விபத்துக்களை குறைக்க பொலிஸார் வீதி விதிகளை தீவிரமாக அமுலாக்குவார்கள்

வீதி விபத்துக்களினால் ஏற்படும் மரண வீதம் இப்போது அதிகரித்த வண்ணம் இருக்கிறது. இந்த மரணங்களுக்கு பிரதான காரணம் வாகன ஓட்டிகளினதும், பாதசாரிகளி னதும் கவனக்குறைவும், அதிகரித்த வேகமும் என்று, பொலிசார் கூறுகிறார்கள். இவற்றுடன் பாதுகாப்பற்ற ரெயில் கடவையில் ஏற்ப டும் விபத்துக்களும், மரணங்களும் அதிகரித்து வருகிறது.

வியாழன் அன்று மாலை பிரதான ரெயில் பாதையில் ராகமையிலிரு ந்து சற்று அப்பாலிருக்கும் பட்டுவத்தயில் உள்ள பாதுகாப்பற்ற ரெயில் கடவையில் ஒரு பஸ்ஸும் ரெயிலும் மோதுண்டன. பஸ் முற்றாக சேதமடைந்த போதிலும், அதில் ஒரு சிலர் மாத்திரமே பயணம் செய்து கொண்டிருந்த காரணத்தினால், அனைவரும் தெய் வாதீனமாக உயிர் தப்பிய போதிலும், நாலு பேர் காயமடைந்தனர், ஒருவரின் நிலை கவலைக்கிடமாக இருப்பதாகவும் அறிவிக்கப்படு கிறது.

இரு தினங்களுக்கு முன்னர், கொழும்பிலிருந்து யாழ்ப்பாணத்திற்கு சென்று கொண்டிருந்த கடுகதி சொகுசு பஸ் ஒன்றின் முன் சில்லு புத்தளத்திற்கு அருகில் கழன்று தூக்கி எறியப்பட்டதனால், அந்த பஸ் விபத்துக்குள்ளாகி அதன் சாரதி ஸ்தலத்திலேயே உயிரிழந்து, மேலும் பலரும் காயமடைந்தனர். இத்தகைய விபத்துக்கள் அனை த்திற்கும் வாகன ஓட்டிகள் அளவுக்கதிகமான வேகத்தில் வாகனங் களை ஓட்டிச்செல்வதே காரணமாகும்.

துவிச்சக்கர வண்டியில் செல்பவர்களினால் ஏற்பட்டிருக்கும் விபத்துக் கள் 174. மோட்டார் சைக்கிள்களினால் ஏற்படும் விபத்துக்கள் 1535. முச்சக்கர வண்டிகளினால் ஏற்படும் விபத்துக்கள் 782 ஆகும். கார் விபத்துக்கள் 729, இலகுவான விபத்துக்கள் 1365, தனியார் பஸ் விபத்துக்கள் 785, போக்குவரத்து சபை பஸ் விபத்துக்கள் 88, லொறி விபத்துக்கள் 714, ஆயுதப் படையினரின் வாகனங்கள் 30, ஏனைய வாகன விபத்து 146 இவ்விதம் 6381 வாகன விபத்துக்கள் ஏற்பட்டுள்ளன.

இந்த விபத்துக்களை தடுப்பதற்காக பொலிசார் வாகனப் போக்குவரத் திற்கான வீதி போக்குவரத்து விதிகளை கடுமையாக்குவதற்கு தீர் மானித்திருப்பதாக பொலிஸ் தலைமையகம் அறிவித்துள்ளது.

வீதி விபத்துக்கள் அதிகரிப்பதற்கு நடைபாதையில் விற்பனை செய்த லும் ஒரு காரணமாகும். நடைபாதைகளில் விற்பனையாளர்கள் நிற் பதனால் பாதசாரிகள் வேறு வழியின்றி வீதியோரமாக நடந்து செல் கிறார்கள். வேகமாக வாகனங்கள் அவர்கள் மீது மோதுண்டு விப த்துக்கள் உள்ளாகின்றன என்றும் பொலிசார் கூறுகின்றனர்.

வீதிவிபத்துக்களினால் காயமடைந்தவர்களை அரசாங்க ஆஸ்பத்திரி யில் நீண்ட காலம் வைத்து, சிகிச்சை அளித்து பராமரிப்பதற்காக அதிக செலவு ஏற்படுகிறது. இதுவும் நாட்டின் தேசியப் பொருளா தாரத்திற்கு அதிகளவு தாக்கத்தை ஏற்படுத்துவதாக பொலிசார் சுட் டிக்காட்டியுள்ளனர்.

வீதி விபத்துக்கள் அதிகரிப்பதற்கு தற்போது இலங்கையிலுள்ள வாக னங்களின் எண்ணிக்கை அதிகரித்து வருவதும் ஒரு காரணமாகும். இந்தியாவிலிருந்து தருவிக்கப்படும் சுசுக்கி மாருதி, அல்ரோ போன்ற சிறிய வாகனங்களின் விலை, ஜப்பானிய வாகனங்களை விட குறைவாக இருப்பதனாலும், இலகு அடிப்படையில் இந்த வாகனங்களை மாதாமாதம் செலுத்தி வாங்கக் கூடிய வாய்ப்புக்கள் ஏற்பட்டுள்ளது. இந்த சிறிய வாகனங்களின் விற்பனை இன்று அதி கரித்து வருகிறது.

பஸ்களில் இருந்து வரும் இட நெருக்கடி, ரெயில் வண்டிகளில் ஏறி இறங்கும் போது ஏற்படக் கூடிய விபத்துக்கள், முச்சக்கர வண்டி களின் கட்டணங்கள் நாளாந்தம் அதிகரித்தல் போன்ற காரணங் களினால் இப்போது சிறிய வாகனங்களையும், முச்சக்கர வாகனங் களையும் தங்கள் சொந்த பாவனைக்காக மக்கள் அதிகமாக வாங்கி வருகிறார்கள்.

தற்போது சந்தைப்படுத்தாமல் இருக்கும் வாகனங்களின் எண்ணிக்கை 10 ஆயிரத்திற்கும் அதிகமாக இருப்பதனால் அவையும் வீதிகளில் ஓட ஆரம்பித்தால், வாகன நெருக்கடிகள் மேலும் அதிகரித்து அத னால் வீதி விபத்துக்களும் அதிகரிக்கக் கூடிய அச்சுறுத்தல்கள் ஏற் படுவதற்கான வாய்ப்புக்கள் உண்டு.

வீதி விபத்துக்களையும், அதனால் ஏற்படும் மரணங்களையும் தடுக்க வேண்டுமாயின் வாகனப் போக்குவரத்து அதிகமாக இருக்கும் காலை 6 மணி முதல் முற்பகல் 9 மணி வரையிலும் மாலையில் பி. ப. 3.30 லிருந்து இரவு 7.30 முதல் 8 மணி வரையிலும் வாகன ஓட்டிகள் தங்கள் வாகனங்களை வீதிகளில் செலுத்துவதை குறைப் பதன் மூலம் அந்நேரங்களில் வீதிகளில் செல்லும் வாகனங்களின் எண்ணிக்கையை குறைத்து வீதி விபத்துக்களை தவிர்க்கக் கூடி யதாக இருக்கும் என்று பொலிசார் கூறுகிறார்கள்.

மேற்கத்தைய நாடுகளில் இருப்பது போன்று, மக்கள் விடுமுறை நாட் களில் மாத்திரம் தங்கள் சொந்த வாகனங்களை பயன்படுத்தி மற் றைய நாட்களில் பொது போக்குவரத்து சேவையை பயன்படுத்து வது இந்த பிரச்சினைக்கு நிரந்தர தீர்வாக அமையும். ஆயினும், இந்த யோசனை சாத்தியப்பட வேண்டுமாயின் பொது போக்கு வரத்து சேவை இதைவிட சிறந்த முறையில் பஸ், ரெயில் பயணி களுக்கு வசதியான முறையிலும் நேரத்திற்கு ஓரிடத்தை அடையக் கூடியதாக இருப்பது அவசியமாகும்.

(தினகரன்)