மேற்குலக - ஐரோப்பிய நாடுகள் விழித்துக் கொள்ளுமா...?

புலம் பெயர் தேசங்களில் மீண்டும் துளிர்விடும் புலிகளின் வன்முறை

(சாகரன்)

1980 களின் நடுப்பகுதியில் ஆரம்பித்து 1989 மே மாதம் வரை புலம் பெயர் தேசங்கள் எங்கும் மிரட்டல், கப்பம் வாங்குதல், கொலை செய்தல், வீடு, வியாபார ஸ்தலம் போன்ற இடங்களின் கண்டாடிகளை உடைத்தல் புலிகளின் கருத்து செயற்பாடுகளுடன் உடன்படாத தனி நபர்கள் அமைப்புகள், பத்திரிகைகள், வானொலிகள் போன்றவற்றை அடித்து உடைத்து நொருக்குதல் போன்ற வன்முறைகளில் புலிகள் அல்லது அவர்களின் துணை அமைப்புக்கள் ஈடுபட்டு வந்தனர். இதற்கு நமக்கு ஏன் ஜோலி என்று புலம் பெயர் தேசங்களில் பல தமிழ் மக்கள் ஒதுங்கி பயந்து இருந்தனர். 1989ம் ஆண்டு மே மாதத்தில் இலங்கையில் புலிகள் ஆயுத ரீதியாக தோற்கடிக்கப் பட்டதும் பொது மக்களிடம் சேகரித்த பணத்துடன் பலரும் வாலைச் சுருட்டிக் கொண்டு இருந்து விட்டனர். தற்போது அந்தப் பணமும் தேய்ந்து போன நிலையில் உழைத்து சாப்பிட முடியாமல் சோம்பல் வருத்தத்தில் உள்ள இவர்கள் மீண்டும் புலம் பெயர் தேசத்து தமிழ்மக்களிடம் பணம் வசூலிக்கும் விடயங்களில் ஈடுபடத் தொடங்கிவிட்டனர்.

முன்பு போல் கண்ணை மூடிக்கொண்டு பணம் கொடுக்கும் நிலையில் தற்போது மக்கள் இல்லை. அதனால் ஏதாவது செய்து பணம் புரட்ட இவர்கள் முயன்று வருகின்றனர். இதற்காக போர் குற்றம், மனித உரிமை மீறல். நாடுகடந்த தமிழ் ஈழம் இன்னும் பல கோஷங்களை எழுப்பிய வண்ணம்  புறப்பட்ட இவர்களுக்கு இலங்கை அரசின் மேற்கத்திய – ஐரொப்பிய சார்பு அற்ற நிலைப்பாடு வசதியாக அமைந்து விட்டது. ஆமாம் மேற்கத்திய – ஐரொப்பிய நாடுகள் புலிகள் மீது தடை விதித்திருந்தாலும் தற்போது எழுதப்படாத ஒப்பந்தம் ஒன்றின் மூலம் இலங்கை அரசிற்கு நெருக்கடி கொடுத்தல் என்ற விடயத்தின் அடிப்படையில் புலம் பெயர் தேசங்களில் இலங்கை அரச பிரதிநிதிகள் வரும்போது அல்லது தூதரங்கங்களால் நடாத்தப்படும் நிகழ்வுகளை குழப்புதல் போன்ற நடவடிக்கைகளுக்கு 'ஜனநாயகம்' என்ற போர்வையில் புலியினருக்கு அனுமதி கொடுத்து வருகின்றனர்;. இதனால் குஷி அடைந்த புலித் தோன்றல்கள் மீண்டும் புலம் பெயர் தேசங்களின் இலங்கை அரசை (மேற்குலக)வழிக்கு கொண்டு வருதல் என்ற  செயற்பாட்டின் ஒரு அங்கமாக செயற்படத் தொடங்கியிருக்கின்றனர்.

இவற்றின ஒரு வடிவம்தான் பொது நலவாய நாடுகளில் கலந்து கொண்ட மகிந்தாவிற்கு வழக்கு போடுதல். கனடாவில் நடைபெற்ற தீபாவளிப் பண்டிகையை குழப்புதல்(இதற்கு அமைதி வழிப் போராட்டம் என்ற விளம்பரம் வேறு) என்பன அரங்கேறி இருக்கின்றன. கனடாவில் நடைபெற்ற தீபாவளிப் பண்டிகை வழமைபோல் இலங்கை தூதரகத்தின் ஒழுங்கமைப்பால் தமிழ் சிங்கள் மூஸ்லீம் மக்கள் என யாபேரும் கலந்து கொள்ளும் ஒரு நிகழ்வாக கடந்த மூன்று வருடங்கள் ரொறன்ரோவில் நடைபெற்று வருகின்றது. இவ் விழாவிற்கு கலந்து கொள்ளச் சென்றவர்களை மண்டப வாசலில் தூஷண வார்த்தைகளால் திட்டுதல், பாதையை வழி மறித்தல், பயணம் செய்த வாகனத்தை சேதப்படுத்த முனைதல், புகைப்படம் எடுத்தல்(வா வெளியலை பிறகு பார்த்துக் கொள்ளுறன் என்பதுபோல்) போன்ற விடயங்களால் அமைதி வழிப் போராட்டக்காரர் தமது 'போராட்டத்தை' நடாத்தினர.;

மேலும் விழா மண்டபத்திற்குள் அத்துமீறி அநாகரிகமாக புகுந்த புலியவர்கள் சமய நிகழ்வுகள் நடைபெறும் போது சத்தம் செய்தும் கலாட்டா செய்தும் உள்ளனர். மண்டப பாதுகாப்பு உத்தியோகத்தர்கள் தன்மையாக வேண்டியும் தமது அடாவடித்தனத்தை இவர்கள் நிறுத்தவில்லை மாறாக அவர்களை அவர்களின் சேட்டடை பிடித்து இழுத்து தாக்க முற்பட்டனர். இதனால் பாதுகாப்பு உத்தியோகத்தர்கள் புலியினரை வலுக் கட்டாயமாக குண்டுகட்டாக தூக்கி மண்டபத்தை விட்டு வெளியே கொண்டு சென்றனர். இந்த அல்லோகல்லத்தை அறிந்த மண்டபத்திற்கு வெளியே நின்ற புலியினர் கொடிகளையும் போட்டுவிட்டு பிச்சை வேண்டாம் நாயைப் படி என்று ஓடி மறைந்;தனர். புலிகளின் வன்முறையை பயன்படுத்தி இலங்கை அரசை தனது வழியிற்கு கொண்டு வர முயலும் மேற்குலக – ஐரொப்பிய நாடுகள் இதனை மேலும் ஊக்கிவித்து தொடரவிட்டால் வினை விதைத்தவன் வினை அறுப்பான் என்தை அனுபவித்து தீரவேண்டி நிலையை தவிர்க்க முடியாமல் போய்விடும்.

இந்த விழாவில் இலங்கை அமைச்சர் வாசுதேவ நாணயக்கார மட்டும் அல்ல கனடியப் பாராளுமன்ற உறுப்பினர்கள் சிலரும் கலந்து கொண்டனர். கூடவே பொலிஸ் உத்தியோகஸ்தர்கள் கடமையில் ஈடுபட்டும் இருந்தனர் என்பது குறிப்பிடத் தக்கது.

(Saakaran) (Nov 07, 2011)