கிழக்கில் இடமாற்றங்களின் போது எந்தவித பாகுபாடோ, அரசியல் செல்வாக்கோ இருக்கக்கூடாது - தோழர் ரட்ணம்

கிழக்கில் சூழல் உருவாகியுள்ளபோது இன்னமும் கல்வியில் சமநிலை ஏற்படுத்தப்படவில்லை. இடமாற்றங்கள் மூலம் அந்த நிலை மாற்றப்பட வேண்டும், அத்துடன் இடமாற்றங்களின் போது எந்தவித பாகுபாடோ, அரசியல் செல்வாக்கோ இருக்கக்கூடாது என கிழக்கு மாகாண சபை உறுப்பினர் இரா துரைரெத்தினம் தெரிவித்துள்ளார்.நிண்ட காலமாக ஆசியரியப் பற்றாக்குறையுள்ள பாடசாலைகளுக்கு ஆசிரியர்களை நியமிக்கக் கோரல் எனும் தலைப்பில் கிழக்கு மாகாண ஆளுனர் மொஹான் விக்கிரமதுங்கவுக்கு இன்று வெள்ளிக்கிழமை காலை அனுப்பியுள்ள அவசரத் தொலை நகல் கடிதத்திலேயே அவர் இதனைத் தெரிவித்துள்ளார்.

அக்கடிதத்தில் மேலும் குறிப்பிடப்பட்டுள்ளதாவது, நீண்டகாலமாக கிழக்கு மாகாணத்தில் ஏற்பட்ட யுத்தத்தால் கஸ்ரப் பிரதேசங்கள்.உருவாகியது. இக்கஸ்ரப்பிரதேசத்தில் கல்வியில் சமமின்மை உருவாக்கப்பட்டது. இதன் காரணமாக கல்வி வளமுள்ள பகுதி, கல்வி வளமற்ற பகுதி என இரண்டாகத் தோற்றமளித்தது. இருந்தும் கிழக்கு மாகாணத்திலுள்ள கல்வி அதிகாரிகளின் முயற்சி மற்றும் திறமையால் கல்வியில் ஏற்பட்ட பாரிய தேக்க நிலை ஓரளவுக்கு தடுக்கப்பட்டது.

தற்போது யுத்தம் ஓய்ந்து நல்ல சூழ்நிலை உருவாகியுவரும் போது கிழக்கு மாகாணத்தில் கல்விச் சமநிலை தோற்றுவிக்கப்படவில்லை. கிழக்கு மகாண சபையில் கடந்த மாதம் இடமாற்றம் ஊடாக கல்வி பாதிப்படையக்கூடாது என:;றும் ஆசிரியர் வெற்றிடமாகவுள்ள இடங்கள் நிரப்ப்பட நடவடிக்கை எடுக்கப்பட வேண்டும் என:றும் தீர்மானம் நிறைவேற்றப்பட்டது. முதலமைச்சர் அவர்களும் நேற்று (வியாழக்கிழமை) வெற்றிடமாகவுள்ள பாடசாலைகளுக்கு ஆசிரியர்கள் இடமாற்றப்படுவார்கள் என:று கூறியிருந்தார்.

கிழக்கு மாகாணத்தில் ஆசிரியர்கள் பல கோட்டக்கல்வி அலுவலகப்பிரதேசங்களில் அதிகமாக இருக்கும் போது ஆசிரியர்கள் இல்லாத பிரதேசங்களும் உள்ளன. குறிப்பாக கஸ்ரப்பிரதேசங்கள். சம்மாந்துறை, அக்கரைப்பற்று, பட்டிருப்பு, கல்முனை, மட்டக்களப்பு மத்தி, திருகோணமலை நகரம் ஆகிய கல்வி வலயங்களில் 1200 ஆசிரியர்கள் மேலதிகமாகவுள்ளனர். இதே வேளை மகாஓயா, கல்குடா, மட்டக்களப்பு, திருகோணமலை மாவட்டத்தில் இரு வலயங்களில் 900 ஆசிரியர்கள் தேவையாகவுள்ளனர்.

அத்தோடு பல பட்டதாரிகளுக்கு பாடவிதானம் குறிப்பிடப்படாமலே நியமனங்கள் வழங்கப்பட்டுள்ளமையாலும் பல சிக்கல்கள் உருவாகியுள்ளன.

எனவே ஆசிரிய வெற்றிடமுள்ள பாடசாலைகளுக்கு ஆசிரியர்களை நியமிக்க நடவடிக்கை எடுக்கப்பட வேண்டும். இதில் எந்தவித பாகுபாடோ, அரசியல் செல்வாக்கோ காணப்படக்கூடாது.

இதே வேளை உள்ளக இடமாற்றத்தின் போதும் , கோட்டங்களுக்கிடையிலான இடமாற்றங்களின் போதும் முறைகேடுகள் நடைபெற்றால், அவற்றினை நிவர்த்திக்க ஆளுனர் அவர்கள் நடவடிக்கை எடுக்க வேண்டும்

தற்சமயம் நடந்த இடமாற்றங்களில் ஒரு சில இடங்களில் முறைகேடுகள் நடைபெற்றுள்ளதாக முறைப்பாடுகள் செய்யப்பட்டுள்ளதாக அண்மையில் நடைபெற்ற வெல்லாவெளி மற்றும் களுவாஞ்சிக்குடி பிரதேச செயலக அபிவிருத்திக்குழுக் கூட்டங்களில் முறைப்பாடுகள் தெரிவிக்கப்பட்டது. அத்துடன் 38ஆம் கொலனி உள்ளிட்ட இடங்களில் ஆர்ப்பாட்டங்களும் நடத்தப்பட்டிருந்தன. எனவே இவற்றினை தீர விசாரித்து நடவடிக்கை எடுக்க வேண்டும்.

எனவே நடக்கின்ற இடமாற்றங்களின் போது முறைகேடான இடமாற்றங்களுக்கு நடவடிக்கை எடுத்தல்.. வெற்றிடமாகவுள்ள பாடசாலைகளுக்கு ஆசரியர்களை நியமதித்தல் ஆகிய விடயங்களை முன்வைத்து (கவனத்திலெடுத்து) இடமாற்ற நடவடிக்கைகளை மேற்கொள்ள வேண்டும் எனக் கேட்டுக் கொள்கிறேன் எனக் குறிப்பிடப்பட்டுள்ளது.

இத் தொலை நகலின் பிரதிகள் கிழக்கு மாகாண முதலமைச்சர் சந்திரகாந்தன், மீள்குடியேற்ற பிரதி அமைச்சர் வி.முரளிதரன், கிழக்கு மாகாண கல்வி அமைச்சர் ஆகியோருக்கும் அனுப்பி வைக்கப்பட்டுள்ளன.