கழிவு எண்ணைய் சுன்னாகத்தில் அமைத்துள்ள மின்சார நிலையத்திலிருந்து தான் வருகின்றது என மக்கள் குற்றம் சாட்டுகின்றனர். அங்கு நிலத்தில் கொட்டப்படும் கழிவு எண்ணைய் தான் இவ்வாறு நிலத்துக்குள் சென்று நீருடன் கலப்பதாக மக்கள் குற்றம் சாட்டுகின்றனர். இதனால் அங்கு தற்பொது இயங்கி வரும் நொதேன் பவர் நிறுவனத்தை மூடுமாறு அவர்கள் கோரிக்கை விடுத்து உண்ணாவிரதமும் இருந்து வருகின்றனர். இங்கே கவனிக்க வேண்டிய இரு விடயங்கள் உள்ளன.

‪பழைய‬ கழிவு ஒயிலா..? புதிய கழிவு ஒயிலா..? !!

தற்போது ஏற்பட்டிருக்கும் எண்ணைக் கசிவு 1996 க்குப் பின்னர் இயங்கி வரும் நோதேன் பவர் நிலையத்தினால் வெளியேற்றப்பட்ட கழிவு எண்ணையா..? அல்லது அதற்கு முன்னர் 1990 ஆம் ஆண்டில் இதே இடத்தில் இயங்கிய அனல் மின் நிலையம் விமானக்குண்டு வீச்சுத் தாக்குதலுக்கு உள்ளாகி சேதமாகியதால் வெடித்துப் பரவிய எண்ணைய்க் கசிவு தானா..? என்பது ஆராயப்பட வேண்டிய விடயம்.நோதேன் பவர் மின்நிலையம் விடுத்துள்ள அறிக்கை ஒன்றில் இந்த இடத்தில் ஏற்கனவே எண்ணைய்க் குதம் இருந்ததாகவும் பின்னர் அதற்கு என்ன நடந்தது எனவும் தெரியவில்லை எனவும் தெரிவித்துள்ளனர்.

1995 ஆம் ஆண்டு காலப்பகுதி வரையில் போர் நடைபெறும் இடமாக இருந்த யாழ்.குடாநாட்டில் பரவலாக விமானத்தாக்குதல்கள் நடைபெற்றன. மக்களின் அடிப்படைத் தேவைகளை நிறைவேற்றும் முக்கிய இலக்குகள் மீது இத்தாக்குதல்கள் மேற்கொள்ளப்பட்டன. அவ்வாறானதொரு விமானத்தாக்குதலுக்கு 1990 ஆம் ஆண்டளவில் சுன்னாகத்திலிருந்த எண்ணைய்க் குதங்களும் இலக்காகி அழிக்கப்பட்டதாகச் சொல்லப்படுகின்றது. இதனால் அதனுள் இருந்த எண்ணைய் நிலத்தில் பரவியதாகவும் கதைகள் அடிபடுகின்றன. நொதேன் பவர் நிறுவனம் வெளியிட்டுள்ள அறிக்கையிலும் அங்கு எண்ணைய்க் குதங்கள் இருந்தன. அவை பின்னர் என்ன நடந்தது எனத் தெரியாது எனச் சுட்டிக் காட்டியுள்ளது. இதன் கூகுள் வரை படத்தையும் தாம் விசாரணை அதிகாரிகளிடம் சமர்ப்பித்தாகத் தெரிவித்துள்ளது. அதன் பின்னர் என்ன நடந்தது எனத் தெரியாது என நொதேன் பவர் நிறுவனமும் தெரிவித்து தப்பிக்கொள்வதன் மூலம் வடக்கில் விமானத்தாக்குதல்கள் நடந்தன என்பதை மறைக்க முற்படுகின்றது. விமானத்தாக்குதல்களால் முக்கிய இலக்குகள் அழிக்கப்பட்டன என்பதை எவரும் முன்வந்து சொல்ல முற்படவில்லை. எண்ணைய்க் குதங்கள் மீதான விமானத் தாக்குதலால் நிலத்தில் பரவிய எண்ணையினாலும் தற்பொது முறையான கழிவகற்றல் முகாமைத்துவமின்றி வெளியேற்றப்படும் கழிவு எண்ணையினாலும் யாழ்.குடாநாட்டு மக்களுக்குத்தான் பாதிப்பு என்பதை அனைவரும் புரிந்து கொள்ள வேண்டும்.

அழிக்கப்பட்ட குதங்கள் மண்போட்டு மூடப்பட்டதால் அதனுள் இருந்த எண்ணைய் நிலத்தினுள் சென்றிருக்க வாய்ப்புள்ளது. இப்போது அடுத்தபடியாக நோக்க வேண்டியது சும்மார் 19 வருடங்களுக்கு முன்னர் விமானக் குண்டு வீச்சுத் தாக்குதலினால் எண்ணைக்குதங்கள் தகர்ந்து நிலத்தில் பரவிய எண்ணைய்களா இவைகள்..? அல்லது தற்போது இயங்கும் நொதேன் பவர் மின் நிலையத்தினால் வெளியேற்றப்பட்டு வரும் கழிவு எண்ணைய் கசிவா இவைகள் என ஆராயவேண்டும். ஆய்வுகளில் எண்ணையின் காலத்தை அறிய முடியுமா...?

யாருடைய எண்ணைய் என்பதைக் கண்டறிவதற்கு முன்னர் யாழ்.குடாநாட்டு மக்களைப் பாதித்து நீரில் கழிவு எண்ணைய் கலக்கும் அபாயத்தை உடனடியாகத் தடுத்து நிறுத்த வேண்டும். அன்று நடந்ததோ அல்லது இன்று நடப்பதோ எதுவானாலும் அது தமிழ் மக்களின் இருப்பைக் கேள்விக்குறியாக்கும் அல்லது அவர்களை இடம்பெயர வைக்கும் அபாயகரமான செயலாகவே உள்ளது. மனிதனின் வாழ்வாதாரத்திக்கு மூலாதாரமான நீரை அசுத்தப்படுத்தும் கழிவு எண்ணைக் கசிவைத் தடுக்கும் வழியைக் கண்டறிந்து பேரிடர் நடவடிக்கையின் கீழ் இதற்கு முற்றுப்புள்ளி வைக்க அனைவரும் முன்வர வேண்டும்.
(அஸ்வின்)

அமைதி சமாதானம் ஜனநாயகம்

www.sooddram.com