யாழ்.தேவி

தென் மாகாணத்திற்கும் வட மாகாணத்திற்குமான உறவுப் பாலமாக ஆரம்பிக்கப்பட்ட “யாழ்தேவி” புகையிரத சேவை - 411 மீற்றர் தூரத்தைக் கொண்ட கொழும்பு கோட்டைக்கும் காங்கேசந்துறைக்கு மிடையில் இடம்பெற்றது. இந்த புகையிரத சேவையினூடாக தமிழர்கள், சிங்களவர்கள், மற்றும் முஸ்லிம்கள் என அனைவரும் ஒற்றுமையாக சகோதரத்துவத்துடனும் பயணம் செய்தனர். கொழும்பில் தொழில்புரியும் வட மாகாணத்தை சேர்ந்தவர்கள் வார இறுதி நாட்களில் தங்களின் சொந்த ஊர்களில் விடுமுறையை கழிப்பதற்காக இந்த புகையிரதத்தையே பயன்படுத்தினர். இதற்கு மேலதிகமாக கப்பல் மூலம் இந்தியாவுக்கு செல்வோரும் இந்த புகையிரதத்தின் மூலமே மதவாச்சி சென்றனர். பின்னர் அங்கிருந்து தலைமன்னார் சென்று இந்தியா செல்வது வழமை.

இவ்வாறான நிலையிலேயே, 1990 ஆம் ஆண்டு ஜூன் மாதம் 12ஆம் திகதி யாழ்தேவி புகையிரதம் முறிகண்டியில் வைத்து ரெலோ இயக்கத்தினரின் கண்ணிவெடிக்கு இலக்கா கியது. இதனால் இராணுவ வீரர்கள் உட்பட பலர் கொல்லப் பட்டதுடன் பலர் காயமடைந்தனர். இதற்கு மேலதிகமாக புகையிரத திணைக்களத்திற்கு பல கோடி ரூபா நஷ்டமும் ஏற்பட்டது.

இதனையடுத்து வட மாகாணத்திற்கான யாழ் தேவி புகையிரத சேவை இடைநிறுத்தப்பட்டது. எனினும் மதவாச்சி வரை புகையிரத சேவை இடம் பெற்றது. பின்னர் அது வவுனியா வரை நீடிக்கப்பட்டது. காங்கேசந்துறை வரையான இச்சேவை இடைநிறுத்தப்பட்ட காலப் பகுதியில் வட மாகாணத்தின் பல பகுதிகள் தமிழீழ விடுதலை புலிகளின் கட்டுப்பாட்டில் கொண்டுவரப்பட்டது. இக்காலப்பகுதியில் ரயில் தண்டவாளங்கள் மற்றும் புகையிரத நிலையங்கள் என் பன தமிbழ விடுதலை புலிகளினால் அவர்களின் இராணுவ தேவைகளுக்காக பயன்படுத்தப்பட்டன. கடந்த 2009 ஆம் ஆண்டு வட மாகாணத்தின் பல பகுதிகள் அரசாங்கத்தினால் கைப்பற்றப்பட்ட போது “உதுரு வசந்தய” எனப்படும் வடக்கின் வசந்தம் திட்டத்தின் கீழ் யாழ்தேவி புகையிரத சேவையை புனர்நிர்மாணம் செய்யும் பணிகள் 2009 ஆம் ஆண்டு மார்ச் 24ஆம் திகதி ஆரம்பிக்கப்பட்டது.

யாழ்தேவி புகையிரத சேவை புனர்நிர்மாண பணிகள் இலங்கையிலுள்ள பல தனியார் மற்றும் அரச நிறுவனங் களின் உதவியுடன் ஆரம்பிக்கப்பட்டது. இதன் முதற்கட்டமாக யாழ்தேவி புகையிரதம் தாண்டிக்குளத்தை சென்றடைந்தது. இதனையடுத்து யாழ்தேவி கடந்த மே 27 ஓமந்தையை சென்றடைந்தது. தாண்டிக்குளம் முதல் ஓமந்தை வரையிலான ரயில் பாதையினை இராணுவமும் ரயில்வே திணைக்களமும் இணைந்து புனரமைப்பு செய்தமை குறிப்பிடத்தக்கது.

“இந்த புகையிரத சேவையி னூடாக ஓமந்தையை இலகுவாக சென்றடைய முடிவடைவதை யிட்டு மகிழ்ச்சியடைகிறோம். இச்சேவை மிக விரைவில் காங்கேசன்துறையை சென்ற டைய வேண்டும்” என ஓமந்தையை சேர்ந்த பரமசாமி தெரிவித்தார்.

இதேவேளை, கைத்தொழில் முதலீட்டு அமைச்சினால் முதலீட்டு சபை திட்டத்தின் கீழ் ஓமந்தை பிரதேசத்தில் கைத் தொழில் பேட்டை அமைக் கப்பட வுள்ளமையால், ஓமந்தை புகையிரத நிலையத்தில் பொருட்களை ஏற்றி இறக்கக் கூடிய வகையில் மேடை அமைக்குமாறு கோரிக்கை விடுக்கப்பட்டுள்ளது.

இதற்கு மேலதிகமாக வவுனியா மாவட்டத்தில் கண்ணிவெடி அகற்றப்பட்டுள்ள இன்னும் பல இடங்களில் கைத்தொழில் பேட்டை அமைக்கப்படவுள்ளமையால் செட்டிகுளம் மற்றும் பறையனாலங்குளம் ஆகிய இடங்களில் புகையிரத நிலையங்கள் அமைக்கும் போது பொருட்களை ஏற்றி இறக்க கூடிய மேடைகளையும் அமைத்து தருமாறு கோரிக்கை விடுக்கப்பட் டுள்ளது.

“கொழும்பு ஓமந்தை புகையிரத சேவையினூடாக அனைத்து இன மக்களும் மிக ஒற்றுமையாக பயணிக்கிறோம்.

சுமார் ஆறு மணித்தியால பயணத்தில் சிங்களவர், தமிழர், முஸ்லிம், என்ற வேறுபா டில்லாமல் ஒருவருக்கொருவர் பல விடயங்களை பகிர்ந்துகொள்கின்றோம்” என பயணி ஒருவர் குறிப்பிட்டார். யாழ்தேவி புகையிரத சேவை தினமும் கொழும்பு கோட்டையிலிருந்து அதிகாலை 5.45 மணிக்கு ஆரம்பிக்கப்பட்டு நண்பகல் 12 மணியளவில் ஓமந்தையை சென்றடைகிறது. பின்னர் ஓமந்தையிலிருந்து பிற்பகல் 2.30 மணிக்கு ஆரம்பமாகி இரவு 8 மணியளவில் கொழும்பு கோட்டையை வந்தடைகிறது.

யாழ்தேவி புகையிரத சேவை அடுத்த இரண்டு வருடங்களுக்குள் காங்கேசன்துறையை சென்றடையும் என போக்குவரத்து அமைச்சர் குமார் வெல்கம - ஓமந்தை புகையிரத நிலைய திறப்பு விழாவில் தெரிவித்தார். இதற்கான கடனுதவியை இந்திய அரசு வழங்கவுள்ளதாகவும் அவர் குறிப்பிட்டார்.

இக்கடன் திட்டத்தின் கீழ் ஓமந்தை முதல் காங்கேசன் துறை வரையான புகையிரத பாதை புனரமைப்பு நடவடிக் கையில் இந்திய கம்பனி துரிதமாக ஈடுபட்டு வருகிறது.

யாழ்தேவி புகையிரத சேவையின் இறுதி நிலையமான காங்கேசந்துறையை புகையிரதம் சென்றடைய இன்னும் 146 கிலோ மீற்றரே உள்ளது. இதற்கிடையில் சுமார் 15 புகையிரத நிலையங்களும் 11 உப புகையிரத நிலையங்களும் பல பாலங்களும் நிர்மாணிக்கப்பட வேண்டியுள்ளன. எப்போது நாங்கள் யாழ்தேவி புகையிரதத்தில் காங்கேசன்துறையை சென்றடைவோம்? என்ற கேள்வி மக்களிடம் உள்ளமை குறிப்பிடத்தக்கது.

(எஸ்.சுரேஷ்)