பொன்விழா காணும் யாழ். ஒஸ்மானியா கல்லூரி தோற்றம் பெற்ற வரலாறு

(எம். எப். எம். இக்பால்)

யாழ். மக்கள் கல்வியில் மேலோங்கிக் காணப்பட்டார்கள். முஸ்லிம் மாணவருக்கு 8ம் வகுப்பு வரை கல்வி புகட்டும் பணியில் யாழ். மஸ்ற உத்தீன் பாடசாலை (புதுப்பள்ளி), முஹம்மதியா கலவன் பாடசாலை (அல்லா பிச்சை மாமா பள்ளி), வண/ மேற்கு முஸ்லிம் கலவன் பாடசாலை (மன்ப-உல் உலூம் மத்ரஸா) நற்சேவை புரிந்தன. இப்படியான கனிஷ்ட பாடசாலை களில் கல்வி கற்ற மாணவர்கள் மேற்படிப்பைத் தொடர்வதற்காக யாழ். வைத்தீஸ்வரா, யாழ். மத்திய கல்லூரி, யாழ். இந்துக் கல்லூரி போன்ற பாடசாலைகளுக்குச் சென்றனர். எனினும் அக்காலத்தில் வசதி குறைந் தவர்கள் கனிஷ்ட பாடசாலைகளில் இருந்து மேற்படிப்பைத் தொடர முடியாமல் படிப்பை விட்டு விட்டு வேறு தொழில்களை நாடுபவர்களாக இருந்தனர். இது முஸ்லிம் சமு தாயத்திற்கு கவலைக்குரிய விடயமாக இருந்தது.

இக்கால கட்டத்தில் இலங்கையின் தேசிய வீரரும் சிறந்த கல்விமானும் கொழும்பு ஸாஹிராக் கல்லூரியின் அதிபருமாகிய கலாநிதி டி. பி. ஜாயா அவர்கள் தலைமையிலான குழு 1938 ஆம் ஆண்டிலும் 1942 ஆம் ஆண்டிலும், யாழ். விஜயம் செய் தது. யாழ். முஸ்லிம் வட்டாரத்தில் மேற்படிப்பைத் தொடர்வதற்கான ஒரு பாடசாலையை உருவாக்க வேண்டும் என்பதை இக் குழுவினர் மக்கள் மத்தியில் வலியுறுத்தினர். யாழ். முஸ்லிம் மாணவர்கள் கல்வியில் தலைசிறந்து விளங்க வேண்டுமென்பதே டி. பி. ஜாயா அவர்களின் குறிக்கோளாக இருந்தது.

எவ்வளவோ கஷ்டங்களுக்கு மத்தி யில் பணம் திரட்டப்பட்டது. அப்போ தைய யாழ்ப்பாணத் தொகுதி பாரா ளுமன்ற உறுப்பினர் ஜீ. ஜீ. பொன் னம்பலம் கியூ. ஸி. அரசாங்கம் வாயி லாக ஒரு பெருந் தொகைப் பணத்தை ஒதுக்கிக் கொடுத்திருந்தார். இவ்வாறாக திரட்டப்பட்ட நிதியில் இருந்து யாழ். நகரத்து முஸ்லிம் வட்டாரத்தில் அமைந்த 'ராப்ஸ்' வீதியில் காணித் துண்டொன்றை வாங்கினார்கள். (ஜின்னா மைதானத்திற்கு முன்பாக)

1959 ஆம் ஆண்டு மே மாதம் 3 ஆம் திகதி டி. பி. ஜாயா அத்திவாரக்கல் நாட்டி ஆரம்பித்து வைத்தார். இந் நிகழ்ச்சியைத் தொடர்ந்து வி. எம். எம். அபூசாலியின் முயற்சியினால் 'ராப்ஸ்' வீதி என்று நாமம் பூண்டிருந்த நேரிய சாலை மாநகராட்சி மன் றத்தினரால் 'முஸ்லிம் கல்லூரி வீதி' என்ற புதிய பெயரைப் பெற்றது.

ஒஸ்மானியாக் கல்லூரிக்கு ஆரம்பத்தில் 'ஸாஹிராக் கல்லூரி' என்ற பெயரே இருந்து வந்தது. 1962 ஆம் ஆண்டு டிசம்பர் மாதத்திலேயே 6 ஆம் வகுப்பிற்கு மேற்பட்ட மாணவர்களை ஸாஹிராக் கல்லூரியில் சேர்ப்பதற்கான விண்ணப்பங்கள் கோரப்பட்டன.

1963 ஆம் ஆண்டு ஜனவரி மாதம் 5ஆம் திகதி யாழ். முஸ்லிம் சமூகத்திற்கு ஒரு நன்னாள். அந்த நாள் அன்று தான் டாக்டர் அல்ஹாஜ் பதியுத்தீன் மஹ்மூத் ஸாஹிராக் கல்லூரி என்று நாமம் பூண்டிருந்த இக்கல்லூரியை உத்தியோக பூர்வமாகத் திறந்து வைத்தார். அவருடன் வர்த்தக அமை ச்சராக பதவி வகித்த இலங்கரத்ன அவர்களும் வந்து திறப்பு விழாவைச் சிறப்பித்தார்.

அதிபர், ஆசிரியர்கள், மாணவர்கள், பெற்றோர்கள், அரசியல் பிரமுகர்கள், பத்திரிகையாளர்கள் மத்தியில் திறப்பு விழா மிகவும் கோலாகலமாக நடை பெற்றது. அக்காலத்தில் யாழ்ப்பாணத் தொகுதி பாராளுமன்ற உறுப்பினர் அல்பிரட் தங்கராஜா துரையப்பாவும் இவ்விழாவில் கலந்துகொண்டு விழாவைச் சிறப்பித்தார். இவர் கல்லூரி மீது நல்லெண்ணம் வைத்து அதன் வளர்ச்சிக்கு ஒரு உந்து சக்தியாக விளங்கினார். விழா வைபவத்தன்று இவரது தந்தை காலமாகி விட்டபோதும் கூட கல்லூரியின் நலன் கருதி திறப்பு விழாவில் கலந்துகொண்டு விழாவை சிறப்புச் செய்தார்.

அதன் பிறகு ஒஸ்மானியா கல்லூரி படிப்படியாக வளர்ந்தது. கல்லூரியின் விஸ்தரிப்பிற்காக அதன் சுற்று வட் டாரத்திலுள்ள காணிகளும் தென்னந் தோப்புகளும் பயன்படுத்தப்பட்டன. அந்த வகையில் எனது தாயாரின் (பரீத் றkனா) தென்னந்தோப்புக் காணியும் வீடும் கூட கல்லூரியின் விஸ்தரிப்பிற் காகப் பயன்படுத்தப்பட்டன. நான் பிறந்து வளர்ந்த (10 வயது வரை) மண்ணில்தான் இன்று ஒஸ்மானியாக் கல்லூரி அமைந்துள்ளது.

யூஸ¤ப் அதிபரின் நற்சேவைகளைத் தொடர்ந்து அவர் மாற்றலாகிச் சென்ற பின்னர் 01.02.1967 முதல் எம். எம். அப்துல் குத்தூஸ் அதிபர் பதவி வகித்தார். அதிபர் குத்தூஸ் கல்வி யியல் டிப்ளோமா படிப்பிற்காக சென்றிருந்த இடைக்காலத்தில் ஆசிரியர் என். எம். ஏ. கபூர் 11.10.1967 முதல் 18.08.1968 வரை பதிலதிபராகப் பணி புரிந்தார்.

1970ஆம் ஆண்டில் ஏற்பட்ட அரசியல் மாற்றம் பதியுத்தீன் மஹ்மூத்தை மீண்டும் கல்வியமைச்சராக்கியது. இச்சந்தர்ப்பம் ஒஸ்மானியாக் கல்லூரிக்கு மீண்டும் ஒரு பொற்காலமாகத் திகழ் ந்தது. தனிப்பட்ட முறையில் கல் லூரியின் மீது அக்கறை செலுத்திய அமைச்சர் கல்லூரிக்காக நிறைய அபிவிருத்தி திட்டங்களை மேற்கொண் டார். ஒஸ்மானியாக் கல்லூரியை அபிவிருத்தி செய்வதில் பெரும் முன்னோடியாகத் திகழ்ந்தார்.

எமது கல்லூரியின் மண்டபத்திற்கு 'அல்ஹாஜ் பதியுத்தீன் மஹ்மூத் மண்டபம்' என்று நாமம் சூட்டப்பட்டது. 1972 ஆம் ஆண்டு மே மாதம் 12 ஆம் திகதி அமைச்சரின் கரங்களாலேயே இம்மண்டபம் திறந்து வைக்கப்பட்டது.

இத்திறப்பு விழாவின் போது பல கலைநிகழ்ச்சிகள் மேடையேற்றப்பட்டன.

அதிபர் குத்தூஸ் முயற்சியால் கல் லூரியில் தொலைபேசி இணைப்பு நிரந்தரமாக்கப்பட்டது. இவரின் பதவிக் காலத்தில் பல கட்டட நிர்மா ணங்கள் மேற்கொள்ளப்பட்டன. வர் த்தக கல்வி அறைகளும் இக்காலத்தில் தான் நிர்மாணிக்கப்பட்டன. பொது விஞ்ஞான ஆய்வுக் கூடமும் சிறப்புற பூர்த்தியடைந்து இரசாயனப் பொருட்க ளும் உபகரணங்களும் நிரம்பி வழிந்தன.

அதிபர் குத்தூஸ் அவர்களை தொடர்ந்து 30.06.1974 இல் ஏ. எச். ஹாமீம் அதிபர் பதவியை ஏற்றார். இவர் கல்லூரியில் விளையாட்டுத் துறையை மேம்படுத்துவதில் அரும்பாடு பட்டார். இவரது காலத்தில் உதை பந்தாட்டக் குழு தேர்ச்சியடைந்த நிலையில் காணப்பட்டது மட்டுமல்லா மல் கல்லூரியின் முற்றமும் வளாகமும் சீரமைக்கப்பட்டன. பசு மரங்களும், மலர்ச்செடிகளும், பயன்தரு பயிர்களும் நாட்டப்பட்டு இயற்கையான குளிர்ச்சி யான சூழலை உருவாக்கிய பெருமை ஏ. எச். ஹாமீம் அதிபருக்கே உரித்தா கும். அத்துடன் இவரது காலத்திலேயே கல்லூரியில் இரட்டை அலகு விஞ் ஞான ஆய்வுகூட கட்டடமும் திறந்து வைக்கப்பட்டது.

03.08.1979 ஆம் ஆண்டில் ஏ. எச். ஹாமீம் அதிபர் இடமாற்றம் பெற்ற தையடுத்து எம். கே. எம். ஹனீபா பதிலதிபராக கடமையாற்றினார். அதன் பின்னர் 03.04.1980ல் எம். ஏ. ஆர். ஏ. றஹீம் அதிபர் பதவியேற்றார். அவர் விடுமுறை பெற்றிருந்த காலத்தில் 07.08.1981 முதல் 27.12.1981 வரை கே. எம். ஹம்தூன் பதிற்கடமை புரிந்தார்.

30.06.1982ல் மீண்டும் ஏ. எச். ஹாமீம் அதிபர் பதவியேற்று கல்லூரி யின் வளர்ச்சியில் பெரும் பங்கு வகி த்தார். 1986 ஆம் ஆண்டில் ஏ. எச். ஹாமீம் அதிபரின் பெரும் முயற்றியால் 'பழைய மாணவர் சங்கம்' உருவாக் கப்பட்டு அச்சங்கத்தினரால் கல்லூரியின் மைதானத்தை சுற்றியுள்ள எல்லைச் சுவர் யாவும் பூரணமாக்கப்பட்டன.

1990 முதல் 2003 ஆம் ஆண்டு வரை நாட்டின் அசாதாரண நிலைமை காரணமாக ஒஸ்மானியாக் கல்லூரி மூடப்பட்டிருந்தது. இது கவலைக்குரிய விடயமாகும்.

ஏ-9 பாதை திறந்து நாட்டில் சமாதானச் சூழல் நிலவிய சந்தர்ப்பத்தில் மீண்டும் ஒஸ்மானியாக் கல்லூரியை மீள் எழுச்சி செய்ய முன்னாள் அதிபர்கள், ஆசிரியர்கள் பழைய மாணவர்கள், யாழ். முஸ்லிம் நலன் விரும்பிகள் அனைவரும் ஒன்றுசேர்ந்து அரும்பாடுபட்டார்கள். இவர்களின் பெரும் முயற்சியால் 2003 ஆம் ஆண்டு ஒஸ்மானியாக் கல்லூரி மீண்டும் ஆரம்பிக்கப்பட்டது.

22.09.2003 ஆம் ஆண்டில் முபாரக் மெளலவி அதிபர் பதவியேற்றார். மீள் எழுச்சி பெற்ற கல்லூரியின் வளர்ச் சிக்காகப் பல அபிவிருத்தித் திட்ட ங்களை மேற்கொண்ட இவரை இச் சந்தர்ப்பத்தில் பாராட்டாமல் இருக்க முடியாது. அன்றிலிருந்து இன்று வரை இவரது நற்சேவைகள் தொடர்ந்த வண்ணமாக இருக்கின்றன.

இந்த ஆண்டு ஒஸ்மானியாக் கல்லூரியின் பொன்விழா ஆண்டாகும். பொன்விழாவை வெகுவிமர்சையாகக் கொண்டாட அதிபர் முபாரக் மெளலவி முயற்சி செய்கின்றார். முன்னாள் அதிபர்கள், ஆசிரியர்கள், பழைய மாணவர்கள், நலன் விரும்பிகள் அனைவரும் ஆலோசனைகளை வழங்கி பொன்விழாவைச் சிறப்பிக்கு மாறு பணிவுடன் வேண்டுகிறோம்.

பொன்விழா காணும் எமது ஒஸ் மானியாக் கல்லூரி மென்மேலும் வளர்ந்து முஸ்லிம் சமுதாயத்தில் தலை சிறந்த கல்லூரியாகத் திகழ்ந்து வைரவிழா நூற்றாண்டு விழா போன்ற பல விழாக்களைக் கொண்டாட வேண்டும் என்று மனதார வாழ்த்துகி றோம்.