மலையக மக்களின் பிரச்சினைகளுக்கு பிரதான காரண கர்த்தாக்கள் பிரித்தானியர்களே. அவர்கள்தான் இந்த மக் களை அழைத்து வந்தனர் ,இன்று இந்த நிலைமையில் அவர்கள் இருப்பதற்கு அவர்களே பதில் சொல்ல வேண்டும் என ஒரு சில மலையக பிரதிநிதிகள் குறைகூறத் தொடங் கியிருக்கின்றனர். காலனித்துவ ஆட்சி காலத்தில் போர்த் துகேயர் ஒல்லாந்த ருக்குப்பிறகு இலங்கையை கைப்பற் றிய ஆங்கிலேயர்கள் 133 வருடங்கள் ஆட்சி செய்தனர். அனைவருமே இலங் கையை தமது வர்த்தக நோக்கத்திற்கே பயன்படுத்தினர் என்பது முக்கிய விடயம். இதில் ஆங்கி லேயர் இலங்கையின் மத்திய மலை நாட்டை ஆரம்பத்தில் கோப்பி ,கொக்கோ பின்னர் தேயிலை பயிர்ச்செய்கைக் காக பயன்படுத்தினர்.
சிலோன் டீ என்ற பெயரை உலகறியச்செய்தவர்கள் ஆங்கிலேயர்களே இந்த சந்தர்ப்பத்தில் மேலதிக வேலைக் காகவும் தமது பெருந்தோட்டப்பயிர்ச்செய்கையை விரிவு படுத்தவும் தென்னிந்தியாவிலிருந்து தொழிலாளர்களை அழைத்து வரும் செயற்பாட்டில் ஆங்கிலேயர்கள் ஈடுபட் டனர். இந்த பணி கிழக்கிந்திய கம்பனி மூலமாகவே முன் னெடுக்கப்பட்டது.
தொழிலாளர்கள் இங்கு வருவதற்கு காரணகர்த்தாக்கள் ஆங்கிலேயர்களே என்பது உண்மை தான் ஆனால் அவர்கள் நமது நாட்டைவிட்டுச்சென்று 66 வருடங்கள் கழிந்த பின் னரும் இதுவரை அவர்களை குறை கூறிக்கொண்டிருப்பதில் உள்ள நியாயம் என்ன? அவர்கள் இலங்கையையும் மலை யகத்தையும் சூறையாடிவிட்டுச்செல்லவில்லை, பச்சை தங்கம் என அழைக்கப்படும் தேயிலையை அறிமுகப்படுத் தியுள்ளனர் அதன் மூலம் இலங்கையின் தேசிய வருமா னத்திற்கு வழிகாட்டி விட்டே சென்றுள்ளனர்.

இலங்கை சுதந்திரம் அடைந்த காலம் தொடக்கம் இது வரையிலும் நாட்டின் அபிவிருத்திக்கு பெருந்தோட்டத் தொழிற்றுரை எந்தளவிற்கு பங்களிப்பு செய்து வருகின் றது என்பதை அடுத்தடுத்து ஆட்சி அமைத்த அரசாங்கங் களே அறியும். அப்படி இருக்கும் போது இந்த வருமானத் திற்கு அடிகோலிட்ட ஆங்கிலேயர்களையும் அவர்களின் நாடான பிரித்தானியாவையும் வசைபாடுவதில் என்ன யதார்த்தம் உள்ளது?
அப்படியானால் இவர்களை அனுப்பி வைத்து விட்டு இப்படி ஒரு சமூகம் இருக்கின்றதா இல்லையா என்று கூட தெரியாத நிலையிலிருக்கும் இந்தியாவையும் அல்லவா குறை கூற வேண்டும்.

இன்று வரைக்கும் இத்துறையில் வருமானத்தைப்பெற் றுத்தருவதில் மாடாய் உழைக்கும் இந்த தொழிலாளர் வர்க்கத்தினருக்கு அரசாங்கங்கள் என்ன உரிமைகளைப் பெற்றுக்கொடுத்துள்ளன? அதை விடுவோம் இவர்களின் வாக்குகள் மூலம் பதவி மற்றும் ஏனைய சொகுசுகளை அனுபவித்துவரும் பிரதிநிதிகள் என்ன உரிமைகளைப் பெற்றுக்கொடுத்துள்ளனர்? சலுகைகளை எவருமே பெற் றுகொடுக்கலாம்.ஆனால் சலுகைகளை உரிமைகள் என்ற பெயரில் வழங்கிக்கொண்டிருக்கும் பிரதிநிதிகளை விட ஆங்கிலேயர்கள் எவ்வளவோ மேல் என்றே கூற வேண் டியுள்ளது.

அண்மையில் இடம்பெற்ற மீரியபெத்த அனர்த்தத்தில் கூட இறந்தவர்கள் தொகை எவ்வளவு என்ற விடயத்தை கூற முடியாமல் மென்று விழுங்கி தற்போது காணாமல் போன வர்களை மீட்கும் பணியிலும் அரசாங்கத்திற்கு அழுத்தம் கொடுக்க முடியாமல் தோல்வியை தழுவிக்கொண்டு அதே அரசாங்கத்திற்கு ஆதரவை வழங்கிக்கொண்டிருக்கும் இவர்கள் தொழிலாளர்களின் பிரச்சினைகளுக்கு ஆங்கி லேயரை சுட்டிக்காட்டுவது சிறுபிள்ளைத்தனமான,கோமா ளித்தனமான செயலாகும். மாகாண சபைகளிலும் ,பாராளுமன்றத்திலும் ,பொது இடங்களிலும் இவ்வாறு கதைத்து வரும் இவர்கள் பிரித்தானிய இளவரசர் சார்ள்ஸ் இலங்கை விஜயத்தின் போதும் மேற்குறிப்பிட்ட கதையை அவிழ்த்து விட்டனர் என்பது முக்கியவிடயம். இப்போது எழுந்துள்ள கேள்வி இதுதான். தொழிலாளர்களின் பிரச்சினை குறித்து பலரையும் சுட்டிக்காட்டிக்கொண்டிருப்பதிலேயே காலத்தை தள்ளிக்கொண்டிருக்கும் பிரதிநிதிகள் இவர்களின் நிலைமைக்கு நீங்கள் தான் காரணம் என இன்றைய ஐக்கிய இராச்சியத்திடமும் இந்தியாவிடமும் நேரிடையாக பேச முடியுமா?

மலையக மக்களின் அடிப்படை பிரச்சினைகள் தீர்க்கப் படமாலிருக்க ஒபாமாவும், கொல்லப்பட்ட ஒசாமா பின் லேடனும் காரணம் என அறிக்கை வந்தாலும் ஆச்சரியப் படுவதற்கில்லை.

அமைதி சமாதானம் ஜனநாயகம்

www.sooddram.com