எந்த விதமான போராட்டங்களையும் செய்யாமல் வடக்கு மாகாணசபைக்கு முதலமைச்சராகி விட்டீர்கள்.

ஆயுதம் ஏந்தியவர்கள் எல்லோரும் வன்முறையாளர்கள் என்று கூறிய விக்க்ணேஸ்வரன் ஐயா 30 வருட காலம் அரசாங்க பதவியில் இருந்து சம்பளம் பெற்ற நீங்கள் ஆயுதம் ஏந்தாமல் எப்படி விடுதலையை பெறமுடியும் என்று என்றாவது எமது தமிழ் இளைஞர்களுக்கு எடுத்துரைதீர்களா? அல்லது நீங்கள் அகிம்சைவழியில் எப்போதாவது போராடியதுண்டா? அன்று ஆயுதம் ஏந்தியதனால் தான் எமது போது எதிரிக்கு அழுத்தத்தை கொடுக்க முடிந்தது.
அப்படி அழுத்தத்தை கொடுக்கும் போது எவ்வளவு உயிர்களை கொடுத்துள்ளார்கள். இவ் விளைவினால் தான் ஆயுதம் ஏந்தியவர்களால் வடகிழக்கு மாகாணசபை ஏற்று எடுத்து நடாத்த வேண்டி வந்தது. நீங்கள் அரசாங்கத்தின் சம்பளம் வாங்கும் போதே எமக்கு அநீதி ஏற்பட்டுவிட்டது. வடகிழக்கு இரண்டாக பிரித்து விட்டார்கள். என்றாவது அதற்கு குரல் கொடுத்துள்ளீர்களா?

அரசின் பென்சென் வரையும் வேலை செய்ய வேண்டும். பென்சென் கிடைக்க பெற்ற பின்பு, காலங்களின் மாற்றங்களால் ஆயுதங்களும் மௌனித்து விட்டது. ஆயுததாரிகள் ஜனநாயகத்தின் வழிக்கு வந்து மாகாணசபை நடாத்த பல உயிர்களையும் கொடுத்து உருவாக்கப்பட்ட மாகாணசபையை இரு வேறு கூறுகளாக பிரிக்கும் வேளையில் சட்டம் தெரிந்த நீங்கள் அகிம்சை வழியில் குரல் கொடுத்து மகாணசபையை ஒன்றுபடுத்தினீர்களா?

எந்த விதமான போராட்டங்களையும் செய்யாமல் வடக்கு மாகாணசபைக்கு முதலமைச்சராகி விட்டீர்கள். சொகுசு வாகனம், கழுத்தில் மாலை, எவ்வேளையும் விழாக்கள், ரீப்பென் வெட்டுவது, அடிக்கல் நாட்டுவது, கல்யான வீடாக இருந்தாலும் சரி, சாவு வீடாக இருந்தாலும் சரி நான் தான் செல்வேன் என்று கேட்டு போகும் உங்களுக்கு போராளிகளின் மன நிலை புரியாது. நீதி வழங்கிய உங்களுக்கு அரசியலும் தெரியாது, ஆயுதத்தின் அதிகாரமும் தெரியாது.

போராட்ட காலங்களில் பங்கு பற்றிய போராளிகள் தற்போது குறைந்த அளவுகளிலேயே காணப்படுகின்றனர். அவர்கள் வாழ்கின்ற காலங்களில் தான் இன்னும் பொது எதிரிகள் கொஞ்சமாவது பயத்துடன் நடந்து கொள்கின்றனர் என்பதை புரிந்து கொண்டு சந்தர்ப்ப சூழ்நிலையில் ஆயுதம் ஏந்தியவர்கள் எல்லோரும் வன்முறையாளர்கள் என்பதை விடுத்து அவர்களையும் நீங்கள் போராட இருக்கும் அகிம்சை வழி போராட்டங்களில் சேர்த்து கொண்டு எமது மக்களின் தீர்வாக காணி, போலீஸ் அதிகாரங்களுடன் சுயமரியாதையாக வாழக்கூடிய தீர்வினை உங்கள் காலத்தில் பெற்று கொடுக்க முடியுமா என்பதை நிரூபித்து காட்டுங்கள்.

(சத்தியன்)