நீர்வளத்தை பாதுகாக்க மக்கள் ஒத்துழைப்பு அவசியம்

உலக நாடுகளில் குடிநீர் தட்டுப்பாடு 21ம் நூற்றாண்டில் வரு டத்திற்கு வருடம் அதிகரித்த வண்ணம் இருக்கின்றது. சமீ பத்தில் இந்தியாவில் மேற்கொண்ட ஒரு ஆய்வில் இன்னும் பத்தாண்டு காலத்தில் இந்தியர்கள் பெரும் குடிநீர் தட்டுப்பாட்டை எதிர்நோக்குவார்கள் என்ற உண்மை வெளிவந்துள்ளது. அயல் நாடான இந்தியாவுக்கு இந்த நிலை என்றால், நாலா பக்கமும் கட லினால் சூழ்ந்துள்ள இலங்கைக்கும் இதுபோன்ற குடிநீர் தட்டுப் பாடு ஏற்படாது என்றும் எவரும் திட்டவட்டமாக கூறமுடியாது.

உலகில் வாழும் மக்கள் அனைவருமே சுற்றாடலுக்கு தீங்கிழைக்கக் கூடிய வகையில் சுயநலநோக்குடன் அபிவிருத்தி என்ற பெயரில் மரங்களை வெட்டுதல், மலைப் பிரதேசங்களில் ஆடம்பர மாளி கைகளை நிர்மாணித்தல் போன்ற பலதரப்பட்ட செயற்பாடுகளும், இந்த குடிநீர் தட்டுப்பாட்டிற்கு உறுதுணை புரிகின்றன.

பொதுவாக, ஆறுகள் மலை உச்சியில் இருந்து வரும் நீரூற்றுகளின் மூலமே உருவாகின்றன. ஆறுகளிலிருந்தே மனிதன் பெரும்பாலும், குடிநீரை பெற்றுக்கொள்கிறான்.

இதனால் தான் இன்று கூட, நாம் நுவரெலியா போன்ற மலைப்பாங்கான பிரதேசத்திற்கு சென்றால், மலையிலிருந்து ஊற்றெடுக்கும் நீரை வெறுமனே குழாய்களை பொருத்தி, மக்கள் குடிப்பதை அவதானிக்க முடியும். அந் நீர் மிகவும் தூய்மையாக நோய் கிருமிகள் அற்ற நீராக இருக்கிறது.

இன்று, இந்த இயற்கையான நீரூற்றுக்களுக்கு பெருமளவில் தீங்கிழைக் கக் கூடிய வகையில் நாம் சுற்றாடலை பேணிப் பாதுகாப்பதற்கு மாறான முறையில் நடந்துகொள்கிறோம். மலையிலிருந்து ஊற்றெடு க்கும் நீரை தங்கு தடையின்றி கீழே வடிந்து ஆறுகளில் சங்கமிப் பதற்கு நாம் பல்வகையான தடைகளையும், விதிக்கின்றோம்.

அவ்விதம், ஆறுகளில் அந்த நீர் சேர்ந்து விடும் போது, மனிதனால் நடத்தப்படும் கைத்தொழில்சாலைகளிலிருந்து நச்சுத்தன்மை வாய் ந்த திரவக் கழிவுகளை மனிதன் ஆறுகள் ஊடாக வெளியேற்று கிறான். இதனால், ஆற்று நீர் அசுத்தமடைகிறது. பின்னர், அந்த நீரை மனிதன் குடிப்பதற்கும், தனது நாளாந்த வாழ்க்கைக்கும் பய ன்படுத்துவதற்கும் முடியாது இருக்கிறது.

இதனால் அரசாங்கம் நீர் சுத்திகரிப்பு நிலையங்களை நாட்டின் நாலாபக்கங்களிலும் ஏற்படு த்தி, அதில் குளோரின் போன்ற நச்சுத்தன்மையை நீக்கும் திரவ த்தை கலந்து, நீரை மனித பாவனைக்காக சுத்தமாக்குவதற்கு லட் சக்கணக்கான ரூபாவை செலவிடுகிறது.

இவையனைத்தும் மனிதன் சுயநல நோக்கத்தினால் மேற்கொள்ளும் செயற்பாடுகளின் பாதகமான விளைவுகளாகும். இன்னும் ஒரு வகையிலும் மனிதன் உலனின் நீர் வளத்தை சூறையாடுகிறான். மழை நீரை நீர்த்தேக்கங்கள், வாவிகள், குளங்கள் மூலம் சேமித்து வைத்து, அதனை பயிர் செய்கைக்கு குறிப்பாக நெற்செய்கைக்கு பயன்படுத்துவதே சம்பிரதான பூர்வமான செய்முறையாகும்.

இப்போது மக்கள் இவ்விதம் இயற்கையான தங்களுக்கு கிடைக்கும் நீர்வளத்திற்கு பதில், 100 அடிக்கு கூடுதலான ஆழமான பாரிய கிணறுகளை தோண்டி, நிலத்திற்கு அடியுள்ள நீரை பம்புகள் மூலம் தனது விவசாய தேவைகளை பூர்த்தி செய்துகொள்வதுடன், நீரை அனாவசியமான முறையிலும் விரயம் செய்து வருகிறான். இத னால், இலங்கை உட்பட உலக நாடுகளில் நிலத்திற்கு அடியில் தேங்கியிருக்கும் நீர்வளம் வேகமாக குறைந்து கொண்டிருக்கி ன்றது.

வீட்டுப் பாவனைக்கு இலகுவில் குழாய்கள் மூலம், கிடைக்கும் நீரை யும் மனிதன் அநியாயமாக விரயம் செய்வதையும் நாம் எமது நாளா ந்த வாழ்க்கையில் காணக்கூடியதாக இருக்கிறது. ஒரு மனிதன் ஸ்நானம் செய்வதற்கு 10 முதல் 15 லீற்றர் நீரை பயன்படுத்தினால், அவன் தனது உடலை சுத்தமாக வைத்திருக்கலாம் என்பதை ஆய் வுகள் உறுதிப்படுத்துகின்றன.

எனினும், ஒரு மனிதன் ஸ்நானம் செய் வதற்கு 50 முதல் 75 லீற்றர் நீரை வீணாக்குகிறான். அதுமட்டும ன்றி, குழாயில் கையை கழுவுவதற்கு 1 லீற்றர் அல்லது ஒன்றரை லீற்றர் நீர் போதுமாக இருக்கும். அதற்கும் மனிதன் அளவுக்கதிக மாக நீரை பயன்படுத்துகிறான்.

நாட்டின் கரையோர பகுதிகளில் பாரிய கட்டிடங்களை நிர்மாணிப்பத னால் கடல் அரிப்பு அதிகரித்து கடல் நீர் ஆறுகளில் சங்கமித்து ஆற்றுநீரையும் உவர் நீராக மாற்றிவிடும் ஆபத்தும் இன்றும் இலங் கையில் இருந்து வருகிறது.

எனவே, மக்கள் நீரின் மகத்துவத்தை உணர்ந்து அதனை பாதுகாக்கக் கூடிய வகையில் சுற்றாடலுக்கு தீங்கிழைக்காமல் இருந்தால், இந்தியாவில் இன்னும் பத்தாண்டு காலத்தில் ஏற்படக் கூடியது போன்ற குடிநீர் தட்டுப்பாடு, இலங்கை யிலும் ஏற்படுவதை நாம் தவிர்த்துக்கொள்ளலாம்.

இதேவேளையில், தேசிய நீர்விநியோக மற்றும் வடிகால் அமைப்பு சபை யாழ்ப்பாண பிரதேசத்தில் உள்ள 60,000 குடும்பங்களுக்கு குடிநீரை வழங்கும் திட்டம் ஒன்றையும் நடைமுறைப்படுத்தி வரு வது ஒரு மகிழ்ச்சிக்குரிய நிகழ்வாகும்.

மக்கள் தங்கள் சமூக பொறுப்புக்களை உணர்ந்து நீர்வளத்தை எமது எதிர்கால சந்ததியினரின் மேம்பாட்டிற்காக பாதுகாத்து வைப்பதற்கு இன்று திடசங்கல்பம் பூண்டால் மாத்திரமே, இலங்கை இன்னு மொரு வறட்சியினால் வாடும் ஆபிரிக்கா நாடாக மாறுவதை தடு க்க முடியும்.