உலகெங்கும்...

அகதிகள் எண்ணிக்கை படிப்படியாக அதிகரிப்பு

வறுமையான மக்களின் எண்ணிக்கை, வறுமைச் சூழல் எவ்வாறு அதிகரித்துப் போகின்றதோ? அதே போல் அகதி களின் எண்ணிக்கை, அவர்களைப் பராமரிக்கும் பொதுத்தளம் என்பன வற்றின் எண்ணிக்கையும் அதிகரித்து கொண்டே போகின்றது. அகதிகள் யார் என்று அடையாளம் காட்டுவது இலகு. ஆனால் அகதிகள் குறித்து பொதுவான வரையறை ஒன்றைச் சொல்வது கடினம். உலக அளவில் அகதிகள் என்றால் யார்? அவர்களுக்கான பொதுவான குண வியல்புகள் என்ன? என்பது குறித்து மாறுபட்ட கருத்துக்கள் உள்ளன. ஏனெனில் அகதிகள் உருவாக்கப்பட்டி ருக்கும் சூழல், அதற்கான காரணங்கள் அவர்களின் எதிர்காலம் குறித்து உரு வாக்கப்பட்டிருக்கும் செயற் திட்டங்கள் போன்றவை மாறுபாட்டையும், வேறுபாட்டையும் கொண்டுள்ளன.

ஏதோ ஒரு காரணத்தினால் தங்களது வாழ்வாதாரங்களையும், வாழ்க்கைக்கான ஜீவனோபாயத்தையும் இழந்து நிர்க்கதியாக்கப்படுகிறவர்கள் அகதிகளாக அடையாளம் காணப்படுகின்றனர். காரணம் அனர்த்தம், யுத்த நடவடிக்கை, வறுமை, வரட்சி சூழல் என்று நீண்டு செல்லும் சில இடங்களில் அரசியல் காரணங்களுக்காகவும் பொதுமக்கள் சூழ்ச்சி செய்யப்பட்டு அகதிகள் ஆக்கப்படுகின்றனர்.

உலகின் எந்தப் பகுதியைப் பார்த்தாலும் அகதியாக்கப்பட்டவர்கள் என்றொரு பிரிவினர் இருந்து கொண்டே இருக்கின்றனர். அவர்களின் வாழ்க்கை முறையும், சமூகப் பங்கு பற்றுதலும் சாதாரண வாழ்க்கை வாழ்கின்றவர்களின் வாழ்க்கை முறையில் இருந்து வேறு பட்டு நிற்கின்றது. சாதாரண மக்கள் அனுபவிக்கக்கூடிய உரிமைகள், சலுகைகள், வசதிகள் ஏன் சில நேரங்களில் தங்களது அடிப்படைத் தேவைகளைக் கூடப் பூர்த்தி செய்து கொள்ள இயலாத துர்ப்பாக்கிய நிலைக்குத் தள்ளப்படுகின்றார்கள்.

அகதிகள் பெறுமதியற்ற உயிர்களைப்போல் தொடக்கத்தில் ஆக்கப்படுகிறார்கள். அவர்களின் உயிர் வாழ்தலுக்கான உரிமையின் மீது ஒரு வகை மறைமுகத் தடை விழுவது போல் அது உணர்த்துகின் றது. பெரும்பாலான குடும்பங்கள் தங்கள் குடும்ப உறுப்பினர் ஒருவரின் அல்லது பலரின் உயிரினை இழந்த தன் பின்னரே அதில் பீதியாகி இடம் பெயர்ந்து அகதிகளாக்கப்பட்டிருப்பத னையும் அடையாளம் காண இயலும்.

அகதிகளால் தங்களது வாழ்வாதாரத் தேவையினைத் தங்களது சம்பாத்தியத் தின் மூலமாக நிறைவேற்றிக் கொள்ளப் பெரும்பாலும் இயலுவதில்லை. அவர்கள் தங்களது சொந்தத் தொழில் தளம் என்பவற்றை இழந்துதான் அகதிகளாகின்றனர். அதனால் அவர்கள் பொது அமைப்புக்கள், அரசாங்கத்தின் உதவிகள் மீது அதீத நம்பிக்கையும் எதிர்பார்ப்பு கொண்டு சிறு வசதிகள் பெரும்பாலான தேவை களை நிறைவு செய்யும் சமுதாய அலகாக மாறியுள்னர்.

அகதிகள் உள அளவில் பாதிக்கப் படுகின்றனர். அவர்களை இந்த நிலை க்கு உருவாக்கிய காரணங்களையும் தமது எதிர்காலத்தையும் எண்ணிப் பெரிதும் மன அளவில் பாதிக்கப்பட்ட வர்களாகவும், உள நோய்களுக்குச் சொந்தக்காரர்களாகவும் மாறி வருவ தனை அகதிகள் குறித்து மேற்கொள் ளப்படும் தேடல்கள் எடுத்துக் காட்டு கின்றன. இவ் ஆய்வுகள் அகதிகள் மனதளவில் பாதிக்கப்படுகிறார்கள் என்பதனை மட்டுமல்லாது அவர்களு க்கு மன அழுத்தம் மன நோய்க்கான நிவாரணமாக அவர்களது எண்ணிக்கை மாற்றி அமைக்கின்ற அல்லது ஆற்றுப் படுத்துகின்ற செயற்றிட்டத்தின் தேவையையும் உணர்த்தியுள்ளன.

அகதிகள் எல்லாச் சொத்துக்களை யும் இழக்கிறார்கள், கல்வியையும் சேர்த்து. அதனால் அவர்கள் எதிர் காலத்தையும் இழந்து விடுகின்றனர்.

அகதிகள் தமது வாழ்க்கைச் சூழலையும் வாழ்வாதாரத் தளத்தையும் விட்டு வெளியாகின்றனர். அதனால் அவர்கள் புதுச் சூழலில் வாழத் தொடங்குகின்றனர். அகதிக் குடும்பங் கள் எல்லாவற்றையும் இழந்து வருவத னால் முதலில் அவர்களது கவனம் குழந்தைக்கான அடிப்படை வசதி என்பதோடு நின்று விடுகின்றது. இதுவே அவர்களுக்குப் பெரும்பாடாக இருக்க பிள்ளைகளின் கல்வி, கற்றலுக்கான சூழல் குறித்துச் சிந்திக்க இயலாது உள்ளது.

அகதிக் குடும்பங்களில் உள்ள குழந்தைகள் தமது கற்றலுக்கான வாய்ப்பினை இழந்து விடுவது உண்மை. ஆனால் அந்த இழப்பின் வீதம் சில இடங்களில் உள்ள அகதிகளுக்கு அதிகமாகவும், சில இடங்ளில் உள்ள அகதிகளுக்கக் குறைவாகவும் இருக்கும். ஆனால் கற்றலுக்கான வாய்ப்புக்கள் அகதி முகாம்களில் உருவாக்கப்பட்டாலும் அதற்கான ஆழவோ, கற்றலுக்குத் தேவையான ஆரோக்கியமான மனோ நிலையோ குழந்தைகளின் உள்ளங்களில் இருப்பதில்லை. இதனால் குழந்தைகளின் கற்றல் ஆர்வம் குறைந்து விடுகின்றது.

உலக அளவில் வருடா வருடம் அகதிகள் தினம் நினைவூட்டப்படுகின் றது. இவ்வருடமும் ஜூன் 20 ஆம் திகதி நினைவூட்டப்பட இருக்கின்றது. வருடா வருடம் இடம்பெறும் இந்த நினைவூட்டல் புதிய சொல்லாடலுடனும், புதிய செயற்றிட்ட அறிக்கைகளுடனும் இருக்கும். உலகிலே கடந்த ஆண்டு டன் ஒப்பிடும் போது அகதிகளின் எண்ணிக்கையும், அகதிகளாக்கப்படும் சூழலின் எண்ணிக்கையும் அதிகரித்த தாக உள்ளன. அனர்த்தங்கள், இயற்கை அழிவுகளையும் பார்க்க அரசியல் ரீதியான முன்னெடுப்புக்கள், கிளர்ச்சிகளினால் உருவாக்கப்படும் அகதிகளுக்கான சூழலும், எண்ணிக்கை யும் அதிகரித்துள்ளது. அதே போல் நாடுகள் பொருளாதார ரீதியாகச் சரி வினையும், தேக்கத்தினையும் சந்தித்து அகதிகளை பராமரிப்பதில் பெரும் சிக்கலை எதிர் நோக்கியுள்ளன.

நாம் ஒவ்வொருவரும் எமது குடும்பத்தில் குழந்தைகள், பெண்கள், முதியவர்கள், மாற்றுத் திறனாளிகள், இளைஞர்கள் குறித்து விசேடமாகக் கவனித்து அவர்களது வாழ்க்கை, பழக்கவழக்கம், எதிர்கால உருவாக்கம், வசதி வாய்ப்புக்கள் என்று எத்தனையோ விடயங்கள் பற்றிக் கவனம் எடுக்கின் றோம். அவற்றினைப் பெற்றுக்கொள்வ தற்காக பெரும் முயற்சி செய்கின்றோம். எமது முழுச் சக்தியையும் அதற்காக பயன்படுத்துகின்றோம்.

பொதுப்படையாகப் பார்த்தால் அகதிகளாக்கப்படுபவர்கள் ஏதோ ஒரு வகையில் எமக்கு உறவுக்குரியவர்கள், எமது சமூகத்தைச் சார்ந்து நிர்க்கதி யாக்கப்பட்டிருப்பவர்கள். இவர்கள் பெரும் வளத்துக்குரியவர்களாகவும், வளவாளர்களாகவும் இருந்தவர்கள், இருக்கத் தகுதியானவர்கள். காலச் சூழ்நிலை இவர்களது வாழ்க்கையை புரட்டி வைத்திருக்கின்றது.

ஒரு சமுதாயத்தின் முன்னேற்றம் குறித்து அக்கறையுடன் சிந்திக்கும் ஒவ்வொருவரும் புதிய கருத்தாக்கத்தையும், புதிய செய்றிட்டங்களையும் வரையும் பணியை செப்பனிட வேண்டும். அதற்கான வளவாளர்களை ஒன்றிணைத்து சிந்தனைக் கண்ணோட்டத்தினை, கருத்தேற்றத்தினைச் செய்ய முன்வர வேண்டும். இப்போதிருந்தேனும் இது குறித்துச் சிந்திக்க வேண்டும்.

இவ்வருட அகதிகள் தினம் இது குறித்து கருத்தேற்றம் செய்யும் சொல்லாடலையும், நல்ல திட்டங்களையும் அகதிகளின் வாழ்க்கை முன்னேற்றத்திற்காய் முன் மொழியுமாயின் இவ்வருடமே அகதிகளின் வாழ்விற்கு சுதந்திரத்தைக் கொண்டுவர தொடக்கை உருவாக்கிய மகத்தான வருடமாகக் கணிக்கப்படும் பல அகதிகளின் உள்ளங்கள்.

சுமதி மகேந்திரராசா
கிழக்குப் பல்கலைக்கழகம்