வார்கிரைமும் புலிகளும் .....

புலிகள் இப்போது வார்கிரைம் பற்றி கதைக்கத்தொடங்கியுள்ளார்கள். அதாவது இலங்கை இராணுவத்தின் யுத்தக்குற்றம் பற்றி படங்கள் வீடியோக்களுடன் புலிகளின் ஊடகங்கள் ஒப்பாரி வைக்கின்றன. படுபாவிகளா! இந்த வார்கிரைம் எப்படி உங்களுக்கு உறைக்கிறதோ அப்படித்தானே புலிகளுக்கெதிரானவர்கள் புலிகளால் கொல்லப்பட்டபோது அவர்களது சொந்தங்களுக்கு இருந்திருக்கும். புலி செய்யாத குற்றங்களா!

அம்மை நோய் வந்து காம்பில் படுத்திருந்த டெலோ போராளிகளை 86 மே மாதம் புலிகள் கொன்றபோது எங்கே போனது வார்கிரைம்?. வீதிகளில் அந்த இயக்கப்போராளிகளை வீதியில் டயர் போட்டு உயிரோடு கொழுத்தியபோது எங்கே போனது இந்த வார் கிரைம்?. ரஜனி திரணகம, சென்யோன்ஸ் பிரின்சிப்பல், கம்யுனிஸ்ட் கட்சி தலைவர்கள், தமிழர்விடுதலைக் கூட்டணித் தலைவர்கள், மாற்று இயக்கத் தலைவர்கள், ஊடகவியலாளர்கள், அரச அதிபர்கள், மாநகரசபை முதல்வர்கள் என எல்லொரையும் போட்டுத்தள்ளியபோது எங்கு போனது இந்த வார் கிரைம்? வார் கிரைம் பற்றிகதைக்க புலிகளுக்கும் அதன் ஆதரவாளர்களுக்கும் என்ன அருகதை இருக்கிறது.

செம்மறிக்கூட்டங்கள்.! திரும்பி பார்த்தால் புலிகளின் கடந்தகால ஒவ்வொரு பக்கங்களும் இரத்தக்கறை படிந்த பல கதைகளைச் சொல்லும். ஒவ்வொரு நாளும் யாரை ஒருத்தனையாவது போடாட்டி பிரபாகரனுக்கு சோறு உள்ளே இறங்காது. செய்த கொலைகளை நியாயப்படுத்திய பாலசிங்கத்திற்கு தமிழர்கள் அழிக்கப்படுவதில் ஏதாவது கவலை எப்போதாவது இருந்ததா?. கடந்த வருடம் மேமாதம் புலிகள் முள்ளிவாய்க்காலில் கொல்லப்பட்டபோது வார்கிரைம் என்றால் இதுதான் என்பது பலிகளுக்கு புரிந்ததா?

அட நாதாரிப்பயலுகளா! இலங்கை இராணுவம் எண்டால் ஏதொ டிசிப்பிளினாக நடந்து கொள்ளும் எண்டா எதிர்பார்த்தியள். கழுத்தில் சயனைட் எதற்கு கட்டப்பட்டது?. பிடிபட்டால் குடிப்பதற்குத்தானே! பிடிபட்டால் எதிரியின் கையால் சாகக்கூடாது எண்டுதானே! பிடிபட்ட புலிகள் பலர் சித்திரவதை செய்யப்பட்டு கொல்லப்பட்டனர் எண்டால் சயனைட்டுக்கு என்ன நடந்ததது? இலங்கை இராணுவம் மட்டுமல்ல உலகில் உள்ள அனைத்து நாட்டு இராணுவப்படைகள் எல்லாம் கழிசடைகளை கொண்ட ஒரு கூட்டத்தையும் வைத்திருக்கிறது. இதுதான் முன்னணியில் நின்று அடிபடும். பிடிபடுபவர்களை சித்திரவதை செய்யும். பலாத்காரம் செய்யும். இது தெரியாதா உங்களுக்கு?

இந்திய ராணுவம் வந்து இதைத்தானே செய்தது. ஏன் புலிகள் 2004ல் வெருகலில் கருணாவின் போராளிகளுக்கு செய்த கொடுமைகள் இதுதானே. கிழக்குப் பெண் போராளிகள் புலிகளின் காலில் விழுந்து அண்ணா அண்ணா என்று கதற அவர்களைப் பலாத்காரம் செய்ய வில்லையா? அது வார்கிரைம் இல்லையா?. இண்டைக்கு வார்கிரைமுக்கு ஆதாரமாக எடுக்கப்பட்ட புகைப்படங்கள் வீடியோக்களை எடுத்து வெளியில் கொண்டு வந்ததும் இலங்கை இராணுவச் சிப்பாய்தானே!

ஆனால் கடந்தகாலங்களில் புலிகளின் வன்முறைகளையும் படுகொலைகளையும் நேரடியாகப்பார்த்த பல புலிகள் புலம்பெயர்நாடுகளில் வந்து அசைல் அடித்து பாதுகாப்பாக இருக்கிறார்கள். எவனாவது ஒருத்தன் இந்தக்கொடுமைகள் பற்றி பகிரங்க சாட்சி சொல்லத்தயாரா? இல்லை. பல சிங்கள சிப்பாய்கள் தமது உயிரைப்பொருட்படுத்தாமல் தமக்குள் நடந்த இந்த வக்கிரங்களை ஆதாரமாக வெளியில் கொண்டு வருகிற துணிவைப்பாராட்ட வேணும்.

புலிகள் ஒரு வெட்கங்கெட்ட ஜென்மங்கள். தங்களுடைய ஊத்தைகளை கழுவ இன்றளவும் தயாராக இல்லை. தமிழ்த்தேசியம் என்கிற பெயரில் புலிக்கொடியுடன் காவடியெடுக்க மட்டுமே லாயக்கு. மனித உரிமைகளைப்பேச எந்தவித யோக்கியதையும் இல்லாத பிறப்புகள். வார் கிரைம் பற்றி கதைக்க என்ன அருகதை இருக்கிறது! பகிரங்க விசாரணைக்கு வந்தால் புலிகள் அம்மணமாகப்போக வேண்டிய சூழல் வரும்.

இன்று புலிகளுக்காக வரிந்து கட்டிக்கொண்டு வார்கிரைம்பற்றி பேசகின்ற புண்ணயவான்களே! தமிழ்ச்சமூகத்தில் புலிகள் செய்த கொடுமைகள் பற்றி வாய்திறந்தால் என்ன குறைஞ்சா போய்விடுவீர்கள்! புலிகள் செய்த கொடுமைகளுக்கான தண்டனை அவர்களுக்கு கிடைத்து விட்டது. இலங்கை அரசு வார்கிரைம் செய்தால் அதற்கான தண்டனையை இயற்கை அவர்களுக்கு வழங்கும். அதை இலங்கை அரசே தற்போது கொஞ்சம் கொஞ்சமாக அனுபவிக்கத் தொடங்கிவிட்டது.

December 9, 2010 by T.V.