வடபகுதி மக்களின் வாழ்வை அரசாங்கம் வளமாக்கி வருகின்றது

ஜனாதிபதி மஹிந்த ராஜபக்ஷவின் அரசாங்கத்தின் முழுக் கவனமும் இப்போது வடமாகாணத்தின் மீது திரும்பியிருக்கிறது. வட மாகாணத்தின் உட்கட்டமைப்பு பணிகளை கூடிய விரைவில் பூர்த்தி செய்யும் பணி விரைவில் முடிவடையவுள்ளது. யுத்தத் தினால் இடம்பெயர்ந்த தமிழ் முஸ்லிம் மக்களை மீண்டும் வடபகுதி யிலுள்ள அவர்களின் சொந்த இடங்களில் மீள்குடியமர்த்தும் பணி யும் முற்றாக முடிவடையும் கட்டத்தை இன்று அடைந்துள்ளது. இன் னும் 2,000 பேர் மாத்திரமே அங்கு மீள்குடியமர்த்தப்படவுள்ளனர்.

இராணுவத்தினரும் அரச சார்பற்ற சர்வதேச அமைப்புகளும் சமூக அமை ப்புக்களும் இப்போது, வடக்கு, கிழக்கு பகுதியிலுள்ள தரைக்கண்ணி வெடிகளை அகற்றும் பணியையும் தீவிரப்படுத்தி இருப்பது மகிழ்ச் சிக்குரிய விடயமாகும். இந்த கண்ணிவெடிகளை அகற்றும் பணிக்கு இந்தியா, சீனா, பிரிட்டன் போன்ற பல நாடுகள் பெருமளவில் நிதியுதவியை வழங்கி அரசாங் கத்தின் முயற்சிகளுக்கு பூரண ஆதரவை அளித்து வருகின்றன. இவ்விதம் மக்கள் தங்கள் நாளாந்த வாழ்க்கையை நிம்மதியாக மேற் கொள்வதற்குரிய சகல வசதிகளையும் அரசாங்கம் இப்போது செய்து கொடுத்த வண்ணம் இருக்கிறது.

இதுபற்றி கருத்து வெளியிட்ட மீள்குடியேற்ற அமைச்சர் மில்ரோய் பெர் னாண்டோ, தற்போது தமது அமைச்சு, உள்ளூரில் இடம்பெயர்ந்த மக்கள் பற்றிய புள்ளிவிபரங்களை சேகரித்து வருகின்றது என்றும், அதையடுத்து அவர்கள் மீள்குடியேற்றப்படும் பிரதேசங்களுக்கு ஏற் புடைய வகையில் வாழ்வாதார உதவிகள் செய்து கொடுக்கப்படும் என்று கூறினார்.

நாலாவது ஈழ யுத்தத்தினால் இடம்பெயர்ந்த 2 இலட்சத்துக்கு மேற்பட்ட மக்கள் மட்டுமன்றி, 1985 ஆம் ஆண்டு முதல் யுத்தத்தின் தாக் கத்தினால் இடம்பெயர்ந்த பல்லாயிரக் கணக்கான தமிழ், சிங்கள, முஸ்லிம் மக்களும் இன்று வறுமைக் கோட்டிற்கு கீழ் துன்பத்தை அனுபவித்து வருவதாகவும், அவர்களுக்கும் வாழ்வாதாரங்கள் செய்து கொடுக்கப்படும் என்று கூறினார்.

இந்த மக்களுக்கு விவசாயம், கடற்றொழில், பருவகால பயிர் செய்கை, குடிசைக் கைத்தொழில் போன்றவற்றில் வாழ்வாதாரங்கள் செய்து கொடுப்பதுடன், இங்குள்ள விவசாய பெருமக்களுக்கு உதவுமுகமாக நீர்ப்பாசனத்திற்கான குளங்கள், மற்றும் நீர்ப்பாசனத்திற்கான பாரிய கிணறுகளையும் திருத்துவதற்கு இப்போது நடவடிக்கைகள் எடுக்கப் படுகிறது.

யுத்தத்தினாலும், வடபகுதியில் கடந்த பல்லாண்டு காலமாக நிலவி வந்த பதற்ற நிலை காரணமாகவும், யாழ்ப்பாண போதனா ஆஸ்பத்திரி வேலைகள் யுத்தம் முடிவடைந்த காலகட்டத்தில் ஸ்தம்பித நிலை அடை ந்திருந்த போதிலும், இப்போது ஜப்பானின் சர்வதேச கூட்டுத்தாபன அமைப்பான ஜெயிக்காவிடமிருந்து 2,877 மில்லியன் ரூபாவை பெற்று, வடக்கின் வசந்தம் திட்டத்தின் கீழ் மீண்டும் யாழ்ப்பாண போதனா ஆஸ்பத்திரியை நவீனமயப்படுத்தும் செயற்பாடுகள் துரித கதியில் மேற்கொள்ளப்படுகின்றன.

வட மாகாணத்தின் ஆளுநர் மேஜர் ஜெனரல் ஜி. ஏ. சந்திரசிறி, வடக்கு, கிழக்கிலுள்ள உள்ளூராட்சி மன்றங்களின் சேவைகளை முன்னேற்று வதற்காக 86 மில்லியன் டொலர் செலவில் ஐந்தாண்டு திட்டம் ஒன்றை இப்போது, நடைமுறைப்படுத்தி வருகிறார்.

இவையனைத் தும் உரிய காலத்தில் அமுலாக்கப்படும் போது, சிவப்பு மண்ணை உடைய இலங்கையின் வடபகுதி மீண்டும் ஒரு பொன்விளையும் பூமியாக மட்டுமன்றி, இலங்கையின் பொருளாதாரத்தை அபிவிருத்தி செய்வதற்கான ஒரு பிரதான கேந்திர ஸ்தானமாக மாறிவிடும் என்று நாம் நம்பிக்கை கொள்ளலாம்.

அரசாங்கம் எடுத்து வரும் இத்தகைய நல்ல நடவடிக்கைகள் காரணமாக இப்போது யாழ்ப்பாணத்து விவசாய பெருமக்கள் 1970 ஆம் ஆண்டு தசாப்தத்தின் ஆரம்பத்தில் வடபகுதி மக்களின் விவசாயம் தழைத்தோங்கி வடபகுதியில் உற்பத்தி செய்யப்படும் உருளைக்கிழ ங்கு, மிளகாய், வெங்காயம் போன்றவற்றை தென்னிலங்கைக்கு அனு ப்பி வைத்து, பெருமளவு லாபம் திரட்டி வந்தது போன்ற இன்னு மொரு வளமான எதிர்காலம் இப்போது உதயமாகி வருகிறது.

1970 ஆம் ஆண்டு தசாப்தத்தின் ஆரம்பத்தில் இலங்கைக்கு அப்பிள், திராட்சை போன்றவற்றின் இறக்குமதி முற்றாக தடைசெய்யப்பட்டிரு ந்தது. அன்று, இந்நாட்டு மக்கள் அனைவரும் யாழ்ப்பாணத்திலிரு ந்து அறுவடை செய்த திராட்சைப் பழங்களையே உண்டு மகிழ் ந்தார்கள்.

வடபகுதி மக்களின் வளமான பொருளாதார வளர்ச்சியைப் பார்த்து, பொறாமைப்பட்ட 1977 ஆம் ஆண்டில் ஜே. ஆர். ஜெயவர்தன தலைமையில் பதவிக்கு வந்த ஐக்கிய தேசிய கட்சி அரசாங்கம், வடபகுதியின் பொருளாதாரத்தை சீர்குலைத்து சின்னாபின்னப்படுத் துவதற்காக கட்டுப்பாடற்ற பொருளாதாரக் கொள்கை என்ற போர் வையின் கீழ், இலங்கைக்கு சகல உணவுப் பொருட்களையும் வெளி நாடுகளிலிருந்து இறக்குமதி செய்யும் ஒரு கொடுங்கோல் ஆட் சியை ஏற்படுத்தி, வடபகுதி மக்களை வேதனைக்குட்படுத்தியது.

அவ்விதம், ஐக்கிய தேசிய கட்சியின் அரசாங்கத்தின் கொடுமையினா லும், பயங்கரவாதத்தினால் ஏற்பட்ட துன்பங்களினாலும் துவண்டு போய் இருந்த தமிழ் மக்களுக்கு ஜனாதிபதி மஹிந்த ராஜபக்ஷ அவர்களின் தலைமையிலான இன்றைய அரசாங்கம், பொரு¡ளதார ரீதியிலும் மற்றெல்லா விதத்திலும் ஒரு புதிய யுகத்தை இன்று தோற்றுவித்துள்ளது.

(தினகரன்)