இனவாதம் பேசுவோர் தமது இனத்திற்காக பேசவில்லை தமது அரசியல் இருப்பிற்காகவே பேசுகின்றனர்

இன்று நாட்டில் இனவாதமாகப் பேசுவோர் தமது இனத்திற்காக அவ்வாறு பேசவில்லை. மாறாக இனவாதத்தைக் கக்கி எதிர்காலத்தில் தமது அரசியல் இருப்பைத் தக்கவைத் துக் கொள்வதே இவர்களது நோக்க மாகவுள்ளது. அந்த வகையில் தேசிய கீதம் தொடர்பான சர்ச்சையும் அத்த கைய இனவாதத்தின் ஒரு வடிவமே தவிர, இனத்திற்காகவோ அல்லது மொழிக்காகவோ அல்ல.

இந்த தேசிய கீத விவகாரம் அரசியலமைப்பில் தெளிவாகக் கூறப்பட்டுள்ளது. அது தெரியாமலேயே ஒருசில அரசியல் வாதிகள் இனவாத ரீதியில் தமது கருத்துகளை முன்வைத்து வருகின்ற னர். அப்படியானால், இதுபற்றிக் கருத்துக் கூறும் இந்த அரசியல்வாதி கள் எமது நாட்டு அரசியலமைப்பை ஏற்றுக்கொள்ளவில்லையா?

நுவரெலியா மாவட்டப் பாராளுமன்ற உறுப்பினரும், பிரஜைகள் முன்னணி யின் செயலாளர் நாயகமுமான ஜெ. ஸ்ரீ ரங்கா இவ்வாறு கேள்வி எழுப்பி யுள்ளார். கொழும்பு பல்கலைக்கழகத்தில் நடைபெற்ற சிங்கள மாணவருக்கான இரண்டாம் மொழிப் பயிற்சியின் இறுதி யில் சான்றிதழ் வழங்கும் நிகழ்வில் சிறப்பு அதிதியாகக் கலந்துகொண்டு உரையாற்றுகையிலேயே அவர் இவ்வாறு தெரிவித்துள்ளார்.

அரச கரும மொழிகள் அமைச்சர் வாசுதேவ நாணயக்கார, பல்கலைக்கழக உபவேந்தர், பேராசிரியர்கள், சங்கப் பிரதிநிதிகள் மற்றும் மாணவர்கள் கூடியிருந்த சபையில் சிங்கள மொழி யில் ஸ்ரீ ரங்கா எம்.பி. உரையாற்றினார். அவர் அங்கு தொடர்ந்து உரையாற்று கையில் தெரிவித்ததாவது,

இந்நாட்டு அரச கரும மொழியாக சிங்களமும் தமிழும் ஏற்றுக்கொள்ளப் பட்டுள்ளது. அரசியலமைப்பில் இது தெளிவாகக் குறிப்பிடப்பட்டுள்ளது. உண்மையில் ஆங்கில மொழி தான் எமது இரண்டாம் மொழியாக உள்ளது. ஆனால் எம்மில் பலருக்கு எமது தாய்மொழியைத் தவிர பிற மொழிகள் தெரியாது. அவற்றை கற்றுக்கொள்வதில் பெரிதாக ஆர்வம் காட்டுவதில்லை. ஆனால் எம் அனைவருக்கும் இந்த இரு மொழிகளும் தெரிந்திருப்பது மிக மிக அவசியம் என்றும் ஸ்ரீ ரங்கா தெரிவித்தார்.

முதன் முதலாக கொழும்பிற்கு நண் பர்களுடன் வந்தவேளை, பஸ்ஸில் பயணம் செய்யும்போது மொழி தெரி யாது கஷ்டப்பட்டோம். நாம் கூறும் அர்த்தம் புரியாது பஸ் நடத்துனரும் நாமும் சங்கடப்பட்டுளோம். ‘இஸ்ஸரா பைனவா’ என்று கூறினால் பஸ்ஸை நிறுத்த மாட்டார்கள். உண்மையில் அதன் அர்த்தம் ‘இஸ்ஸரா பகினவா’ என்பதாகும். அதேபோன்று கோழி இறைச்சிக் கொத்து ரொட்டி வாங்குவ தானால் முட்டையைக் காட்டி, இதன் அம்மாவினது கொத்து எனக் கேட்போம். யாலுவா (நண்பன்) என்ற சொல்லுக்கு எலுவா (ஆடு) என பஸ்ஸில் ரிக்கட் கேட்டு நகைச்சுவையாக முடிந்த கதையும் உள்ளது.

ஆனால் இன்று நான் சிங்களத்தில் உங்கள் முன்னாள் பயமின்றி சரளமாக உரையாற்றுகின்றேன். இதனைவிட சிங்கள மொழியில் தொலைக்காட்சியில் சமகால அரசியல் நிகழ்வினைக் கூட நடத்தும் அளவிற்கு மொழியாற்றலை வளர்த்துக் கொண்ட மையையிட்டுப் பெருமைப்படுகிறேன். இந்தியா அல்லது ஏனைய பல நாடு கள் போன்று எமது நாட்டில் பல மொழிகள் இல்லை. இரண்டே இரண்டு மொழிகள்தான் உள்ளன. அதனைக் கற்றுத் தெரிந்து வைத்திருப்பதால் எமக்குத்தான் நன்மை.

அதேபோன்று கொழும்பு பல்கலைக் கழகத்தில் மாணவர் சங்கத் தேர்தலில் தலைமைப் பதவிக்குப் போட்டியிட்ட போது எனக்கு சிங்களம் தெரியாது. பல்கலைக்கழக உதைபந்தாட்ட அணிக்கு தலைமை தாங்கியபோதும் எனக்குப் பெரிதாக சிங்களம் தெரியாது. ஆனால் நான் முயற்சியை விடவில்லை. சிங்க ளத்தைக் கற்றுக்கொண்டேன். மாணவர் சங்கத் தேர்தலில் வெற்றிபெற்று அதன் தலைவராகி சிங்கள மாணவர்களையும் ஒன்றிணைத்துச் சங்கத்தை வழிநடத்தி னேன். சிங்கள மாணவர்களே அங்கம் வகித்த உதைபந்தாட்ட அணிக்குத் தலைமையும் தாங்கினேன்.

1956 ஆம் ஆண்டு தனிச் சிங்களச் சட்டமூலத்தை அன்றைய பிரதமர் எஸ். டபிள்யூ. ஆர்.டி. பண்டாரநாயக்க கொண்டுவந்தமைகூட சிங்கள மக்களை ஏமாற்றும் ஒரு நடவடிக்கையாகவே இருந்தது. அது சிங்கள மக்களைத் தன்பக்கம் இழுப்பதற்காக அவர் மேற்கொண்ட ஒரு செயல். தனிச் சிங்களத்தை அவர் அமுலாக்கிய போதும், அவரது பிள்ளைகள் சிங்கள பெளத்த பாடசாலைகளில் கல்வி கற்கவில்லை. அவர்கள் றோயல் கல்லூரியிலும், சென். பிரிட்ஜெட்ஸ் கல்லூரியிலுமே கல்வி கற்றனர். நாளந்தாவிலோ, ஆனந்தா விலோ அல்லது தேவி பாலிகாவிலோ, விசாகாவிலோ கற்கவில்லை. அத்துடன் அன்று தனிச் சிங்களத்தை மட்டுமே சிங்களவர்கள் கற்றுக்கொண்டதனால் பலருக்கு தொழில் வாய்ப்புகளைப் பெற்றுக்கொள்வதில் சிரமம் ஏற்பட்டது எனவும் ஸ்ரீ ரங்கா தெரிவித்தார்.

அதே தனிச் சிங்களச் சட்டமூலத்தி ற்கு ஆதரவு தெரிவித்த பலர் தமது அரசியல் மேடைகளில் ஆங்கிலத்தி லேயே உரையாற்றியும் வந்தனர். ஆங்கிலத்தில் உரையாற்றியது மட்டு மல்லாது அதற்குரிய அர்த்தங்களை அருகிலிருக்கும் ஏனையோரிடம் சிங்களத்தில் கூறுமாறும் கேட்டனர். இதுதான் இவர்களது மொழிப்பற்று.

அத்துடன் மொழிபற்று தொடர்பாகப் பேசுவோர் தாம் முதலில் தமது தாய் மொழியிலேயே உரையாற்ற வேண்டும், தமிழில் மட்டுமே பேச வேண்டும் என்றும், சிங்களத்தில் மட்டுமே பேசவேண்டும் என்றும் தமது மக்க ளைத் தூண்டிவிட்டவர்கள் அன்று பாராளுமன்றத்தில் ஆங்கிலத்திலேயே பேசினார்கள். அவர்கள் தாமே மக்களை ஆளுபவர்களாக எண்ணியே இவ்வாறு செயற்பட்டார்கள் என்றும் ரங்கா தெரிவித்தார்.

ஒரு மனிதனுக்கு தொடர்பாடல் என்பது மிக முக்கியமானது. நாம் எமக்குத் தெரிந்த எமது தாய் மொழி யில் மட்டுமே பிற மொழி பேசுபவ ருக்கும் கருத்துகளை முன்வைக்க முடியாது. அவ்வாறு கருத்துகள் திணித்து முன்வைக்கப்படும்போது, அது ஐம்பதாவது நபரைச் சென்றடை யும்போது, பல மாறுபட்ட எதிர்மறை யான கருத்துகளுடனேயே பரிமாறப் படும். எனவே மொழிகளைக் கற்றுக் கொண்டு கருமமாற்ற நாம் எம்மைத் தயார்படுத்த வேண்டும்.

கொரியாவில் வேலை வாய்ப்பினைப் பெற்றுக்கொள்வதற்காக அவசர அவசர மாக கொரிய மொழியைக் கற்றுக் கொள்கிறோம். சீனாவில் வைத்தியத் தொழில் கற்பதற்காக சீன மொழியைக் கற்கிறேம். ஏன் வளைகுடா நாடுகளில் தொழிலாளர்களாகச் செல்வதற்கும் இப்போது அரபு பாஷையைக் கற்றுக் கொள்கிறோம். ஆனால் இரண்டு மொழிகளே உள்ள ஒரு நாட்டிலே இருந்துகொண்டு எமது சகோதர மொழியைக் கற்றுக்கொள்வதில் ஆர்வம் காட்டுவதில்லை. இது கவலைக் குரிய விடயமே எனவும் ஸ்ரீ ரங்கா தெரிவித்தார்.

இந்தியாவிலே பல மொழிகள் பேசப்படுகின்றன. ஹிந்தி மொழிக்கு அங்கு முக்கியத்துவம் கொடுத்தாலும், தமிழ் உட்பட ஏனைய மொழிகளுக்கும் அங்கீகாரம் வழங்கப்பட்டுள்ளது. தமிழ் மொழிக்கு அங்கு உரிய அரச அந்தஸ்து வழங்கப்பட்டுள்ளது.. அதேபோன்று சுவிட்ஸர் லாந்தில் நான்கு மொழிகள் அரச கரும மொழிகளாக உள்ளன. கனடாவில் இரண்டு மொழிகளில் தேசிய கீதம் இசைக்கப்படுகின்றது.

இலங்கையில் தமிழ் மக்கள் சிறு பான்மையாக இருக்கலாம். ஆனால் உலக நாடுகளில் அவர்களின் எண் ணிக்கை பெரும்பான்மையாக உள்ளது. 2001 ஆம் ஆண்டு கணக்கெடுப்பில் உலகில் 68 மில்லியனாக தமிழ் மக்கள் இருந்துள்ளனர். இதுவே இன்று 2011 இல் எவ்வளவாக அதிகரித்திருக்கும். அத்துடன் உலகளாவிய ரீதியில் 1,863 தமிழ் சஞ்சிகைகள் வெளிவருகின்றன. 383 தினசரி நாளிதழ்கள் உலகில் வெளியிடப்படுகின்றன.

அதேபோன்று சிங்கப்பூரிலும், இந்தியாவிலும் அரச கரும மொழி யாகத் தமிழும் உள்ளது. சிங்கப்பூரின் பொருளாதார வளர்ச்சியில் இலங்கைத் தமிழ் மக்களுக்கும் பெரும் பங்களிப்பு உள்ளது என அந்நாட்டு நிதி அமைச்சர் குறிப்பிட்டுள்ளார். எனவே உள்நாட்டில் தமிழுக்கும் உரிய கெளரவமும் அந்தஸ்த்தும் கிடைக்க வேண்டும். இனவாதம் பேசி அரசியல் நடத்துவோரை நாம் புறக்கணிக்க வேண்டும் எனவும் ஸ்ரீ ரங்கா தெரிவித்தார்.

இன்று சர்வதேசம் தமது நலனுக்காக உள்நாட்டில் மக்களைச் சமய ரீதியாவும், மொழி ரீதியாகவும் பிரித்தாளச் சதி செய்து வருகின்றது. இதில் நாம் சிக்கிவிடாது செயற்பட வேண்டும். இன்று நாட்டின் பொருளாதாரம் அசுர வேகத்தில் வளர்ச்சி கண்டு வருகின்றது. இதனைப் பொறுத்துக்கொள்ளாத சர்வதேசம் எமை நசுக்குவதில் குறியாக உள்ளது. முன்னர் சிங்கப்பூரைப் பார்த்து அந்நாடு போன்று நமது நாடும் வளர்ச்சி அடைய வேண்டுமென விரும்பியதுண்டு. ஆனால் இன்று நிலைமை மாறி நமது நாடு போன்று தமது நாட்டையும் வளர்ச்சிப் பாதையில் இட்டுச் செல்ல வேண்டுமென அவர்கள் கூறி வருகிறார்கள் என்றும் ஸ்ரீ ரங்கா தனதுரையில் தெரிவித்தார்.