பரம்பரை இயல்புகளை அடுத்த சந்ததிக்கு கடத்துகின்ற டி.என்.ஏ. நிறமூர்த்தங்கள்

ஒரு குழந்தையின் பெற்றோரை துல்லியமாக நிச்சயித்துக்கொள்ள டி. என். ஏ. பரிசோதனை செய்யப்படுவதை அறிவீர்கள். அத்தோடு ஒரு கொலைக்குக் காரணமான கொலையாளியின் தடயங்களிலிருந்து, டி. என். ஏ. பரிசோதனையின் மூலமாக திட்டமாக இன்றைய காலத்தில்கொலை செய்தவர், செய்யப்பட்டவரை அறிந்து கொள்கின்றனர். எமது உடலிலுள்ள எல்லாக் கலங்களிலும் கரு உண்டு. ஆனால் செங்குருதிக்கலத்தில் மட்டும் கருஇல்லை. கருவினுள் நிறமூர்த்தங்கள் சோடியாகக் காணப்படும். மனித இனத்தில் ஒவ்வொரு கலத்திலுள்ள கருவில் 23 சோடி நிறமூர்த்தங்கள் உண்டு. இது இனப்பெருக்கக் கலம்தவிர்ந்த ஏனையவற்றில் மாறாது காணப்படும்.

சந்ததி சந்ததியாக இயல்புகள் தலைமுறையுரிமை அடைவதற்கு நிறமூர்த்தத்தில் காணப்படுகின்ற டி. என். ஏ. எனப்படும் இரசாயன மூலக்கூறு காரண மாகும். டி. என். ஏ. ஒருவரின் பெளதீக இயல்புகளையும், ஆட்சிசெய்கின்ற பிறப்புரிமைத் தகவல்களையும் காவுகின்றது. உடலின் எல்லாக் கலங்களிலும் ஒரே மாதிரியான DNA உண்டு.

டி. என். ஏ. செங்குழியங்களைத் தவிர, ஏனைய உடலின் ஒவ்வொருகலத்திலும், இழையத்திலும் காணப்படும். அத்தோடு உடற்பாய்பொருளிலும், திரவ அல்லது உலர்வடிவிலும் காணப்படும்.

ஒவ்வொரு பிள்ளையும், தாயிடமிருந்து 23 நிறமூர்த்தத்தையும், தந்தையிடமிருந்து 23 நிறமூர்த்தத்தையும் பெற்று 23 சோடி நிறமூர்த்தங்களை ஒவ்வொரு கருவிலும் கொண்டதாகக் காணப்படுகிறது. டி ஒட்சிகிரைபோ நியூக்கிளிக்கமிலம் என்பது சுருக்கமாக DNA எனக்குறிப்பிடப் படுகிறது. Deoxy Nucleic Acid டிஒட்சிஇரைபோ நியூக்கிளிக் கமிலமானது. வாழ்க்கையின் பிரதியாக உள்ளது. டி. என். ஏ. மிக நீண்ட மூலக்கூறு ஆகும். அது, இடது புறமாகச் சுருண்ட ஓர் இரட்டைச் சுருளமைப்புடைய ஒழுங்கைக் கொண்ட மாமூலக்கூறு என விபரிக்கப்படுகிறது.

1953 ஆம் ஆண்டில் ஜேம்ஸ் வாற்சனும், பிரான் சிங்கிறிக்கும் டி. என். ஏயின் மாதிரியுருவை விளக்கினார்கள். அவர்கள் விபரித்தபடி ஒரு டி.என்.ஏ. பட்டிகை, சுருளான மாடிப்படிக்கட்டாக உருவகப்படுத்தப்பட்டுள்ளது. இது ஒரு இரட்டைத் திருகிய சுருளெனக் குறிப்பிடப்படுகிறது.

டி. என். ஏ. பல நியூக்கிளியோரைட்டுக்களால் ஆன இரு சங்கிலிகளால் ஆனதென எடுத்துரைத்தனர். இரு சங்கிலிகளும் ஒன்றையொன்று சுருளடைந்து இரட்டைவிரிபரப்புச் சுருளை தோற்றுவிக்கும். இரு சங்கிலிகளும், எதிரெதிர்த்திசைகளில் செல்லும்.

பல்பகுதியமான டி. என். ஏ.யின் பக்கங்கள், வெல்லங்களையும், பொசுபேற்றுக்களையும் கொண்டவையாகும். மாடிப்படிக்கட்டின் இரண்டு பக்கங்களும் மூலங்கள் எனப் படும் மூலக் கூறுகளின் சோடிகளால் தொகுக்கப்பட்டுள்ளன. ஒவ்வொரு கட்டட அலகிலும், வெல்லமும், பொசுபேற்றும், மூல அலகுகளும் உண்டு. இவை நியூக்கிளியோரைட்டுக்கள் எனப்படும். ஒரு டி. என். ஏ. மூலக்கூறில் 4 மூலங்கள் உண்டு. அவையாவன அடினீன், சைற்றோசின், குவாளின், தையிமன் ஆகும். வெவ்வேறு டி. என். ஏ. பட்டிகைகளுள்ள நியூக்கிளியோரைட்டுக்கள் ஓர் குறிப்பிட்ட அமைப்பில் இணைந்து டி. என். ஏ.யின் பக்கங்களைத் தொகுக்கின்றன.

சைற்றோசின் மூலங்களுடன் குவாஸின் மூலங்கள் மட்டுமே பிணைப்பு அல்லது சோடிசேரும் அடினீன் மூலங்கள் தையமின் மூலங்களுடன் மட்டுமே பிணைப்பில் ஈடுபடும். மனித ஜீனோமில் இதுபோன்ற மூன்று பில்லியன் மூலச்சோடிகள் இருப்பதாகத் தெரிகின்றது. இவை முப்பதினாயிரம் பரம்பரை அலகுகளின் தகவல்களைக் கோவைப்படுத்துகின்றன.

இந்த 3 பில்லியன் மூலச் கோடிகள் 23 நிறமூர்த்தச் சோடிகளாக ஒழுங்குபடுத்தப்பட்டுள்ளன. ஒருதொகை தாயிடமிருந்தும், மற்றத்தொகை தந்தையிடமிருந்தும் தலைமுறையடைகின்றன.

ஒத்த இரட்டையர்களைத் தவிர எந்த இரு நபர்களுக்கும் ஒரே டி. என். ஏ. தொடரொழுங்கு காணப்படமாட்டாது. உயிரினங்களின் படைப்பில் இதுவொரு அற்புதம் என்பதைத் தவிர வேறெதையும் கூற முடியாது.

ஏ.ஜெமா