(சந்திரமோகன்)(கனடா)

மாவீரர் தினத்தில் எனது குரலைக்கேட்டு இதோ வந்திட்டானடா எங்கள் தலைவன் என்று கற்பனையை கன்னாபின்னாவாக ஓடவிடவேண்டாம் இது மாவீரர் தின உரையல்ல மாவீரனாகிபோன என் மனக்குறை. என் குரலை கேட்டு பலபேருக்கு பயத்துடன் கூடிய அதிர் ச்சியாகவும், சிலபேருக்கு மகிழ்வான அதிர்ச்சியாகவும் இருக்கலாம். எனக்கு இறப்பில்லை நான் மறுபடியும் வருவேன் என அப்பாவிதனமாக காத்திருக்கும் மக்களே உங்கள் உண்மையான அன்புக்கு தலைவணங்கி உங்களால் தாங்கிக்கொள்ளமுடியாத விடயம் இது என்றாகினும் நான் மாவீரரானதை சொல்லிக்கொள்ளவேண்டிய இறுதிதருணம் இது என்பதை தெரியப்படுத்த விரும்புகிறேன்.  மரணத்தை தழுவிய நான் எப்படி உங்கள் முன்னால் உரையாற்ற முடிகிறது என்ற நியாயமான சந்தேகம் உங்களை போல் எனக்கும் ஆச்சரியமான ஒன்றுதான்.

பொதுவாக மரணம் அடைந்த ஒரு ஆத்மா அவர்களுக்குரிய இறுதிக்கிரியைகள் நடந்தேறும் வரை இவ்வுலகத்தை விட்டு நீங்கா என நானும் என் மரணத்திற்க்கு பின்தான் உணர்ந்தேன். அப்படி கடந்த ஐந்து வருடங்களாக அலைந்ததால் திடீரென என் முன் தோன்றிய கடவுள் ஐந்து வருடங்களாக உன் ஆத்மா இந்த மண்ணைவிட்டு போகாதலால் உனக்கு ஓருமுறை பேசும் வாய்ப்பு கிட்டியுள்ளது என்றது. எனக்கும் இந்த வாய்ப்பு பெரிதும் தேவைப்பட்டது. நான் மரணம் அடைந்ததை நம்பமுடியாமல் அப்பாவிதனமாக என் வரவுக்காக காத்திருக்கும் உங்களிடம் என் மரணத்தை உறுதிப்படுத்தி என் ஆத்மா சாந்தியடைய என்ன செய்யவேண்டுமோ அதை செய்யும்படி உங்களிடம் வேண்டிக்கொள்ளவும், என் மரணத்தை அறிந்திருந்தும் அதை தங்கள் சுயநலம் கருதி மறைத்து கொள்ளையடிக்கும் கும்பலை இறுதியாக எச்சரி க்கவும் இது எனக்கு கிடைத்த அரிய வாய்ப்பாக கருதுகிறேன்.

என் மரணத்தை வைத்து விளையாடும் அனைவருக்கும் இது எனது இறுதி எச்சரிக்கை தவறும் பட்சத்தில் ஆண்டவனால் எனக்கு சொல்லப்பட்ட கொசுறு செய்தியை தெரியப்படுத்த விரும்புகிறேன், அதன்பின்னராவது திருந்திக்கொள்ளுங்கள் அதாவது எனது மரணத்தை மூடிமறைத்து அதனால் எனது ஆத்மா மேலும் ஒரு வருடம் இவ்வுலகில் அலையும் பட்சத்தில் அதாவது எனது ஆத்மாவுக்கு ஆறு வயது ஆகும்போது நான் ஒருநாள் உடல்பெற்று நான் விரும்பியவர் களை அழிக்கும் சக்தியும் எனக்கு கிடைக்கும் என்பதாகும்.

உங்கள் சூரியதேவன் அழிக்கபிறந்தவன் அழிந்துவிடமுடியுமா? என்பதை ஏற்றுக்கொள்வது என்பது கொஞ்சம் கடினமானவிடயமாக இருக்கலாம், ஆரம்பத்தில் இதுவிடயத்தில் எனக்கிருந்த பயம் உங்கள் அளவற்ற நம்பிக்கையால் எனக்குள் மறைந்துபோனது. அதுவே என் அழிவுக்கு காரணமானது. என் அழிவில் எனக்கிருக்கும் பங்கைவிட உங்களுக்கே அதிகம் உண்டென்ற கசப்பான உண்மையை நீங்கள் தெரிந்து கொள்ளவேண்டியது அவசியம். ஏனெனின் அதே தவறை இப்பொழுதும் நீங்கள் செய்துகொண்டிருக்கிறீர்கள் என்பதானால். ஆரம்பத்தில் ஒன்றிரண்டு கொலைகள் செய்யும்போது எங்கே நான் தவறு செய்கின்றேனே என்ற மனஉறுத்தல் எனக்கும் இருந்தது. ஆனால் நீங்களோ எங்கள் தலைவன் எது செய்தாலும் அதில் நியாயம் இருக்கும், செத்தவன் நிச்சயம் சாகவேண்டிய துரோகிதான் என்று என்னை தட்டிக்கொடுத்து ஊக்குவித்து இன்று என்னை அசிங்கமான சாவில் முடித்துவைத்துவிட்டீர்கள். அன்று என்னை நீங்கள் தட்டி கேட்டிருந்தால் இன்று எனக்கு ஒரு ஜட்டி கூட இல்லாமல் சாகும் நிலை வந்திருக்குமா?

உங்களில் பலபேர் என்மீதுள்ள பயத்தினாலோ அல்லது நமக்கேன் வம்பு என்று என நினைத்தோ கம்முன்னு இருந்திருக்கலாம். அதற்க்கான காரணம் நானாக இருப்பதால் மன்னித்துவிடுகிறேன். ஆனால் நான் செய்வது மாபெரும் தவறு என்று அறிந்திருந்தும் தங்கள் சுயலாபத்திற்க்காக என்னாலும் எனக்காகவும் செய்யப்பட்ட பல கொடூரகொலைகள், அழிவுகள் அத்தனையையும் வீரச்செயல்களாக, தமிழீழ போராட்டமாக சித்தரித்து பேசியயும் எழுதியும் தங்கள் வயிறுகளை வளர்த்த படுபாதகர்களை என்னால்கூட மன்னிக்கமுடியவில்லை. இந்த உள்ளுர் பச்சோந்திகளுக்காவது ஏதோ ஒருவகையில் சில அச்சுறுத்தல்கள் இருந்தது ஆனால் எமது அண்டை நாட்டில் சில அரசியல் கோமாளிகள் எந்த அச்சுறுத்தலும் இன்றி தங்கள் அரசியல் பிழைப்புக்காக என்னை நன்மை தீமை சிந்திக்கமுடியாதபடி வளர்த்தெடுத்து என் அகோர சாவுக்கு பின்னும் வயிறு வளர்ப்பதை பார்க்கும்போது நான் எவ்வளவு அறிவற்ற கிணற்றுதவளையாய் வாழ்ந்து அழிந்திருக்கிறேன் என்பதை எண்ணி வெட்கப்படுகிறேன்.

இந்த புலம்பெயர்ந்த கூட்டங்கள் நான் எங்கே தப்பி பிழைத்து விடுவேனே என்று பயந்ததுகளோ என்னவோ புலம்பெயர்ந்த நாடுகளில் அத்தனை குதிகுதித்து என்னை கொன்றே போட்டுதுகள். என் கண்முன்னால் என் குடும்பத்தை சேர்ந்த அத்தனை பேரும் அழிந்ததிற்க்கு பின்னாலும் நான் வாழ ஆசைப்பட்டு அதற்க்காக பணிந்துவரும் வேளையில் அப்பவும் எங்களுக்கு தமிழீழம் தான் வேணும் அதை எப்படியாவது எங்கள் தலைவன் எடுத்து தருவான் என என்னை உசுப்பேற்றிவிட நானும் என் இமேஷ்சை காப்பாற்றபோய் என் உடம்பு டமேஷ்சாய் போனதுதான் மிச்சம்.
இந்த இடத்தில் நான் தெரிந்து கொண்ட கதை ஒன்றுதான் நினைவுக்கு வருகிறது. ஒரு தாய்க்கு ஒரேயொரு செல்லமகன் ஒரே மகன் என்பதால் தாய் அவனிடம் அளவற்ற பாசம் வைத்திருந்தாள், அதனால் அவன் செய்யு ம் குறும்புகளை கண்டுகொள்ளாமல் மன்னித்து வந்ததுமில்லாமல் அவனை முத்தமிட்டு அன்பை பொழிந்தாள். அதுவே அவன் பெரியவனானதும் பெரிய குற்றங்களை செய்வதற்க்கு வழிவகுத்து ஒரு கொலைக்குற்றத்திறக்காக மரணதண்டனையில் முடிந்தது. அவனிடம் கடைசி விருப்பமாக எது வேண்டுமென்று கேட்டபோது தனது தாயை ஒருதடவை முத்தமிட விரும்புகின்றேன் என்றான் அப்படி அவன் முத்தமிடும்போது தாயின் மூக்கை பலமாக கடித்துவிட்டு சொன்னான் இந்த மூக்குதானே நான் செய்த தவறுகளை கண்டுகொள்ளாமல் முத்தமிட்டது அதனால்தானே எனக்கு இந்த சாவு வந்தது என்றான். கிட்டத்தட்ட என்நிலமையும் அதுதானே.

இதோ இந்த கூட்டமைப்பு கூத்தாடிகளில் பாதிபேருக்கு மேல் என் கொலைப்பட்டியலில் இருந்தவர்கள் அது அவர் களுக்கும் தெரியும் ஆனால் பதவி சுகம் என்ற ஒரே நோக்கத்திற்க்காக வெட்கம் மானமின்றி எனது காலில் விழுந்துகிடந்து தங்கள் உயிரை காப்பாற்றிக்கொண்டு நான் என் இனத்திற்க்கு செய்த அத்தனை அட்டூழியங்களையும் மறைத்ததுமில்லாமல் அதை சரியென்று ஏற்றுக்கொண்டார்கள். இன்றும் தங்கள் இருப்புக்காக என்னை மாவீரன் என்றும், தமிழினத்தின் ஒரே காவலன் என்றும் கதையளந்து உங்களிடம் ஓட்டுக்கேட்க நீங்களும் அதுகளை உங்கள் பிரதிநிதியாக ஏற்றுக்கொண்டிருக்கிறீர் கள். இத்தனைக்கும் பின்னால் திருந்திக்கொள்ளமுடியாத உங்களை நினைத்து பரிதாபத்திற்கு பதில் கோபம்தான் அதிகமாக வருகிறது. எக்கேடு கெட்டாவது போங்கள்.

இன்று மாவீரர் தினம். உயிரிழந்த போராளிகளுக்கு அஞ்சலி செலுத்தும் நாள். இதில் உயிரிழந்த பாதி போராளிகளுக்கு தாங்கள் எதுக்கு செத்துப்போனோம் என்றுகூட தெரியாது. மீதிப்போர் உண்மையான தமிழீழத்திறக்கான போராட்டம் இது என்று நினைச்சு செத்துப்போனார்கள். மொத்தத்தில் நான் ஒருவனுக்காக செத்துப்போனவர்கள். அதை நினைத்து என் மனம் கூனிகுறுகி நிற்கிறது. அவர்களிடம் சென்று மன்னிப்பு கேட்க என் இதயம் தவியாய் தவிக்கிறது அதற்காவது என் ஆத்மாவை விரைவில் சாந்தியடையவிட்டு அவர்களிடம் என்னை சேர்த்துவிடுங்கள். இதுதான் உங்கள் மாஜி தேசியத்தலைவன் முதல்முதலாய் மன்றாடிகேட்பது. செய்வீர்கள் என நம்புகிறேன், அல்லது நான் உடல்பெற்று வரும்வரை காத்திருக்க முடிவெடுத்தால் அது உங்கள் தலையெழுத்து. அப்பாடா முதல்முதலாய் ஒரு மாவீரர் தின உரையை என்னால் எழுதி படிக்கமுடிந்தது.

(சந்திரமோகன்)(கனடா)

அமைதி சமாதானம் ஜனநாயகம்

www.sooddram.com