பிரபாகரன் அவர்களுக்கு அஞ்சலி செலுத்துவார்களா?

(கா. சிவனேசன், ரெரன்ரோ)

 புலிகள் இயக்கத்தலைவர் பிரபாகரனும் அவரது மகன் பாலச்சந்திரனும் கொல்லப்பட்டதாக சனல்-4 தொலைக்காட்சி ஆதாரத்துடன் வெளியிட்டுள்ளது. மாடு சும்மா சொன்னால் கேட்காது மணிகட்டின மாடு சொன்னால்தான் கேட்கும்  என்பார்கள் அதேபோல வெளிநாட்டில் உள்ள புலிகள்  இயக்கத்தொண்டர்களுக்கு அமைப்புகளுக்கு பிரச்சார வியாபாரத்திற்காக மணிகட்டின மாடுபோல முன்னர் சனல்-4 தொலைக்காட்சி வெளியிட்ட மனிதஉரிமை வீடியோ ஒளிப்பதிவு நாடாக்களை ஆயிரக்கணக்கில் சி.டி.க்களாக தமிழர்களுக்கும் ஏனைய இனத்தவர்களுக்கும் இலவசமாக விநியோகம் செய்தார்கள். ஆனால் இலங்கை அரசாங்கம் இதுபோலியான வீடியோ எனக்கூறியது.

ஆனால் இந்த புலிஅமைப்புகள் சனல்-4 தொலைக்காட்சி சொன்னதிற்கு மேலாக ஒருபடி மேலேபோய் இல்லை இல்லை அரசாங்கம்தான் பொய்சொல்லுகின்றது. சனல்-4 தொலைக்காட்சி ஒளிபரப்பிய வீடியோ இராணுவவீரர் ஒருவரால் எடுக்கப்பட்டது எனவும் ரெரான்ரோவில் உள்ள தமிழ் றேடியோக்களில் தமிழ்மக்களுக்கு மேலும் நம்பிக்கையை ஏற்படுத்துவதற்காக பல வரைபிலக்கணங்களுடன் முழங்கித்தள்ளினார்கள்.                                                                     

இப்போது விடயத்திற்கு வருவோம் இப்போது சனல்-4 தொலைக்காட்சி புலிகள் இயக்கத்தலைவர் பிரபாகரனும் அவரது மகன் பாலச்சந்திரனும் கொல்லப்பட்டதை ஆதாரமாக வெளியிட்டுள்ளார்கள். பிரபாகரன் அதிவிசைகொண்ட துப்பாக்கியால் அருகில்வைத்து தலையில் சுடப்பட்டிருக்கின்றார் எனவும் அதனால்தான் தலையின்மேல்பகுதி சிதறியுள்ளதால் துணியால் மூடப்பட்டிருக்கின்றது என்றும் அதனை பகுப்பாய்வு செய்தவர் ;கூறியுள்ளார். மேலும் ஆதாரங்கள் வெளிவரலாம் என எதிர்பார்க்கப்படுகின்றது. வழமைபோல இலங்கை அரசாங்கம் இதுபோலியானது என மறுத்துள்ளது.                      

புலிகள் இயக்கத்தலைவர் பிரபாகரன் கொல்லப்பட்டுவிட்டார் என்ற விடயத்தை வெளியிட்ட சனல்-4 தொலைக்காட்சியின் அறிவிப்பானது  புலிகள்அமைப்புகளுக்கும் அவரர்களது தொண்டர்களுக்கும் அவர்களது வியாபாரத்தில் மண்ணை அள்ளிப்போட்டுள்ளது. காரணம் என்னவென்றால் 2008ம் ஆண்டளவில் கடைசியுத்தம்  தமிழ்ஈழத்தை அடித்துப்பிடிக்கப்போகின்றோம் பணத்தை வங்கியில் கடனாக எடுத்துத்தாருங்கள் தமிழ்ஈழம் கிடைத்ததும் வட்டியுடன் திருப்பித்தருவோம் என்று தொண்டர்கள் இங்குள்ள தமிழர்களை வற்புறுத்தி பணத்தை பெற்றுக்கொண்டார்கள்.   ஆயிரக்கணக்காக டொலர்களை கடனாக எடுத்துக்கொடுத்தவர்கள் இப்போது பணத்தை திருப்பிக்கேட்டவுடன் தொண்டர்கள் கூறும் பதில் என்னவென்றால் தலைவர் பிரபாகரன் உயிரோடு இருக்கின்றார் இனித்தான் பிரச்சினை இருக்குது என்று பொய் சொல்லி காலத்தை ஒட்டியும் தமது ஊடகபிரச்சாரபலத்தின் மூலம் அப்பாவித்தமிழ் மக்களை தலைவர்  மீண்டும் வருவார் என்று ஏமாற்றிக்கொண்டிருந்தவர்கள் இனிமேல் மக்களுக்கு எதைச்சொல்லப்போகின்றார்கள்? தலைவர் உயிரோடுதான் இருக்கின்றார் சனல்-4 தொலைக்காட்சி பொய்சொல்லுகின்றது யாரிடமோ பணம் வாங்கிவிட்டார்கள் என்று துரோகப்பட்டம் சூட்டினாலும் ஆச்சரியப்படுவதற்கு  இல்லை.                                               

புலிகள்சார்பு ஊடகங்களின் தலைவர்  மீண்டும் வருவார் என்ற பொய்ப்பிரச்சாரங்கள்  எப்படி அப்பாவிமக்களை சென்றடைந்து இருக்கின்றது என்பதற்கு ஓரு உதாரணமாக  இவரை எடுத்துக்கொள்ளலாம்  இவர் ஸ்காபுறோவில் உள்ள கென்னடி அன்ட் பிஞ்ச் சந்திப்புக்கு அருகில்கொத்துரொட்டிக்கு பெயர்போன உணவகத்தில் பலவருடங்களாக கொத்துரொட்டி போடுகிறவராக பணியாற்றிவருகின்றார். உணவு வாங்கச்செல்லும்வேளையில்  அரசியலும் கதைப்பதுண்டு அவரிடம் கேட்டேன் என்ன பிரபாகரன் இருக்கின்றாரா? அவர் சொன்ன பதில் என்னை சிரிக்கவும் சிந்திக்கவும் வைத்தது. என்ன சொன்னார் என்றால் தலைவர் வெள்ளைமாளிகையில் ஓளித்து இருக்கின்றார் என்றார். ஜனாதிபதி ஓபாமாவுக்கு அட்வைசாராக இருக்கின்றாரா என்று திருப்பிக்கேட்டேன். அதற்கு அவர் இல்லை உண்மைதான் என்றார்.  அப்படி என்றால் தலைவரை பவுத்திரமாக வெள்ளைமாளிகையில் இருக்கச்சொல்லுங்கள்  ஊரிலை சனம் நிம்மதியாக இருக்கட்டும் என்றேன். இப்போது கேட்டிருந்தால் சொல்லியிருப்பார் பின்லாடனை பிடிப்பதற்கு ஜனாதிபதி ஓபாமாவுக்கு உதவியது பிரபாகரன்தான் என்றிருப்பார்.

தலைவர் பிரபாகரன் விரைவில் வருவார் நாலாம்கட்ட ஈழப்போரை நடாத்தப்போகின்றார் என்று இந்தியாவில் இருக்கும் புலிகளின் கவிஞர் காசிஆனந்தன் கூட அண்மையில் பகிரங்கமாக அறிக்கைவிட்டிருந்தார் தமிழ்நாட்டில் உள்ள புலிகள் ஆதரவுக்கட்சிகளும் பிரபாகரனை யாரும் ஓன்றும் செய்துவிடமுடியாது என்று மாடிமீது மாடிகட்டி கோடிகோடி சேர்த்தசீமான்களும் நெடுமாறன்களும் ஏமாற்றிக் கொண்டிருக்கின்றார்கள். புலிகள் இயக்கம் மிகப்பெரிய இராணுவபலத்துடன் இருந்தபோதே இராணுவத்துடன் தாக்குப்பிடிக்கமுடியாமல் தாம்தப்பிஉயிர்பிழைப்பதற்காக  கடைசியில் வெள்ளைக்கொடியை காட்டியாவது உயிர்பிழைக்க முயன்றதையும் அதனால் புலிகளுக்கு மட்டுமல்ல தமிழர்களுக்கும் அவமானத்தை ஏற்படுத்தியதையும் மறந்துவிட்டு இலங்கையின் வடக்கு கிழக்குப்பகுதியில் முழத்திற்கு முழம் அரசபடைகள் இருப்பதும் வடக்குகிழக்குப்பகுதியில்; அதிசக்திவாய்ந்த புலனாய்வுப்பிரிவு இயங்குவதும் இவர்களுக்குத் தெரியாதா? இதனை அங்குள்ள தமிழர்களிடம் அல்லது ஆயிரக்கணக்கில் சரணடைந்து விடுதலையாகி இருக்கும் புலிகள் உறுப்பினரிடமாவது கேட்டுத்தெரிந்துகொள்ளளலாம். உண்மையில் நித்திரையில் உள்ளவர்களை எழுப்பலாம்  ஆனால் நித்திரைபோல நடிப்பவர்களை எழுப்பமுடியாது.  உண்மையில் இவர்களுக்கு எல்லாமே தெரிந்து இருந்தும் பிழைப்புக்காக மக்களை ஏமாற்றுகின்றார்கள்.

இதுவரைகாலமும் பிரபாகரன் இருக்கின்றாரா இல்லையா கேள்விக்கு  சனல்-4 தொலைக்காட்சி  ஆதாரமாக பிரபாகரன் உயிருடன் இல்லை என்ற பதிலைத்தந்துள்ளது. புலிகள் இயக்கதலைவர் பிரபாகரனினதும்  மாவீரர்களின் பெயரை பாவித்ததினால் பலருக்கு பெயரும் புகழும் பணமும்  கிடைத்தது. அதற்கு பரிகாரமாக நன்றிக்கடனாக  பிரபாகரன் அவர்களுக்கு அஞ்சலி செலுத்துவதே புலி ஆதரவுக்குழவினருக்கு முன்னால் உள்ள தலையாய வரலாற்றுக்கடமையாகும்.