(லோகநாதன், ஜேர்மனி)

திருட்டுகளும் தீமைகளும் எப்பொழுதுமே கவர்ச்சி, லாபம், குதூகலம். இலகுவான பின்பற்றல், உற்சாகம், பிரமாண்டம் என பலதைத் தம்மோடு வைத்திருப்பவை. இவற்றை உணராது தீமைகளுக்குள் மூழ்கிக் காலம் காலமாகச் செக்கிழுத்தே மாளும் மக்கள் உலகத்தைப் பார்த்து நெஞ்சு பொறுக்காமல் குமுறும் மனிதர்க்கெல்லாம் மாற்றத்துக்கான பங்களிப்பு ஏதாவது செய்யத் தோன்றும். அதன் ஒரு வடிகாலாக என்னால் அறிந்ததை எழுதத்தான் முடிகிறது.
இது வெட்டித்தனம், பயனற்றது, யார் பார்ப்பார் என்ற இலகுவான கேலிக்கெல்லாம் ஆளானாலும் என் தார்மீகக் கடமை என ஒரு திருப்தி. 'திருட்டு உலகமடா தம்பி தெரிந்து நடந்துகொள்ளடா . . . .' என்று எச்சரிக்கும் கவிஞனின் பாடல் வரிகளையும் திருடர்களே திருடி வைத்து விளம்பரம் செய்கின்ற அளவுக்கு திருட்டு வளர்ந்து கிடக்கின்றது.
„நன்மைக்கும், நல்லவற்றுக்கும் விளம்பரம் தேவையில்லை' என்ற மேற்கோள் தலைகீழாக மாறியிருக்கிறது.
 

நாமோ, சுண்ணாம்பை வெண்ணையாகச் சுவைத்தே பழகிவிட்டோம் வெண்ணெய் கிடைத்தாலும் வெற்றிலையில் தான் தடவுவோம்' என்ற கரிவரிகள் போல உலகம் பூராவும் வாழ்வு செத்துக்கிடக்கிறது. ஆண்டாண்டுகளாக அழுது புரண்டாலும் இந்தத் திருடர்களாற் கொன்றொழிக்கப்பட்ட „நேரான உலகம்' என்ற அந்த ஆரோக்கியமான குழந்தை(வாழ்வு) இதுவரை மீண்டு வந்ததில்லை. இந்த வாழ்வுப் பாணியிலிருந்து சற்று சோரவோ, விடுபடவோ சிந்தித்தால்? முதலாழித் திருடர்கள் அனுமதிப்பார்களா? நாடு, இனம், ஜாதி, மதம் என்ற ஈட்டிகளால் மக்களின் கண்களை இறுகக் குத்தி(உசுப்பேத்தி) பார்வை அற்றவர்களாக்கிவிடுகிறது அந்தத் திருடர் கூட்டம். செலவற்ற கொலைகளும், அழிவுகளும் மக்களுக்குச் சேர வைத்து, நோவற்ற ரொக்க உழைப்பும் பதவிகளும் இந்தக் கூட்டத்துக்கு என்றாகிவிட்டது வழமை.

இதைவிட வழமையிலில்லாத புதியதோர் பரிமாணமாகக் கலைக் கழியாட்டத் திருடர்கள்(முதலாளிகள்) இனம் ஒன்று உருவாகித் தலைவிரித்தாடுகிறது. எந்தத் திருடர்களாயினும் ஒரு போதுமே தாமாகத் திருந்தப் போவதில்லை! திருத்தித் தான் ஆகவேண்டும். திருத்தும் தேவையை மக்களாகக் கையிலெடுக்க வேண்டும்! அதற்கென முதலில் திருடர்களையும் இவர்கள் செயற்பாடுகளையும் அமைப்புகளையும் அறிந்துகொள்ள வேண்டும். திருட்டுத்தான் என்று உணரவிடாத வகையில் இனிப்புக் கொடுத்துக் காப்புக் கழற்றும் திருட்டாகக் கலையுலகத் திருட்டுப் பரிணாம வளர்ச்சி பெற்றிருக்கிறது. இதையெல்லாம் கூர்ந்து பார்த்தால் . . . ? கட்டற்ற சுதந்திரத்தோடு தோன்றிய உயிரினங்களில் ஒன்று தானே மனிதனும்?
ஏன் அவனிடம் மட்டும் அனைத்து சுதந்திரமும் அர்த்தமற்றுப் பறிக்கப்பட்டிருக்கிறது. இது யாரால்?

ஒரு மனிதனுக்கு . . . .

 வாழும் உரிமை
 சித்திரவதைகளோ, இழிநடத்தலோ அற்ற சுதந்திரம்
 சட்டப்படியான சுதந்திரமும், பாதுகாப்பும்
 உழைப்புக்கான சுதந்திரம் அதற்கான சரியான கூலி
 எதிலும் அடிமைத் தனமின்மை
 ஒவ்வொருவருக்குமான நியாயமான விசாரணகள்
 சட்டப்படி தண்டனை
 தனிவாழ்க்கை, குடும்பம், வீடு, அஞ்சல் தொடர்புகளுக்கான
 சிந்தனை, மதம் பற்றிய கருத்துக்களில் . . .
 ஒன்றுகூடும் சுதந்திரம்
 ஓய்வுவினைச் சுரண்டாமை
 மணமுடிக்கவும், குடும்பமாக வாழவும் . . .
 எதிர்த்தல், விவாதித்தல், விமர்சித்தல் போலும் உரிமைகள்
 பிறரிடைஞ்சலற்று இன்பத்தை நுகர்தலைச் சொத்துரிமையாக் கொளல்
 கல்வி பெறல் அதனூடே உதவல் . . .
 சுதந்திரமாக, நேர்மையாக தேர்தல்களில் பங்கேற்றல்

இவைகள் ஓரளவு குறைந்த பட்ச அடிப்படையுரிமைகளாகக் கொள்ளப்பட்டவை!
உண்மையான உலக மானிடத்தை நேசிக்கும் உறவுகளே மீண்டும் ஒரு தடவை இவைகளை ஒவ்வொன்றாகப் பார்த்து, இவற்றில் உங்களிடம் நிறைவாக இருக்கும் ஒன்றையாவது அடையாள(அயசம)மிட்டோ கீழ்க்கோடிட்டோ பாருங்கள்! ஏதாவது ஒன்றாவது முழுமையாக உங்களிடம் அல்லது உலக மனிதர்களிடம் உண்டா? எதுவுமே இல்லையல்லவா?
„கல்வி பெறலும், அதனூடே பிறருக்கு உதவுதலும்' இதன் கீழே அடையாளமிட நினைத்திருப்பீர்கள். இல்லை அதுவும் எம்மிடம் இல்லை!

கல்விக் கண் எனும் இந்தக் கொடுப்பனவே பலாத்காரமாக அறவே மறுக்கப்பட்டு
குழந்தைப் போராளிகளாகவும், குழந் தைத் தொழிலாளிகளாகவும் கொல்லப்பட்டுக் கொண்டிருக்கும் வகையறாக்களில் இன்றைய கணிப்பிலுள்ளோர். . . . .

 59 மில்லியன் சிறுவர்கள்(உலக சனத்தொகையில் இது 22% ஆகும்)

 தனித்து தற்போதைக்கு மூன்று நாடுகளின் புள்ளிவிபரம்(5-14 வயது வரை)

 9860 LTTE குழந்தைப் போராளிகள் (2003-2008 வரை பாதி இறப்பு)
 9600 South Sudan (2014 ன் கணிப்பு)
 43.71,600 India (2013 ன் கணிப்பு குழந்தைத் தொழிலாழிகள். 2.8%)
 

UNICEF மீட்பிலும் கணிப்பிலும் 6800 எனக் கூறப்பட்ட போதும் பாதிரியாரிடம் தஞ்சமடைந்திருக்கவும் பலவந்தமாக இழுத்துச் சென்று கொலைக்குக் கொடுத்த 421 சிறுவர்கள், தாமே கொன்றொழித்த செஞ்சோலை சிறுவர் உட்பட 10,800 க்கும் அதிகம் என்கிறது LTTE  யின் குழந்தைக் கொடுமை வரலாறு.

சிறுவர் கல்விமறுப்பு, சிறுவர் போராளிகள், குழந்தைத் தொழிலாழிகள், பாலியலுக்கும் பாட்சுக்கும் விலையாகும் குழந்தைகள், பிச்சைத் தொழிலுக்காய் ஊனமாக்கப்படும் பிள்ளைகள் எனும் சகிப்பிலடங்காக் கொடுமைகள் வேறொரு தலைப்பில் பார்ப்போம்! வேதனையில் மலைப்போம்!

இதைவிடவும் கொடுமையாக . . .

படிக்கும் மாணவர் படிப்பையும், அவருக்குதவும் தாய்மாரையும் அவர்கள் ஓய்வையும் திருடிப் பணம் பண்ணும் புதிய திருட்டு முதலாழிகள் பற்றி நீவீர் அறிந்ததுண்டா? இவர்கள் இனிப்புக் கொடுத்துக் காப்புக் கழற்றும் திருடர்கள்! இதுவரை திருடர்கள் எம்மை எப்படிக் கையாழ்கிறார்கள் தொடர்ந்து எம்மிடம் இழக்க எதுவுமில்லாமல் பறிக்கிறார்கள். இறுதியில் குழந்தைகளின் கல்வியைக் கூட இவர்கள் விட்டபாடில்லை என்றெல்லாம் விளங்காமல் திருடர்களுக்குத் தொடர்ந்து துணை போகிறோமே சிந்திக்கவேண்டாமா . . . . . . . ?

அன்றைய அடிமையுலகில் 1800 களில்! எல்லாமே பறிபோய் நின்ற மனித குலம் போராடி மீட்டுக்கொண்ட 8 மணி நேர ஓய்வு? இதையும் இன்றைய நவீனத்துவம், பிரயாண நெரிசல், கொள்வனவு என பல பரிமாணங்கள் உட் புகுந்து சூறையாடிவிட்டன சராசரி 2.8 மணிநேரம் மட்டுமே ஒரு மனிதனினுக்கு இன்றுள்ள ஓய்வு நேரம் எனக் கணிப்பிட்டிருக்கிறது சர்வதேச மனித உரிமைக் கணிப்புக்கள்.

இதையும் திருட, படித்துக்கொண்டிருக்கும் மாணவரின் கல்வியையும் திருட, பிள்ளைகளின் புடிப்பு - ஆரோக்கியத்திலுதவும் பெற்றாரின் நேரத்தையும் எதிர்கால உணர்வையும் திருட, சமூகத்தில் பெண்களுக்கான கொளரவத்தைத் திருட, ஒட்டுமொத்தத் தமிழர்களின் சமூகப் பார்வை, முற்போக்கு சிந்தனை இவை எல்லாம் திருடப்பட்டாகிவிட்டது.
என்பதோடு புலம் பெயர் இலங்கைத் தமிழர்கள் பற்றிய கீழ்த் தரமான எண்ணக் கருவை உலகம் பூராவும் பரவவிட்டு . . . . . . தாமே பணம் பண்ணுவதில் முனைப்போடிருக்கும் புதியதொரு முதலாளி வர்க்கமாகப் பரிணமித்துள்ளது தென்னிந்திய கலை கழியாட்ட(கூத்தாடி)த் திருடர் கூட்டம்.

கடல் வாழ் மீனைத் கரையில் போட்டால் இறந்துவிடும் என்பது போல் இன்றைய தென் இந்திய சினிமாவின் சுவாசத் தளமாகப் புலம் இலங்கைத் தமிழர்களே உள்ளார்கள்! சினிமா மட்டுமல்ல எண்ணற்ற தொலைக்காட்சிகள், அட்டை விற்பனை, இணையங்கள், சினிமாத்துறை தொடர்பான உப விற்பனைகள் என புலம் பெயர் தமிழர்கள் இந்திய சினிமா ஊடகங்களால் திருடப்படுகிறார்கள், ஏமாற்றப்படுகிறார்கள் என்பது அவர்களுக்கே தெரியாமல் அரங்கேறும் பாரிய திருட்டாகப் பவனி வருகிறது!

இவ்வகைத் திருட்டில் இன்று தென்னிந்தியாவில் முன்னணியில் நிற்கும் நிறுவனங்கள் பல பல என்றாலும் அனைத்துத் திருட்டுகளுக்கும் உதாரணமாகக் காட்ட வல்ல ஒரே நிறுவம் Vijay TV தான். இது புலம் பெயர் தமிழருக்கும் ஒட்டு மொத்த உலகத் தமிழருக்கும் எப்படித் தீமைகளை அரங்கேற்றி தன் சட்டைப் பைகளை(மன்னிக்கவும் சாக்குகளை) நிறைக்கின்றது என்ற சமாச்சாரத்தை அறியத் தொடர்வோம் ?

(அடுத்துத் தொடர்வது Vijay TV பற்றிய விமர்சனமும் சுப்பர்சிங்கரும்)

அமைதி சமாதானம் ஜனநாயகம்

www.sooddram.com