அமெரிக்க இராணுவ பிரசன்னம் ஆசியாவில் வலுப்படுத்தப்படும் - பாதுகாப்பு அமைச்சர் ரொபேர்ட் கேட்ஸ்

ஆசியப் பிராந்தியத்தில் தனது பிரசன்னத்தை அமெரிக்க இராணுவம் தொடர்ந்தும் வலுப்படுத்துமென்று அந்நாட்டு பாதுகாப்பு அமைச்சர் ரொபேர்ட் கேட்ஸ் நேற்று சனிக்கிழமை உறுதியளித்துள்ளார். தனது நேச அணிகளைப் பாதுகாப்பதற்காகவும் கடல் மார்க்கங்களின் பாதுகாப்பை உறுதிப் படுத்துவதற்காகவும் அதிநவீன தொழில்நுட்ப ஆயுதங்களுடன் அமெரிக்க இராணுவத்தின் வலுவான பிரசன்னம் தொடர்ந்திருக்கும் என்று அவர் கூறியுள்ளார்.

 
சிங்கப்பூரில் இடம்பெற்ற பாதுகாப்பு மாநாட்டின் போதே அவர் இதனைத் தெரிவித்திருக்கின்றார். வாஷிங்டனின் நிதிப் பிரச்சினைகள் மற்றும் பிராந்தியத்தில் சீனாவின் பலம் அதிகரித்துவருகின்றமை என்பது தொடர்பாக ஆசிய நாடுகளுக்கு மீள உறுதிப்படுத்தும் நோக்கத்தைக் கொண்டதாக கேட்ஸின் கருத்து அமைந்திருக்கிறது.
இந்து சமுத்திரத்தில் அவுஸ்திரேலியாவுடன் வசதிகளை பகிர்ந்துகொள்ளும் தனது பிரசன்னத்தை அமெரிக்க இராணுவம் அதிகரிப்பதற்குப் பதிலாக சிங்கப்பூருக்கு புதிய யுத்தக் கப்பல்களை அமெரிக்கா நகர்த்தவுள்ளது. சிங்கப்பூரில் அமெரிக்கா ஒழுங்கான கடற்படை வசதிகளைக் கொண்டுள்ளது என்று ரொபேர்ட்ஸ் கேட்ஸ் கூறியுள்ளார். ஆழமற்ற கரையோரப் பகுதியிலும் அமெரிக்காவின் (எல்.சி.எஸ்.) யுத்த கப்பல்கள் வேகமாக செல்லக் கூடியவை. சிங்கப்பூரானது அமெரிக்காவின் நேச அணியாகும். அத்துடன் உலகிலேயே சுறுசுறுப்பான கடல் வர்த்தகப் பாதைகளை சிங்கப்பூர் கொண்டுள்ளது.

சீனாவின் வளர்ச்சி அதிகரித்து வருவதை எதிர்கொண்டுள்ள நாடுகள் அமெரிக்கா தெரிவித்திருக்கும் கருத்துகளை சமிக்ஞைகளாகப் பார்க்கின்றன. ஆசியாவில் அமெரிக்கா நீண்டகால பாதுகாப்புத் திட்டங்களைக் கொண்டுள்ளதை வெளிப்படுத்துவதாக கேட்ஸின் கருத்துகள் அமைந்துள்ளன.

ராடாரின் பிடிக்குள் அகப்படாமல் செல்லும் விமானங்களைக் கண்டுபிடித்தல், கண்காணிக்கும் நீர் மூழ்கிகளை வைத்திருத்தல், யுத்தக் கப்பல்கள் மற்றும் விண்வெளி சைபர் ஆயுதங்கள் போன்றவற்றை நிலைகொள்ள வைத்தல், போன்றவற்றின் ஊடாக ஆசியாவில் அமெரிக்காவின் பிரசன்னங்களை முதலீடுகள் மேற்கொள்ளப்படுமென ரொபேர்ட் கேட்ஸ் குறிப்பிட்டுள்ளார்.

 
பிராந்தியத்தில் எமது நேச அணிகள் பங்காளிகளின் சுதந்திரத்தையும் இறைமையையும் பாதுகாப்பதையும் காப்பாற்றுவதற்குத் தேவையான ஆற்றலைக் கொண்டதாக எமது ஆயுதத் திட்டங்கள் அமையுமென்று அவர் தெரிவித்ததாக ஏ.எவ்.பி. செய்திச் சேவை குறிப்பிட்டுள்ளது.

சீனாவின் பெயரை ரொபேர்ட்ஸ் கேட்ஸ் நேரடியாகக் குறிப்பிட்டிருக்கவில்லை. ஆனால், புதியதும் குழப்பத்தை ஏற்படுத்துவதுமான தொழில்நுட்பங்கள், ஆயுதங்கள் என்பனவற்றுக்கு இடமில்லாமல் நிராகரிக்கப்படுவதை அமெரிக்கப் படையினர் பதிலாகக் கொண்டிருப்பர். முக்கியமான கடல் மார்க்கங்களில் செல்வதற்கும் தொடர்பாடல் மார்க்கங்களை சென்றடைவதற்கும் தயாராக அமெரிக்கப் படையினர் இருப்பார்கள் என்று அவர் மேலும் கூறியுள்ளார்.