ஒரு சிறுபிள்ளை வீட்டில் உள்ள ஒரு அத்தியாவசியமான பொருளை கையில் எடுத்து விளையாடத் தொடங்கினால் அப் பொருளை அதனிடம் இருந்து வாங்குவதற்குப் பெரும்பாடு படவேண்டி வரும் என்பது குழந்தைகள் பெற்ற அனைத்து அப்பா, அம்மாவுக்கும் தெரிந்த விசயம். அந்தக் குழந்தையிடம் அப் பொருளை பாதுகாப்பாகவும் அக் குழந்தையை அழ வைக்காமலும் அப் பொருளை வாங்க வேண்டும் எனின் சில மூளையுள்ள பெற்றோர்கள் அக் குழந்தையிடம் பெறுமதி இல்லாத கவா்ச்சிகரமான பொருளைக் காட்டும் போது அக் குழந்தை பெறுமதிவாய்ந்த பொருளை விட்டுவிட்டு கவா்ச்சிகரமான பொருளை வாங்கிவிடும். இதுதான் புத்திசாலித்தனமான குழந்தை வளாப்பாகும். எந்தவித அடையாளமும் இன்றித் திரிந்து தமிழ்த்தேசியக் கூட்டமைப்பில் சோ்ந்து பாராளுமன்ற உறுப்பினராகிய சிவஞானம் சிறிதரனும் தற்போது சின்னப்பிள்ளைத் தனமான முறையில் செயற்பட்டுக் கொண்டிருக்கின்றார்.

தமிழ்த்தேசியம் என்னும் பெறுமதி மிக்க ஒன்றை எடுத்து வைத்து படாதபாடு பட்டுக் கொண்டு அனைவரையும் அனைவரையும் ரணகளமாக்கிக் கொண்டிருந்த சிறிதரனிடம் இருந்து எப்படி பாதுகாப்பான முறையில் அந்த தேசியத்தை வாங்குவது என்று யோசித்துக் கொண்டிருந்தவா்களுக்கு தோன்றிய விடயமே இரணைமடுக்குளமாகும். இந்தக் குளப் பிரச்சனை வந்தவுடன் சிறிதரனுக்கு தமிழ்த்தேசியம் பெரும்பாலும் மறந்து போய்விட்டது. இனிமேல் தமிழ்த்தேசியத்தை வைத்து தனது பாராளுமன்றக் கதிரையைக் காப்பாற்றுவது கடினம் என்ற நிலையில் சிறிதரன் தற்போது விளையாட எடுத்த விடயமே இரணைமடுக் குளமாகும்.
யாழ்ப்பாணத்திற்கு இரணைமடுவில் இருந்து தண்ணீா் வருவதைத் தடுத்ததில் பெரும் பங்குவகித்த சிறிதரன் தற்போது இன்னும் சின்னப்பிள்ளைத் தனமான காரியங்களில் இறங்கியுள்ளது பெரும் பிரச்சனையாக உள்ளது.

பொதுவாக தமிழ்த்தேசியக் கூட்டமைப்பில் உள்ளவா்கள் வழித்தேங்காயைத் தெருப் பிள்ளையாருக்கு எடுத்து அடித்து அதனை புகைப்படங்களாக எடுத்து ஊடகங்களில் போட்டு விளம்பரம் சோ்ப்பவா்கள்.

வெளிநாட்டு உறவுகள் போரில் பாதிக்கப்பட்டவா்களின் நலனுக்காக அனுப்பும் பணத்தை ஆட்டையைப் போட்டு அதில் அரைவாசிக்கும் கூடுதலாகச் சுரண்டிவிட்டு பின்னா் பாதிக்கப்பட்டவா்களுக்கு கொஞ்ச உதவியைச் செய்துவிட்டு அதையும் புகைப்படங்களாகப் போட்டு பெருமை சோ்ப்பவா்களாவா்.
இதே போல் சிறிதரன் கிளிநொச்சி மக்களின் நலனை கருத்தில் எடுக்காது நேற்று ஒரு நாசகாரமான முறையில் வேலை ஒன்றைச் செய்துள்ளார்.

அதாவது நேற்று இரணைமடுக் குளம் தனது கொள்ளளவுக்கு மேலதிகமான நீரைப் பெற்றுவிட்டது. இதனால் இரணை மடுக்குளத்தின் பகுதிகளில் இருந்த அணைக்கட்டுக்களில் சில பகுதிகளில் கசிவுகள் ஏற்பட்டதாகத் தெரியவருகின்றது.

இதனால் இரணைமடுக் குளத்தின் வான்கதவுகளை உடனடியாகத் திறப்பதற்காக குளத்தைப் பராமரிக்கும் அதிகாரிகள் முயன்ற போது சிறிதரன் அப் பகுதிக்குச் சென்று அச் செயலைத் தடுத்து நிறுத்தி மறுநாள் திறக்குமாறு தெரிவித்துள்ளார்.

நீா்க்கசிவைப் பற்றி அதிகாரிகள் தெரிவித்த போதும் அதனை ஏற்காத சிறிதரன் இன்று திறப்பதற்கு தெரிவித்தது ஏன் என அதிகாரிகள் சிந்தனையில் ஆழ்ந்துள்ளனா். அதன் பின்னரே விடயம் வெளிச்சத்திற்கு வந்தது.

நேற்று சிறிதரன் சென்று பார்வையிட்ட புகைப்படத்தையும், இன்று திறப்பதற்காக ஆயத்தப்படுத்திய புகைப்படங்களையும் ஊடகங்களில் வெளியிடுவதற்காகவே சிறிதரன் இவ்வாறு சின்னப்பிள்ளைத் தனமாகச் செயற்பட்டதாக தெரியவருகின்றது.
பல்லாயிரக்கணக்கான மக்களின் உயிருடன் விளையாடும் அளவுக்கு சிறிதரனின் ஊடக விளம்பர மனநோய் அதிகரித்துள்ளது மிகவும் வருந்தத்தக்கது.

இரணை மடுக்குளம் வெள்ளைக்காரரால் கட்டப்பட்டது. மழை ஆண்டவனால் கொடுக்கப்பட்ட வரப்பிரசாதம். இவற்றைப் பாதுகாத்து இரணைமடுக் குளத்தால் மக்களுக்கு சரியான முறையில் நன்மைகளை வழங்குவதற்காக இலங்கை அரசு பல்லாயிரக்கணக்கான சம்பளம் கொடுத்து அதிகாரிகளை அங்கு வைத்துள்ளது.

இவ்வாறு இருக்க சிறிதரன் அங்கு சென்று சின்னப்பிள்ளைத் தனமாக நடப்பதை நினைத்து சிறிதரனுக்கு வாக்குப் போட்டவா்கள் வெட்கப்படவேண்டும்.
விடுதலைப் புலிகள் வன்னிப்பகுதியில் இருந்த காலத்தில் இரணைமடுக் குளம் தொடா்பாக அதிகாரிகளின் கருத்தின்படியே செயற்பட்டார்கள். ஆனால் சிறிதரன்.....

சிறிதரனுக்கு அரசியல் செய்வதற்கு இரணைமடுக் குளத்தைவிட வேறு ஏதும் இனிமேல் இருக்கப் போவதில்லை. முன்னா் தமிழ்த்தேசியத்தை வைத்து ஒப்பாரி செய்து பிழைத்த சிறிதரன் இனி வரும் காலம் இரணைமடுக்குளத்தை வைத்தே இனி ஒப்பாரி செய்யப்போகின்றார் என தெரிகின்றது.
குடிநீா்ப் போத்தலை வைத்து குழந்தை ஒன்று விளையாடிக் கொண்டு இருக்கின்றது. அக் குழந்தை அக் குடிநீா்ப் போத்தலுக்குள் ’சூச்சா’ இருந்து அதனை மற்றவா்கள் பாவிக்காதபடி செய்வதற்கு இடையில் சிறிதரனுக்கு வேறு ஏதாவது ஒரு விடயத்தை காட்டுங்கள்.
தாண்டவன்

அமைதி சமாதானம் ஜனநாயகம்

www.sooddram.com