புலிகளின் முக்கிய புள்ளி ஒருவரின் வாக்கு மூலம் (பகுதி 17)

பிரபாகரனுடன் இறுதி வரை இருந்து முள்ளிவாய்கால் இறுதி சங்காரத் தில் தப்பியவரின் வாக்குமூலம்

நாம் நமது தலைவரையாவது காப்பாற்ற வேண்டும் அதற்கு ஒரு வழி தேவை என்று அதற்காவது ஒழுங்கு செய்யும்படியும் கேட்டுக்கொண்டோம். அதற்கு நெடியவனும் கஸ்ரோவும் கே.பி யும் செய்த வேலைகள் அடுத்து சொல்லுகிறேன்? இந்த சந்தர்ப்பத்தில் கே.பி தலைவரையும் சரணடையசொல்லி வற்புறுத்திய வண்ணமே இருந்தார். ஆனால் இப்போதுள்ள 3000 குட்பட்டவர்கள் ஆயுதங்களைக் கீழே போடுவோம், கையளிக்கப் போவதில்லைஎன சொல்லப்பட்டது. இதன் போது கே.பிக்கு தலைவரால் சொல்லப்பட்ட செய்தி உலகுக்கு சொல்லும்படி ஆயுதங்களை நாங்கள் கீழே போட விரும்புகின்றோம். எமது தேசத்துக்கு ஒரு அரசியல் தீர்வைக் காண விரும்புகின்றோம்.என்று அறிவிக்கும் படி சொல்லப்பட்டது.

தலைமையை காப்பாற்றும் முயற்சி

தலைவரையும் சில முக்கிய தலைவர்களையும் இறுதிக் காலகட்டத்தில் பாதுகாப்பது தொடர்பாக நமது கட்டளைப்பீடம் பல்வேறு வழிகளில் முயற்சிகள் எடுத்து எவையும் சாத்தியமற்றுப் போனமையால் அவரை பாதுகாக்கும் திட்டம் குறித்து சார்ல்ஸ் அன்ரனிவசம் கொடுக்கப்பட்டது. இவர் கேபியுடன் புதிய திட்டம் ஒன்றை சொல்லி அதற்காக உலங்கு வானூர்தி ஒன்றினை வாங்கி திறமை மிக்க ஓட்டுனர்கள் உதவியுடன் பாதுகாப்பான இடம் ஒன்றுக்கு தலைவரையும் சிலரையும் கொண்டுசெல்வது என்று புதிய திட்டம் வகுக்கப்பட்டது. இத்திட்டத்தின் படி வன்னியை விட்டு நகரமாட்டேன் என பிடிவாதமாக அதுவரை நாழும் இருந்த தலைவரை சார்ல்ஸ் மூலமாக தலைவரை சம்மதிக்க வைத்ததுடன் உடனடியாக நடைமுறைப்படுத்த ஆவன செய்யும்படி கேபியிடம் தெரிவிக்கப்பட்டது.

இந்த நகர்வுக்கு ஏறத்தாள 3 மில்லியன் அமெரிக்க டொலருக்கு மேல் பணம் தேவை என்றும் கே.பி சொன்னதற்கு, அதற்கான அனைத்து ஒழுங்குகளையும் நெடியவன் மற்றும் காஸ்ரோ மூலம் கே.பி க்கு கொடுக்க ஒழுங்கு செய்யப்பட்டது. உடனடியாக பணத்தை கே.பி இடம் கொடுக்குமாறும் தலைமை பீடத்தால் நெடியவனுக்கும் காஸ்றோவுக்கும் உத்தரவிடப்பட்டது.

அன்றைய காலத்தில் நமது புலம்பெயர் நிதிகளுக்கு இந்த இருவரும் தான் பொறுப்பு.

ஆனால் நடந்தது வேறு! சார்ள்ஸ் அன்ரனி தலைவரை பாதுகாக்கும் பொறுப்பேற்றபின் அவரது குடும்ப அங்கத்தவர்கள் முக்கிய நபர்களை காப்பாற்ற ஒழுங்கு செய்யும்படி கே.பி இடம் சொல்லப்பட்டது . அதற்கு கே.பி வான்வழி மூலம் காப்பாற்றுவதட்கான முதற்கட்ட ஏற்பாடுகளை செய்துவிட்டு அதற்கான பணத்தை தரும்படி சாள்சிடம் மறுபடி தொடர்பு கொண்டார்.

இத்திட்டத்தின்படி கடற்படை கண்ணில்படாத தொலைவிலுள்ள ஆபிரிக்க நாடுகள் அல்லது நமது நடவடிக்கைகளை சிறப்பாக மேற்கொள்ளும் ஆசிய நாடு ஒன்று இவை ஏதாவது ஒரு நாட்டுக்கு கொண்டு செல்வது எனவும் இதற்காக கே.பி இந்த நாடுகளின் சிரேஷ்ட தலைவர்களுடன் தொடர்புகொண்டு அவர்களது சம்மதத்தை பெற்றும் இருந்தார் என்று எங்களுக்கு சொல்லப்பட்டது. எனவே நாம் இந்த மிகவும் அபாயகரமான முயற்சியை எடுக்க முடிவுசெய்து கொண்டோம். 

அதன்படி மிக வறிய ஆபிரிக்க நாடு ஒன்றின் துறைமுகத்திலிருந்து கப்பல் ஒன்றை ஏற்பாடு செய்யப்பட்டிருந்தது. உக்ரேய்ன் நாட்டிலிருந்து ஒரு உலங்கு வானூர்தியையும் வாங்கஒழுங்கு செய்யப்பட்டு அதன் மாதிரியும் அனுப்பப்பட்டிருந்தது. இதை ஓட்டுவதற்காக நமது வான்படையைச்சேர்ந்த மிக பயிற்சி பெற்ற இரு விமானிகள் வன்னிக்கு உலங்கு வானூர்தியை கொண்டுசெல்வதற்கும் ஒழுங்கு செய்யப்பட்டிருந்தது. ஆனால் சார்ல்ஸ்அன்ரனி தவிர மற்றைய தலைவரின் குடும்பம் அவர்களுடன் பொட்டுஅம்மான், வேறு முக்கிய சில பொறுப்பாளர்கள் உட்பட முதலில் 15 பேரை கொண்டு செல்வது எனவும் முடிவு செய்யப்பட்டது.

ஆனாலும் தலைவர் நாட்டை விட்டு வெளியேற மறுத்தமையால் அவரை இலங்கையின் அடர்ந்த காடு ஒன்றில் அவரையும் சில பொறுப்பாளர்களையும் இறக்கிவிட்டு அண்ணி மற்றும் துவாரகா, பாலச்சந்திரன் பொட்டரின் மனைவி பிள்ளை ஆகியோரை உலங்கு வானூர்தி மூலம் அந்த ஒதுக்கப்பட்ட கப்பலுக்கு கொண்டு செல்லப்படுவர் எனவும் தலைமை ஒழுங்கு செய்திருந்தது. இதற்காக அந்தகப்பலில் கே.பி இருப்பார் எனவும் சொல்லப்பட்டது.

மிக ஆபத்தான வாழ்வா சாவா என்ற இந்த நடவடிக்கைகளை செய்ய நமது வான்படை தயாராக இருந்தது. அத்துடன் இந்த நடவடிக்கை வெற்றி பெற்றால் மேலும் சிலர் கொண்டு செல்லப்படுவர் எனவும் முடிவெடுக்கப்பட்டது.

(தொடரும்...)