சட்டி சுட்டதடா 

முள்ளிவாய்க்காலின்  ஆரம்பம்  

( ரஞ்சன்)

ஈழத்தில் வாழும் தமிழ் மக்களுக்கு போருக்குள் வாழ்வும் புலம்பெயர்ந்து வாழும் தமிழர்களுக்கு வாழ்க்கைக்காக போரும் என்று நகர்ந்து கொண்டிருந்த ஈழப்போராட்டம் 2002ஆம் ஆண்டு நீண்ட சமாதான காலத்தை எதிர்கொண்டது. இது ஈழத்தில் போருக்குள் வாழும் மக்களுக்கு" கொட்டாவி விட்ட வாய்க்கு கொழுக்கட்டை கிடைத்ததைப்போல்" சமாதானத்தில் நம்பிக்கை இருந்ததோ இல்லையோ தமது உயிருக்கு சிறிது கால உத்தவாதம் இருப்பதையிட்டு, இலங்கையில் வாழும் குறிப்பாக வடக்கு கிழக்கில் வாழும் அதிலும் குறிப்பாக வன்னியில் வாழும் மக்கள் மகிழ்வுற்றனர்.

ஆனால் இந்த சமாதான காலத்தில் நாளொரு கொலையும் பொழுதொரு ஆர்ப்பாட்டமும், கடத்தல், என நாளுக்கு நாள் இரு தரப்பாலும் நடந்த வண்ணம் இருந்தன என்பதை யாரும் மறுக்கமுடியாது. 

இதனை தட்டி கேட்டக முடியாதவராக தடுக்க முடியாதவராக அதிகாரத்தை கொண்டு அடக்க முடியாதவராக அன்றைய பிரதமர் ரணில்விக்கிரமசிங்க மென்போக்கு கொண்ட, ஆளுமையற்ற தலைவர் போன்று காட்சி அளித்தார். இது ஏன் என்பது 2004 ஆம் ஆண்டு புலிகளின் கிழக்கு பிரிவின்பின்னரே எல்லோருக்கும் புரிந்தது. இதனால் இக் காலப் பகுதியில் புலிகளுக்கு எதிரான தமிழ் சிங்கள அரசியல் தலைவர்கள், புத்திஜீவிகள் ராணுவ அதிகாரிகள் ராணுவத்தோடு தொடர்பு வைத்திருந்தோர், ஊடகவியலாளர்கள் என பலதரப்பினரும் கொல்லப்பட்டனர். அதே போல் அரசுக்கெதிரான பாராளுமன்ற உறுப்பினர்கள், ஊடகவியலாளர்கள் புத்திஜீவிகள் புலிகளுக்கு ஆதரவானவர்களும் கொல்லப்பட்டனர். 

ஆனால் இந்த காலப்பகுதியில் இலங்கையில் நிலைகொண்ட சர்வதேச யுத்தநிறுத்தகண்காணிப்பு குழு யார் கூடுதலாக போர் மீறலை செய்தார்கள் என்ற மாதாந்த அறிக்கை விடுவதோடு தனது செயல் பாட்டை மட்டுப்படுத்திக்கொண்டது.போர் மீறலை மீறும் தரப்பினருக்கு ஒரு காட்டமான அழுத்தத்தை கொடுக்கும் திராணியற்ற அமைப்பாகவே கண்காணிப்பு குழு இருந்தது என்பதை யாரும் மறுக்க முடியாது. இதனால் இந்த மீறல் போட்டியில் புலிகளே தொடர்ந்து வெற்றி பெற்று வந்தனர் என்பது கண்காணிப்பு குழுவின் அறிக்கைகளில் இருந்து தெரிந்து கொள்ளலாம். 

சமாதான முன்நெடுப்புக்களில் எந்தளவு முன்னேற்றம் இருந்ததோ இல்லையோஅல்லது சமாதான பேச்சக்களில் முன்னேற்றம் இருந்ததோ இல்லையோ சமாதான முன்னெடுப்புக்களில் இரு தரப்புக்கும் எந்தளவுக்கு அக்கறை இருக்கிறது என்பதை அளவிடும் அல்லது கண்காணிக்கும் பணியாகவே கண்காணிப்பாளர்களின் பணியும் சர்வதேசத்தின் பணியும் இருந்தது என்பது காலம் தாழ்த்தியே எல்லோருக்கும் புரிந்தது. இதில் ரணில் விக்கிரமசிங்க ஓரளவுக்கு வெற்றி பெற்றிருக்கின்றார். அவர் சர்வதேசத்தின் மத்தியிலும் தமிழ்மக்கள் மத்தியிலும் சமாதானத்தின் மீது அக்கறை கொண்டவர் போன்று காட்டிக்கொண்டமை அன்றைய கால கள நிலவரங்கள் உணர்த்துகின்றன. அவர் 30 வருட கால போராட்டத்தை 3வருடத்தில் சுருக்கி காட்டியுள்ளார். இதை உணராத புலிகள் தொடர்ந்தும் வன்முறைகளிலேயே ஈடுபட்ட வண்ணம் இருந்தனர்.

இந்த சமாதான காலத்தில் புலிகள் தமக்கு எதிரானவர்களை போட்டு தள்ளியதும் வெளிநாடுகளுக்கு சுற்று பயணம் மேற்கொண்டதுமே அவர்களுக்கு கிடைத்த நன்மைகளாகும். 

அவர்களுக்கு இந்த நேரத்தில்தான் கிழக்கில் கருணாவின் பிரிவு ஏற்ப்படுகின்றது. அது அவர்களுக்கு தாங்கி கொள்ள முடியாத இழப்பு மட்டுமன்றி அந்த விடயத்தில் சாதகமாக அணுகாமல் தவறுக்கு மேல் தவறு செய்தனர். அப்போது அவர்களுக்கு ரணிலின் மீதே கடும் கோபம் இருந்தது. கிழக்கு பிரிவினைக்கு வழிவகுத்தது மட்டுமல்லாமல் கருணாவை கருணாவை காப்பற்றியது இதற்கு காரணமாகும்.

இந்த நேரத்தில் 2005ஆம் ஆண்டு தேர்தல் வருகின்றது. இதை பயன்படுத்தி ரணில் மீது இருக்கும் கோபத்தை தீர்த்து கொள்வதற்கான நடவடிக்கையில் புலிகள் இறங்குகின்றனர். ஜனாதிபதி தேர்தலை தமிழ் மக்கள் பகிஸ்கரிப்பதாக அறிவிக்கின்றனர். இதன் பின்னரே தமிழ்கூட்டமைப்புடனான சந்திப்பு கிளிநொச்சி நடுவ பணியகத்தில் இடம்பெறுகிறது. அப்போது கூட்டமைப்பு எம்பிகள் தேர்தலை பகிஸ்கரிக்க வேண்டாம். சர்வதேச கண்காணிப்பாளர்கள் நிலைகொண்டுள்ள இந்நேரத்தில் தேர்தலை பகிஸ்கரிப்பது ஜனநாயகத்தின் மீதும் சமாதானத்தின் மீது உங்களுக்கு இருக்கும் நம்பிக்கையை அவர்களுக்கு கேள்விக்குறியாக்கும் என கூட்டமைப்பு எம்பிக்கள் வலியுறுத்துகின்றனர். ஆனால் கெடு குடி சொல் கேளாது என்பது போல் கூட்டமைப்பின் சொல்லுக்கு செவி சாய்க்காது தமது நிலைப்பாட்டில் உறுதியாகவும் பிடிவாதமாகவும் இருந்தனர்.இது ஏன் என்றால் மகிந்தவிடம் பண வாங்கி கொண்டமையே என்பது பின்னர் தெரிந்தது.

2005 ஆம் ஆண்டு நவம்பர் 17ஆம் திகதி ஜனாதிபதி தேர்தல் நடைபெறுகிறது. வட கிழக்கு மக்களை வாக்களிப்பதற்கு விடாது தடுத்த புலிகள் ஐக்கிய தேசிய கட்சியின் தலைவர் ரணில் விக்கிரமசிங்க வெல்வதற்கான இருந்த வாய்ப்பினை இல்லாது செய்ததுடன், மஹிந்தவை சகல வல்லமை பொருந்திய ஜனாதிபதி பதவியில் அமர்த்தினார்கள். இதற்கு பின்னர் இடபெற்ற மாவீரர் தின உரையில் மகிந்த ஒரு யதார்த்தவாதி என்று பிரபாகரன் வாங்கிய பணத்திற்கு நன்றியை செலுத்துகிறார்.

ஆனால் ஜனாதிபதியாக மகிந்த வந்ததன் பின்னர் வன்முறைகள் எல்லையற்று சென்றுகொண்டிருந்தன.எங்கும் குண்டுவெடிப்புக்களும் கொலைகளும் ஆள்கடத்தல்களும் கேட்ப்பாரற்று சென்றுகொண்டிருந்தன. இதன் ஒரு பகுதியாக மற்றுமொரு வரலாற்று தவறை செய்தனர். மாவிலாற்றை தடுத்து பதினையாயிரம் குடும்பங்களின் வாழ்வாதாரத்தில் கைவைத்தனர். மாவிலாற்றை திறந்து விடுமாறு அரசும் தமிழ் கூட்டமைப்பும் கண்காணிப்பு குழுவும் கோரிக்கை விடுத்த போதும் புலிகள் அதனை செவி சாய்க்கவில்லை. 

இதன் அடுத்த கட்ட நடவடிக்கையாக இராணுவ நடவடிக்கை மூலமே மாவிலாற்றை திறப்பதென அரசு முடிவெடுக்கின்றது. அதில் அரசு வெற்றியும் பெறுகிறது. இலங்கையில் யாராவது ஒருவர் மட்டுமே இருக்க வேண்டுமென சர்வதேசம் தீர்மானிக்கின்றது. இதன் முடிவே முள்ளிவாய்க்கள். 

இந்த நேரத்தில் சமாதான காலத்தில் அந்த ஒன்றியம் இந்த ஒன்றியம் அந்தமைப்பு இந்தமைப்பு என்று பெயரிட்டு தலைவா ஆணையிடு இன்னுமேன் பொறுமை என்று கூகுரல் இட்டவர்களுக்காக இந்த பாடலை பாடிவிட்டு மனம் சாந்தி அடையுமாறு கேட்டுக்கொள்கிறேன். 

சட்டி சுட்டதடா கை விட்டதடா 

புத்தி கெட்டதடா நெஞ்சைத் தொட்டதடா

புத்தி கெட்டதடா நெஞ்சைத் தொட்டதடா

நாலும் நடந்து முடிந்த பின்னே நல்லது கெட்டது தெரிந்ததடா

சட்டி 

பாதி மனதில் தெய்வம் இருந்து பார்த்துக் கொண்டதடா

மீதி மனதில் மிருகம் இருந்து ஆட்டி வைத்ததடா 

ஆட்டி வைத்த மிருகமின்று அடங்கிவிட்டதடா

அமைதி தெய்வம் முழு மனதில் கோயில் கொண்டதடா

சட்டி 

ஆராவாரப் பேய்களெல்லாம் ஓடிவிட்டதடா

ஆலயமணி ஒசை நெஞ்சில் கூடிவிட்டதடா

தர்ம தேவன் கோவிலிலே ஒளி துலங்குடாதா 

தர்ம தேவன் கோவிலிலே ஒளி துலங்குடாதா - மனம்

சாந்தி சாந்தி சாந்தியென்று ஓய்வு கொண்டதட 

சட்டி 

எறும்பு தோலை உரித்ததுப் பார்க்க யானை வந்ததடா - நான்

இதயத் தோலை உரித்ததுப் பார்க்க ஞானம் வந்ததடா

பிறக்கும் முன்னே இருந்த உள்ளம் இன்று வந்ததடா

இறந்த பின்னே வரும் அமைதி வந்து விட்டதடா

சட்டி