ஜே.வி.பி விஷமிகளை வெளியேற்றி பல்கலைக்கழகங்களை பாதுகாப்போம்...

எங்கள் நாட்டின் உயர் கல்வித்துறையை சீர்குலைத்து வரும் பல் கலைக்கழகங்களில் நிலைபெற்றிருக்கும் பகிடிவதைக்கு நிரந்தர தீர் வொன்றை ஏற்படுத்த வேண்டுமாயின், சமூகவிரோத செயற்பாடு களை அப்பாவி இளைஞர்களை கைப்பொம்மைகளாக மாற்றி, மேற் கொண்டு வரும் ஜே. வி.பியின் செல்வாக்கை பல்கலைக்கழகங்களிலிரு ந்து முற்றாக ஒழித்து விட வேண்டும்.

இந்தப் பாரிய சமூகப் பணியை ஏற்றுக் கொண்டிருக்கும் உயர் கல்வியமைச் சர் எஸ். பி. திஸாநாயக்காவின் பகிடிவதை ஒழிப்பு செயற் திட்டங்களு க்கு பல்கலைக்கழக மாணவர்களின் பூரண ஒத்துழைப்பு அவசியமாகும். இன்று, பல்கலைக்கழகங்களில் பிரச்சினை தோன்றுவதற்கு பகிடிவதை என்ற மனிதாபிமானமற்ற செய்முறையே பின்னணியில் புற்றுநோயைப் போன்று ஊடுருவிய வண்ணம் இருக்கின்றது.

பகிடிவதையினால் 50 க்கும் மேற்பட்ட பல்கலைக்கழக மாணவர்கள் இது வரை உயிர் தியாகம் செய்திருக்கிறார்கள். இதனால் பல்கலைக்கழகங்க ளின் உடைமைகளுக்கும், சொத்துக்களுக்கும் கடந்த பல்லாண்டு கால மாக ஏற்பட்டிருக்கும் அழிவு பல கோடி ரூபாவையும் தாண்டியிருக் கிறது.

பல்கலைக்கழகத்திலிருந்து பகிடிவதை என்ற கொடுமையை இனிமேலும், சகித்துக் கொள்ள முடியாத நிலையில் பல நூற்றுக்கணக்கான மாணவர்க ளும், மாணவிகளும் பல்கலைக்கழக கல்விக்கு முற்றுப்புள்ளி வைத்து, ஏதாவது ஒரு தொழிலை புரிய வேண்டும் என்ற உணர்வு அவர்கள் மனதில் தோன்றுவதற்கும் பகிடிவதை என்ற அச்சுறுத்தலே பிரதான கார ணமாக இருந்து வருகிறது.

பல்கலைக்கழகங்களில் விலை மதிப்பற்ற கல்விப் போதனைக்காக ஒதுக்கப் பட்டிருக்கும் நேரம் இதனால் அநியாயமாக விரயமாகி வருகிறது. பகிடி வதையின் தாக்கத்தினால், எங்கள் நாட்டிலுள்ள பல்கலைக்கழகங்கள் ஒரு சில நாட்களல்ல, வாரங்களுக்கும் மாதங்களுக்கும் மூடிக் கிடக்கின் றன.

பல்கலைக்கழகங்களுக்கு தெரிவு செய்யப்படும் சில கிராமத்து மண்வாசனை யுடைய அப்பாவி மாணவர்களை, ஜே.வி.பி.யினர் இந்த நாட்டில் பாமர மக்கள் புரட்சி ஒன்றை ஏற்படுத்தி, மக்கள் ஆட்சியை மலர வைப் பதற்கு உதவி செய்யுங்கள் என்று போலி வார்த்தைகளின் மூலம் ஏமா ற்றி, அவர்களை தாங்கள் விரிக்கும் வலையில் வீழ்த்தி விடுகிறார்கள்.

அதையடுத்து, அந்த மாணவர்களை பல்கலைக்கழக மாணவ சங்கங்களின் முக்கிய பதவிகளுக்கு நியமித்து, அம்மாணவ சங்கங்களை ஜே.வி.பி தனது விருப்பத்திற்கு ஏற்ப ஆட்டி வைக்கின்றது. இதன் மூலமே, பல தரப்பட்ட பிரச்சினைகளும் அமைதியின்மைகளும் முரண்பாடுகளும் பல்கலைக்கழகங்களில் ஏற்படுவதற்கு ஜே.வி.பி அடித்தளம் அமைத்து, தனது சமூக விரோத செயற்பாடுகளை நிறைவேற்றிக் கொள்கிறது.

ஜே.வி.பியின் செல்வாக்கைப் பெற்ற சில பல்கலைக்கழக மாணவ சங்கங்க ளின் நடவடிக்கைகளுக்கு ஜனநாயகத்தின் மீது அசையாத நம்பிக்கை வைத்திருக்கும் வேறு சில பல்கலைக்கழக மாணவ சங்கங்களின் உறுப்பினர்கள், தங்கள் எதிர்ப்பை வெளிப்படுத்தும்போது, ஜே. வி. பி யினரின் ஆதரவைப் பெற்றுள்ள மாணவ சங்கங்கள் அங்கு வன்முறை களை கட்டவிழ்த்து விடுகின்றன.

இதனால் நூற்றுக்கணக்கான அப்பாவி மாணவ, மாணவிகள் காயமடைவது டன் தங்கள் பெற்றோரின் லட்சியக் கனவை நிறைவேற்றுவதற்கான பல் கலைக்கழக கல்வியை தொடர முடியாத அவல நிலைக்கும் தள்ளப் படுகின்றனர்.

பல்கலைக்கழகங்களில் இவ்விதம் ஏற்படும் வன்முறைகளுக்கு தேவையான பொல்லு, இரும்புக் கம்பிகள், கத்தி போன்ற பயங்கர ஆயுதங்களை மாணவர்களைப் போன்று தோற்றமளிக்கும் ஜே.வி.பி குண்டர்களே பல் கலைக்கழகத்திற்குள் எடுத்து வருவதாக பொலிஸார் சந்தேகிக்கிறார்கள்.

பகிடிவதை என்ற இந்த துஷ்ட அரக்கனை துவம்சம் செய்து, எங்கள் பல் கலைக்கழகங்களை கல்வியை புகட்டும் தூய தேவாலயங்களாக மாற்ற வேண்டுமாயின், முதலில் பல்கலைக்கழகங்களில் உள்ள துஷ்ட சக்தி களை இனங்கண்டு, அவர்கள் மாணவர்களாக இருந்தாலும் கூட, சம் பந்தப்பட்ட அனைவரையும் பல்கலைக்கழகங்களிலிருந்து சட்டபூர்வ மான முறையில் நிரந்தரமாக வெளியேற்றுவது அவசியமாகும்.

ஒவ்வொரு பல்கலைக்கழக மாணவ, மாணவிகளுக்கும் கொடுக்கப்படும் அடையாள அட்டைகளை பல்கலைக்கழகங்களின் வாயிலில் இருக்கும் பாதுகாப்பு உத்தியோகஸ்தர்கள் பார்வையிட்டு, அவர்கள் உண்மையி லேயே பல்கலைக்கழக மாணவ, மாணவிகள் தான் என்று ஊர்ஜிதம் செய்த பின்னரே உள்ளே செல்வதற்கு அனுமதிக்க வேண்டும். வெளி யார் பல்கலைக்கழக வளவுக்குள் நுழைவதற்கு அனுமதிக்கப்படலாகாது. அதுபோன்றே, பல்கலைக்கழகங்களின் மாணவர் விடுதிகளுக்கும், வெளி யில் உள்ளவர்கள் செல்வதை தடைசெய்ய வேண்டும்.

இலங்கை பல்கலைக்கழகம் சுமார் 8 தசாப்தங்களுக்கு முன்னர் ஆரம்பிக் கப்பட்டபோது, புதிய மாணவர்களுக்கும் பழைய மாணவர்களுக்கும் இடையில் நட்புப் பாலத்தை ஏற்படுத்துவதற்கான பகிடிவதை என்ற ஒரு விளையாட்டு உன்னத நோக்கங்களை மனதில் கொண்டு, ஆரம்பிக்கப் பட்டது. அன்று, ஓரிரு நாட்களுக்கு மாத்திரமே புதிய மாணவர்கள் பகி டிவதை என்ற சிறு துன்புறுத்தல்களுக்கு ஆளானார்கள். அதற்கு பின் னர், பழைய மாணவர்களும் புதிய மாணவர்களும் வாழ்நாள் பூராவும் நண்பர்களாக இருப்பதற்கு பகிடிவதை ஒரு சிறந்த அடித்தளமாக அமைந்தது.

நல்ல நோக்கத்திற்காக ஆரம்பிக்கப்பட்ட பகிடிவதை இன்று பல்கலைக்கழ கங்களில் மட்டுமன்றி, பாடசாலைகளுக்கும் புற்றுநோயைப் போன்று பரவி, எங்கள் நாட்டின் கல்வித்துறையை சீர்குலைத்துக் கொண்டிருக்கி றது.

இந்த பேராபத்திலிருந்து எங்கள் நாட்டின் கல்வித்துறையை காப்பாற்றி கரை சேர்க்க வேண்டுமாயின், ஜே.வி.பி யினர் பல்கலைக்கழகங்களுக்குள் ஊடுருவி சமூக விரோத செயற்பாடுகளை மாணவர்கள் மூலம், செய் விப்பதை தடுப்பதற்கு அரசாங்கம் கடுமையான நடவடிக்கை எடுப்பது மிகவும் அவசியமாகும்.

(தினகரன்)