புலிகளின் முக்கிய புள்ளி ஒருவரின் வாக்கு மூலம் (பகுதி 15)

பிரபாகரனுடன் இறுதி வரை இருந்து முள்ளிவாய்கால் இறுதி சங்காரத் தில் தப்பியவரின் வாக்குமூலம்

இந்த இறுதி நேர முடிவுகள் அனைத்தையும் இந்தியா தான் எடுத்தது. இந்த முடிவை ஏற்கச் சொல்லி ஜெகத் கஸ்பர் மூலமாக கே.பி.யை நிர்ப்பந்தித்தார்கள் இந்த பாதிரியும் சிதம்பரமும் சேர்ந்து. இந்தியாவின் விருப்பங்களை மீறி ஐ.நா.மற்றும் மேற்குலகம் இலங்கையில் எதையும் செய்துவிடாது என்பது நமது தலைமைக்கு நன்கு தெரிந்த விடயம்தான். ஆனாலும் இறுதி நேரத்தில் மேற்குலக நாடுகள் மூலமாக கே.பி.யும் புலம்பெயர் தேசமும் எடுத்த முயற்சிகளினூடாக கொழும்புக்கு வந்தார் விஜய் நம்பியார். இவருடைய தம்பி சதீஷ் நம்பியார் இலங்கை ராணுவ ஆலோசகராக இருக்கின்றார் என்பதும் நமது தலைமைக்கு நன்கு தெரியும்.ஆனால் கொழும்பு சென்ற விஜய் நம்பியார் வந்து சில மணிநேரங்களில் இந்தியாவின் வற்புறுத்தலில் திரும்பி சென்று விடுகின்றார். இதை அப்பொழுது நமக்கு கொழும்பிலிருந்து தரா என்ற குறியிட்டு பெயர் கொண்ட ஒருவர் தெரிவித்தார். இதில் எமக்கு சந்தேகம் ஏற்பட்டுவிட்டது. ஆனாலும் என்ன செய்வது ?? இந்தியாவின் நடவடிக்கைகளுக்கு தடையாக இருக்காமல் அவர் சென்று விட்டார் என்பதே உண்மை.

மேலும் இலங்கை படையினரிடம் சரணடையுங்கள் என்று எம்மை நிர்ப்பந்தித்துக்கொண்டே, மேற்குலகின் தலையீடு கடைசி நேரத்தில் கூட வந்து சேரக்கூடாது என்பதில் மிகவும் கவனமாக இருகிறது இந்தியா என்றும் அவர் சொன்னார்.
ஜெகத் கஸ்பர் என்ற பாதிரியார் மூலமாக இந்தியா பார்த்துக் கொள்ளும் என்ற பொய்யான உறுதிமொழி எம் தலைமைக்கு வழங்கப்பட்டு இந்த உறுதிகளை நம்பித்தான் வெள்ளைக் கொடியோடு சிங்களப் படைகளிடம் சரணடையா நடேசன் தலைமையில் போராளிகள் தெரிவு செய்யப்படுகின்றனர்.
தூக்கமின்மை உணவின்மை, வலுவிழந்துவிட்டோம் , காயமடைதல், எங்கும் சிதறிக் கிடக்கும் மக்களின் பிணங்கள் என எல்லாம் எம்மை உளவியல் ரீதியாகவும், ராணுவ ரீதியாகவும் வெறுப்படைய வைத்துவிட்டது. இந்த சந்தர்ப்பத்தைப் பயன்படுத்திக் கொண்ட இந்திய அரசு, நாம் கூறிய ஆயுதங்களை மவுனிக்கச் செய்கிறோம். காயமடைந்தவர்களைக் காப்பாற்ற உதவுங்கள்” என்ற கோரிக்கையை ‘ஜெகத் கஸ்பர்ராஜ் என்ற பாதிரி மூலம் செயற்படுத்தவருகிறது.
நமது தலைமை முதலில் சரணடைய மறுத்தாலும் பின்னைய நாட்களின் பல்வேறு நாட்டு வற்புருத்தல்களாலும் நம்பியாரினதும் இந்தியாவினதும் உத்தரவாதத்துக்கு அமையவும் சரணடைய ஒரு தொகுதியினருக்கு அனுமதி வழங்கியது. இது நாம் அரசியல் வழிக்கு வருவதற்கான ஒரு நகர்வாகவே அரசியல் பிரிவினரை சரணடைய செய்தது எம்தலைமை.
மறுபுறத்தில் சூசை இந்திய தலைவர்கள் சிலரிடம் “காயமடைந்திருக்கும் போராளிகளையாவது வட்டுவாகல் வழியாக மீட்கும் கோரிக்கையைத்தான் சூசை கேட்டுக்கொண்டார். . அதுவும் நடைபெறவில்லை.
13ஆம் தேதி அதிகாலை கடற்படையும் தரைப்படையும் முள்ளிவாய்க்கால் கடற்கரையில் ஒன்று சேர்ந்ததோடு எமது படைகளும் மக்களும் சுற்றி வளைக்கப்பட்டு விட்டோம் . தப்பிக்க இருந்த வாய்ப்புகளும் இல்லாது போனது . .
இருந்தும் நாம் ஆயுதங்களை போடவில்லை. காயமடைந்தவர்களைக் காப்பாற்றுங்கள் என்று பாதிரியாரிடமும் கனிமொழியிடமும் கேட்டோம் .இந்த நேரத்தில் நீடித்துக் கொண்டிருக்கும் போரை முடிவுக்குக் கொண்டு வர விரும்பிய இந்தியா, ஜெகத் கஸ்பரைப் பயன்படுத்தி காரியத்தை முடித்துக்கொண்டது என்பதுதான் உண்மை.
வெள்ளைக் கொடியேந்தி சரணடையும் முடிவு இந்தியாவின் உத்திரவாதத்தின் பேரில் எம்மால் ஏற்கெனவே எடுக்கப்பட்டு விட்டது. இது விஜய் நம்பியார் மேரி கொல்வின் ஊடாக தந்த உத்தரவாதத்தின் பேரில் நடைபெற்றது.[தொடரும்....]