தனியார்மயம்

அமெரிக்கா சொல்லும் பாடம்

(கே.வரதராசன்)

அனைத்திற்கும் அருமருந்து தனி யார்மயம்: இந்தியா வல்லரசு ஆக தனியார் மயம், தாராளமயம், உலகமயமே வாய்ப்பு வாசல் என இந்தியாவில் இருக்கும் முத லாளித்துவ கட்சிகளும், ஊடகங்களும் வாய் ஓயாது அலறி வருகின்றன. அதற்கு சாட்சியாக அமெரிக்காவை சுட்டிக்காட்டு கின்றனர். ஆனால் உலகமயம், தாராள மயம், தனியார் மயம் மூலம் நேரடியாக பாதிப்பிற்காளான இந்திய விவசாயிகள், சாதாரண மக்கள் ஆகியோருக்கு அமெ ரிக்கா என்றால் மான்சாண்டோ, வால் மார்ட் நிறுவனங்கள் கண்முன் தோன்றும், பயமுறுத்தும். தனியார் மயம் முழுவீச்சில் செயல்பட்ட பின்னணியில் இன்றைக்கு அமெரிக்க அனுபவம் வெளிச்சம் போட்டுக்காட்டியிருப்பது எது தெரியுமா?

அமெரிக்காவின் நியூயார்க் நகரில் உள்ள வால் ஸ்டீரீட்டில் பல்லாயிரக் கணக்கானோர் முற்றுகையிட்டு, டென்ட் அடித்து “ஒரு சதவிகிதம் பேர் சுகபோக வாழ்க்கைக்காக 99 சதவிகிதம் பேர் வாழ்க்கையை இழப்பதா?’’ எனக் கேட்டுப் போராடினர். ஏன் தெரியுமா? அமெரிக்க அரசாங்கம் திவாலான பல வங்கிகளை மீட்டெடுக்க பல பில்லியன் (நூறு கோடி) டாலர்களை அரசு கஜானா விலிருந்து மீட்புப் பணமாக வாரி வழங்கி யுள்ளது. இந்த வங்கிகள் கொள்ளை லாபம் அடிக்கும் பேராசையின் காரணமாக தவறான வங்கி நடவடிக்கைகள் மூலமே திவாலாகின. ஆனால் இந்த கார்ப்பரேட் வங்கி முதலாளிகளை பாதுகாத்த அமெரிக்க அரசு, சமூக நலத்திட்டங்களை வெட்டிச்சுருக்கி அதன்மூலம் பலரை வேலையிழக்கச் செய்தது - அதன் விளைவே வால் ஸ்டீரீட் போராட்டம்.

கல்விக்கூடங்கள், அவசர சேவைப் பிரிவுகள், தண்ணீர், போக்குவரத்து, சுகாதாரம், ஓய்வூதியம் போன்ற சமூக நலத்திட்டங்களுக்கு அரசு உதவி புரிந்த தன் பயனை அடைந்த சாதாரண

மக்கள் தனியார்மயம் வந்த பின்பு அடைந்த பாதிப்பு குறித்து அமெரிக்கா வில் ஒரு நடுநிலை ஸ்தாபனம் நடத்திய ஆய்வில் கண்டறிந்த செய்திகள் பின் வருமாறு :

தனியார்மயத்தினால் உருவான செல் வம் பொதுமக்களுக்கு பகிர்ந்தளிக்கப் படவில்லை. ஆனால் தனியார்மயம் மிகப்பெரிய லாபத்தை புதிய முதலாளி களுக்கு வாரி வழங்கியுள்ளது.

தனியார்மயத்தின் வாயிலாக பெறப் படும் பயன்களைவிட கூடுதல் காண்ட்ராக்ட் செலவுகள், சுயநலச் செயல்பாடு போன்றவைகளே மேலோங்கியிருக்கிறது.

பெரும்பாலான தனியார்மயத் திட்டங் கள் சொத்துப் பங்கீடு, வருவாய்ப் பங்கீடு இவைகளில் மோசமாகச் செயல்பட்டுள்ளது.

மேலும் தனியார்மயம் அமெரிக்காவில் செயல்படுத்தப்பட்ட பின்னர் மக்களின் அத்தியாவசியத் தேவையான தண்ணீர் படும்பாடு பற்றிப் பார்ப்போமா?

அமெரிக்காவில் நெஸ்லே நிறுவனம் ஒரு காலன் தண்ணீரை 0.0008 அமெரிக்க டாலருக்கு (ரூ.0.0045. அதாவது 100 காலன் தண்ணீர் 45 பைசா) வாங்கி அதைப் போல ஒரு லட்சத்து 27 ஆயிரம் மடங்கு விலைக்கு விற்றுள்ளது. இதை நமது ரூபாய்க் கணக்கில் பார்த்தால் நமது தலைசுற்றும். இது தனியார் மயத்தின் உண்மை சொரூபம். இது மட்டுமா? இன்னும் கேளுங்கள் தண்ணீர் தனியார் மயமாக்கப்பட்டதன் விளைவுகளை.

அமெரிக்காவில் உள்ள பென்சில் வேனியா மற்றும் கலிபோர்னியா நகர தண்ணீர் விநியோகம் அமெரிக்க வாட்டர் கம்பெனியின் கட்டுப்பாட்டின் கீழ் வந்த வுடன் 70 சதவிகிதம் தண்ணீருக்கு கூடுதல் கட்டணம் வசூலித்தது.

அதேபோல மற்றொரு தனியார் நிறு வனமான யுனெடெட் வாட்டர் சர்வீசஸ் மீது கடுமையான குற்றச்சாட்டுகள் - தரம் மோசம் என்று புகார் எழுந்த போதிலும், அட்லாண்டா நகர்மன்றத்திடம் கூடுத லாக தண்ணீருக்கு பணம் கோரியது.

இதைவிடக் கொடுமை வறட்சி மாநில மான டெக்சாஸ் நகரில் பெரிய எண்ணெய் நிறுவனமான டி.பூன் பிக்கன்ஸ், அந்நக ரில் உள்ள நிலத்தடி நீரை டேங்கரில் உறிஞ்சி எடுத்து, அதனை மத்திய கிழக்கு நாடுகளுக்கு விற்றது. ஷெல் கம்பெனியோ கொலராடோ நகர நிலத்தடி நீரை உறிஞ்ச உரிமை பெற்றுள்ளது. இதுதான் தனியார் மயம்.

புட் அண்டு வாட்டர் வாட்ச் (குடிடின யனே றுயவநச றுயவஉா) என்ற நிறுவனம் 2009-ம் ஆண்டு அமெரிக்காவில் தண்ணீர் விநி யோகம் மற்றும் கழிவுநீர் வெளியேற்றம் குறித்து ஒரு ஆய்வு நடத்தியது. தனியார் நிறுவனங்கள் தண்ணீருக்கு 80 சத விகிதம் கூடுதல் கட்டணம் வசூலிப்ப தாகவும், கழிவு நீர் வெளியேற்ற 100 சதவிகிதம் கூடுதல் கட்டணம் வசூலிப்ப தாகவும் அந்த ஆய்வு தெரிவிக்கிறது.

தனியார்மயம் தண்ணீரோடு விட்டு விடவில்லை. தனது ஆக்டோபஸ் கரங் களை இதர சேவைத்துறைகளிலும் நீட்டி யுள்ளது.

சிகாகோ நகர மன்றம் வாகன நிறுத்த வசதிக்காக அரசு இடத்தை 75 ஆண்டு களுக்கு குத்தகைக்கு பெற்ற தனியார் நிறு வனம் ஒப்பந்தம் ஏற்பட்டவுடன் வாகன நிறுத்த வாடகையை இரு மடங்கு உயர்த் தியது.

சாலை வசதியை மேம்படுத்தும் வேலையை தனியார் நிறுவனத்திடம் ஒப் படைத்ததன் விளைவாக கலிபோர் னியா கூடுதல் செலவைச் சந்திக்க வேண்டிய சூழ்நிலை ஏற்பட்டது. மக்களின் கடும் கோபத்தை எதிர்கொண்டது: நகர்மன்றம் திவால் ஆனது.

பென்சில்வேனியாவில் பள்ளிக்கூடப் பேருந்துகள் தனியார் நிறுவனங்களிடம் ஒப்படைக்கப்பட்ட நிலையில், “கீ ஸ்டோன் ரிசர்ச் சென்டர் (முநலளவடிநே சுநளநயசஉா ஊநவேசந)’’ நடத்திய ஆய்வு கீழ்க் காணும் முடிவிற்கு வந்தது.

“தனியாருக்கு காண்ட்ராக்ட் விடு வதன் விளைவாக போக்குவரத்து சேவை களுக்கு அரசு செய்திடும் செலவு கூடுத லாக ஆகிறது’’.

தனியார் பள்ளிகளில் கற்கும் மாணவர் கள் சிறப்பானவர்களாக, வெற்றி வாய்ப் பை எளிதில் பெறுபவர்களாக உள்ளார் கள் என்று இந்திய ஊடகங்களும், சில அறிவுஜீவிகளும் பிரச்சாரம் செய்கின் றனரே. அமெரிக்க நிலைமையை இதோ கீழே தந்துள்ளோம்.

“ஸ்டோன் போர்ட் பல்கலைக்கழகம்’’ நடத்திய ஆய்வில் அவர்கள் கண்ட முடிவு, தனியார் பள்ளிகளில் படித்து தேர் வெழுதும் மாணவர்கள் பொதுப்பள்ளி களில் படித்து தேர்வெழுதும் மாணவர் களை விட சிறப்பாகச் செய்திடவில்லை என்பதாகும்.

மாணவர்களின் சிறப்பான செயல் திறன், நடவடிக்கை, பள்ளிக்கூட முன் னேற்றம் போன்றவைகளில் பொதுப் பள்ளிகளோடு ஒப்பிட்டால் தனியார் பள்ளிகள் சமமாகவே உள்ளதாக அமெ ரிக்க அரசின் கல்வித்துறை நடத்திய ஆய்வில் தெரியவந்துள்ளது.

தனியார் பள்ளிகள் அரசின் நிதியுதவி பெறுகின்றன. குறைந்த அனுபவம் கொண்ட ஆசிரியர்களையே போதிக்க நியமிக்கிறது. அதிக லாபம் அடைகிறது. இதுவே அமெரிக்க அனுபவம். முத்தாய்ப் பாக ஐ.நா. சர்வதேச கொள்கை மையம் தெரிவித்திருக்கும் கருத்து :

“பல முனைகளிலும் தனியார் மயம் தோல்வியடைந்துள்ளது... போட்ட முத லீட்டை மீட்டெடுக்கும் நோக்கம் கொண்ட முதலீட்டாளர்களால் சமூக நோக்கங்களான வறுமை குறைப்பு, சமத்துவம் நோக்கி முன்னேறுதல் ஆகிய வற்றை எட்ட முடியாது’’.

அமெரிக்க அனுபவம் காட்டுவது தனி யார் மயம், தாராளமயம், உலகமயம் ஒரு நாளும் சாதாரண உழைப்பாளி, நடுத்தர, விவசாய மக்கள் வாழ்வில் ஒளியேற்றாது. ஆட்சிகள் மாறினாலும் தனியார் மயத்தின் பின் செல்லும் போக்கு ஆட்சியாளர் களால் தொடரவே செய்கிறது. சாதாரண ஏழை, பாட்டாளி, விவசாயிகளின் வாழ் வில் விடியல் காண மாற்றுக் கொள்கை தான் தேவை.

மாற்றுக்கொள்கையை நடைமுறைப் படுத்துவதற்காக போராட்டத்தை அயர் வின்றி நடத்துவோம். தனியார்மய நாசத் திலிருந்து தேசத்தை காப்பாற்றுவோம்.

ஆதாரம் : “ கிசான் ஆவாஜ்’’ என்ற புத்தகத்தில் “பால் புக் ஹீட்’’ கட்டுரை