தமிழ் கனடியர்களுக்கான ஐக்கிய ஜனநாயக கலாச்சார அமைப்பு

(பத்திரிகை அறிக்கை)

தாயகத்தில் தேவைகளை நாடுகின்ற மக்களுக்காக புதிய அமைப்பாக உருவெடுத்த நாம் எமது சமூகத்தில் தனிமைப்படுத்தப்பட்டவர்களை ஒருங்கிணைத்து பல்வேறு கலாச்சார வடிவங்களை ஒருங்கிணைத்து கருத்து ஒருமித்தவர்களுக்கு எமது தாயகத்தின் எதிர்காலத்தை அழைத்துச் செல்ல விளைகின்கின்றோம்.

புலிகளின் எச்சசொச்சங்கள் குறிப்பாக பருத்த கடல் கடந்த தமிழ் குறும் தேசியவாதத்தை அடிப்படையாகக் கொண்டு கனடியத் தமிழ் தீவிரவாதிகளின் துணையோடு மேற்குலகின் 'ஜனநாயகம்' இன் போர்வையில் கனடாவில் உலா வருகின்றது. இதே போலவே 'வெற்றி' கொண்ட சிங்களப் பேரனவாதமும் இலங்கையில் சிறுபான்மையினரின் உரிமைகளை தொடர்ந்தும் மறுதலித்து வருகின்றது. கூடவே அவர்களின் அரசியல் அபிலாஷைகளை மறுதலிப்பதோடு தொடந்தார்போல் வீறுகொண்டு சிங்கள் குடியேற்றவாதக் கொள்கையை இலங்கைத் தீவு முழவதும் பிரச்சாரமாக செயற்படுத்துகின்றது. போரில் பாதிக்கப்பட்டவர்கள் அனைத்துப் இனப்பிரிவுகளிலும் நாடு முழுவதும் பரந்துபட்டுள்ளனர். இப் போரின் பாதிப்புக்குள்ளாகிய பிரஜைகளின் துன்பங்கள் நாடு முழுவதும் காணப்படுவது உண்மை. தமிழ் தீவிரவாதிகள் கனடாவில் தொடர்ந்தும் அப்பாவி தமிழ் மக்களை தமக்கு இரையாக்கி வருகின்றனர். பொய்யான பிரச்சாரத்தினூடு பல்வேறு வகையான குற்றச் செயல் நடவடிக்கைகளை புலம் பெயர் தமிழர் மத்தியில் தொடர்ந்தும் செய்து வருகின்றனர். இதற்கு அவர்கள் இலங்கை அரசு அடையாளப்படுத்துகின்றனர். இதற்கு இலங்கை அரசால் தமிழ் மக்களின் சமூக அரசியல் அபிலாஷைகள் அங்கீகரிக்க மறுக்கும் நிலையும் மறுதலிக்கும் நிலையும் காரணமாக அமைகின்றன.

இப் போரில் பாதிக்கப்பட்டவர்களுக்கு உதவும் முகமாக நாம் உருவெடுத்தோம். ந}ம் ஒரு அரசியல் அமைப்பு அல்ல. எவ்வாறாகினும் இலங்கைச் சிறுபான்மையினரின் அரசியல் பிரச்சனையில் எமது நிலைப்பாட்டைத் தெளிவுபடுத்த தயங்குவதில்லை. இலங்கையில் உள்ள தமிழ் மக்களின் அரசியல் அபிலாஷைகள் ஏற்றுக் கொள்ளப்பட வேண்டும். ஒரு சமஷ்டி முறைமையிலான அரசு வடிவம் மூலம் தீர்வு எட்டப்பட வேண்டும். முஸ்லீம்களின் உரிமைகளும், அரசியல் பொருளாதார மற்றும் சமூக கலாச்சார அபிலாஷைகள், மலையகத் தமிழர்களுக்கும் சமஷ்டி முறமையான அரசியல் தீர்வு மூலம் அரசியல் தீர்வு எட்டப்பட வேண்டும். இலங்கை மக்கள் தற்போதுள்ள அரசை எமது தீவில் உள்ள நீண்டகால அரசியல் பிரச்சனைக்கு தீர்வு காணும் பொருட்டே ஆதரித்தனர். மக்கள் பெரும்பான்மை அரசு ஒன்றை அரசியல் பிரச்னைக்கு தீர்வு காணும் பொருட்டே அங்கீகரித்தனர். மேலும் சர்வ அதிகாரம் பொருந்திய ஜனாதிபதிக்கும் தமிழ் பயங்கரவாதத்தை முறியடித்ததன் காரணமாகவும் ஆதரவு பெருங்கியது. இக் காரணங்களால் இந்த அரசாங்கம் அரசியல் யாப்பில் மாற்றங்களை ஏற்படுத்தி இலங்கை முழுவதும் உள்ள சிறுபான்மையினரின் கோரிக்கைகளை சட்ட வரையறைகள் மூலம் தீர்த்து வைப்பது இவ் அரசின் கடமையாகும்.

இலங்கை அரசையும், வெளிநாடுகளில் உள்ள ஏனைய இலங்கை அமைப்புக்களையும் இலங்கையின் சிறுபான்மை இனங்களின் அரசியல் பிரச்சனை சம்மந்தமாக தமது நிலைப்பாடுகளை வெளிப்படுத்துமாறு அதிலும் குறிப்பாக தமிழர் அரசியல் பிரச்சனை சம்மந்தமான நிலைப்பாடுகளை வெளிப்படுத்துமாறு நாம் அறை கூவல் விடுக்கின்றோம். இவ்வாறான தெளிவு பெற்ற கொள்கைப் பிரகடனம் தமிழர்களையும், வெளிநாடுகளில் உள்ள தமிழர் அமைப்புக்களையும் எமது நாட்டடை மீளக் கட்டியெழுப்ப வருமாறு இலங்கை அரசு அழைப்பதற்கு முன்னதாக அவசியமாக இருக்கின்றது. சிறுபான்மையிரனின் அரசியல் கோரிக்கைகள் இலங்கைக்குள் தீர்வு காணத் தவறினால் எமது தேசத்தின் பொருளாதார நிலமைகள் வீழ்ச்சி பெறும். அது மாத்திரமல்ல அரசியல் ஸ்திரத் தன்மையும் அற்ற நிலமைகளும் ஏற்படும். மேலும் சர்வ தேச ரீதியாக அரசியல் சக்திகளும், எதேச்சாகாரமாக செயற்படும் அரசுகளுக்கு எதிராக சர்வதேச நிலைப்பாடுகள் மூலம் அந்தந்ந நாட்டுப் பிரஜைகளை பாதுகாக்கின்ற என்ற தொனியில்; ஏற்படுதப் போகின்ற தாக்கங்கள் அளப்பரியனவாக இருக்கும்.

ந}ம் தீவிரவாதம் கொண்ட தமிழ் குறும் தேசியவாதிகளால் செய்யப்படுகின்ற பயங்கரவாதம் சார்ந்த பிரச்சாரத்தை ஆதரிக்கவில்லை. கூடவே சிறுபான்மையினரின் உரிமைகளை ஏற்க மறுக்கின்ற சக்திகளிடம் சரணடையவும் விரும்பவில்லை. நாம் அரசியல் சக்திகளை போரில் பாதிப்படைந்த மக்களுக்குரிய மனிதாபிமான வேலைகளை தடுக்கு வேண்டாம் என கேட்டுக் கொள்கின்றோம். அதே வேளை எமது தேசத்தில் அடிப்படையான உரிமைகளை வெளிப்படுத்துகின்ற உரிமையை ஆதரிக்குமாறும் வேண்டுகின்றோம்.

'யுத்தம் அற்ற நிலமை மட்டும் சமாதானம் அல்ல மாறாக நியாயமான அரசியல் தீர்வே சமாதானம் ஆகும்'

செயற்பாட்டுக் குழு

(நவம்பர் 05, 2011)

(இந்த பத்திரிகை அறிக்கை நவம்பர் 05, 2011 அன்று கனடாவில் நடைபெற்ற இலங்கை அமைச்சர் வாசுதேவ நாணயக்கார பங்கு பற்றி பொதுக் கூட்டத்தில் துண்டுப்பிரசுர வடிவில் விநியோகிகப்பட்டது.)