ராஜினி கொல்லப்பட்ட சூட்டோடு அதைக் கண்டித்து பாரிஸில் நாங்கள் நடாத்திய கண்டனக் கூட்டம் குறித்த துண்டுப்பிரசுரம் விநியோகித்தபோது ஒரு சலூன் கடைக்காரர் மிகப் பொருத்தமாகவே என்னிடம் சொன்னார் " அங்கை செத்தவருக்கு இங்கை போஸ்ட்மோர்ட்டம் "
"இறந்தவன் தன்னுடைய பாவத்திலிருந்து முழுமையாக விடுதலை செய்யப்படுகிறான் "என பைபிள் (ரோமர் :6:7)சொல்கிறது .அரவிந்தன் தன் இயக்க சார்பாக கொண்டுவந்த "நட்புறவுப் பாலம்" வழியே எனக்கு எழுத்துவழி அறிமுகமானார் .ஈரோஸ் ஸ்தாபர்களில் ஒருவரான தோழர் அழகிரி எனக்கு அவற்றின் பலபிரதிகளை தந்துதவினார் ,அழகிரியோடு நான் எப்போதும் கருத்து மன வேற்றுமை கொண்டவனில்லை .தன் வாழ்வின் அத்தனை துயர்களையும் இந்த தமிழ் அரசியல் வழி அடைந்தவர் அவர் . நம்மில் அனேகமாக எல்லோருமே இந்த அரசியல் வழியில் துன்பங்களையும் துயரங்களையும் மட்டுமே கண்டுள்ளோம் ,ஒரே ஒருவரைத் தவிர ,அவர் யாரென உங்களுக்கு மிகை விளக்கம் சொல்லி உங்களை சலிப்பூட்ட நான் விரும்பவில்லை ,இந்த அரசியலின் அத்தனை நலன்களையும் அவர் அடைந்தார் ,கலாநிதி ,பென்விருது இப்படி ,இன்னும் அவர் அடையவேண்டிய உச்சங்கள் அநேகம் உண்டு ,வாழ்க ,!அழகிரி அவர்கள் பிரபாகரன்மீது அவர் கொண்டிருந்த ஆழமான வெறுப்பு ,பிரபாகரனின் உளவியல் பற்றிய அவரது அவதானங்கள் அவரை என்னுடன் இணைத்தது .
பிரான்சில் புலிகளின் வன்முறை நடவடிக்கைகளால் பெரிதும் துயருற்றார் ,அவர் செய்துகொண்டிருந்த செய்திச் சேவையின் காரணமாக அவர் குடும்பம் நாள்தொறும் ஆபாசப் பேச்சுக்களையே கேட்டுக்கொண்டிருந்தது ,அவர் மகன்கள் ஈழ நாதனும் வள்ளுவனும் புலிகள் மிரட்டும் ஆபாச தூஷணை வார்த்தைகளைக் கேட்டே தமிழை ஆழமாக உணர்வுபூர்வமாக கற்றவர்கள் ,அவரைச் சென்று தாக்கும்படி புலிகள் அனாமதேய துண்டுப்பிரசுரங்களை கொடுத்தார்கள் ,தனி ஒருவராக தன் குடும்பத்தோடு அவர் புலிகளின் வன்முறையை எதிர்கொண்டார் ,மற்ற நாடுகளுடன் ஒப்பிடும்போது பிரான்ஸ் அதிகூடிய புலிகளின் அதிகூடிய வன்முறை காடாக இருந்தது ,
சபாலிங்கம் கொல்லப்பட்டார் , "சொல்லாயோ வாய்திறந்து வார்த்தையொன்று சொல்லாயோ வாய்திறந்து "என சபாலிங்கம் படுகொலையைக் கண்டித்து ஒரு வார்த்தை பேசச்சொல்ல அப்போது எழுதிக்கொண்டிருந்தவர்களை நாம் கெஞ்சினோம் ,சபாலிங்கத்தின் நெருங்கிய நண்பரான அரவிந்தன் அப்படி ஒரு சம்பவமே நடந்ததாக எங்கும் காட்டிக்கொள்ளவில்லை ,சபாலிங்கத்தின் இறுதிகிரியைக்கும் அவர் வரவில்லை ,எழுத்தாளர்களை புலிகளுக்கு ஆட் சேர்க்கும் வேலையில் அவர் முனைப்பாக இருந்தார் .ஈற்றில் "நாடுகடந்த தமிழீழ அரசாங்கத்தின்" பிரச்சாரகராகவும் ,தேர்தல் கொமிசனராகவும் இருந்து தன் கனவின் மீதியையும் வாழ்ந்து முடித்தார் .
சில விடயங்களை மறக்கவும் முடியாது மன்னிக்கவும் முடியாது ,கடவுள் மன்னிக்கலாம் ,நாம் சாதாரண மனிதர் ,அதனால்தான் :"இறந்தவன் தன்னுடைய பாவத்திலிருந்து முழுமையாக விடுதலை செய்யப்படுகிறான் "என பைபிள் (ரோமர் :6:7)சொல்கிறது: இத்தகைய கொலைக்கலாசாரத்தை கண்டிக்க மனமின்றி இருந்த அதிலே ஆறுதல் அடைந்த மகிழ்ச்சிப்பட்ட பிரான்சில்தான் பின்னர் அவர்களுக்குள்ளே அடுக்கடுக்காக பல கொலைகள் நடந்தன ,சில நாட்கள் முன்னரும் ஒருவர் தாக்கப்பட்டார் ,கண்டிக்கத்தான் எப்போதும் நாங்கள் இருக்கிறோமே !, கண்டிக்கவும் இறப்புக்கு அஞ்சலி செலுத்தவும் ,மரியாதை செலுத்தவும் ஒருவரே இருந்துவந்த நிலை போய் இப்போது தனி அஞ்சலி செலுத்தும் காலம் கனிந்திருப்பது ஆறுதலளிக்கிறது .
• "சபாலிங்கம் கொல்லப்பட்டார் , "சொல்லாயோ வாய்திறந்து வார்த்தையொன்று சொல்லாயோ வாய்திறந்து "என சபாலிங்கம் படுகொலையைக் கண்டித்து ஒரு வார்த்தை பேசச்சொல்ல அப்போது எழுதிக்கொண்டிருந்தவர்களை நாம் கெஞ்சினோம் ,சபாலிங்கத்தின் நெருங்கிய நண்பரான அரவிந்தன் அப்படி ஒரு சம்பவமே நடந்ததாக எங்கும் காட்டிக்கொள்ளவில்லை ,சபாலிங்கத்தின் இறுதிகிரியைக்கும் அவர் வரவில்லை ,எழுத்தாளர்களை புலிகளுக்கு ஆட் சேர்க்கும் வேலையில் அவர் முனைப்பாக இருந்தார் .ஈற்றில் "நாடுகடந்த தமிழீழ அரசாங்கத்தின்" பிரச்சாரகராகவும் ,தேர்தல் கொமிசனராகவும் இருந்து தன் கனவின் மீதியையும் வாழ்ந்து முடித்தார் "
(சுகன் கனகசபை)

.......சபாலிங்கம் மரணமாவது பரவாயில்லை பயத்தின் காரணமாக தவிர்த்துக்கொண்டார் என்று விட்டுவிடலாம். மரணப்படுக்கையிலிருந்து புஸ்பராஜா, கி பி அரவிந்தனுக்கு க்கு ரெலிபொன் செய்து, நான் சாவதற்கு முன் ஒரு தடவை உன்னைப் பார்க்க விரும்புகிறேன் .
வாடா! என்று கூப்பிடதை கூட அரவிந்தன் தட்டிக்கழித்தை என்னவெண்று சொல்ல!!...

(Annam Sinthu Jeevamuraly)
 

......உங்கள் கருத்துகளோடு நானும் உடன்படுகின்றேன் . கி.பி அரவிந்தன் இறந்துபோனது கேட்டு நான் துயர்மிகு கொண்டது உண்மை. ஏனென்றால் எங்கள் கடந்தகாலங்கள் உண்மை இலட்சியத்தோடு...நட்பின் வலிமையோடு கட்டப்பட்டிருந்த மறக்கமுடியாத நினைவுகளைக்கொண்டது. ஆனால் பின்னாட்களில் பிரான்சிசின் நடவடிக்கைகள் சுயநலம் கொண்டதாகத் தலைமைக்குத் துதிபாடும் நசிந்த மனோபாவத்தோடு அவருடைய நடவடிக்கைகளும் எழுத்தும் பொய்மை நிரம்பியதாக இருந்ததையும் நான் மறுப்பதற்கில்லை..ஒரே இலட்சியத்தோடு ,மிகுந்த நட்போடு பழகிய புஸ்பராஜாவைப் பற்றி, புஷ்பராஜா உயிரோடு இல்லை என்ற துணிவில் , இவர் தனது ,இருப்பும் வெறுப்பும் நூலில் , மிக அவதூறாக எழுதியது கண்டு நான் மட்டுமல்ல .என் குடும்பமே கொதித்தது.இப்படி எழுதுமளவுக்கு அவர் ஒன்றும் வீராதி சூரனில்லை. அவ்வளவுக்குத் தன் தலைமையைத் திருப்திப்படுத்தி ,அடிபணியும் நோக்கில் நன்றி என்ற சொல்லையே மறந்துவிட்டார்.. அவர் மறைவால் நான் துயர் கொண்டதும் உண்மை; நான்கொண்ட வெறுப்பும் உண்மை. அகாலத்தில் இவர் பற்றி நான் எழுதியதிலும் என்றும் மாற்றம் ஏற்படப்போவதில்லை.

(Pushparani Sithampari)

அமைதி சமாதானம் ஜனநாயகம்

www.sooddram.com