Sooddram.com

கெஞ்சிக் கேட்கின்றேன்

வாழ்வதற்காக விடுதலை செய்வீர்

(சாகரன்)

போர் முடிவுக்கு வந்து 450 நாட்களுக்கு மேலாகிவிட்டது. ஜனாதிபதித் தேர்தல்இ பாராளுமன்றத் தேர்தல் என இரு பெரும் தேர்தல்களும் நடைபெற்று முடிந்து விட்டன. கூடவே மாநகர தேர்தல்களும் நடைபெற்று விட்டன. போரினால் இடம் பெயர்ந்து வன்னியில் முள்ளுக் கம்பிகளுக்கு பின்னால் சென்றவர்களையும் படிப்படியாக தமது சொந்த இடங்களில் மீள் குடியேற்றி இயல்பு வாழ்வை ஏற்படுத்தும் நடவடிக்கைகளும் நிறைவை நோக்கி நகர்ந்து கொண்டு இருக்கின்றது. வடக்கிலிருந்து தெற்கிற்கும்இ தெற்கிலிருந்து வடக்கிற்கும் சுயாதீனமாக மக்கள் நகர்ந்து செல்லும் இயல்பு நிலமைகளும் வந்து விட்டன. வடக்குஇ கிழக்கு எங்கும் தொடர்ந்து இராணுவ முகாம்கள் வியாபித்திருக்கும் சூழலிலும் நாடு அமைதியான சூழலுக்குள் புகுந்து விட்டது.

இராணுவ முகாங்களுக்கு மத்தியில் சமாதானமாக வாழும் சூழல்களில் வாழ் மக்கள் தம்மை பழக்கப்படுத்திக் கொண்டுள்ளனர். புலிகள்இ புலிகளுடன் விரும்பியோ விரும்பாமலோ இணைந்து ஆயுத் தூக்கியவர்கள் பல ஆயிரம் பேர் நலன்புரி முகாங்களிலிருந்து நல்வழி நடத்தலின் பின்பு தமது பெற்றோரிடம் அல்லது சுயாதினமாக விடுவிக்கப்பட்டுள்ளனர். பலருக்கு தொழில் பயற்சி வழங்கி தேசிய நீரோட்டத்தில் இணைக்கப்பட்டும் விட்டனர். மனத்தால் இணைந்த பலரை மணத்தால் இணைத்து வாழவும் வாழ்த்தப்பட்டும் விட்டனர்.

ஜோர்ஜ் மாஸ்டரும்இ தயா மாஸ்டரும் வட மராட்சியில் சுயாதீனமாக நடமாடி தமது வாழ்வைத் தொடர அனுமதிக்கப்பட்டுள்ளனர். கேபி பாதிக்கப்பட்டுள்ள மக்களின் புனருத்தாரணம்இ புனர்நிர்மாணம்இ மீள் குடியேற்றம் என்றும்இ அபிவிருத்தி என்றும் என்ஜீஓ (Nபுழு) களை அமைத்து செயற்பட அனுமதிக்கப்பட்டுள்ளார். இதன் தொடர்சியாக நலன்புரி முகாங்களில் மக்களை நேரடியாக சந்திக்கவும் அனுமதிக்கப்பட்டுள்ளார். கூடவே தமது முன்னாள் வெளிநாட்டு சகாக்களை ஊருக்கு செங்கம்பள வரவேற்புடன் அழைத்து 5 நட்சத்திர விடுதிகளில் தங்க வைத்து அரசுத் தலைவர்களையும்இ ஏனையவர்களையும் சந்தித்து தமது மேதாவிலாசங்களை நிரூபிக்க அனுமதிக்கப்பட்டுள்ளனர்.

புலிகளின் பிரசன்ன காலத்தில் (சிறப்பாக வன்னியில்) புலிகளில் கொந்தராத்துகளை எடுத்து நடத்தியவர்கள் 6 மாதம் பதுங்கி இருந்து விட்டு மீண்டும் தற்போது அரசின் ஆதரவுடன் தமிழ் பிரதேசங்கள் எங்கும் கொந்தராத்துகளை எடுத்து தமது வியாபார நடவடிக்கைகளை விருத்தி செய்ய அனுமதிக்கப்பட்டுள்ளனர். இலங்கை நாட்டில் தெற்கு சீனாவிற்குஇ வடக்கு இந்தியாவிற்கு என அபிவிருத்தியை முன்னெடுக்க அனுமதிகளும் வழங்கியாகி விட்டது.

மிக நீண்டகாலம் இலங்கையில் வாழ்ந்த 80 சீனர்களுக்கு இலங்கையில் நிரந்தர குடியுரிமை வழங்குவதற்கு இலங்கை அரசு முடிவு செய்து விட்டாகிவிட்டது. இன்னமும் மலையகத்தில் அல்லது தமிழ் நாட்டில் இலங்கையை வளமாக்கிய பல ஆயிரம் மலையகத்தவர்கள் எந்த நாட்டிற்கும் சொந்தமாவர்கள் அல்ல என்ற நிலையில் கூலிகளாக வாழ்கின்றனர் என்பது வேறு விடயம்.

தமிழ் செல்வனுக்கு இரங்கல்பா எழுதிய கட்சியின் தலைவரின் மகள்இ அக்கட்சியின் பாராளுமன்ற உறுப்பினர் கனினொழிஇ பிரபாகரனை இன்றுவரை தலைவராக ஏற்றுள்ள திருமாவளவன் போன்றவர்கள் இராஜதந்திர கடவுச்சீட்டுடன்இ செங்கம்பளம் இட்டு வரவேற்று அரச பாதுகாப்புடன் தமிழ் மக்கள் பிரதேசம் எங்கும் மீட்போராக காட்சியளிக்க அனுமதிச்சாச்சு. ஆனால்...... ஆனால்.....

மக்களின் விடிவிற்கு குரல் கொடுத்தார்கள்இ போராடினார்கள்இ போராட்டத்தை ஆதரித்தார்கள் என்பதற்காக 10 வருடங்களுக்கு மேல் எம் நாட்டு சிறைகளில் எப்போது விடுதலை என்பதை தெரியாமல் அடைபட்டிருக்கும் அந்த சிறைக்கைதிகள் விடயத்தில் மட்டும் ஏன் ஐயா பாகுபாடு. மகிந்த ஐயாவே! வாய் திறவுங்கள். கருணை காட்டுங்கள் ஐயா. கடந்த காலங்களில் இவர்களில் சிலர் என்னைக் கொல்லக் கூட துப்பாக்கியுடன் அலைந்திருக்கலாம். ஏன் என்னைப் போன்றவர்களை கூட கொன்றிருக்கலாம். ஆனால் இவர்கள் ஒன்றும் கேபியை விட கூடாதவர்கள் அல்ல. பயங்கரமானவர்கள் அல்ல.

பத்திரிகைச் செய்தி:

வவுனியா, பம்பைமடு புனர்வாழ்வு நிலையத்தில் புனர்வாழ்வு பெற்ற 508 பேர் நேற்று முன்தினம் பெற்றோரிடம் ஒப்படைக்கப்பட்டனர். இது தொடர்பான நிகழ்வின் போது எடுத்தபடம். பிரதியமைச்சர் விஜயமுனி சொய்ஸாஇ வன்னி மாவட்ட கட்டளைத் தளபதி மேஜர் ஜெனரல் கமல் குணரட்ன உட்பட அதிகாரிகள் இதில் கலந்துகொண்டனர். இவர்களில் பரீட்சை எழுதிய 246 மாணவர்கள்இ 50 தம்பதிகளும் அடங்கும்.

கீழே உள்ள கைதிகளின் வேண்டுகோள் கடிதத்திற்கு நானும் சாட்சிக் கையெழுத்து, ஏன் வேண்டும் என்றால் பிணைக் கையெழுத்து இடுகின்றேன் அவர்களை விடுவிக்க ஆவன செய்யுங்கள். தமது இனிய வாழ்வின் அரைப்பகுதியை கூட்டுக்குள் செலவழித்தது போதும் ஐயா! கெஞ்சிக் கேட்கின்றேன். முறைப்படி விடுதலை செய்ய ஆவன செய்யுங்கள்.......?

விடுதலை கோரி மகஸின் தமிழ் கைதிகள் ஜனாதிபதிக்கு உருக்கமான கடிதம்

மகஸின் சிறைச்சாலையில் 5 தொடக்கம் 17 வருடங்களாகச் சந்தேகத்தின் பெயரில் தடுத்து வைக்கப்பட்டிருக்கும் தமிழ் அரசியல் கைதிகளாகிய நாங்கள் எங்கள் விடுதலை தொடர்பான கோரிக்கைகள் முன்வைத்தும் இதுவரையில் அதுபற்றிய நடவடிக்கை எதுவும் எடுக்கவில்லை. 'ஐயா இத்தனை வருட காலமாக துன்பங்களையும் துயரங்களையும் மனதில் அடக்கிக் கொண்டு மன உளைச்சலுடன் வாழ்ந்து வரும் எங்களை அனைவரையும் சந்தித்து கலந்துரையாடி சென்றனர்.

மனதில் ஓரளவிற்கு மகிழ்ச்சியாக இருந்தாலும் ஜனாதிபதி நீங்கள் எங்களை சந்திக்கவில்லை என்ற கவலை தமிழ் அரசியல் கைதிகளாகிய எங்கள் அனைவர் மனதிலும் உண்டு. ஆனால் எதிர்வரும் சிறைச்சாலைகள் தினத்தில் சிறைச்சாலைகளுக்குச் சென்று கைதிகளை பார்வையிடப் போவதாக ஊடகங்களில் தகவல் தெரிவித்திருப்பதானது கைதிகளாகிய எங்கள் அனைவருக்கும் மகிழ்ச்சியை தருகிறது.

கொழும்பு மகஸின் சிறைச்சாலையில் தடுத்து வைக்கப்பட்டுள்ள தமிழ் அரசியல் கைதிகளான எங்களை நீங்கள் ஒரு முறையாவது வந்து பார்த்து எங்கள் கஷ்ட நிலைவரங்களை கேட்டறிந்தால் அனைவரது குடும்ப நிலைவரங்கள் மட்டுமின்றி எங்கள் துயரங்களையும் மன வேதனைகளையும் அறிந்து கொள்ள முடியும். சந்தேகத்தின் பெயரில் நீண்ட காலமாக தடுத்து வைக்கப்பட்டுள்ள நாங்கள் கண்ணீருடன் பல கடிதங்களை ஊடகங்கள் மூலம் தெரிவித்திருந்தும் எவரும் எமக்கு உதவ முன்வரவில்லை. இந்நாட்டின் பிரஜைகளாகிய நாங்கள் அனைவரும் வாழ்நாளின் அரைவாசி காலத்தினை சிறைக் கூடத்திலேயே கழித்து விட்டோம். இனியாவது வெளியுலகத்தில் வாழ வழியேற்படுத்தி தாருங்கள்.

ஐயா, எங்களை விடுதலை செய்யுமாறு கெஞ்சி கேட்கிறோம். நாங்கள் தவறு செய்திருந்தாலும் மன்னிப்பு கிடையாதா? நாங்கள் வாழ்வதற்கு அருகதையற்றவர்களா? உங்கள் ஒருவரால் தான் எங்களுக்கு விடிவைத் தேடித் தர முடியும். அடக்கப்பட்டு ஒடுக்கப்பட்டு கம்பிக் கூண்டுக்குள் இத்தனை வருடங்களாக இருக்கும் எங்களை பொது மன்னிப்பின் கீழ் விடுதலை செய்யுங்கள். ஐயாஇ இந்நாட்டின் பிரஜைகளாகிய நாங்கள் உங்கள் பிள்ளைகள். எங்களுக்கு புது வாழ்வளிப்பீர்கள் என நம்பிக்கையுடன் எதிர்பார்த்திருக்கிறோம்.

(கட்டுரை ஆக்கம்: சாகரன்)(புரட்டாதி 06இ 2010) (Saakaran)