இலங்கை அணியின் சாதனையாளர்

மும்பை நகரில் நடந்து முடிந்த உலகக்கிண்ணத்திற்கான ஒருநாள் கிரிக்கட் போட்டியில் இலங்கை அணி இரண்டாமிடத்தைப் பெற்ற போதிலும், இலங்கை வீரர்கள் கனவான்களின் கிரிக்கெட் விளையாட்டில் கலந்து கொள்ளும் கனவான்கள் என்பதை முழு உலகத்திற்கும் தங்கள் உன்னதமான நற்பண்பின் மூலம் விளையாட்டின் மகத்துவத்தை எடுத்துக்காட்டி எமது நாட்டிற்கு சர்வதேச கீர்த்தியை பெற்றுக் கொடுத்தார்கள்.

கிரிக்கட் மட்டுமல்ல எந்த வொரு விளையாட்டிலும் ஒரு அணி வெற்றி பெறும். இன்னுமொரு அணி தோல்விய டையும். வெற்றியும், தோல்வியும் ஒரு நாணயத்தின் இரு பக்கங்கள் என்பதை யதார்த்தபூர்வமாக புரிந்து கொண்ட கனவான்களே கிரிக்கட் போட்டிக்கு மெரு கூட்டி அதன் வளர்ச்சிக்கு ஒரு சிறந்த அடித்தளத்தை அமைக்க முடியும்.

அந்த விடயத்தில் இலங்கை அணியினர் இன்று உலகத்திற்கு முன்மாதிரியாகத் திகழ்ந்து வருகிறார்கள்.

இன்றும் கூட மேற்கிந்தியத் தீவுகள் அணிக்கு உலகெங்கிலும் உள்ள கிரிக்கெட் ரசிகர்கள் மத்தியில் நல்ல வரவேற்பும், அபிமானமும் இருந்து வருகிறது. அவர் கள் கிரிக்கெட்டை ஒரு விளையாட்டாக மாத்திரமே கருதி, இன்னொரு அணியை தங்கள் எதிரிகளைப் போல் நடத்துவதும் இல்லை.

கிரிக்கெட் விளையாட்டை அதன் விதிமுறைகளுக்கு ஏற்ப இவர்கள் விளை யாடுவதனால் வெற்றி தோல்வியை பொருட் படுத்தாமல், மிகவும் கெளரவமாக நியா யமான முறையில் கிரிக்கட் போட்டிகளில் ஈடுபட்டு வருகிறார்கள். இதனால் தான் இன்றும் கூட உலகநாடுகளின் மேற்கிந்திய தீவு கிரிக்கட் வீரர்களுக்கு மதிப்பும் மரியாதையும் இருந்து வருகின்றது.

இலங்கை வீரர்களும் அதே பாணியில் கனவான்களைப் போன்று விளையாடி வருகிறார்கள். உலகக்கிண்ண கிரிக்கெட் போட்டி இலங்கை தோல்வியை தழுவிக் கொண்ட பின்னர் பிரபல முன்னாள் இந்திய கிரிக்கட் ஆட்டக்காரரும், சர்வதேச ரீதி யில் புகழ்பெற்ற கிரிக்கெட் விமர்சகருமான ரவி சாஸ்திரி இலங்கை அணியின் கப்டன் குமார் சங்கக்காரவிடம் நடந்து முடிந்த இறுதிப் போட்டி பற்றி நீங்கள் என்ன நினைக்கிaர்கள் என்று கேட்டார்?

அதற்கு பதிலளித்த குமார் சங்கக்கார, இந்திய அணி இலங்கை அணியை விட சிறப்பாக விளையாடியது. நாம் 350 ஓட்டங்களை எடுத்திருந்தால், ஒரு வேளை வெற்றி பெற்றிருக்கலாம். இந்திய அணியினர் எங்களை விட சிறப்பாக விளையாடி இலங்கை அணியை தோல்வியடையச் செய்தார்கள். நான் அவர்களை மனப்பூர்வமாக பாராட்டுகிறேன் என்று ஒரு கனவானைப் போன்று பதிலளித்தார்.

இது போன்ற கேள்விக்கு பதிலளித்த இந்திய அணியின் கப்டன் மகேந்திர சிங் தோனி, வெற்றிபெருமிதத்தில் தன்னை மறந்த நிலையில், தான் பின்னணி துடுப் பாட்ட வீரராக இருந்து நான்காம் நிலைக்கு வந்து இன்றைய போட்டியில் கலந்து கொண்டு என்னைப் பற்றி தூற்றியவர்களுக்கு பாடம் புகட்டியிருக்கிறேன் என்ற பாணியில் பேசினார்.

இவர் எந்தவொரு சந்தர்ப்பத்திலும் இந்திய அணிக்கு எதிராக இவ்வளவு சிறப்பாக விளையாடி இந்த போட்டியை அதி உன்னத நிலைக்கு உயர்த்திய இலங்கை அணியைப் பற்றி ஒரு வார் த்தை கூட பேசவுமில்லை, அத்துடன் இலங்கை அணியை பாராட்டவும் இல்லை. இவ்விதம் தான் மகேந்திர சிங் தோனி கனவான்களின் விளையாட்டான கிரிக்கட் போட்டியில் தங்களுடன் எதிர்த்து விளையாடிய மற்றுமொரு அணிக்கு மதிப்பையும் கெளரவத்தையும் கொடுத்துள்ளார்.

இலங்கை அணி இந்த இறுதிப் போட்டியில் தோல்வியடைந்து இரண்டாம் நிலைக்கு தள்ளப்பட்டாலும், எங்கள் அணியில் வலுப்பெற்றிருக்கும், ஒழுக்கமும், ஒற்றுமையும், தேசப்பற்றும் உலகெங்களிலும் பரந்து வாழும் கிரிக்கெட் ரசிகர்களின் மதிப்பையும் பாராட்டையும் பெருமளவிற்கு இலங்கை அணியை புகழ் உச்சிக்கு கொண்டு சென்றுள்ளது.

இலங்கை அணி இந்த இறுதிப் போட்டியில் தோல்வியடைந்தாலும், உலக கிரிக்கெட் வரலாற்றில் எங்கள் நாட்டின் பெயரை பொன் எழுத்துக்களால் செதுக்கி வைத்திருக்கும் ஒரு சாதனையை ஏற்படுத்தியிருக்கிறது.

மும்பை நகரில் நடந்து முடிந்த இந்தப் போட்டி எவருக்கும் வெற்றியையும், தோல்வியையும் பெற்றுக்கொடுக்கவில்லை. கிரிக்கெட் என்ற கனவான்களின் விளையாட்டுக்கே இந்த முடிவு மாபெரும் வெற்றியை பெற்றுக் கொடுத்திருக்கிறதென்று கிரிக்கெட் விமர்சகர்கள் பாராட்டுகின்றார்கள்.