தருஸ்மன் அறிக்கை ஆதாரமின்றி அரசாங்கத்தை கண்டிக்கிறது - மக்கள் கண்டனம்

சர்ச்சைக்குரிய தருஸ்மன் அறிக்கை உலகின் அதிக கொடுமை களை புரிந்த படுமோசமான பயங்கரவாத எல். ரி. ரி. ஈ. இயக் கத்திற்கு வெள்ளை சாயம் பூசி, அதன் குற்றங்களை மூடி மறைக் கக் கூடியவகையில் ஒருதலைப்பட்சமாக தயாரிக்கப்பட்டுள்ளது என்று இந்நாட்டு மக்கள் வேதனையும் ஆத்திரமும் அடைந்துள்ளார்கள். உலகில் மிகவும் அதி உன்னத நிலைக்கு ஒழுக்கத்தை கடைப்பிடிக்கும் பொறுப்பு வாய்ந்த தமிழ் மக்களின் உரிமைகளை வென்றெடுப்ப தற்கான போராளிக்குழு என்று சர்ச்சைக்குரிய தருஸ்மன் அறிக்கை உண்மைக்கு மாறாக எல். ரி. ரி. யை பாராட்ட தவறவில்லை என் பதை இவ்வறிக்கையின் உள்ளடக்கத்தை அவதானமாக பரிசீலனை செய்பவர்களுக்கு தெளிவாக புரிந்துகொள்ள முடியும்.

சர்ச்சைக்குரிய தருஸ்மன் அறிக்கை எல். ரி. ரி. ஈ. பயங்கரவாதிகள் இழைத்த கொடுமைகளை மறைத்து, பூசி மெழுகுவதாக அமைந்துள் ளது. முழு உலகமே கடந்த 30 ஆண்டுகளுக்கும் மேலாக மேற் கொண்ட மனிதாபிமானமற்ற மிலேச்சத்தனமான கொடுமைகளைப் பார்த்து அதிர்ச்சியுடன் பீதியடைந்திருந்த போதிலும் சர்ச்சைக்குரிய தருஸ்மன் அறிக்கை புலிகளின் குற்றச் செயல்களையும், மனித படு கொலைகளையும் வெளிப்படுத்துவதற்கு பதில் எல். ரி. ரி. ஈ. இயக் கத்திற்கு மிகவும் குள்ளத்தனமாக தந்திரமான முறையில் கெளரவ த்தை பெற்றுக் கொடுப்பதற்கு எடுத்த முயற்சியாக அமைந்துள்ளது.

உலகில் கொடுமைகளை புரிந்த மிலேச்சத்தனமான எல். ரி. ரி. ஈ. இயக் கத்தின் குற்றச் செயல்களை மூடி மறைப்பதற்கு சர்ச்சைக்குரிய தரு ஸ்மன் அறிக்கையில் சிறுபிள்ளைத்தனமான முயற்சி ஒன்று மேற் கொள்ளப்பட்டிருப்பதை நாம் அவதானிக்கின்றோம்.

கடந்த பல்லாண்டுகளான எல். ரி. ரி. ஈ. யினர் நடத்திய கொடூரங்கள் பற்றிய ஆதாரபூர்வமான புகைப்படங்களும், ஏனைய ஆவணங்க ளும் இன்று அரசாங்கத்திடம் இருக்கின்றது. இந்தப் புகைப்படங் களை பார்ப்பவர்களுக்கு எல். ரி. ரி. ஈ. யின் ஒழுக்கமின்மை பற்றி நாம் கூடுதலாக கூறுவதற்கு வேறு எதுவுமில்லை.

தமிழ் மக்களின் விடுதலை இயக்கமாக ஆரம்பமாகிய எல். ரி. ரி. ஈ. காலப்போக்கில் மிகவும் ஒழுக்கமான உன்னதமான தேசியவாத தமிழ் போராளி குழுவாக வலுப்பெற்று 1980 ஆம் ஆண்டின் நடுப் பகுதியில் பிரிவினைவாதத்தை மேற்கொள்ளும் ஒரு அமைப்பாக உருவெடுத்தது என்று இந்த சர்ச்சைக்குரிய தருஸ்மன் அறிக்கையில் கூறப்பட்டுள்ளது.

உலகின் முன்மாதிரியான ஒழுக்கத்தைக் கடைப்பிடிப்பதாக தருஸ்மன் அறிக்கையில் போற்றி புகழாரம் சூட்டப்பட்டிருக்கும் எல். ரி. ரி. ஈ புரிந்த கொடுமைகளின் மனித, பொருள் அழிவை, நேற்றைய பத் திரிகைகளில் வெளிவந்த ஆதாரபூர்வமான புகைப்படங்கள் எடுத் துக் காட்டுவதாக அமைந்துள்ளன.

இது பற்றி கருத்து தெரிவித்த ஊடக மற்றும் தகவல் துறை அமைச்சர் கெஹெலிய ரம்புக்வெல, இலங்கை பற்றிய சர்ச்சைக்குரிய தருஸ் மன் அறிக்கை ஏற்கனவே, முற்றாக அழிந்து சமாதி கட்டப்பட்டுள்ள எல். ரி. ரி. ஈ. இயக்கத்திற்கு புத்துயிர் அளிப்பதாக அமைந்திருக்கி றது என்று கண்டனம் தெரிவித்துள்ளார்.

இந்த சர்ச்சைக்குரிய தருஸ்மன் அறிக்கை நேற்று முன்தினம் பகிரங்கப் படுத்தப்பட்டது. இன்றைய நவநாகரீக உலகில் ஒருவர் கூட சர்ச் சைக்குரிய தருஸ்மன் அறிக்கையை ஏற்றுக் கொள்ளமாட்டார் என்று அமைச்சர் மேலும் எடுத்துரைத்தார். சர்வதேச ரீதியில் தடை செய் யப்பட்டுள்ள உலகின் மிகப் பெரிய பயங்கரவாத இயக்கமான எல். ரி. ரி. ஈ.க்கு முழுமையாக ஆதரவு அளிக்கக் கூடிய வகையில் தரு ஸ்மன் அறிக்கை தயாரிக்கப்பட்டுள்ளது என்றும் அமைச்சர் மேலும் சுட்டிக்காட்டினார்.

சர்ச்சைக்குரிய தருஸ்மன் அறிக்கையை தயாரித்தவர்கள் இலங்கை அர சாங்கம் அதுபற்றிய தங்கள் நிலைப்பாட்டை எடுத்துரைக்க வேண் டும் என்று கேட்டுள்ளார்கள். நாம் ஏற்றுக்கொள்ள முடியாத இந்த அறிக்கையை பற்றி எங்கள் கருத்தை நாம் ஏன் வெளியிடுவான் என்று அமைச்சர் கெஹெலிய ரம்புக்வெல மேலும் கேள்வி எழுப் பியுள்ளார்.

இதுபற்றி கருத்து தெரிவித்த மீள்குடியேற்ற பிரதியமைச்சர் விநாயக மூர்த்தி முரளிதரன், மனிதாபிமான முறையில் யுத்தத்தை நடத்தி, இந் நாட்டை பயங்கரவாதிகளின் கோரப் பிடியிலிருந்து மீட்டெடுத்து, மக் களுக்கு பரிபூரண சுதந்திரத்தை மீண்டும் அனுபவிக்கும் உரிமைக்கு உத்தரவாதம் அளித்த ஜனாதிபதி மஹிந்த ராஜபக்ஷ அவர்கள், யுத்தம் முடிவுற்ற பின்னர் வடமாகாண அபிவிருத்திக்காக 380 கோடி ரூபாவை செலவிட்டுள்ளார் என்று, ஞாபகப்படுத்தி, அத்தகைய ஒரு நல்ல மனிதருக்கு எதிராக சர்ச்சைக்குரிய தருஸ்மன் அறிக்கையில் ஆதாரமற்ற குற்றச்சாட்டுக்களை சுமத்தியிருப்பதை இந்நாட்டு மக்கள் அனைவரும் ஏகமனதாக கண்டிருக்கிறார்கள் என்றும் பிரதி யமைச்சர் விநாயகமூர்த்தி முரளிதரன் தெரிவித்துள்ளார்.

சர்ச்சைக்குரிய தருஸ்மன் அறிக்கை, எவ்வித ஆதாரமுமற்ற வெறும் குற்றச்சாட்டாகும். இது இலங்கையின் நற்பெயருக்கு களங்கம் ஏற் படுத்த முயற்சிக்கிறது என்றும் அவர் மேலும் தெரிவித்துள்ளார்.

பொதுமக்களுக்கு உயிராபத்தையோ வேறு விதமான அசெளகரியங்க ளையோ ஏற்படுத்தாத வகையில் ஜனாதிபதி மஹிந்த ராஜபக்ஷ அவர்களின், நெறியான ஆளுமையின் கீழ், இலங்கையை பயங் கரவாதிகளின் பிடியிலிருந்து விடுவிக்கும் யுத்தத்தை வெற்றிகரமாக நடத்தி முடித்து நாட்டில் சமாதானத்தையும், அமைதியையும் இன ஐக்கியத்தையும் ஏற்படுத்தியிருக்கிறார் என்றும் பிரதியமைச்சர் விநா யகமூர்த்தி முரளிதரன் மேலும் தெரிவித்துள்ளார்.

(தினகரன்)