புலிகளின் முக்கிய புள்ளி ஒருவரின் வாக்கு மூலம் (பகுதி 13)

பிரபாகரனுடன் இறுதி வரை இருந்து முள்ளிவாய்கால் இறுதி சங்காரத் தில் தப்பியவரின் வாக்குமூலம்

சரி இனி எப்படி நம்மை சரணடைய வைத்து மோசம் செய்தனர் என சொல்லுகிறேன்
இறுதி போரின் இறுதி நாட்களில் இந்தியாவுக்கும், நமது தலைமைக்கும் நடந்த பேச்சுக்களில் கலந்து கொண்ட பாதிரியார் காஷ்பார் . போரை நிறுத்த புலிகளிடம் சில நிபந்தனைகளை முன்வைத்தார். எமக்கு 48 மணி நேரத்துக்குள் யுத்தநிறுத்தம் செய்யப்படும் என்று சொல்லப்பட்டது. அதுமட்டுமல்லாது தமிழ் மக்களுக்கு நிரந்தரமான தீர்வு வரும்பொழுது ஆயுதங்களை ஒப்படையுங்கள் என்றும் சொல்லப்பட்டது. இந்த நிபந்தனை விதிபோடு ,
தலைவர் (பிரபாகரன்) சரணடைய வேண்டும் பொட்டு அம்மான் சரணடைய வேண்டும்’ இன்னும் முக்கிய புலிகள் உறுப்பினர்கள் தம்மிடம் சரணடைய வேண்டும் என்று எந்த நிபந்தனையும் அப்போது விதிக்கப்பட்டது.

பின் உடனடியாக ஆயுதங்களை ஒப்படைக்க தயாராக இருங்கள் என்று வற்புறுத்தினார்கள்.
இவர்களது இந்த நிபந்தனைகளை நம் தலைமை பீடம் ஏற்றுக்கொள்ளவில்லை .இதற்கு காரணம் அந்த நெடியவுனடைய காஸ்ரோவினுடையதுமான ஐரோப்பிய நாட்டு உதவியுடன் கப்பல் அல்லது ஆகாய மூலமாக தலைவர்கள் காப்பாற்றப்படுவார்கள் என்ற அதீத நம்பிக்கைதான். ’

ஆனால் இலங்கை அரசு எந்தவிதமான சமாதானத்துக்கும் முன்வருவதாக இல்லை என்று எமக்கு நமது நாடுளுமன்ற உறுப்பினர் ஒருவர் சொன்னார். .
உண்மையில் “கடைசி நாளில் தலைவர் பிரபாகரனும், அதிமுக்கிய தளபதிகள் சிலரும் களத்தை விட்டு அகன்ற பின் காயமடைந்த போராளிகளை அப்புறப்படுத்திக் காப்பாற்றும் முடிவை எடுத்து அதற்காக புலிகளின் கடற்படைத் தளபதி சூசை மதுரை நபர் சு.வீயைத்தொடர்பு கொண்டார்

கனிமொழியின் உதவியோடு சிதம்பரத்துடன் பேசி போர்நிறுத்த நடவடிக்கைக்கு இலங்கையை வற்புறுத்தியுள்ளதாகவும் இதனால் “புலிகளின் அப்போதைய அனைத்துலகப் பொறுப்பாளர் கே.பி கொழும்பிலுள்ள இந்தியத் தூதுவரிடம் நாம் ஆயுதங்களை ஒப்படைக்கத்தயார் என்று எழுத்துமூலமாக உடனே கொடுக்கவேண்டும் என்றும் மற்றைய அனைத்தையும் இந்தியா மேற்கொள்ளும் என்றும் அந்த முடிவு எடுக்கப்பட்டுள்ளதாக பாதிரியார் எமக்கு அறிவித்தார்.

மக்களின் நலனுக்காகவும் போராளிகளின் பாதுகாப்புக்காகவும் நமது புலம்பெயர் தேச தலைவர்களின் நகர்வுகளின் நம்பகம் இல்லாமையாலும் நமது தலைமை உலகத்தின் இந்த நிபந்தனையை ஏற்று தலைவர்களில் ஒருபகுதியினர் முதலில் சரணடைவர் என்றும் பின் அடுத்தகட்டம் பற்றி சொல்லுவதாகவும் உடனடியாக இதை செய்ய நடவடிக்கை எடுக்கும்படி பாதிரியாருக்கும் கே.பி க்கும் நமது தலைமை சார்பில் நடேசனால் கூறப்பட்டது. .
இதனால் கே.பி ஆயுதங்களை இந்தியாவிடம் ஒப்படைக்கத் தயாராக இருப்பதாகவும், அது சாத்தியமில்லை என்றால் ஐ.நா ஏற்பாட்டில் ஒப்படைக்கிறோம்’ என்றும் சம்பந்தப்பட்டவர்களுக்கு அறிவித்தார்.

இந்தியா, அல்லது ஐ.நா.வின் முன்னிலையில் ஒரு தொகுதி பொறுப்பாளர்கள் முதலில் சரணடைவது என்ற புலிகளின் முடிவைச் கே.பி சொன்ன பொழுது, கால அவகாசமில்லை. இந்தியாவிடம் சரணடைவதற்கான சாத்தியப்பாடுகள் இப்பொழுது இல்லை.  இலங்கை ராணுவத்திடமே சரணடைவதுதான் தற்போது சாத்தியமானது அதற்கு சம்மதமா? என நமது தலைமையை கேட்கும்படி சிதம்பரம் கூறியதாக ’மறுபடி சில மணித்தியாலங்களில் எமக்கு அந்த பாதிரியார் மூலம் செய்தி வந்தது.

(தொடரும்...)