யாழ். நகரில் புலிகளால் சேதமாக்கப்பட்ட அறிஞர் அஸீஸின் வீட்டை முதலமைச்சர் விக்னேஸ்வரன் கட்டிக்கொடுக்க வேண்டும்

வட மாகாண முதலமைச்சர் சீ. வீ. விக்னேஸ்வரன் யாழ்ப்பாணத் தில் பிறந்த மாபெரும் தமிழ் அறிஞரும், கல்விமானுமான மர்ஹம் ஏ. எம். ஏ. அசீஸின் வீட்டை மீண்டும் கட்டிக் கொடுப்பாரானால், அவர் முஸ்லிம் சமூகத்துக்குப் புரிந்த மாபெரும் சேவையாக அது அமையும். புலிப் பயங்கரவாதிகளால் யாழ்ப்பாணம் சோனகத் தெருவிலுள்ள அவரின் வீடு தரை மட்டமாக்கப்பட்டது. ஜெனீவாவுக்கு மனித உரிமை மீறல் தொடர்பாக ஆணைக்குழு நியமிக்க மனு அனுப்புவதற்குப் பதிலாக, செனட்டர் அசீஸ் மீதான மனித உரிமை மீறல், புலிகளால் யாழ்ப்பாணத்திலி ருந்து விரட்டியடிக்கப்பட்ட 75,000 மக்கள் மீதான உரிமை மீறல் தொடர்பாக விசாரணை நடத்த முதலமைச்சர் முதலில் நடவடிக்கை எடுக்க வேண்டும்.

தகவல் ஊடக அமைச்சின் மேற்பார்வை எம். பியும், அரசியல் சாசனப் பேரவை உறுப்பினருமான ஏ. எச். எம். அஸ்வர் எம். பி. இவ்வாறு தெரிவித்துள்ளார். முதலமைச்சர் விக்னேஸ்வரன் முன்னாள் நீதியரசர் மட்டுமல்ல. நன்கு பிரபல்யமான தமிழ் அறிஞரும் ஆவார். எனவே, அவர் அதனை ஒரு கடமையாகக் கருத வேண்டும் என்றும் அஸ்வர் எம். பி. கூறியுள்ளா¡ர். சுயாதீனத் தொலைக்காட்சியில் சன்ஜீவ விஜேமானவினால் ‘ஏழாவது மணித்தியாலயம்’ என்று நடத்தப்பட்ட நிகழ்ச்சியில் செவ்வி காணப்பட்ட அஸ்வர் எம். பி. இவற்றைத் தெரிவித்தார்.

சோனகர் தெருவிலுள்ள கதீஜா மகளிர் கல்லூரியும் சேதமாக்கப்பட்டது. ஒஸ்மானியா கல்லூரியும் முழுமையாகச் சேதமாக்கப்பட்டது, யாழ்ப்பாண முதல் மேயர் காதி எம். எம். சுல்தான். உயர்நீதிமன்ற நீதியரசர் எம். எம். அப்துல் காதர், பிரபல நாவல் எழுத்தாளர் ஸபைர் இளங்கீரன் ஆகியோரின் வசிப்பிடங்களும் புலிப்பயங்கரவாதிகளால் தாக்கப்பட்டன. தாம் செய்யாத குற்றங்களுக்காக யாழ்ப்பாணம் மற்றும் கிழக்கு மாகாண முஸ்லிம்கள் மூன்று தசாப்தங்களாக துயரடைந்தனர்.

முஸ்லிம் ஐக்கிய முன்னணியை உருவாக்கிய மர்ஹும் எம். எச். எம். அஷ்ரப் மறைந்த அ. அமிர்தலிங்கத்துடன் கைகோர்த்து மக்களுக்காக சேவையாற்றும் நோக்குடன் செயற்பட்டார். வடக்கையும், கிழக்கையும் இணைக்க பயங்கரவாதிகள் பலவந்தப்படுத்திய போது அக்கோரிக்கைக்கு அவர் மறுப்புத் தெரிவித்தார். அவரின் உயிருக்கு அச்சுறுத்தல் ஏற்பட்ட போது நோயுற்ற தமது தாயாரையும் கல்முனை மருதமுனையில் விட்டுவிட்டு அவர் உடுத்த ஆடைகளுடன் ரயிலில் ஏறி கொழும்பு வந்தார். முஸ்லிம் காங்கிரஸ் உறுப்பினர்கள் இதனை நினைவிற் கொள்ள வேண்டும்.

விக்னேஸ்வரனும். புலம்பெயர் அமைப்பும் (டயஸ் போரா) மேற்கொள்ளும் இணைப்பு விவகாரத்தில், சதியில் பங்குதாரர்களாகக் கூடாது. கேட்முதலியார் எம். எஸ். காரியப்பர், முதலியார் எம். இப்றாஹீம் லெப்பே, முதலியார் ஏ. சின்னலெப்பே, ஏ. ஆர். ஏ எம். ஆபூபக்கர் போன்றோர் கிழக்கில் தமது தொகுதிகளில் வெற்றியீட்டி கொழும்பிலுள்ள சிங்களத் தலைமைகளுடன் இணைத்து தமது மக்களுக்குச் சேவையாற்றினர்.

மாத்தறையில் பிறந்த கலாநிதி அல்ஹாஜ் பதியூதீன் மஹ்மூத் மற்றும் தலைவர்களான எச். எஸ். இஸ்மாயீல். நெய்னா மரிக்கார் (புத்தளம்) போன்றோ ரும் கொழும்புத் தலைமைக ளுடன் மிகவும் நட்புறவாகச் செயற்பட்டு முஸ்லிம் சமூகத்துக்கான மகத்தான சேவைகளைப் புரிந்தனர்.

வடக்கிலும். கிழக்கிலும் இருந்து புலிகளால் ஈவிரக்கம் இன்றி முஸ்லிம்கள் விரட்டப் பட்ட வேளையில் அனுராத புரம். பொலன்னறுவை போன்ற பகுதிகளில் சிங்கள சமூகத்தவர் களே அவர்களுக்குப் புகலிடம் கொடுத்தனர்.

நான் முஸ்லிம் மத, கலாசார, விவகார ராஜாங்க அமைச்ச ராக இருந்த போது என்னாலும் பெரும் பணியாற்ற முடிந்தது.

யாழ்ப்பாணம், மன்னார் முல்லைத்தீவு பகுதி மக்களில் பெருந் தொகையினரை புத்தளம் மாவட்டத்தில் என்னால் குடியேற்ற முடிந்தது.

அவைஎல்லாம் யதார்த்த உண்மைகள்.

அதனை முஸ்லிம் சமூகம் மறந்துவிடலாகாது என்றும் அஸ்வர் எம். பி. வலியுறுத்திக் கூறினார்.