சீமான் மட்டும் கார்த்திகையில் கனடாவில் கொண்டாடலாமா?

(லியோ, ஸ்காபுறோ, கனடா)

இலங்கைத்தமிழர்களுக்கு சீமான்  என்ன கட்டளையிடுகின்றார் என்றால்; ஓரு வருடத்தில் பத்து மாதங்களில் மட்டும்தான் கொண்டாட்டங்களை கொண்டாடவேண்டுமாம் தவிர்க்கவேண்டிய மாதங்கள் மேமாதமும் நவம்பர் மாதமுமாம்.                                                   

கார்த்திகையில் கனடாவில் கொண்டாடிய சீமான்

கார்த்திகைமாதம் 26 ம்திகதி 2007ம் ஆண்டு பிரபாகரனின் பிறந்தநாள் நம்தமிழர் இயக்கத்தலைவர் சீமான் தலைமையில் இலக்கம் 231 மில்னர் அவெனியு ஸ்காபுறோவில் உள்ள பீற்றர் போல் மண்டபத்தில் பலர் முன்னிலையில் சபையோர் சாட்சியாக வெகுவிமர்சையாக கேக் வெட்டி கொண்டாடப்பட்டது. அதாவது மாவீரர்தினத்திற்கு முதல்நாள் கொண்டாடியிருக்கின்றார் என்றால் மாவீரர்களை மதிக்காமல் அவர்களின் இறந்த உடல்களில் மிதித்தே நம்தமிழர் இயக்கத்தலைவர் சீமான் கொண்டாடியிருக்கின்றார் என்று எடுத்துக்கொள்ளலாம் அல்லவா? இதைப்பற்றி சீமான் சரியான விளக்கம் தருவாரா?                                  

பின்னர் 2009ம் ஆண்டு கார்த்திகைமாதம் கனடாவிற்கு வந்த சீமானின் வன்முறையைத் தூண்டும்பேச்சுக்கள் அச்சுறுத்தலாக இருந்தபடியால்  கனேடிய அதிகாரிகள் சீமானைக் கைதுசெய்து திருப்பி அனுப்பிவிட்டனர்.                                     

2009ம் ஆண்டு  மேமாதம் 19திகதி பிரபாகரன் கொல்லப்பட்டதை மனதில் வைத்துக்கொண்டு  (தமிழ்மக்கள் கொல்லப்பட்டதை அல்ல)  வெளிக்காட்டாமல்  மே மாதத்தை தவிர்க்கும்படி கட்டளையிட்டுள்ளார். பகிரங்கமாக பிரபாகரன்  கொல்லப்பட்டதை வெளிக்காட்டினால் பிழைப்பு கெட்டுவிடும். ஆனால் தே.தி.மு.க கட்சித்தலைவர்தலைவர் விஐயகாந் அண்மையில் டெசோ மகாநாடு சம்பந்தமாக தனது கருத்தை தெரிவித்து அளித்த பேட்டியொன்றில் பிரபாகரன் உயிரோடு இருக்கையில் கலைஞர் அவரை காப்பாற்ற முனையவில்லை என்று கூறி பிரபாகரன் இறந்துவிட்டதை ஊர்ஜிதப்படுத்தினார். புலிகளைப்பற்றியோ அல்லது பிரபாகரனைப்பற்றியோ யாரும் விமர்சித்துவிட்டால் சீறும் சீமானோ அல்லது அல்லது பிரபாகரன் உயிரோடு இருப்பதாக கூறிக்கொண்டிருக்கும் அங்குள்ள புலி ஆதரவுக் கட்சிகளோ பிரபாகரன் இறந்துவிட்டார் என்ற விஐயகாந்தின்; கருத்திற்கு எதிர்ப்புதெரிவிக்காமல்  இன்றுவரை மௌனமாகவே இருக்கின்றார்கள் என்றால் விஐயகாந்தின் கருத்துடன் உடன்படுகின்றார்கள் என்று சந்தேகத்திற்கு இடமில்லாமல் ஊர்ஐpதப்படுத்தப்படுகின்றது. எனவே உங்கள் மெனத்தை கலைத்து தமிழினத்தின் நன்மை கருதி உண்மையைக்கூறி  சீமான்போன்றவர்கள்  செயல்படுவது நல்லது.

கார்த்திகைமாதம் முழவதும் மாவீரர்களின் மாதமாம் என்கிறார் சீமான். புலிகள் இயக்க உறுப்பினரான வல்வெட்டித்துறை கம்பர்மலைச்சேர்ந்த சங்கர் (சத்தியநாதன்) ஈழத்தில் காயப்பட்டு சிகிச்சைக்காக தமிழகம் கொண்டுசெல்லப்பட்டு 1982ம் ஆண்டு கார்த்திகை மாதம் 27ம்திகதி அங்கு இறந்துவிட்டார்.  பிரபாகரன் அந்தநாளை 27ம் திகதியைத்தான் மாவீரர் தினமாக அறிவித்தார். கார்த்திகை மாதத்தை அறிவிக்கவில்லை என்பதும் குறிப்பிடத்தக்கது.                                                  

ஆனால் ஆரம்பத்தில் தமிழினத்தின் விடுதலைக்காக சில தமிழ் இளைஞர்களுடன் இணைந்து தலைமறைவு வாழ்க்கை வாழ்ந்து இலங்கை அரசுக்கு நெருக்கடியை கொடுத்து ஆயதப்போராட்டத்தை  ஆரம்பித்துவைத்தவர் உரும்பிராயைச் சேர்ந்த  பொன்னுத்துரை சிவகுமாரன் என்ற இளைஞன் ஆவார். பொலிசாரின் சுற்றிவளைப்பின்போது உயிருடன் பிடிபட்டால் விடுதலையின் ஆரம்பகட்ட வளர்ச்சி பாதிக்கப்படும் என்பதால் சயனைட் அருந்தி தன் உயிரை விடுதலைக்காக ஆனிமாதம் 05 ம் திகதி 1974 ம் ஆண்டு  தியாகம் செய்தார். இந்தநாளைத்தான்  மாவீரர் தினமாக அறிவித்திருக்கவேண்டும் பின்னர் சிவகுமாரன் வழியைத்தான் பிரபாகரன் பின்பற்றினார்.  இந்த ஈழத் தமிழர்களின் விடுதலைப்போராட்ட வரலாறு எல்லாம் சீமானுக்கு தெரிந்திருக்காது.  காரணம் சீமான் கூட்டம் ஒன்றில் உரையாற்றும்போது எம். ஜி. ஆர் அவர்கள் நம்ம தலைவர் பிரபாகரனுக்கு உதவியிருக்கிறாராம் என்பது தனக்கு இப்பதானாம் தெரிஞ்சிடுச்சுது அதனால எம். ஜி. ஆர்மீது தனக்கு ஓரு மதிப்பு வந்திடுச்சு என்றார். 

பொன்னுத்துரை சிவகுமாரனின் மரணமும் வரலாறு காணாத ஆயிரக்கணக்கானவர்கள் கலந்துகொண்ட மரண ஊர்வலமும் தான் தமிழர்களையும் இளைஞர்களையும் கண்திறக்கவைத்து போராட்டத்தின் பக்கம் இழுத்தது. விடுதலைக்கு வித்திட்டு வீரமரணம் அடைந்த  பொன்னுத்துரை சிவகுமாரன்தான் முதல்போராளி என்பதும் குறிப்பிடத்தக்கது. இப்படியாக ஆயிரக்கணக்கான போராளிகள் வருடத்தில் உள்ள ஒவ்வொருநாளும் இறந்திருக்கின்றார்கள் இறந்த அந்த நாளைத்தான் அவர்களுக்கு வேண்டியவர்கள் நினைவுகூறுகின்றார்கள்.  சீமானின் கார்த்திகை மாதம் முழுவதும் மாவீரர்நாள் என்பதை கனடா வாழ்த்தமிழர்கள் கணக்கில் எடுத்துக்கொள்ளமாட்டார்கள். இது ஒரு விளம்பரத்திற்காகவும் தனது கட்சியை வளர்க்கவும் பணத்தை பெருக்கவும் தமிழகத்தில் எங்கேயோ ஓரு மூலையில் இருந்துகொண்டு ஜனநாயக நாடான கனடாவில் உள்ள தமிழர்களை கட்டுப்படுத்தவும் கட்டளை பிறப்பிக்கவும் முடியாது. கனடாவில் ஓரு சில விரல்விட்டு எண்ணக்கூடிய சீமானின் சீடர்கள் வேண்டுமானால் சீமானின்  கட்டளைகளை ஏற்று நடவுங்கள்                                                          

இளையராஜா அல்ல எந்த ராஜா வந்தாலும் வரவேற்பதும் வரவேற்காதும் கனேடியத் தமிழர்களின் உரிமை அதையாரும் தடுக்க முடியாது  அமைதியான கனடா நாட்டில் உங்கள் வியாபார விளம்பர போட்டிகளுக்காக ஈழத்தமிழர்களின் அரசியலையோ போராட்டத்தையோ உங்கள் தேவைக்கு ஏற்றமாதிரி பயன்படுத்தாதீர்கள் . ஒவ்வொரு ஈழத்தமிழனும் போரின்வலியை  அனுபவித்திருக்கின்றான். நீங்கள் அந்த வலியை அனுபவிக்கவில்லை.  உயிரையும் இழந்தோம் உடமையையும் இழந்தோம் உடன்பிறப்புக்களையும்  இழந்தோம் கலாச்சாரத்தையும் இழந்தோம் உலகம் எல்லாம் சிதறி மொழியையும் இழந்தோம். இனிமேல் இழப்பதற்கு எதுவுமே இல்லை எங்களை விட்டுவிடுங்கள்.