(Narain Rajagopalan)

இன்றைக்கு அனைத்து மாநிலங்களும் GSTயை ஏற்றுக் கொண்டால் இந்தியா வருடத்துக்கு 80 - 90% GDP வளரும் என்று வாய் கிழிய அனத்தும் திரு. 56” தான், குஜராத் முதல்வராக இருந்த போது மிகத் தீவிரமாக UPA முன்வைத்த GSTயை எதிர்த்தார் என்பது தான் வரலாறு. அது வேற வாய், இது நாற வாய்!!

காப்பீட்டுத் துறையில் அன்னிய முதலீடு - UPA
Jan Dhan சேமிப்பு கணக்குகள் - UPA
Swach Bharat - UPA (Nirmal Bharat Abhiyan)
பங்களாதேஷ் நிலப்பங்களிப்பு சட்டம் - UPA
ஒபாமாவோடு கொஞ்சி குலாவி சொம்படித்து ‘தடைகள் அகன்றது’ என்று சொன்ன அணுசக்தி ஒப்பந்தம் - UPA

இதே அணுசக்தி ஒப்பந்தத்தை மன் மோகன் சிங் ஒபாமாவோடு உரையாட முயன்றபோது ‘இந்தியாவை அமெரிக்காவிற்கு அடிமையாக்க நயவஞ்சகமாக திட்டம் போடுகிறது காங்கிரஸ்’ என்று நாடாளுமன்றத்தை நடக்கவிடாமல் தகராறு செய்து, புறக்கணித்து, ஆர்ப்பாட்டம் செய்துவிட்டு இப்போது அதே ஒப்பந்தத்தை நிறைவேற்ற veto power னை பயன்படுத்துதலுக்கு எங்களூரில் பெயர் பச்சையான சந்தர்ப்பவாத அயோக்கியத்தனம்.

உச்சநீதிமன்றத்தால் நிலக்கரி உரிமங்கள் ரத்து செய்யப்பட்டப்பின், அரசே ஏலம் விட்டு 2 இலட்சம் கோடி அரசுக்கு வருவாய் கிடைத்தது என்கிற PR பஜனையை மோடி ஆதரவாளர்கள் ஊரெங்கும் சொல்லிக் கொண்டிருக்கிறார்கள். இதில் அவர்கள் முக்கியமாய் சொல்வது - கனிம வளங்கள் நிறைந்திருக்கும் மாநிலங்களுக்கு இதனால் அதிக பலன்கள் கிடைக்கும் என்பது.

உண்மை நிலவரம் - இந்த 2 இலட்சம் கோடி என்பது அடுத்த 30 ஆண்டுகளுக்கு தனியார் நிறுவனங்கள் கணக்கிட்டப்படி தோண்டி எடுத்து சந்தையில் நிலக்கரியின் விலை வீழாமல் இருந்தால் கொடுக்கப்படக் கூடிய தொகை. வருடத்திற்கு கிட்டத்திட்ட ரூ 6,666 கோடி வருகிறது. மாநிலங்களுக்கான பங்கீடு என்பது இந்த ஏலம் நடந்தாலும் நடக்காமல் போயிருந்தாலும் வந்து சேர்ந்திருக்கும். மோடி சொல்வது half-truth, truth அல்ல.

14வது நிதி கமிஷன் பரிந்துரையின் படி, மாநிலங்களுக்கு அதிகப்படியான பகிர்வினை (42% ) கொடுத்து co-operative federalism-த்தினை நிலைநாட்டுகிறோம் என்கிற அறைகூவல் விடுத்த பிரதமர், கூடவே மத்திய அரசு திட்டங்களின் மீதான நிதிக் குறைப்பையும் சொல்லலாம். சொன்னால் சந்தி சிரிக்கும். நிதிஷ் குமார் (பீகார்), மனீக் சர்க்கார் (திரிபுரா) மாதிரியான விவரம் தெரிந்த முதல்வர்கள் இதன் மறுபக்கத்தை சொல்லும்போது, அதை கேட்டும் கேட்காமலும் இருப்பதற்கு பெயர் தான் ‪#‎மோடிதர்பார்‬

ஒராண்டில் உலகம் சுற்றி உண்டக்கட்டி வாங்கி தின்றது தான் மிச்சம். உருப்படியாய், சொந்தமாய், தெளிவாய் ஒரு திட்டத்தை நிறைவேற்றினார் என்று முதலில் நிரூபியுங்கள். அப்புறம் அச்சே தின் திவச மந்திரத்தை நாள் முழுக்க உச்சரிக்கலாம்.

அமைதி சமாதானம் ஜனநாயகம்

www.sooddram.com