வெளிநாட்டில் உள்ள வைத்தியர்கள் நாட்டுப்பற்றுடன் செயற்பட வேண்டும்

பயங்கரவாதிகள், போதைவஸ்து வியாபாரத்தில் ஈடுபடும் சமூக விரோதிகள், பாதாள உலகைச் சேர்ந்த கொலைகாரர்கள் ஆகி யோர் மாத்திரம் தேசத் துரோக குற்றச் செயல்களில் ஈடுபடுகி றார்கள் என்று நாம் சொல்ல முடியாது.

அவர்களைவிட ஏழை மக் கள் செலுத்தும் வரிப்பணத்தினால் படித்து பட்டம் பெற்று டாக்டர் களாகியவர்களில் பெரும்பாலானோர்கள் இன்னுமொரு வகையிலான தேசத்துக்கு துரோகம் இழைக்கும் வகையில் இப்போது சுயநலமாக நடந்து கொள்கிறார்கள்.

அரசாங்க ஊழியர்களாக இருந்த போது அரசாங்கத்தின் அனுசரணை யுடன் வெளிநாடுகளுக்கு புலமைப் பரிசிலில் சென்ற டாக்டர் களும் வேறு பல காரணங்களை முன்வைத்து தற்காலிகமாக வெளி நாடு சென்ற டாக்டர்களும் இன்று அந்நாடுகளில் கை நிறைய சம் பளம் எடுத்துக் கொண்டு நாடு திரும்பாமல் வெளிநாடுகளில் உள்ள சுகபோகங்களையும், வருமானத்தையும் அனுபவித்து வருகிறார்கள்.

இவ்விதம் வெளிநாடு சென்ற சுமார் 10 ஆயிரம் டாக்டர்கள் இல ங்கை திரும்பி நம் நாட்டு மக்களுக்கு சேவை செய்ய தயக்கம் காட்டுகிறார்கள். மக்களின் பணத்தில் இலவசமாக பெற்ற உயர் கல்வியின் மூலம் டாக்டர்களாக படித்து பட்டம் பெற்றவர்கள் நாடு திரும்பி மக்களுக்கு வைத்திய சிகிச்சை அளிக்க மறுப்பதை தேசத் துரோகம் என்று கூறுவதை விட வேறு என்ன சொல்ல முடியும்.

சுகாதார அமைச்சு சமீபத்தில் சேகரித்த புள்ளி விபரங்களின் படி பிரி ட்டனில் மாத்திரம் 2 ஆயிரத்து 500 பேரும், அவுஸ்திரேலியாவில் 3 ஆயிரத்து 500 பேரும், அமெரிக்காவில் ஆயிரத்து 500 பேரும் ஏனைய ஐரோப்பிய நாடுகளில் மேலும் 2 ஆயிரத்து 500 மாண வர்கள் இலங்கை பல்கலைக்கழகத்தில் பட்டம் பெற்ற டாக்டர்கள் பணி புரிந்து கைநிறைய சம்பளம் வாங்கி செளகரியமாக வாழ்க்கை நடத்திக் கொண்டிருக்கிறார்கள்.

இவர்களில் பெரும்பாலானோர் நாம் புலமைப் பரிசில் மூலம் வைத் தியத்துறையில் நிபுணத்துவ பரீட்சையில் சித்தியடைந்த பின்னர் நாடு திரும்பி குறைந்த பட்சம் ஐந்து ஆண்டு காலமாவது மக்களு க்கு சேவை செய்வோம் என்று ஒப்பந்தம் செய்து கொண்ட போதும் அத்தகைய ஒப்பந்தங்களை துச்சமாக மதித்து இலங்கை திரும்ப முடியாது என்று சுகாதார அமைச்சின் சிரேஷ்ட அதி காரிகளுக்கு திட்டவட்டமாக அறிவித்துள்ளார்கள்.

இலங்கையின் தற்போதைய சனத்தொகை இரண்டு கோடி இலக்கை இப்போது தாண்டிக் கொண்டிருக்கிறது. இவ்வளவு பெரும் தொகை மக்களுக்கு வைத்திய சேவை செய்வதற்கு இலங்கையில் 16 ஆயி ரம் டாக்டர்களே இருக்கிறார்கள். இதனை நாம் விகிதாசாரப்படி எடை போட்டு பார்த்தால் 12 ஆயிரம் மக்களுக்கு சேவை செய் வதற்கு ஒரு டாக்டரே இருக்கிறார் என்ற உண்மை தெரியவரும்.

12 ஆயிரம் பேருக்கு எவ்விதம் ஒரு டாக்டரால் பணி புரிய முடி யுமென்று நாம் சிந்தித்து பார்க்கக்கூட முடியாது. அந்தளவிற்கு எங்கள் நாட்டின் சுகாதார பராமரிப்புத் துறை இன்று வீழ்ச்சி யடைந்துள்ளது.

நிலைமையை சீரமைப்பதற்காக சுகாதார அமைச் சர் மைத்திரிபால சிறிசேன வெளிநாட்டில் பணிபுரிந்து இலங்கை க்கு திரும்பி மக்களுக்கு பணிபுரிவதற்கு தயக்கம் காட்டும் டாக்டர்களுக்கு விடுத்துள்ள வேண்டுகோளில், உங்களை டாக்டர் களாக கல்வி அறிவை பெறுவதற்கு தங்கள் கடுமையான உழைப் பின் ஒரு பகுதியை அரசாங்கத்திற்கு வரியாக செலுத்தி அப்பாவி மக்களுக்கு நீங்கள் பிரதி உபகாரம் செய்ய மறக்கலாகாது என்றும் உடனடியாக நாடு திரும்பி நம் நாட்டு மக்களுக்கு பணி புரிய வேண்டுமென்றும் வேண்டுகோள் விடுத்துள்ளார்.

இது வரையில் இந்த சுயநல நோக்கத்துடன் செயற்படும் இந்த டாக் டர்களில் எவருமே இலங்கை திரும்பவில்லை. இந்த அவலம் காரணமாக எங்கள் நாட்டில் டாக்டர்கள் பற்றாக்குறை காரணமாக 47 வைத்தியசாலைகள் நிரந்தரமாக மூடப்பட்டுள்ளன. இதனால் நாட்டின் பின்தங்கிய பிரதேசங்களில் உள்ள மக்கள் பலவிதமான கஷ்டங்களை அனுபவிக்க வேண்டியிருக்கிறது. இந்த மக்கள் வைத்தியர் ஒருவரை சந்தித்து சிகிச்சை பெறுவதற்காக 50இற்கும் மேற்பட்ட கிலோமீற்றர் தூரத்திற்கு பிரயாணம் செய்ய வேண்டிய கஷ்ட நிலையில் இருக்கிறார்கள்.

புலமைப்பரிசில்கள் மூலம் உயர்கல்வி பெறுவதற்காக வெளிநாடு களுக்கு சென்றவர்கள் நாடு திரும்பாமல் இருப்பதனால் அவர் களுக்கு எதிராக சட்ட நடவடிக்கை எடுப்பதற்கு சுகாதார அமை ச்சு எத்தனையோ தடவைகள் முயற்சிகள் எடுத்த போதும் அம் முயற்சிகள் எதிர்பார்த்த அளவிற்கு வெற்றியளிக்கவில்லை.

இந்த சுயநலவாத நோக்கத்துடன் வெளிநாடுகளில் சுகபோக வாழ்க் கையை அனுபவித்து தங்கள் பிள்ளைகளை வெளிநாட்டு பல்கலைக் கழகங்களில் கல்வி கற்பிக்கும் வைத்தியர்கள் பலர் இருக்கின்ற போதிலும் நாட்டுக்காக நாட்டு பற்றுடன் உழைக்கும் தியாக உணர்வு படைத்த பல வைத்திய நிபுணர்கள் எங்கள் நாட்டுக்கு பெருமை தேடிக் கொடுக்கும் அளவுக்கு தங்களுக்கு வெளிநாட்டில் கிடைக் கும் இலட்சக்கணக்கான சம்பளத்தையும், ஆடம்பர வாழ்க்கையை யும் தூக்கி எறிந்துள்ளார்கள்.

மக்களின் வரிப்பணத்தினால் உயர்கல்வி பெற்ற நாம் நம் நாட்டி லேயே ஆயுள் பூராவும் வாழ்ந்து மக்களுக்கு சேவை செய்ய வேண்டுமென்ற உன்னத உணர்வுடன் பணியாற்றிக் கொண்டு வரும் வைத்தியர்கள் அனைவரையும் சிரம் தாழ்த்தி கெளரவிக்க வேண்டும். இவர்களின் முன்மாதிரியை பார்த்துவிட்டாவது வெளி நாட்டில் வாழ்ந்து கொண்டிருக்கும் நம்நாட்டைச் சேர்ந்த சுயநல வாத எண்ணம் கொண்ட டாக்டர்கள் நாடு திரும்ப வேண்டும்.

அவ்விதம் அவர்கள் நாடு திரும்பாமல் வெளிநாடுகளிலேயே தொடர் ந்தும் வாழ்ந்து கொண்டிருந்தால் நிச்சயம் இயற்கை நீதிக்கு அமைய அவர்களுக்கு எவ்விதத்திலும் ஒரு வகையான தண்டனை கிடைப் பதை எந்தவொரு சக்தியாலும் தவிர்த்து விட முடியாது என்ற உண்மையை ஞாபகப்படுத்த விரும்புகிறோம்.

(தினகரன்)