பெற்றோரை முதியோர் இல்லங்களில் சேர்ப்பது கொடுமை மிக்க பாவச் செயல்

சுகமும், சுமையும் இணைந் ததுதான் வாழ்க்கை, பிரச் சினையே இல்லாமல் எம் மால் வாழ முடியாது. ஒருவேளை பிரச்சினையே இல்லாமல் நீங்கள் வாழ்ந்தால் கூட அது உப்பில்லாத உணவுக்கு சமமாகும். வலியும் வேத னையும் ஒவ்வொருவருக்கும் வந்தே தீரும். அவ்வேளைகளில் யார் சம யோசிதமாகச் செயல்படுகின்றார்களோ அவர்களே வாழ்க்கையில் வெற்றிகளை குவிப்பார்கள். ஒவ்வொரு பருவமும் எமக்கு வாழ்க்கையில் தடைதாண்டும் பரீட்சை தான். இதில் குழந்தைப் பருவம், இளமைப் பருவம், முதுமைப்பருவம் இம் மூன்று பருவங்களும் இயற்கையின் நியதி, அதிலும் இறுதியாக வரும் முதுமைப் பருவம் அனுபவத்தின் முதிர்ச்சி, பட்டறிவின்தெளிவு, வாழ்க்கை என்றால் இதுதான், உலகம் என்றால் இதுதான் என்ற கசப்பையும், இனிப்பையும் கற்றுக்கொண்ட ஒரு முழுமையான பாடப்புத்தகமே முதுமைப்பருவம்.

அப்படிப்பட்ட முதியோர்களையும், பெற்றோரையும் பாதுகாக்கவும் போற்றவும் இன்றைய இளைய சமுதாயம் தவறுகின்றது. இன்றைய நவநாகரீக மோசமான மோகத்தால் முதியோர் இளைய சமுதாயத்தினால் புறக்கணிப்பிற்குள்ளாகின்றனர்.

சிறுபிள்ளையாய் இருக்கும் போது சீராட்டி, பாலூட்டி, தாலாட்டிவளர்த்த எம் பெற்றோரை இன்றைய இளைய தலைமுறை மறந்து விடுகின்றது.

பிள்ளைகளால் பராமரிக்கப்படாது கைவிடப்பட்ட முதியவர்கள் பலர் வீதிகளில் தமது கடைசி சீவியத்தை கழிக்கின்ற அவல நிலைமை அதிகரித் துள்ளது.

வீதிகளிலும், பொது இடங் களிலும் சுற்றித்திரியும் முதியவர்களில் சிலர் தங்கள் பிள்ளைகளால் வாகனத்தில் ஏற்றி வரப்பட்டு விடப்பட்டவர்களாவர். இவ்வாறு பிள்ளைகளால் பாதிக்கப்பட்ட பெற்றோர் சிலர் நீதிமன்ற படிகளை மிதிக்கவும், தமது பிள்ளைகளிடம் இருந்து வாழ்வாதார பணம்பெறவும் துணிந்துள்ளார்கள்.

பிள்ளைகளால் பாதிக்கப்படும் பெற்றோரின் நலன் காக்க இன்று அரசாங்கம் முதியோர்களுக்கென பல்வேறு வழிகளிலும் உதவி வருகின்றது. அத்தோடு பெற்றோருக்கு இழைக்கப்டும் அநீதி தொடர்பில் சமூக சேவைகள் மற்றும் முதியோர் நலப்பிரிவு தகவல்களை திரட்டி வருவதுடன், பாதிக்கப்படும் முதிய வர்கள் இதில் முறையிடலாம்.

நீங்கள் அழுதால் அழுது, சிரித்தால் சிரித்து, விழுந்தால், விழுந்து உங்கள் வெற்றியிலும், தோல்வியிலும் உறுதுணையாய் இருந்து உங்களை உயர்த்திவிட்டவர்கள் பெற்றோர்களாவர். உங்களுக்காக எறும்பைப் போல உழைத்து, கரும்பைப்போல உட ம்பை சக்கையாய் பிழிந்து முது மைக் காலத்தில் நோயோடு உங்கள் தயவை எதிர்பார்த்து காத்திருக்கும் பெற்றோருக்கு இன்றைய பிள்ளை கள் செய்யும் கடமை அதிகம் உள் ளது. வீட்டின் வாசல் ஓரம் ஒரு இடம் அல்லது வீட்டின் ஒரு மூலை க்குள் ஒரு இடம் ஒதுக்கி அவர்களை தனிமைப்படுத்தி நேரத்திற்கு கொஞ்சம் உணவும் கொடுத்து சிறைப்படுத்துவது கொடுமை.

அவர்களை தொந்தரவு என நினைத்து முதியோர் இல்லத்தில் கொண்டு போய் தள்ளிவிட்டு வந்து விடுகின்றார்கள். அல்லது தெருவில்விட்டு விடுகின்றார்கள் இது கொடுமை மிக்க பாவச் செயலாகும்.

முதியவர்கள் பாதுகாக்கப்பட வேண்டிய பொக்கிஷங்கள். அவர் களது அனுபவங்கள் இல்லாது எம்மால் வாழ்க்கையில் முன்னேற முடியாது. இன்றைய இளையோர் நாளைய முதியோர்களாவர் என் பதை ஒவ்வொருவரும் உணர்ந்து செயற்பட்டால் முதியோர் இல்லங்கள் உருவாவதை தடுக்கமுடியும் முதி யவர்களிடம் அன்பு காட்டுங்கள் உங் கள் வாழ்க்கை வெற்றிகரமாக அமையும்.

(செ. துஜியந்தன்)