‘அபிமன்யு பதில்கள்’ புத்தக வெளியீடு – முன்னுரை

கண்ணோட்டம் பத்திரிகையில் மே 2007 இலிருந்து டிசம்பர் 2012 வரை வெளியிடப்பட்டஅபிமன்யு பதில்கள் பகுதி மொத்தமாக முப்பது தொகுப்புக்கள் இந்நூலில் உள்ளன. இதில்ஒரு சில பகுதிகள் கண்ணோட்டம் வெளிவராமையினால் வெளியிடப்பட முடியவில்லை எனநம்புகின்றேன். இந்த கேள்வி பதில்  பகுதியில் அங்காங்கே கலை, இலக்கியம், சினிமா விளையாட்டு  எனதொடப்பட்டு இருந்தாலும் பிரதானமாக மேற்குறிப்பிட்ட கால பகுதியில் தமிழ் பேசும்மக்களின் அரசியல் போக்கு மற்றும் நிலவி வந்த சிந்தனைகள் தொடர்பாக எழுந்த நியாயமானகேள்விகள், வாதப்பிரதிவாதங்களை விளங்கிக்கொள்ள முயல்வோருக்கு ஒரு சாளரமாக இப்பதிவுகள்உள்ளன.

 2007 இலிருந்து 2012 வரையான காலகட்டம் என்பது எமது மக்களின் அண்மைக்கால வரலாற்றுபோக்கு நிர்ணயகரமாக மாற்றதிற்குள்ளான கால கட்டம் என்று கூறலாம் எமது மக்கள்சந்தித்த பேரழிவுகள் உச்சக்கட்டத்தை அடைந்து தணிந்து சென்ற காலகட்டம்இதுவாகும்.

வரலாறு என்பது தொடர்ச்சியானது  எப்பொழுதும் கடந்த காலத்திற்கும் நிகழ்  காலத்திற்கும் எதிர்காலத்திற்கும் தொடர்பு இருந்துகொண்டே இருக்கும் எனினும் வரலாற்றுபோக்குகளை கட்டங்களாக பிரித்து பார்க்கலாம்.  தமிழ் பேசும் மக்களின் போராட்டம் 1940 களிலிருந்து கிட்டத்தட்ட ஏழு தசாப்தங்களாக நடைபெற்று வருகின்றது என்றுபொத்தாம்பொதுவாக கூறப்பட்டாலும், இக்காலகட்டத்தை இரு பெரும் கூறுகளாக பிரிக்கலாம்.

1990 வரையான தமிழரசு கட்சிக்காலம்

இதில் 1950 களின் நடுப்பகுதியிலிருந்து 1990 வரை தமிழரசு கட்சியும் அதன்இன்னுமொரு வடிவமான தமிழர் விடுதலை கூட்டணியும் அதன் தலைவர்களது சிந்தனை ஓட்டங்களும்தமிழர் அரசியலில் செல்வாக்கு செலுத்தியது எனலாம். இந்தக்கால கட்டத்தின் முக்கியஅம்சங்களை சுருக்கமாக பின்வருமாறு கூறலாம்.

1950 களின் நடுப்பகுதியில் தமிழரசு கட்சியின்  தோற்றம் அறுபது, எழுபதுகளில்நடைபெற்ற சாத்வீக போராட்டங்கள் அதற்கு எதிர்வினையாக ஸ்ரீ லங்கா அரசு மேற்கொண்டநடவடிக்கைகள் ஆயுத எதிர்ப்பு பற்றிய எண்ணங்கள் ஆரம்பமாக காரணமாயின.  இந்த காலகட்டத்தில் பூகோள அரசியலில் பனிப்போர் ஒரு உக்கிரமான கால கட்டத்தை அடைந்த வேளையில்இந்திய அரசும், ஜேஆர் தலைமையிலான ஸ்ரீ லங்கா அரசும் எடுத்துக்கொண்ட முரண்படுநிலைகளே தமிழ் போராட்டத்தையும் அதனது இராஜ தந்திர உள்ளடக்கத்தையும் புதியபரிமாணங்களுக்கு  எடுத்துசென்றது

இதன்விளைவாக 1985 இல் திம்பு பேச்சு வார்த்தையில் தொடங்கி 1987இல் இலங்கை இந்தியஒப்பந்தமும் அதன் விளைவாக இலங்கை அரசியல் யாப்பில் தமிழ் பேசும் மக்களின்அதிகாரப்பகிர்வு தொடர்பான 13வது திருத்தமும் ஏற்ப்படுத்தப்பட்டன. தமிழ் பேசும்மக்களுக்கு மனப்பூர்வமான திருப்தியை கொடுத்ததோ இல்லையோ அதுவரை நடைபெற்றபோராட்டத்தின் பயன் – நிகர இலாபம் -அவ்வளவு தான். அது வரை நடைபெற்ற போராட்டம்சாதித்தது இது ஒன்றைத்தான்.

இந்த அதிகார பரவலாக்கலுக்கான அரசிலமைப்பு மாற்றத்தின் சிற்பிகள் தமிழர் விடுதலைகூட்டணி தலைவர்களான திருவாளர்கள்  அமிர்தலிங்கம், சிவசிதம்பரம், இராஜவரோதயம்சம்பந்தன்,நீலன் திருச்செல்வம் ஆனந்தசங்கரி போன்றவர்களே. ஏனைய அரசியல்தலைவர்களிடமிருந்தும், அறிவுஜீவிகள் மற்றும் சட்ட வல்லுனர்கள் ஆகியோரிடமும்ஆலோசனைகள் பெறப்பட்டு இருப்பினும் ஜேஆர் இனதும் இராஜீவ் காந்தியினதும் நேரடியானநெறிப்படுத்துதலில் அவர்களினது ஆலோசகர்களால் வடிவமைக்கப்பட்ட இந்த பதின்மூன்றாவதுதிருத்த ஆலோசனைகளில் தமிழர் விடுதலை கூட்டணியினரின் பங்கு மிக முக்கியமானது.

இலங்கை இந்திய ஒப்பந்தத்தின் விளைவாக இந்திய அமைதி படையினரின் வருகையும் வடக்குகிழக்கு இணைந்த மாகாண தேர்தலும்  அதில் EPRLF இன் தோழர் வரதராஜபெருமாள் தலைமையிலானமாகாண  அரசும் நிறுவப்பட்டன. அதிகார பரவலாக்கலை அர்த்தமுள்ளதாக ஆக்க மாகாண அரசுஎடுத்துக்கொண்ட முயற்சிகள் அதிகார பரவலாக்கலுக்கு எதிரான பிரேமதாச அரசுடன்முரண்பாடுகளை தோற்றுவித்தது. இந்த பின்னணியில் LTTE யினரும் பிரேமதாசா அரசும்இணைந்து தமிழ் பேசும் மக்களுக்கான மாகாண  அரசை பலவீனமாக்கினர். அதனை தொடர்ந்துஇந்திய மத்திய அரசில் ஏற்றபட்ட மாற்றம்,1990 இல் இந்திய அமைதி படையினரின்வெளியேற்றம், மாகாண அரசு கலைக்கபட்டமையுடன் இந்தகட்டம் முடிவுக்கு வருகின்றது

இன்னும் ஐம்பது, நூறு வருடங்களின் பின்னராவது எதிர்கால் வரலாற்று ஆசிரியர்கள்தற்போதைய LTTE  யினரின் பிரச்சாரங்களின்  ஆதிக்கத்திற்கு வெளியே நின்று நிதானமாக பார்த்தால் 1990 ஆம் ஆண்டு வரலாற்று ஓட்டத்தின் ஒரு முக்கியமைல்கல்லாகும்  என்பது உணரப்படும்.

இந்த காலப்பகுதியில் LTTE வகித்த குறிப்பிடத்தக்க பாத்திரம் பிரேமதாச அரசுடன் இணைந்து தமிழ் மக்களுக்கான

 மாகாண அரசை கலைத்து   இந்திய அரசை தமிழ் மக்களிடமிருந்து அன்னியப்படுத்தி, ஐக்கிய இலங்கைக்குள் தமிழ் மக்களுக்கு நியாயமான தீர்வு அவசியம் என்றநிலைப்பாட்டை கொண்ட பெரும்பாலான சிங்கள மக்களை செயல் அற்றவர்களாக்கி  அதன் பின்னர் ஏற்பட்டஅனைத்து அழிவுகளுக்குமான ஆரம்பப் புள்ளியை இட்டு வைத்தமைதான் என்பது துல்லியமாகஉணரப்படும்.

1990- 2009 வரையான புலிகளின் காலம்-இருண்ட காலம்

1990 இலிருந்து 2009 ம் ஆண்டு வரையான கால கட்டத்தில் நிர்ணயகரமான சக்தியாகஇருந்தவர்கள் LTTE  யினரும் அதன் பங்காளிகளாக இருந்த TNA  எனும் தமிழ் தேசியகூட்டமைப்பினரும் என்பதில் சாதாரண பொது அறிவுள்ள எவருக்கும் சந்தேகம் இருக்கமுடியாது.

2012 ம் ஆண்டுடன் ஏறத்தாழ மூன்று வருடங்களின் பின்னர்  இன்னமும்,  பத்தொன்பதுவருடங்களாக நடந்த இந்த பெரும்  பிரளையத்தில் எமது மக்கள் இழந்தவை, அழிந்தவை, மீளப்பெற முடியாமற்போனவை என எதனையுமே நிதானமாக கணித்துக்கொள்ள முடியாமல் உள்ளது.  அதற்கு இன்னும் பல வருடங்கள் ஆகலாம்.

எமது மக்களுக்கு நடந்த இப்பேரழிவுக்கான புறக்காரணிகளை இலகுவாக அடையாளம்கண்டுகொள்ளலாம். அல்லது புறக்காரணிகளே இந்த அனர்த்தத்தை நடத்தி முடித்தன என்றுஎம்மை நாமே திருப்திப்படுத்திக்கொண்டு வரலாற்றின் குருடர்களாகபல்வேறு நியாயப்படுத்தல்களையும் முன்வைத்துக்கொண்டு   இருப்பதுதான் சுகமென்றால் அவ்வாறுபயணித்துக்கொண்டே இருக்கலாம். அவ்வாறு பயணிப்பவர்களை யாராலும் நிறுத்தவும்முடியாது

மாறாக இந்த பேரனர்த்ததிற்கான அகக்காரணிகள் – தமிழ் பேசும் மக்களிடையேபுரையோடிப்போயிருந்த போக்குகள் – நிர்ணயகரமான சக்தியாக இருந்த LTTE யினதும் அதன்பங்காளர்களாக இருந்த TNA போன்றவர்களினதும் அடிப்படை தவறுகள் என்ன? தார்மீக பொறுப்புக்கள் என்ன? என்பதையும்நிதானமாக பகுத்தறிந்து பார்ப்பது சமூக அக்கறை உள்ளவர்களின் கடமையாகும்.  அது மாத்திரமில்லாமல் இந்த பத்தொன்பது வருடத்தில் மேலாதிக்கம் பெற்றிருந்தசிந்தனை போக்கின் பல கூறுகள் பற்றிய முழுமையான கிரகித்தலும் அவசியமானதாகும். நாகரீகமான வளர்ச்சியடைந்த அரசியற் சிந்தனை போக்குகளையும்  தமிழ் அரசியலில் ஆதிக்கம் பெற்றிருந்த சிந்தனை பிறழ்வு நிலைமைகளையும் நாம் நிதானமாக வேறுபடுத்தி பார்க்க வேண்டும்

அபிமன்யு பதில்கள் எழுதப்பட்ட காலகட்டமான  2007 இலிருந்து 2012 வரையான காலகட்டம்  தமிழ் பேசும் மக்களின் சமகால வரலாற்றில் மிகவும் முக்கியத்துவம் வாய்ந்ததாகும்.

எதிர்காலத்தில் தமிழ் பேசும் மக்களுக்கு ஒரு கௌரவமான வாழ்வை நிலை நாட்ட விரும்பும் இளைய தலைமுறையினனருக்குஇந்த அனர்த்த காலங்களில் எழுப்பப்பட்ட நியாயமான சந்தேகங்கள்,  LTTE  சிந்தனை ஓட்டம் எமது மக்களை மீள முடியாத பலவீனமான நிலைக்கு கொண்டு போவது மட்டுமல்ல நினைத்து கூட பார்க்க முடியாத அளவு பேரழிவுக்கும் வழி  வகுக்கும் என்று கூறப்பட்டவிடயங்கள்  எமது சமூகத்தினால் எவ்வாறு உதாசீனம் செய்யப்பட்டது என்பதையும் உணர்த்த இவ்வெளியீடு ஓரளவிற்கு உதவும்

உதாரணமாக 2007ஆம் ஆண்டு ஆகஸ்ட் மாத கண்ணோட்டத்தில் இலங்கை இந்திய ஒப்பந்தத்தின் 20 ஆம் ஆண்டு நிறைவு பற்றிய கேள்வி ஒன்றுக்கு  பதில் இவ்வாறு  முடிகின்றது

அப்பொழுதே, “புலிகளே! மக்களே! வேண்டாம் இந்த வினை” எனச் சொன்னோம், கத்தினோம்; எழுதினோம்; குமுறினோம்!. கேட்டார்களா?- ‘சனியன்’ பிடித்ததுபோல் ‘சன்னதம்’ ஆடினார்களே!- இப்பொழுதும் அனுபவிக்கிறோம்!

இவ்வாறான  பதிவுகளும் எழுத்து நடையும் இந்த இருண்ட காலம் பற்றிய கிரகித்தலை இலகுவாக்கும்,  வாசிப்போரின்மனங்களில்  பதிய வைக்கும்  என்று நம்புகிறேன்

அபிமன்யு பதில்களின் ஆசிரியர் தோழர் சிவா;  தமிழ் பேசும் மக்களுக்கு ஒரு கௌரவமான தீர்வு வேண்டும் என்ற இலக்கு வெறுமனே தமிழ் வீரம் பற்றியதோ அன்றேல் சிங்கள மக்களை பழி  வாங்க வேண்டும் என்ற எண்ணத்தின் அடிப்படையிலானதல்ல மாறாக ஸ்ரீ லங்காவில் வாழும் அனைத்து  மக்களும் சமமாக கௌரவமாக வாழும் செழுமையான எதிர் காலத்தை உருவாக்குவது – என்று அவாவி நின்ற ஒரு செயற்பாட்டளர்.

இவர் நீண்ட காலமாக, 1970 ஆம் ஆண்டுகளிலிருந்துமறைந்த தலைவர்கள் தமிழரசு கட்சி தலைவர் கதிரவேற்பிள்ளை , EROS ஸ்தாபகர் தோழர் ரட்ணா, தோழர் நாபா, தோழர் கேதீஸ் , தோழர் சுபத்திரன் போன்றவர்களுடன் நேரடியாக பழகி நன்கு பரிச்சயமானவர்,எமது போராட்ட வரலாறு பற்றிய ஆழ்ந்த அனுபவமும்  உண்டு. இந்த வெளியீட்டில் பல இடங்களில்  தோழர் சிவாவினது அனுபவ திரட்சியும் தெளிவான  சிந்தனை போக்கும் பிரதிபலிப்பதை அவதானிக்கக்கூடியதாக இருக்கின்றது.

மறைந்த தோழர் உமாகாந்தன் கூறியது போல “யாரும் புத்தகம் வெளியிடலாம் ஆனால் எழுத்து என்பது இதயத்திலிருந்து வருவது” இதற்கு எடுதுக்காட்டானது சிவாவினது எழுத்துக்கள்.

யாழ்  மேயர்  துரையப்பா கொலை செய்யப்பட்டபோது அரசியல் கொலைகளை எதிர்த்தவர்கள் அன்றும் இருந்தார்கள் தான் ஆனால் கணிசமான தமிழர்கள் இதனை ஏற்றுக்கொண்டார்கள். இது மறக்கப்பட வேண்டிய வெட்க்கப்பட வேண்டிய விடயமாக இன்று தெரிந்தாலும் அதுவே அன்றைய யதார்த்தமாக இருந்தது.  இந்த விடயம் பற்றி 2008 ஆம் ஆண்டு பெப்ரவரி கண்ணோட்டத்தில் எழுதும்போது “துரையப்பா ஒரு தமிழனத் துரோகி என்ற அரசியல் பிரச்சாரத்தால் எடுபட்டு அதனை அங்கீகரித்த தமிழ்மக்களில் நானும் ஒருவன். பின்னர் எத்தனையோர் தமிழீழ விடுதலைப் போராட்டம் என்ற பெயரில் படுகொலை செய்யப்பட்டபோதுதான் துரையப்பாவின் கொலையை அங்கீகரித்த என் அறியாமையை உணர்ந்தேன். பல தடவைகள் இதனையிட்டு நொந்துள்ளேன”  இவ்வாறான  சில பதிவுகள் இதயசுத்தியுடன் கடந்த காலத்தை படம்பிடித்து காட்டுகின்றன.

இந்நூல் நாவல் வடிவிலோ அல்லது கட்டுரை வடிவிலோ தொகுக்கப்படவில்லை ஆனால் வெளியிடப்பட்ட காலக்கிரமத்தில் தொகுக்கப்பட்டுள்ளது ,  ஆகவே இந்தநூலை எங்கிருந்தும் தொடங்கி படிக்கலாம்.

அத்துடன் இந்த நூலின் விடயதானங்கள் அரசியல் ஆர்வலர்களை நோக்கி எழுதப்படும் ஆய்வு கட்டுரை நடையில் அல்லாமல் சாதாரண பொதுமக்களின் மனங்களில் எழும் கேள்விகளுக்கான பதிலாக உள்ளமை கருத்துக்களை வாசிப்போர் மனதில் பதிய வைக்க உதவும் என்று நம்புகிறேன்.

இந்த நூல் செழுமையாக வடிவமைக்கப்பட்டு பரவலாக விநியோகிக்கப்படும் என்ற நம்பிக்கையுடன்

சாந்தன் தம்பையா