புத்தாண்டில் மதுபோதையில் ஏற்பட்ட விபத்துக்களால் 38 பேர் உயிரிழப்பு

தமிழ், சிங்கள சித்திரைப் புத்தாண்டு பெரும்பாலான மக்களால் மகிழ்ச்சியாக கொண்டாடப்பட்ட போதிலும் மதுபோதை என்ற கொடிய அரக்கனின் தலையீட்டினால், நாட்டில் வன்முறைக ளும் வீதி விபத்துக்களும் இடம்பெற்றதனால் சில குடும்பங்க ளைச் சேர்ந்தவர்களின் நிம்மதியான புத்தாண்டு கொண்டாட்டங் களை சீர்குலைத்து விட்டது என்ற துக்ககரமான செய்தியையும் நாம் மறைத்து வைப்பது நல்லதல்ல.ஏப்ரல் 10ம் திகதி முதல் 15 வரை 5 நாட்களில் இலங்கையில் 417 வன்முறைச் சம்பவங்களும் வீதி விபத்துக்களும் இடம்பெற்றன. நாடெங்கிலும் ஏற்பட்ட 34 வீதி விபத்துக்களில் 38 பேர் இந்த 5 நாட்களில் மரணித்தார்கள். மது போதையில் வாகனங்களை செலுத்தியவர்களே இந்த பண்டிகைக் காலத்தின் போது நீதி தேவதையின் முன் நிறுத்தப்பட்டு தண்டனைக்கு உள்ளானார்கள்.

மது போதையில் வாகனங்களை செலுத்தியதாக 877 பேர் கைது செய்யப்பட்டு இப்போது நீதிமன்ற விசாரணைக்கு உட்படுத்தப் பட்டுள்ளார்கள். இவர்களில் 8 பேர் பஸ் சாரதிகள். 473 பேர் மோட்டார் சைக்கிள் ஓட்டிகள். 308 முச்சக்கர வண்டி சாரதிகள். இவர்களைவிட வாகனங்களுடன் தொடர்புடைய மேலும் 88 பேர் மதுபோதையில் வாகனங்களை ஓட்டிய குற்றச்சாட்டின் பேரில் கைது செய்யப்பட்டுள்ளார்கள்.

புத்தாண்டு காலத்தில் மக்கள் தங்கள் உற்றார், உறவினர், சுற்றத்தாரு டன் தங்கள் சொந்தக் கிராமங்களில் அல்லது வசிப்பிடங்களில் புத்தாண்டு கொண்டாட்டங்களில் மகிழ்ச்சியோடு ஈடுபடுவார்கள். இந்தத் தடவை புத்தாண்டு விளையாட்டுகளின் போது ஒருசிலர் மாத்திரமே காயங்களுக்குட்பட்டனர்.

அதுபோன்று பட்டாசு வெடிக்கும் போது தீக்காயங்களுக்கு இல க்கானோரின் எண்ணிக்கை இவ்வாண்டு குறைந்துள்ளது. ஒவ் வொரு புத்தாண்டு காலத்திலும் இடம்பெறுவதைப் போன்று மது போதைக்கு அடிமையாகும் கொடிய பழக்கத்தினால் தான் இந்தத் தடவை புத்தாண்டில் பல குடும்பங்களுக்கு கண்ணீர் விட்டு அழுது புலம்பும் மரண வீடுகளில் புத்தாண்டை கழிக்க வேண்டிய வேதனைக்குரிய நிலை ஏற்பட்டிருக்கிறது.

ஏப்ரல் 13,14ம் திகதிகளில் மாத்திரம் கலால் திணைக்களம் மது சாலைகளை மூடி மது விற்பனையை தடை செய்த போதிலும் அது புத்தாண்டு கொண்டாட்டங்களில் மது அருந்துவோருக்கு எத்தகைய தாக்கத்தையும் ஏற்படுத்தவில்லை என்றே நாம் கூற வேண்டும். ஏப்ரல் 10ம் திகதி முதல் மது அருந்தும் பழக்கத்தை உடையவர்கள் தாங்கள் பொதுவாக எடுக்கும் தொகையை விட கூடுதலான அளவு மது போத்தல்களை வாங்கி புத்தாண்டு கொண்டாட்டங்களுக்கு அவற்றை கையிருப்பில் வைத்திருந்த காரணத்தினாலும் பல விபத்துக்களும் வன்முறைகளும் ஏற்படுவ தற்கு வழிவகுத்திருக்கலாம்.

இவற்றைவிட புத்தாண்டு காலத்தில் சட்டபூர்வமான மது போத்தல்க ளுக்கு தட்டுப்பாடு ஏற்படும் என்பதை தெரிந்து வைத்திருக்கும் சில சமூக விரோதிகள் கள்ளச்சாராயத்தை வடித்து குறுகிய கால த்தில் கொள்ளை இலாபம் திரட்டுவதற்கு எடுக்கும் முயற்சிகளும் இத்தகைய வன்முறைகளுக்கு அடித்தளமாக அமைகின்றன.

மது போதையில் வாகனங்களை ஓட்டிச் செல்பவர்களை வாகனப் போக்குவரத்து பொலிஸார் நீதிமன்றத்தில் நிறுத்தி அவர்களுக்கு கடுமையான தண்டனைகளைப் பெற்றுக் கொடுப்பதன் மூலம் பண்டிகைக்கால விபத்து மரணங்களையும் கலவரங்களினால் ஏற் படும் உயிர் அழிவுகளையும் கட்டுப்படுத்தலாம் என்று நாம் நினைக்கிறோம்.

பொதுவாக நீதிமன்றங்களில் போதையில் வாகனங்களை ஓட்டு பவர்களுக்கு அபராதங்கள் அல்லது ஓரிரு வாரங்களுக்கு வாகன ங்களை ஓட்டுவதற்கான அனுமதிப்பத்திரத்தை இடைநிறுத்தி வைத்தல் மூலம் தண்டிப்பதுண்டு. இந்தத் தண்டனையை வாகன ஓட்டிகள் பொருட்படுத்தாத காரணத்தினால் தான் வருடா வருடம் பண்டிகைக் காலத்தில் மது போதையில் வாகனங்களை ஓட்டுவோரின் எண்ணிக்கை அதிகரிக்கின்றது.

மதுபோதையில் வாகனங்களை ஓட்டுவோரின் எண்ணிக்கைக்கு முற்றுப்புள்ளி வைக்க வேண்டுமாயின் பொலிஸார் தயவு தாட்சண்யம் காட்டாமல் அரசியல் மற்றும் அதிகார செல்வாக்கு களுக்கு தலைகுனியாமல் கடமை உணர்வுடன் இத்தகைய குற்றங்களை இழைக்கும் சாரதிகளின் வாகனம் ஓட்டும் அனுமதி ப்பத்திரங்களை வாழ்நாள் பூராவும் இரத்து செய்வதற்கு நீதி மன்றங்களின் துணையுடன் நடவடிக்கை எடுப்பது அவசியமா கும்.

இதன் மூலமே எங்கள் நாட்டில் வீதி விபத்துக்களை கணிசமான அளவு குறைக்க முடியும். ஒரு நாட்டில் மேம்பாலங்கள், அதி வேக நெடுஞ்சாலைகள், நெடுஞ்சாலைகள் நிர்மாணிக்கப்படும் போது, வீதிகள் வசதியாக இருப்பதனால் வாகன ஓட்டிகள் வேக மாக வாகனங்களை ஓட்டிச் செல்வதுண்டு. அவர்கள் குறிப்பிட்ட வேகத்தை கடந்து வேகமாக ஓட்டினாலும் அவர்களுக்கு எதிராகவும் சட்ட நடவடிக்கை எடுப்பது அவசியம்.

வீதி விபத்துக்கள் ஏற்படும் போது நாம் பஸ் சாரதிகள் மீதே குற்றம் சுமத்துவதுண்டு. இந்தத் தடவை 8 பஸ் சாரதிகள் மாத்திரமே மதுபோதையில் வாகனத்தை செலுத்திய குற்றம் தொடர் பாக கைதாகியுள்ளார்கள். இது பொது போக்குவரத்துகளில் செல்லும் பொது மக்களுக்கு மகிழ்ச்சியூட்டும் செய்தியாக அமைந்துள்ளது.

(தினகரன்)