தமிழ் தேசியக் கூட்டமைப்பினர் பாராளுமன்ற தெரிவுக்குழு கூட்டத்தில் கலந்து கொள்வது அவசியம்

இனப்பிரச்சினைக்கு அரசியல் தீர்வு காண்பதற்கான பேச்சுவார்த் தைகள் ஸ்தம்பிதம் அடைந்திருப்பதற்கான முழுப் பொறுப் பையும் தமிழ் தேசியக் கூட்டமைப்பே ஏற்றுக் கொள்ள வேண்டும் என்று ஜனாதிபதி மஹிந்த ராஜபக்ஷ ஒரு பத்திரி கைக்கு அளித்த பேட்டியில் குறிப்பிட்டிருக்கிறார். பேச்சு வார்த்தைகளுக்கு அலரி மாளிகையின் கதவுகள் எப்போதும் திறந்தே இருக்கின்றன. இதனை கவனத்திற்கு எடுத்துக் கொள் ளாமல் தமிழ் தேசியக் கூட்டமைப்பினர் வீணாக அரசைக் குற்றம் சாட்டுவது அர்த்தம் அற்றது என்றும் ஜனாதிபதி தெரிவித்துள்ளார். கடந்த வாரம் திரு. எஸ். ஜே. வி. செல்வநாயகம் அவர்களின் நினைவு தின நிகழ்வில் உரையாற்றிய தமிழ் தேசியக் கூட்டமைப்பின் தலைவரும், திருகோணமலை மாவட்டத்தின் நாடாளுமன்ற உறுப்பினருமான இரா. சம்பந்தன் தீர்வுப் பேச்சுக்கள் ஸ்தம்பிதம் அடைந்துள்ளமைக்கான முழுப் பொறுப்பையும் அரசாங்கமே ஏற்க வேண்டும் என்று குற்றஞ்சாட்டியிருந்தார்.

திரு. சம்பந்தனின் இந்தக் குற்றச்சாட்டுக்கு பதிலளிக்கும் வகையில் கருத்துத் தெரிவித்த ஜனாதிபதி, இனப்பிரச்சினைக்கான தீர்வுப் பேச்சுக்கள் தொடர்பாக அரசைக் குற்றஞ்சாட்டுவது அநீதியானது என்றும் நாடாளுமன்ற தெரிவுக்குழுவுக்கு வராமல் இழுத்தடிப்புச் செய்து கொண்டு திரு. சம்பந்தன் பொது இடங்களில் இவ்விதம் குற்றஞ்சாட்டுவது நியாயமானதல்ல என்று தெரிவித்துள்ளார்.

பாராளுமன்ற தெரிவுக் குழு என்பது எல்லோரினதும் நம்பிக்கைக் குரியது. இதனைப் புரிந்து அனைத்து அரசியல் கட்சிகளைச் சேர்ந்த அங்கத்தவர்களும் நடந்து கொள்வது அவசியமாகும். இனப் பிரச்சினைக்கு தீர்வு காண்பதற்கான பாராளுமன்ற தெரிவு க்குழு என்பது ஜனாதிபதி மஹிந்த ராஜபக்ஷவின் பிரத்தியேக சொத்தல்ல. அது குறித்து தமிழ் தேசியக் கூட்டமைப்பினர் பயப் படுவதற்கான அவசியம் இல்லை என்றும் ஜனாதிபதி கூறியுள்ளார்.

எமது கதவுகள் என்றும் பேச்சுவார்த்தைகளுக்கு திறந்து இருக்கின்றன. பாராளுமன்ற தெரிவுக்குழுவுக்கு வருவதன் மூலம் ஸ்தம்பித்துள்ள பேச்சுவார்த்தைகளை மீண்டும் ஆரம்பிக்க தமிழ் தேசிய கூட்டமைப்பு முன்வரவேண்டும். அவ்விதம் செய்யாமல் காலம் கடத்தி நேரத்தை வீணாக்கி அரசாங்கத்தின் மீது வீண் குற்றச்சாட்டுக்களை சுமத்துவதை நாம் ஏற்றுக் கொள்ள முடியாது என்றும் ஜனாதிபதி கூறியுள்ளார்.

தமிழ் தேசியக் கூட்டமைப்பின் தலைவர் இந்த யதார்த்தத்தைப் பற்றி சிந்திக்க வேண்டும். கூட்டமைப்பின் பாராளுமன்ற உறுப்பினர்கள் பாராளுமன்ற தெரிவுக்குழுவிற்கு காலை வந்தால் கூட பேச்சு வார்த்தைகளை நடத்த அரசாங்கம் தயாராக இருக்கிறது.

தமிழ் தேசியக் கூட்டமைப்பினர் எதற்கும் எதிர்ப்புத் தெரிவிக்கும் தங்கள் போக்கை மாற்றிக் கொள்வது அவசியம். யதார்த்தமாக அவர்கள் சிந்தித்து செயற்பட்டால் எந்தவொரு பிரச்சினைக்கும் இலகுவில் சுமூகத் தீர்வொன்றை ஏற்படுத்த முடியும்.

உதாரணமாக கிளிநொச்சி பிரதேசத்தைச் சேர்ந்த 100 இளம் தமிழ் பெண்களை இராணுவத்தினர் சமீபத்தில் இராணுவ வீராங்கனை களாக சேர்த்துக் கொண்டார்கள். அவர்கள் ஒரு சிரேஷ்ட ஊடகவியலாளருக்கு அளித்த பேட்டியில் நாம் யுத்தத்தின் போதும் யுத்தத்திற்கு முன்னரும் பல்வேறு துன்பங்களை அனுபவித்து இருக்கிறோம் என்று தெரிவித்தனர்,

அன்று நீங்கள் கிளிநொச்சிப் பிரதேசத்தில் நிம்மதியாக வாழ முடிந் ததா? என்று அந்த ஊடகவியலாளர் கேட்ட கேள்விக்கு பதில் அளித்த அவர்கள், எமக்கு சராசரி வயது 20 முதல் 25 ஆகும். நாம் கிளிநொச்சி மாவட்டத்திலேயே பிறந்து பெற்றோருடன் வாழ்ந்து கொண்டிருக்கிறோம்.

எமக்கு நினைவு இருக்கும் காலம் வரையில் நாம் யுத்தத்தினால் பல்வேறு துன்பங்களை அனுபவித்துள்ளோம். எத்தனையோ சந்தர்ப்பங்களில் எங்கள் வீடுகளை விட்டு வெளியேறி காடுகளில் மறைந்து வாழ்ந்து கொண்டிருந்தது எமக்கு நினைவு இருக்கிறது.

எல்.ரி.ரி.ஈ யினால் நாங்களும் எமது பெற்றோரும் பல்வேறு துன்பங்களை அனுபவித்தோம். எமது இரத்த உறவுகளை அவர்கள் பலவந்தமாக தங்கள் அணியில் சேர்த்துக் கொண்டு அவர்களை யுத்தமுனைக்கு அனுப்பினார்கள். அவர்களில் பெரும்பாலானோர் உயிருடன் எங்கள் கிராமங்களுக்கு திரும்பவே இல்லை.

இதனால் நாம் வெளிப்படையாக எதிர்ப்பு தெரிவிக்கா விட்டாலும் எல்.ரி.ரி.ஈ யை மனதார வெறுத்தோம். எல்.ரி.ரி.ஈ யுத்தத்தில் தோல்வியடைந்தவுடன் அவர்கள் அதிகாரத்தில் இருந்த போது எல்.ரி.ரி.ஈ க்கு அடங்கி நடந்த தமிழ் தேசியக் கூட்டமைப்பினர் தமிழ் மக்களின் பிரச்சினைகளை எல்.ரி.ரி.ஈ யின் அச்சம் இன்றி தீர்த்து வைக்கக் கூடிய சூழ்நிலை ஏற்பட்டதென்று நாம் பெரு மகிழ்ச்சி அடைந்தோம்.

ஆனால் எங்கள் எதிர்பார்ப்புக்களுக்கு மாறாக தமிழ் தேசியக் கூட்ட மைப்பினர் அரசாங்கத்துடன் முரண்பாடுடனான போக்கை கடைப் பிடித்து தமிழர் பிரச்சினையை தீர்த்து வைக்காமல் இருப்பது குறித்து நாம் வேதனைப் பட்டு அவர்களுக்கான ஆதரவை நிறுத் திக் கொண்டு இப்போது இராணுவத்தில் சேர்ந்து நிம்மதியாக வாழ்ந்து கொண்டிருக்கிறோம் என்று இந்த தமிழ் இராணுவ வீராங் கனைகள் தெரிவித்தார்கள்.

இதே நிலையிலேயே வட பகுதியில் உள்ள பொது மக்கள் அனைவரும் இருக்கிறார்கள். அவர்களுக்கு பிரச்சினைக்கு சுமுகத் தீர்வு ஏற்படுத்துவதில் அதிக ஆர்வம் இருக்கிறது. அவர்கள் யுத்த த்தை வெறுக்கிறார்கள். அவர்கள் சமாதானத்தையும் அமைதியான வாழ்க்கையும் விரும்புகிறார்கள்.

இந்த யதார்த்தத்தை உணர்ந்து தமிழ் தேசியக் கூட்டமைப்பினர் உடன டியாக தங்கள் போக்கை மாற்றி அரசாங்கத்துடன் நல்லிணக்க ப்பாட்டை ஏற்படுத்தி பாராளுமன்ற தெரிவுக் குழு கூட்டத்தில் கலந்து கொள்வது அவசியம் ஆகும்.

(தினகரன்)