தயாநிதி மாறன் அமைச்சரவையிலிருந்து நீக்கப்படுகிறார்?

2ஜி ஸ்பெக்ட்ரம் ஊழல் வழக்கில் மூன்றாவது குற்றப்பத்திரிகை இம்மாத இறுதிக்குள் தாக்கல் செய்யப்பட உள்ள நிலையில், இந்த ஊழலில் வலு வாக சிக்கியுள்ள தற்போதைய மத்திய ஜவுளித்துறை அமைச்சரும் முன் னாள் தொலைத்தொடர்புத்துறை அமைச்சருமான தயாநிதிமாறனின் பெயர் குற்றப்பட்டியலில் இடம் பெறக்கூடும் என்ற சூழலில், மத்திய அமைச்சரவையிலிருந்து அவர் நீக்கப்படுவார் என்று தில்லியில் பர பரப்புச் செய்திகள் எழுந்துள்ளன.

ரூ. 1 லட்சத்து 76 ஆயிரம் கோடி அளவிற்கு சூறையாடப்பட்டுள்ள 2ஜி ஸ்பெக்ட்ரம் ஊழலில், காங்கிரஸ் தலைமையிலான ஐக்கிய முற்போக்கு கூட்டணி அரசின் முதலாம் ஆட்சிக் காலத்தில் தொலைத்தொடர்புத்துறை அமைச்சராக பதவி வகித்த திமுகவின் தயாநிதி மாறன், ஏர்செல் நிறுவனத் தை மலேசிய கார்ப்பரேட் நிறுவன மான மேக்ஸிஸ் குழுமத்திற்கு கை மாற்றிவிட்ட பேரத்தில் ஈடுபட்ட தும், இதற்காக ஏர்செல் நிறுவனத்தின் உரிமையாளர் சிவசங்கரனை மிரட்டி யதும், மேக்ஸிஸ் குழுமத்திற்கு கைமா றிய பின்னர் ஏர்செல் கம்பெனிக்கு புதிய தொலைத்தொடர்பு அலைக்கற் றை உரிமங்களை உடனடியாக வழங் கியதும், இதற்கு கைமாறாக மேக்ஸிஸ் குழுமம், தயாநிதி மாறன் - அவரது சகோதரர் கலாநிதி மாறன் குடும்பத் திற்குச் சொந்தமான சன் டி.வி. குழுமத் தில் ரூ.800 கோடி அளவிற்கு லஞ்சப் பணத்தை முதலீடாக செய்ததும் என அமைச்சர் தயாநிதி மாறன் மீது அடுக்கடுக்கான குற்றச்சாட்டுகள் எழுந்துள்ளன.

தயாநிதி மாறனும் கலாநிதிமாற னும் தனக்கு மிரட்டல் விடுத்தனர் என்று ஏர்செல் நிறுவனத்தின் முன் னாள் உரிமையாளர் சிவசங்கரன் பகி ரங்கமாக குற்றம் சாட்டியுள்ளார். இதுதொடர்பாக மத்திய குற்றப்புல னாய்வுக் கழகத்திடம் (சிபிஐ) அவர் வாக்குமூலம் அளித்துள்ளார்.

ஸ்பெக்ட்ரம் ஊழல் மட்டுமின்றி, சென்னையில் சன் டிவிக்காக தனது அமைச்சர் பதவியைப் பயன்படுத்தி பிஎஸ்என்எல் நிறுவனத்தின் இணைப்புகளைப் பெற்று 323 இணைப்புகள் கொண்ட ஒரு இணைப்பகத்தையே தனது வீட்டின் மூலம் முறைகேடாக உருவாக்கி, பொதுத்துறை பிஎஸ்என்எல் நிறு வனத்தின் வருமானத்தைக் கோடிக் கணக்கில் கொள்ளையடித்தார் என்று இந்தியன் எக்ஸ்பிரஸ் ஏடு ஏராளமான ஆதாரங்களுடன் செய்திகள் வெளி யிட்டுள்ளது. இந்தச் செய்திகள் பொய் யானவை என்று அமைச்சர் தயாநிதி மாறன் மறுத்தபோதிலும், மீண்டும் பிஎஸ்என்எல் சென்னை அலுவலக ஆவணங்களுடன் கூடிய ஆதாரங் களுடன் இந்த முறைகேடுகள் அம் பலப்படுத்தப்பட்டுள்ளன.

இந்தப்பின்னணியில் தயாநிதி மாறன் மீதான ஊழல் - முறைகேடு குற்றச்சாட்டுகள் தொடர்பாக சிபிஐ விசாரணைக்கு தயாராகி வருகிறது. ஏர்செல் முன்னாள் உரிமையாளர் சிவசங்கரனின் வாக்குமூலத்தை அடிப்படையாகக் கொண்டு தயாநிதி மாறன் மீது புகார் பதிவு செய்து விசா ரணை நடத்த சிபிஐ திட்டமிட்டுள் ளது. அவர் ஒரு மத்திய அமைச்சராக இருப்பதால், 1998 ஊழல் தடுப்புச்சட் டத்தின் கீழ் வரும் மேற்கண்ட ஊழல் குற்றச்சாட்டுகள் தொடர்பாக தில்லி சிறப்பு காவல்படைச் சட்டம் பிரிவு 6(ஏ)ன் கீழ் அவர் மீது வழக்குப்பதிவு செய்ய மத்திய அரசின் அனுமதியை சிபிஐ நாடியிருக்கிறது. இதற்கான நடைமுறைகள் முழுமையடைய சுமார் 3 வார காலம் ஆகும் என்று சிபிஐ அதிகாரிகள் தெரிவிக்கின்றனர். மத்திய அரசு அனுமதி அளித்தவுடன் தயாநிதி மாறன் மீது புகார் பதிவு செய்யப்பட்டால், அதைத்தொடர்ந்து ஸ்பெக்ட்ரம் ஊழலின் 3வது குற்றப்பத்திரிகையில் அவரது பெயர் இடம்பெறும் என்று சிபிஐ வட் டாரங்கள் தெரிவிக்கின்றன.

இதனிடையே, நாடாளுமன்றக் கூட்டுக்குழுவும் தயாநிதி மாறன் மீதான மேற்கண்ட குற்றச்சாட்டுகள் குறித்து விசாரிக்க தயாராகி வருவதாக தகவல்கள் தெரிவிக்கின்றன.

நீக்கப்படுகிறார்?

இந்தப்பின்னணியில், மத்திய அமைச்சரவையை விரிவாக்கும் தனது யோசனையை பிரதமர் மன்மோகன் சிங் ஒத்திவைத்திருப்பதாக தில்லி தகவல்கள் தெரிவிக்கின்றன. நாடு முழுவதும் ஊழலுக்கு எதிரான மக்க ளின் உணர்வலை கொதித்து எழுந்து வரும் நிலையில், மிகக்கடுமையான ஊழல் குற்றச்சாட்டுகளுக்கு உள்ளா கியுள்ள அமைச்சர்களை, குறிப்பாக தயாநிதி மாறனை நீக்க வேண்டிய கட்டாயமும் மன்மோகன் சிங்கிற்கு எழுந்துள்ளது.

தயாநிதி மாறனின் பிரச்சனையை அவரே சமாளித்துக்கொள்வார் என்றும் சிபிஐ விசாரணையை அவரே எதிர்கொள்வார் என்றும் திமுக தலைவரும் முன்னாள் முதலமைச்சரு மான கருணாநிதி கூறியுள்ள பின்ன ணியில், மாறனுக்கு எதிராக நடவடிக் கை மேற்கொள்ள பிரதமருக்கு எவ் விதத் தடையும் இல்லாத சூழல் ஏற் பட்டுள்ளது.

மேலும், ஆ.ராசா கைது செய்யப் பட்டதைத் தொடர்ந்து தொலைத் தொடர்புத்துறை அமைச்சகம் கபில் சிபலிடம் கூடுதலாக ஒப்படைக்கப் பட்டது. இதேபோல வேறு சில துறைகளை ஒரு அமைச்சரே கவ னித்து வரும் நிலையில் மத்திய அமைச்சரவையில் மாற்றம் செய்ய வேண்டிய நிர்ப்பந்தத்திலும் பிரதமர் இருக்கிறார். எனினும் வரலாறு காணாத ஊழல்களால் கறைபடிந் துள்ள காங்கிரஸ் தலைமையிலான மத்திய அரசு, இப்போதைக்கு அமைச் சரவை மாற்றத்தை மேற்கொள்ளா மல், தயாநிதி மாறனை மட்டும் பதவி யிலிருந்து நீக்கி தனது பெயரை காப் பாற்றிக்கொள்ள முயற்சிப்பதாக தெரி கிறது.