திமிங்கிலங்களின் மயான பூமி

அல்வின் வழக்கம் போல் தனது ஆயிரம் வற் கண்களால் நிதானமாக இருட் டைக் கீழ்த்தபடி ஆழ்கடலின் தரையை நோட்டம் விட்டுக் கொண்டி ருந்தது.
அல்வின் ஒரு ஆழ்கடல் மூழ்கிப் பக்கல் கலிபோர்னியா கடல் அருகில் 1240 மீட்டர் ஆழத்தில் வேலையில் ஈடுபட்டுக் கொண்டிருந்தது.

தண்ணீரின், அழுத்தம் அந்த ஆழத்தில் அசாத்திய மாக இருக்குமாதலால் உருக்கிய தாரில் நீந்துவது போல் மெல்ல நகர்ந்தது.

கடல் தரையில் 200 மீட்டர் நீளத்திற்கு இரண்டுமாடி பஸ் போல ஒன்று கிடப்பதைக் கண்டது. முன்னர் இதே இடத்தில் நோட்டம் விட்ட போது அது அங்கே இல்லை.

அண்மையில் தான் அது அங்கே விழுந்திருக்க வேண்டும். அது ஒரு திமிங்கிலம் வளர்ந்து, முதிர்ந்து, வாழ்ந்து மடிந்து விட்ட மிகப்பெரிய திமிங்கிலத்தின் சடலம்.

கடலின் அதல பாதாளத்தைத் தஞ்சமடைந்த அந்தத் திமிங்கல சடலத் தைச் சுற்றிலும் எண்ணிச் சொல்ல முடியாத அளவுக்குப் புழு, பூச்சிகள், நத்தைகள், நண்டுகள் போன்றவை கும்பமேளாக் கூட்டம் போல் நிறைந்து இருந்தன. நூற்றுக்கும் மேற்பட்ட உயிரினங்கள் லட்சக்கணக்கில் திமிங் கில உடலை ஆகாரமாகச் சுவைத்த படி இருந்தன. அவற்றில் 30 உயிரினங் கள், விலங்கியல் அறிஞர்கள் இதுவரை பார்த்திராதவை. பெயரிடாதவை.

தின்று முடிக்க 7 ஆண்டுகள்

ஆழ்கடலில் வெளிச்சமிருக்காது, ஓட்சிசன் இருக்காது, சாப்பிட எதுவும் கிடைக்காது. கடல்பாசிகள் வெளிச்சம் மிகுந்த கடல் பரப்பில் வாழ்வதைத்தான் விரும்புகின்றன. அதலபாதாளத்தில் வழக்கமாக எதுவும் வாழவிரும்புவதி ல்லை.

இருப்பினும் செத்து விழும் ராட்சத உயிரினங்களால் வினோதமான உயிர்கூட்டம் ஆழ்கடலில் கூடுகிறது. தினமும் 40-60 கிலோ திமிங்கில மாமிசத் தைக் கொத்திக் குதறி எடுத்தாலும் ஒரு திமிங்கிலத்தைத் தின்று தீர்க்கக் குறைந்தது 7 ஆண்டு களாவது ஆகுமாம்.

திமிங்கிலங்கள் கடலில் ஒன்றுக் கொன்று 12 கிலோ மீட்டர் இடைவெளிவிட்டு வாழ்வதால், கடலடியில் அந்த இடை வெளியில் எப்போதும் எதாவ தொரு திமிங்கிலத்தின் சமாதி காணப்படும். ஒவ்வொரு ஆண்டும் சுமார் 7,000 திமிங்கிலங்கள் வாழ்க் கையை முடித்துக் கொண்டு கடலடியைத் தஞ்சமடைகின்றன. ஆதலால் கடலடியில் மிகப்பெரிய உயிர்க் கூட்டம் செத்த திமிங் கிலத்தைச் சாப்பிடுவதற் கென்றே சுற்றித்திரிகின்றது.

ஒரு வேளை திமிங்கிலங்களே கிடைக்காவிட்டால் அந்த நாடோடிக் கூட்டம் என்ன செய்யும்? இருக்கவே இருக்கிறது ஆழ்கடல் வெப்பநீர் ஊற்று கள்! கருப்பாக கந்தகம் நிறைந்த புகையை தண்ணீரில் கக்கியபடி ஆழ்கடல் வெப்பச்சுனைகள், தொழிற் சாலையின் பெரிய புகைப்போக்கிகள் போல் கடலடியில் கிடக்கின்றன. வெப்பம் மிகுந்த கரும்புகையை உணவாக ஏற்றுக் கொண்டு திமிங்கிலம் கிடைக்காத நாடோடிக் கூட்டம் அங்கே காலம் கடத்துகின்றன. ஒரு திமிங்கிலத் தைத் தின்று தீர்ப்பதற்குள் இன்னொரு திமிங்கிலம் அருகில் வந்து விழாமல் போகாது.

ஆதலால் திமிங்கலத் தின்னிக் கூட்டங்களுக்கு உணவுப் பஞ்சம் ஏற்பட்டதேயில்லை. திமிங்கிலங்கள் மனிதரையும், பசுக்களையும் போல, பாலூட்டி விலங்குகள். அவை 20 மில்லியன் ஆண்டுகளாகத்தான் கடலில் வாழ்ந்து வருகின்றன. ஆனால் திமிங் கிலந் திண்ணிகள் பல நூறு மில்லியன் ஆண்டுகளுக்கு முன்பிருந்தே வாழ்ந்து வரும் உயிரினங்கள்! திமிங்கிலம் கிடைப்பதற்கு முன்னர் அவை கடலில் வாழ்ந்து வந்த டைனசோர்களைத் தின் றிருக்கும் என்று தெரிகிறது.

இதற்கான சுவட்டு ஆதாரங்களும் கடலடியில் கிடக்கின்றன. படிப்படியாகச் சிதைந்த பின் திமிங்கிலத்தில் எஞ்சியிருப்பது கொழுப்பு நிறைந்த பிளப்பர் கொழுப்பும் எலும்புகளும்தான்.

முதல் நிலையில் எஞ்சிய மென் தசைகளும், சகதியில் சிதறிய கொழுப்புகளும், சிறிய நத்தை கள், ரோமப் புழுக்கள், சென்னாக்குனி கள் போன்றவற்றுடன் “ஸாம்பி புழு”க் களுக்கு விருந்தாகிறது. ஸாம்பிப் புழு வினோதமானது. பிரேதம் போல மெல்ல நடமாடும். இதற்கு வாய், வயிறு, குடல் எதுவும் கிடையாது.

செடிகளைப் போல தமது உடலிலிருந்து பச்சை நிற வேர் களை திமிங்கல எலும்புகளுக்குள் நுழைத்து, ஊன்றி ஒட்டிக்கொண்டு வாழ்கின்றன. திமிங்கில எலும்பின் எடை கிட்டத்தட்ட 40 தொன் இருக்கும். அதில் 3000 லீட்டர் எண்ணெய் இருக் கும்.

அத்தனையும் ஸாம்பிப் புழுக்க ளுக்கு பிரசாதம். இரண்டாம் நிலை 2 ஆண்டுகள் நீடிக் கிறது. மூன்றாம் நிலை நுண்கிருமி களுக்கான வாய்ப் பாகும். எஞ்சியிரு க்கும் எலும்பும் சதையும் பக்டீரியா க்களால் சிதைவடை கிறது. வினோதமான கூம்பு நத்தை, சிப்பி நத்தை, குழாய்ப்புழு முதலியவை விருந் துண்ணுகின்றன.

திமிங்கில எலும்பி லுள்ள கந்தகப் பகுதியை இரண்டு வகை பக்டீரியாக் கள் சாப்பிடுகின்றன. ஒன்று கந்தகத்தை ஒட்சிசன் போல பயன்படுத்தி வெளியிட, இன்னொன்று அதையே ஜீரணித்து சல் பேட்டாக மாற்றுகிறது. இந்த நிலை குறைந்தது 50 ஆண்டுகளாவது நீடிக் கும். கடலின் ஆழம் மிகப்பெரிய உப்புநீர் பாலைவனம் என்று நீங்கள் நினைத்திருந்தால் அந்தக் கருத்தை மாற்றிக் கொள்ளுங்கள்.

பாலை வனத்தில் சோலை வனமும் இருக்குமல்லவா அது போல் செத்து விழுந்த திமிங்கில உடலைச் சுற்றிலும் எக்கச்சக்கமான உயிர்க் கூட்டம் சொர்க்க இன்பத்தை அனுபவிக்கின்றன. சமுத்திரப் பாலையில் செத்த திமிங்கிலங்கள் சோலைகள்.