஆர்.எஸ்.எஸ். பரிவாரத்தவர் பெரு முதலாளிகளின் கையாட் கள் என்பதை நிரூபித்தார். இவரைத்தான் “ஜென் டில்மேன்” என்றார் கலைஞர்!

வாஜ்பாய் சொன்னபடி செய்ய முடிவு செய் தார் பிர்லா. இதை இந்திரா காந்தியிடமும் சொன் னார். “அடல்ஜியின் ஆலோசனைப்படி நடக்கு மாறு அவரும் கூறினார்” என்கிறார் பிர்லா. இந்தி ராவும், வாஜ்பாயும் ஒருவருக்கொருவர் எதிரிகள் என்று கூறப்படுகிறது. அவர்களோ பெருமுதலாளி பிர்லாவைக் காப்பாற்ற ஒரே மாதிரியாகச் சிந் தித்தார்கள், வழி சொன்னார்கள். காங்கிரசும், பாஜகவும் அடிப்படையில் பெரு முதலாளி களின் கட்சி எனும் மார்க்சியக் கணிப்பிற்கு இது வொரு கச்சிதமான எடுத்துக்காட்டு. முடிவில் பிர்லா அமெரிக்கா போய்ச் சேர்ந்தார்.

அமெரிக்காவில் இவர் இருந்த போது, வாஜ் பாய் ஐ.நா. சபைக் கூட்டம் ஒன்றில் கலந்து கொள்ள நியூயார்க் போனார். அங்கு அவரைச் சந்தித்தார் பிர்லா. தனக்கு உதவி செய்ததற்காக அவருக்கு நன்றி தெரிவித்தார். அப்புறம் நடந் தது- “ எப்போது இந்தியா திரும்ப உத்தேசம் என்று கேட்ட அடல்ஜி, தன்னிடமிருந்து தகவல் வரும் வரை இந்தியா திரும்ப வேண்டாம் என்று ஆலோசனை கூறினார். “உண்மையிலும் அவரி டமிருந்து சமிக்ஞை வந்த பிறகு தான் இந்தியா திரும்பினார் பிர்லா. பல கோடி இந்தியர்களுக் காக மத்திய மந்திரிகள் மாடாய் உழைத்து ஓடாய்த் தேய்வதாக நினைத்துக் கொண்டிருக்கிறோம், அவர்களது வேலையைப் பார்த்தீர்களா?

இவ்வளவு சேவை செய்த வாஜ்பாய்க்கு பிர்லா எவ்வளவு நன்றியுடையவராக இருக்க வேண்டும்? இருந்தார். இதோ அவரே கூறுகிறார் - “1980 ல் இந்திராஜி மீண்டும் அதிகாரத்திற்கு வந்த பிறகு, நெருக்கடியான நேரத்தில் என்னிடம் அன்பையும் அபிமானத்தையும் காட்டிய அடல் ஜியோடு என்னுடைய தொடர்பை விடாது பரா மரிப்பேன் என்று அவரிடம் கூறினேன்”. இந்திரா ஜிக்கு இதில் என்ன பிரச்சனை? எல்லாம் ஒரே வர்க்கம் தானே!

சஞ்சய் காந்தி விமான விபத்தில் மரித்ததும் இந்திராவுக்கு வாரிசு அரசியலுக்கு ஆள் தேவைப் பட்டது. ராஜீவ்காந்தி தயங்கி நின்றார். அவரைத் தயார்ப்படுத்த இந்திரா தேர்வு செய்த சில நபர்க ளில் முக்கியமானவர் பிர்லா. அடுத்த பிரதமரைத் தயார் செய்யும் வேலை அவருக்கு. அவர் எழுது கிறார்- “சஞ்சயின் மரணம் நிகழ்ந்த இரு வாரங் களுக்குள் நடந்த இந்திராஜியுடனான எனது சந்திப்புகளில் ஒன்றில் ராஜீவை இண்டியன் ஏர்லைன்சின் பைலட் வேலையை விட்டு விட்டு, அரசியலில் இறங்கச் செய்ய வேண்டும் என்றேன்... ராஜீவோடு நான் பேசிப் பார்க்கட் டுமா என்று இந்திராஜிடம் கேட்டேன். ஏற்கெ னவே தனது நண்பர்கள் பலரை ராஜீவிடம் பேசச் சொன்னதாகக் கூறியவர் என்னையும் பேசச் சொன்னார். நானும் ஒப்புக்கொண்டு, ராஜூவோடு பேசினேன்.”

ஜனநாயகம் பற்றி முதலாளிகளும் அவர்களது ஊடகங்களும் வெளியே பிரமாதமாகப் பேசுகி றார்கள். உள்ளேயோ வாரிசு அரசியலுக்கு இவர் களே வழி சொல்லித் தந்தார்கள். ஒரு மகன் இறந்து இரண்டு வாரம் கூட ஆகவில்லை, அதற்குள் இன்னொரு மகனைத் தயார் செய்ய முடிவு செய் தார் தாயார். இதற்குப் பெரிதும் உத்வேகமாக இருந்தவர் பெரு முதலாளி பிர்லா. இது அவரே சொல்வது! இந்திராகாந்தி படுகொலை செய்யப் பட்டபோது ஏன் ராஜீவ்காந்தி சர்வ சாதாரண மாகப் பிரதமர் நாற்காலியில் அமர்ந்தார் என்பது இப்போது புரிகிறது!

இதற்கெல்லாம் பெரு முதலாளிகளுக்கு கிடைத்த கைம்மாறு என்ன? எத்தனையோ! அதில் ஒன்றை பிர்லா சொல்லியிருக்கிறார். அது 1977 தேர்தலின் போது நடந்தது. அதில் எளிதாக வெற்றி பெற- தேர்தல் உத்தியாக- சில முக்கிய மான தொழில்களை நாட்டுடைமையாக்க பிரதமர் இந்திரா திட்டமிட்டிருப்பதாகக் கேள்விப்பட்டு முதலாளிமார்கள் பலரும் அதிர்ந்து போனார்கள். அவர்கள் எல்லாம் திரண்டு வந்து பிர்லாவிடம் முறையிட்டார்கள். அவரும் உடனடியாக சஞ் சய் காந்தியைச் சந்தித்து விஷயத்தைச் சொன் னார். பிறகு? “இந்திராஜியுடனான சந்திப்புக்கு அவர் ஏற்பாடு செய்தார். அந்தக் குறுகிய சந்திப் பில் அந்த வதந்தி பற்றி அவரிடம் கூறினேன். அவர் பொறுமையாகக் கேட்டார், ஆனால் ஒன்றும் பதில் சொல்லவில்லை. ஆனால் எந்தத் தொழி லும் நாட்டுடைமையாக்கப்படவில்லை. அந்த வதந்திக்கு ஏதேனும் அடிப்படை உண்டா, இல்லையா என்பது அந்த ஆண்டவனுக்கே வெளிச்சம்.”

இடதுசாரிப் பாதையில் திரும்ப இலேசான எண்ணம் பிரதமருக்கு வந்தால் கூட அதை ஒழித்துக்கட்ட முடிந்தது பிர்லாவாலும் அவரது திருக்கூட்டத்தாலும். இப்படி அரசின் கொள்கை களைத் தீர்மானித்தார்கள் பெரு முதலாளிகள். இதிலே கே.கே.பிர்லாவுக்குத் தனிப்பட்ட அரசி யல் லாபம் ஏதேனும் இருந்ததா? இருந்தது. அதுதான் எம்.பி. பதவி!

1984 ஏப்ரலில் ராஜஸ்தானிலிருந்து மாநிலங் களவைத் தேர்தல் நடந்த போது அதில் நிற்கத் தயாரானார் பிர்லா. மூன்று இடங்களுக்கான தேர் தலில் இரண்டுக்கு காங்கிரஸ் சார்பில் வேட்பா ளர்கள் நிறுத்தப்பட்டார்கள். காங்கிரஸ் ஆதரவுட னான சுயேச்சை வேட்பாளராக பிர்லா நிறுத்தப் பட்டார். முடிவு என்னாயிற்று என்றால், இந்த “சுயேச்சைக்கு” காங்கிரஸ் எம்.எல்.ஏக்கள் விழுந்து விழுந்து ஓட்டுப் போட்டார்கள். மிக அதிகமான வாக்குகள் பெற்று பிர்லா ஜெயித்து விட்டார். ஒரு காங்கிரஸ் வேட்பாளருக்குத்தான் இழுபறியாகி விட்டது. பிறகு எப்படியோ தப்பிப் பிழைத்தார் அவர்! இந்திரா- ராஜீவ் இவருக்குச் செய்த கைம்மாறு இது.

இப்படியாக பெரு முதலாளிகளுக்கும் இந்த நாட்டின் ஆட்சியாளர்களுக்கும் இடையே வலுவான கொடுக்கல், வாங்கல் இருந்தது. அது இப்போதும் தொடர்கிறது, மேலும் வலுவாகிறது. திமுக போன்ற பிராந்தியக் கட்சிக்குள்ளும் அவர் களது சாம்ராஜியம் புகுந்துவிட்டது. “ஏழையின் சிரிப்பில் இறைவனைக் காண்போம்” என்றார் அண்ணா. கலைஞரோ, டாடாவின் சிரிப்பில் சக லத்தையும் காண்பதாகப்படுகிறது. “கலிகாலம்” என்பது இதுதான் போலும்!

 

உனக்கு நாடு இல்லை என்றவனைவிட நமக்கு நாடே இல்லை என்றவனால்தான் நான் எனது நாட்டை விட்டு விரட்டப்பட்டேன்....... 

 


rajaniThiranagama_1.jpg

ராஜினி திரணகம

MBBS(Srilanka)

Phd(Liverpool, UK)

'அதிர்ச்சி ஏற்படுத்தும் சாமர்த்தியம் விடுதலைப்புலிகளின் வலிமை மிகுந்த ஆயுதமாகும்.’ விடுதலைப்புலிகளுடன் நட்பு பூணுவது என்பது வினோதமான சுய தம்பட்டம் அடிக்கும் விவகாரமே. விடுதலைப்புலிகளின் அழைப்பிற்கு உடனே செவிமடுத்து, மாதக்கணக்கில் அவர்களின் குழுக்களில் இருந்து ஆலோசனை வழங்கி, கடிதங்கள் வரைந்து, கூட்டங்களில் பேசித்திரிந்து, அவர்களுக்கு அடிவருடிகளாக இருந்தவர்கள்மீது கூட சூசகமான எச்சரிக்கைகள், காலப்போக்கில் அவர்கள்மீது சந்தேகம் கொண்டு விடப்பட்டன.........'

(முறிந்த பனை நூலில் இருந்து)

(இந் நூலை எழுதிய ராஜினி திரணகம விடுதலைப் புலிகளின் புலனாய்வுப் பிரிவின் முக்கிய உறுப்பினரான பொஸ்கோ என்பவரால் 21-9-1989 அன்று யாழ் பல்கலைக்கழக வாசலில் வைத்து சுட்டு கொல்லப்பட்டார்)

Its capacity to shock was one of the L.T.T.E. smost potent weapons. Friendship with the L.T.T.E.  was a strange and self-flattering affair.In the course of the coming days dire hints were dropped for the benefit of several old friends who had for months sat on committees, given advice, drafted latters, addressed meetings and had placed themselves at the L.T.T.E.’s  beck  and call.

From:  Broken Palmyra

வடபுலத் தலமையின் வடஅமெரிக்க விஜயம்

(சாகரன்)

புலிகளின் முக்கிய புள்ளி ஒருவரின் வாக்கு மூலம்

பிரபாகரனுடன் இறுதி வரை இருந்து முள்ளிவாய்கால் இறுதி சங்காரத்தில் தப்பியவரின் வாக்குமூலம்

 

தமிழகத் தேர்தல் 2011

திமுக, அதிமுக, தமிழக மக்கள் இவர்களில் வெல்லப் போவது யார்?

(சாகரன்)

என் இனிய தாய் நிலமே!

தங்கி நிற்க தனி மரம் தேவை! தோப்பு அல்ல!!

(சாகரன்)

இலங்கையின் 7 வது பாராளுமன்றத் தேர்தல்! நடக்கும் என்றார் நடந்து விட்டது! நடக்காது என்றார் இனி நடந்துவிடுமா?

(சாகரன்)

வெல்லப்போவது யார்.....? பாராளுமன்றத் தேர்தல் 2010

(சாகரன்)

பாராளுமன்றத் தேர்தல் 2010

தேர்தல் விஞ்ஞாபனம்  - பத்மநாபா ஈழமக்கள் புரட்சிகர விடுதலை முன்னணி

1990 முதல் 2009 வரை அட்டைகளின் (புலிகளின்) ஆட்சியில்......

நடந்த வன்கொடுமைகள்!

 (fpNwrpad;> ehthe;Jiw)

சமரனின் ஒரு கைதியின் வரலாறு

'ஆயுதங்கள் மேல் காதல் கொண்ட மனநோயாளிகள்.' வெகு விரைவில்...

மீசை வைச்ச சிங்களவனும் ஆசை வைச்ச தமிழனும்

(சாகரன்)

இலங்கையில்

'இராணுவ' ஆட்சி வேண்டி நிற்கும் மேற்குலகம்,  துணை செய்யக் காத்திருக்கும்; சரத் பொன்சேகா கூட்டம்

(சாகரன்)

ஜனாதிபதி தேர்தல்

எமது தெரிவு எவ்வாறு அமைய வேண்டும்?

பத்மநாபா ஈபிஆர்எல்எவ்

ஜனாதிபதித் தேர்தல்

ஆணை இட்ட அதிபர் 'கை', வேட்டு வைத்த ஜெனரல் 'துப்பாக்கி'  ..... யார் வெல்வார்கள்?

(சாகரன்)

சம்பந்தரே! உங்களிடம் சில சந்தேகங்கள்

(சேகர்)

அனைத்து இலங்கைத் தமிழர்களும் ஒற்றுமையான இலங்கை தமது தாயகம் என மனப்பூர்வமாக உரிமையோடு உணரும் நிலை ஏற்பட வேண்டும்.

(m. tujuh[g;ngUkhs;)

தொடரும் 60 வருடகால காட்டிக் கொடுப்பு

ஜனாதிபதித் தேர்தலில் தமிழ் மக்கள் பாடம் புகட்டுவார்களா?

 (சாகரன்)

 ஜனவரி இருபத்தாறு!

விரும்பியோ விரும்பாமலோ இரு கட்சிகளுக்குள் ஒன்றை தமிழ் பேசும் மக்கள் தேர்ந்தெடுக்க வேண்டும்.....?

(மோகன்)

2009 விடைபெறுகின்றது! 2010 வரவேற்கின்றது!!

'ஈழத் தமிழ் பேசும் மக்கள் மத்தியில் பாசிசத்தின் உதிர்வும், ஜனநாயகத்தின் எழுச்சியும்'

 (சாகரன்)

சபாஷ் சரியான போட்டி.

மகிந்த  ராஜபக்ஷ & சரத் பொன்சேகா.

(யஹியா வாஸித்)

கூத்தமைப்பு கூத்தாடிகளும் மாற்று தமிழ் அரசியல் தலைமைகளும்!

(சதா. ஜீ.)

தமிழ் பேசும் மக்களின் புதிய அரசியல் தலைமை

மீண்டும் திரும்பும் 35 வருடகால அரசியல் சுழற்சி! தமிழ் பேசும் மக்களுக்கு விடிவு கிட்டுமா?

(சாகரன்)

கப்பலோட்டிய தமிழனும், அகதி (கப்பல்) தமிழனும்

(சாகரன்)

சூரிச் மகாநாடு

(பூட்டிய) இருட்டு அறையில் கறுப்பு பூனையை தேடும் முயற்சி

 (சாகரன்)

பிரிவோம்! சந்திப்போம்!! மீண்டும் சந்திப்போம்! பிரிவோம்!!

(மோகன்)

தமிழ் தேசிய கூட்டமைப்புடன் உறவு

பாம்புக்கு பால் வார்க்கும் பழிச் செயல்

(சாகரன்)

இலங்கை அரசின் முதல் கோணல் முற்றும் கோணலாக மாறும் அபாயம்

(சாகரன்)

ஈழ விடுலைப் போராட்டமும், ஊடகத்துறை தர்மமும்

(சாகரன்)

அடுத்த கட்டமான அதிகாரப்பகிர்வு முன்னேற்றமானது 13வது திருத்தத்திலிருந்து முன்னோக்கி உந்திப் பாயும் ஒரு விடயமே

(அ.வரதராஜப்பெருமாள்)

மலையகம் தந்த பாடம்

வடக்கு கிழக்கு மக்கள் கற்றுக்கொள்வார்களா?  

 (சாகரன்)

ஒரு பிரளயம் கடந்து ஒரு யுகம் முடிந்தது போல் சம்பவங்கள் நடந்து முடிந்துள்ளன.!

(அ.வரதராஜப்பெருமாள்)

 

 

அமைதி சமாதானம் ஜனநாயகம்

www.sooddram.com