யாழ்ப்பாணத்தில் மேதினக் கூட்டத்தை நடத்துவது தமிழ் தேசியக் கூட்டமைப்புக்கு பாதகமாக அமையும்

தமிழ் மக்களுக்கு துரோகம் இழைத்து அவர்களின் வாழ்க்கையை சின்னாபின்னப் படுத்தக்கூடிய வகையில் 1983ம் ஆண்டு ஜூலை இனக்கலவரம், யாழ் நூலகத்தை எரித்து சாம்பலாக்கியமை போன்ற அநியாயங்களை தமிழ் மக்களுக்கு இழைத்த ஐக்கிய தேசியக் கட்சியும், ஜே.வி.பி.யினரும் ஆடைகளை அணிந்து கொண்டா இன்று யாழ்ப்பாணத்திற்கு சென்று தங்கள் பிரசாரங்களை மேற்கொள்ள எத்தனிக்கிறார்கள் என்று தமிழ் புத்திஜீவிகளும், சாதாரண மக்க ளும் இவ்விரு கட்சிகளையும் பார்த்து ஏளனம் செய்யக்கூடிய அள விற்கு இக்கட்சிகள் இன்று அவமானச் சின்னங்களாக மாறியிருக் கின்றன.

1983ம் ஆண்டின் இனக்கலவரத்திற்கு பின்னர் தமிழ் பாராளுமன்ற உறுப்பினர்கள் இலங்கையின் அரசியல் சாசனத்திற்கு விசுவாசமாக இருப்போம் என்று பாராளுமன்றத்தில் பிரதிக்ஞை எடுக்க வேண்டு மென்றும் அதை செய்யத் தவறினால் அவர்கள் பாராளுமன்ற அங்கத்துவத்தை இழப்பார்கள் என்று சர்வாதிகார போக்கில் தன்னு டைய பாராளுமன்றத்தின் பெரும்பான்மை பலத்தை பயன்படுத்தி தமிழ் மக்களை கொடுமைப்படுத்தி வந்த ஜனாதிபதி ஜே.ஆர்.

ஜெயவர்தனவின் ஜக்கிய தேசிய அரசாங்கத்தைச் சேர்ந்தவர்கள் இன்று தங்களுக்கு தமிழ் மக்களின் உதவி இல்லாவிட்டால் தாங்கள் அரசியல் குப்பைக் கூடையில் தூக்கியெறியப்படுவோம் என்ற உண்மையை உணர்ந்து தமிழ் மக்களின் ஆபத்பாந்த வர்களாகவும், நண்பர்களாகவும் போலி நாடகமாடுகிறார்கள்.

ஐக்கிய தேசியக்கட்சி இந்தத் தடவை மேதினக் கூட்டத்தை யாழ்ப் பாணத்தில் நடத்துவது தமிழ் மக்கள் மீது அவர்களுக்கு ஏற்பட்டி ருக்கும் திடீர் மோகமோ, கருணையோ காரணம் அல்ல. அதற்கான பின்னணி காரணம் ஒன்று இருக்கின்றது. மே மாதம் முதலாம் திகதியன்று ரணில் விக்கிரமசிங்க, கொழும்பு மாநகரில் இந்தத் தடவை இருக்கவிரும்பவில்லை. அன்றைய தினம் முன்னாள் ஜனாதிபதி ஆர். பிரேமதாஸவின் சிரார்த்த தினமாகும்.

கொழும்பில் இருந்தால் அந்த நிகழ்வில் தான் கட்டாயம் பங்கு கொள்ள வேண்டியிருக்குமென்றும் அதன் மூலம் தமக்கும் ஜனாதி பதி பிரேதாஸவின் மகன் சஜித் பிரேமதாஸவிற்கும் இடையில் நட்பு ஏற்படுவதை தவிர்த்துக் கொள்ள வேண்டுமென்ற ஒரே காரணத்திற்காகவே ரணில் விக்கிரமசிங்க இந்தத் தடவை ஐக்கிய தேசியக் கட்சியின் மே தின கூட்டத்தை கொழும்பில் நடத்து வதை தவிர்த்துக் கொள்ளும் முகமாக யாழ்ப்பாணத்தில் நடத்து வதற்கு தீர்மானித்துள்ளதாக அறிவிக்கப்படுகிறது.

அரசாங்கம் வடபகுதியில் யுத்தத்தில் ஈடுபட்டுக் கொண்டிருந்த போது இது ஒரு முடிவடையும் யுத்தமல்ல என்று அரசாங்கத்தைப் பார் த்து ஏளனம் செய்த ஐக்கிய தேசியக் கட்சிக்கு இன்று யாழ்ப் பாணத்தில் சென்று மே தினக் கூட்டத்தை நடத்துவதற்கு என்ன அருகதை இருக்கிறது.

ஒரு காலத்தில் எல்.ரி.ரி.ஈ. இயக்கத்தின் அடிவருடிகளைப் போன்றும் அவ்வியக்கம் பிறப்பிக்கும் கட்டளைக்கு ஆடும் பொம்மைகளைப் போன்றும் இருந்துவந்த தமிழ்த் தேசிய கூட்டமைப்புடன் இந்தத் தடவை மே தினக் கூட்டத்தை ஐக்கிய தேசியக் கட்சியினர் இணைந்து நடத்துவதற்கு எடுத்திருக்கும் முடிவு எல்.ரி.ரி.ஈ. தலை வர் பிரபாகரனின் தோல்வியடைந்த பிரிவினைவாத கொள்கையை மறைமுகமாக ஆதரிக்கும் ஒரு செயற்பாடாகவே அரசியல் அவதானிகள் பார்க்கிறார்கள்.

குடும்பி மலை என்ற தொப்பிகலையில் உள்ள எல்.ரி.ரி.ஈ.யின் கிழக்கு மாகாணத்தின் பிரதான முகாமை அரசாங்கப் படைகள் கைப்பற்றி யதைப் பார்த்து தொப்பிகல ஒரு காட்டுப் பிரதேசம் என்று ஏளனம் செய்த ரணில் விக்கிரமசிங்கவிற்கு யாழ்ப்பாணத்தில் சென்று மே தினக் கூட்டத்தை நடத்துவதற்கு ஏதோ ஒரு குள்ளத்தனமான நோக்கம் இருக்கும் என்று அரசியல் அவதானிகள் கூறுகிறார்கள்.

ஐக்கிய தேசியக் கட்சியுடன் தமிழ் தேசியக் கூட்டமைப்பு சேர்ந்து விட்டது என்ற போலிப் பிரசாரத்தை தமிழ் பிரதேசங்களில் முடுக்கி விடுவதன் மூலம் தமிழ்த் தேசிய கூட்டமைப்பிற்கு தமிழ் மக்கள் மத்தியில் உள்ள ஆதரவை இழக்கச் செய்து, அந்த ஆதரவை ஐக்கிய தேசிய கட்சி அடைய வேண்டும் என்பதே ரணில் விக்கிர மசிங்கவின் எண்ணமாக இருக்குமென்றும் ஒரு சமூகவியலாளர் தெரிவித்தார்.

தென்னிலங்கையில் எந்தவொரு இடத்திலாவது ஐக்கிய தேசியக்கட்சி யின் தலைவர் ரணில் விக்கிரமசிங்க தலைமையில் மே தினக்கூட் டத்தை நடத்தினால் அந்தக் கூட்டத்தில் குழப்பங்களை விளை விப்பதற்கு அக்கட்சியின் அதிருப்தியாளர்கள் முயற்சிகளை மேற் கொள்ளலாம் என்ற அச்சம் ரணில் விக்கிரமசிங்கவிற்கும் கட்சி யிலுள்ள அவரது கையாட்களுக்கும் இருக்கின்ற காரணத்தினால் தான் யாழ்ப்பாணம் என்ற தங்களுக்கு பாதுகாப்பான ஒரு பொது இடத்தை மேதினக் கூட்டத்திற்காக ரணில் விக்கிரமசிங்கவும் அவரது ஆதரவாளர்களும் தெரிவு செய்திருப்பதாக அறிவிக்கப்படுகிறது.

ரணில் விக்கிரமசிங்கவும் அவரது கட்சியும் சமீபத்தில் இலங்கைக்கு வந்திருந்த இந்திய பாராளுமன்ற தூதுக்குழுவினர் எவ்விதம் தாங் கள் பல்வேறு அரசியல் கட்சிகளை சேர்ந்தவர்களாக இருந்தாலும் இந்தியர்கள் என்ற முறையில் தேசப் பற்றுடன் நாட்டுக்காக குரல் கொடுத்ததை ஒரு முன்மாதிரியாக வைத்து இனிமேலாவது தேசப் பற்றுடன் நடப்பது அவர்களின் கட்சிக்கும் ரணில் விக்கிரமசிங்க விற்கும் நன்மையை ஏற்படுத்தும்.

அரசாங்கத்தை உள்ளூரில் எதிர்த்தாலும் வெளிநாட்டில் இலங்கைக்கு துரோகம் இழைக்காத கொள்கையை ஐக்கிய தேசியக்கட்சியும் தமிழ் தேசிய கூட்டமைப்பும் ஏனைய எதிர்க்கட்சிகளும் கடைப்பிடித் தால் நிச்சயம் எங்கள் நாட்டின் இனப்பிரச்சினைக்கு எல்லோரும் ஏற்றுக் கொள்ளக்கூடிய ஒரு சுமுகத்தீர்வை காண முடியுமென்று நாம் நம்பிக்கை வைத்துள்ளோம்.

(தினகரன்)