கள்ள மாடு பிடித்துக் காசு சம்பாதித்த பிலாக்கையர்

சாவகச்சேரிப் பிரதேசசபைத் தலைவராக இருப்பவர் சிற்றம்பலம் துரைராஜா. இவரைப் பிளாக்காய் துரைராசா என்றாலே மக்களுக்குத் தெரியும். இவர் அப்பகுதிப் பாடசாலை ஒன்றில் 1980ம் ஆண்டு அதிபராக இருக்கும் போது பலாப்பழம் திருடிப் பிடிப்பட்டபடியால் இவருக்கு அந்தப் பட்டப் பெயர் குடி கொண்டு விட்டது. தற்போது இவர் பிரதேசசபைத் தலைவராக வந்த பின்னரும் பழைய தோசத்தில் பல தில்லுமுள்ளுகளைத் திறம்படச் செய்து கொண்டு இருக்கிறார்.

தனங்கிளப்புப் பகுதியில் யுத்த காலத்தில் கட்டாக்காலியாகத் திரிந்த மாடுகள் ஏராளமாவை மக்கள் குடியேற அனுமதிக்கப்பட்ட பின்னர் இவரால் பிடிக்கப்பட்டு  சட்டவிரோதமாக விற்கப்பட்டுள்ளன.  சாவகச்சேரிப் பிரதேசசபை உறுப்பினரான  கொடிகாமம் சந்தையில் மாட்டுக்கடை வைத்திருக்கும் அசோகலிங்கம் என்பரை இவர் உதவிக்கு வைத்து கண்டியில் இருந்து மாடு பிடிப்பவர்களை வரவழைத்து கட்டாக்காலி மாடுகளைப் பிடித்ததாக அப்பகுதி மக்கள் தெரிவிக்கின்றனர்.

இதனால் இலட்சக்கணக்கான ரூபாகளை மோசடியான விதத்தில் இவர் பெற்றுள்ளார். இவர் மாடு பிடித்து களவாக விற்பதை அறிந்த ஈ.பி.ஆர்.எல்.எவ் அணியைச் சேர்ந்த  முரளி என்பவர் அப்பகுதிக்குச் சென்ற வேளை அவருக்கு 25 ஆயிரம் கொடுத்துச் சமாளிக்க முற்பட்டதாகவும் ஆனால் அவர் அதனை மறுத்து இவரது ஊழலை அம்பலப்படுத்த முயன்றதாகவும் தெரியவருகின்றது. வரணியில் மதவடிப் பகுதியில் மாட்டுக்கள்ளன் துரைராசா என பல சுவரொட்டிகள் ஒட்டப்பட்டதாகவும் தகவல்கள் தெரிவிக்கின்றன.

மகனுக்கு பிரதேசசபைச் சீதனம் பெற்றுக் கொடுத்த பிலாக்கையர்

வெளிநாட்டில் இருந்து வந்த இவரது மகனுக்கு நீர்ப்பாசணத் திட்ட அபிவிருத்திக்கு ஒதுக்கிய ஒப்பந்தத்தைக் கொடுத்து அதில் பத்து லட்சம் ரூபா தேறிய லாபமாகப் பெறுவதற்கும் அனுமதி அளித்தவர் இந்தத் துரைராசா. அத்துடன் மிகுந்த வருமானம் வரும் கொடிகாமம் சந்தையைப் பொறுப்பேற்று பலருக்கு வேலை வாய்ப்பு வாங்கிக் கொடுப்பதற்கு சபையில்  சில உறுப்பினர்கள் தெரிவித்து அதற்காகப் பாடுபட்ட போது அந்தச் சந்தையை மாட்டு இறைச்சி வியாபாரியான அசோகலிங்கத்திற்குக் கொடுத்து பல இலடசங்களை லஞ்சமாகப் பெற்றுள்ளார் இந்த துரைராசா.
ஒரு  கோடி ரூபாவிற்கு ஏலத்திற்குப் போகக் கூடிய சந்தையை இந்த அன்னலிங்கத்திற்கு 50 இலட்சத்திற்குக் கொடுத்தது குறிப்பிடத்தக்கது.

மை கார், மை பெற்றோல், மை றோட் என பிரதேச சபையை நினைத்த பிளாக்கையர்

வரணிப் பகுதியில் உள்ள தனது தென்னந் தோட்டத்திற்காக பிரதேசசபை நிதியில் தார் ரோட்டுப் போட்டு சாதனை செய்துள்ளார் துரைராசா. நூலக சேவகர்களை நியமிப்பதாகத் தெரிவித்து தனது சொந்த மருமகளை அதற்கு நியமனம் செய்து அதன் பின்னர் குட்டு வெளிப்பட்டவுடன் அதனை நிறுத்தி தற்போதும் தனது உறவுக்காரப் பெண்ணையே அதற்கு நியமித்துள்ளார் இந்தத் துரைராசா.

வாகனம் ஓட்டுவதற்கு தனது உறவை நுளைக்கத் திரிந்த பிலாக்கையர்

அத்துடன் பிரதேசசபைக்கு சாரதி நியமனம் செய்வதற்காக விண்ணப்பங்கள்  கோரப்பட்டன. இவர் அதிலும் தில்லுமுள்ளுகள் செய்ய முயன்றார்.  கைதடி கூட்டுறவுசங்கத்தில் சாரதியாகப் பணியாற்றிய உறவுக்கார இளைஞனை பிரதேசசபைச் சாரதியாக்க முற்பட்டு வடக்கு மாகாணசபை பிரதம செயலாளரின் நடவடிக்கையால் அவரது திட்டம் தவிடு பொடியாக்கப்பட்டு சரியான முறையில் சாரதி நியமனம் நடந்துள்ளமை குறிப்பிடத்தக்கது.

அன்னம்மாவின் அன்பைப் பெற்ற பிலாக்கையர்

இவரது நெருங்கிய தோழியாக உள்ளவர் மருத்துவத்தாதியான  அன்னம்மா ஆவார். இவர் கொடிகாமம் வெள்ளாம் போக்கடியைச் சேர்ந்தவர். சாவகச்சேரி பிரதேசசபையில் 60ற்கும் மேற்பட்ட  கிராமங்கள் உள்ளன இந்தக் கிராமங்களில்  வசித்து வருபவர்களில் ஏராளமானோர் பிரதேசசபையின் அனுமதி பெறாமலே மதிலைக் கட்டியுள்ளனர். தற்போதும் மதில் கட்டி வருகின்றனர். ஆனால் நேசு அன்னம்மா அவர்கள் தனக்குப் பக்கதில் இருந்த ஒருவர் மதிலைக் கட்டத் தொடங்கியவுடன் ஓடினார் பிலாக்காய் துரைராசாவிடம்.  அனுமதி பெறாமல் கட்டப்படுவதாக தவிசாளருக்கு ஓதினார். தவிசாளரும் அன்னமாவின் மந்திரத்தில் கட்டுப்பட்டு மதில் கட்டுவதை நிறுத்தச் சொல்லி கடிதம் போட்டு தற்போது நீதிமன்றத்திலும் வழக்கு தாக்கல் செய்ய ஆயத்தமாகியுள்ளார்.

 1500ற்கும் மேற்பட்ட மதில்கள் அனுமதி பெறப்படாது கட்டப்பட்டுள்ளன. ஆனால் இந்த அன்னம்மா அக்காவின் பக்கத்து வீட்டு மதிலை உடைக்க பிலாக்காய் துரைராசா ஏன் அந்தரப்படுகின்றார். ஏற்கனவே ஒரு அன்னம்மா அக்காவினால் கூட்டமைப்பின் தலைமைப் பீடம் கட்டுண்டு கிடப்பது வரலாறு. கிழக்கு மாகாணத்திற்கு அவர் அடிக்கடி ஓடுவதும் அதற்காகத்தான் என்பதும் அனைவருக்கும் தெரிந்த விடயம்.

அன்னம்மா அக்காவுக்காக கூடிய பிரதேசசபைக் கூட்டம் இது

இவ்வாறு கூட்டமைப்பின் பிரதேசசபை தலைவரான பிளாக்காய் துரைராசாவைப் போல் இன்னும் எத்தனையோ கூட்டமைப்பு உறுப்பினர்கள் தங்களது திருவிளையாடல்களைத் தொடர்ந்து செய்து கொண்டு இருக்கிறார்கள். காலக்கிரமத்தில் அவையும் இங்கு வெளிவரும்.

(www.newjaffna.com)