விமர்சன அரசியல் பிரச்சினையைத் தீர்க்காது

புலிகளுக்கு எதிரான இராணுவ நடவடிக்கை வெற் றிகரமாக முடிவடைந்த நிலையில் தமிழ் அரசி யல் தலைவர்களுக்கு முன்னாலுள்ள பொறுப்பு முக் கியமானது. இராணுவ நடவடிக்கையினால் மாத்திரமன் றிப் புலிகளின் மூன்று தசாப்த கால செயற்பாடுகளினா லும் நாட்டு மக்களில் பெரும்பாலானோர் பாதிப்புக்கு உள்ளாகினர். தமிழ் பேசும் மக்களே இவர்களில் கூடுத லான பாதிப்புக்கு உள்ளாகியவர்கள். தமிழ் பேசும் மக்களின் வாழ்வு சுமுக நிலைக்குத் திரும்பு வதில் இரண்டு விடயங்கள் முக்கியத்துவம் பெறுகின் றன. ஒன்று மீள்குடியேற்றம். மற்றது அதி உயர் பாது காப்பு வலயங்கள் அகற்றப்படுவது. இரண்டும் ஒரு நாளிலோ அல்லது ஓரிரு மாதங்களிலோ முழுமையாகச் செய்து முடிக்க முடியாதவை.

வகைதொகையின்றிப் புதைக்கப் பட்டிருக்கும் கண்ணிவெடிகளை அகற்றுவதும், அத்தியாவசிய உட்கட்டமைப்பு வசதிகளை ஏற்படுத்திக் கொடுப்பதும் மீள்குடியேற்றத்துக்கான முன்தேவைகள். இரா ணுவ நடவடிக்கையின் முடிவுடன் அதிஉயர் பாதுகாப்பு வலயங்களுக்கான தேவை முழுமையாக இல்லாமற் போய்விடவில்லை. பயங்கரவாதத்தின் எச்சசொச்சங்கள் இன்றும் இருப்பதை உணர முடிகின்றது. படிப்படியாக அதிஉயர் பாதுகாப்பு வலயங்களை அகற்றுவது சாத்தியமாகும். பதினைந்து வருடங்களாக அதிஉயர் பாதுகாப்பு வலயமாக இருந்த குருநகர் றெக்கிளமேஷன் பகுதியில் மக்கள் குடியேறுவதற்கு நேற்று முன்தினம் அனுமதிக்கப்பட்டுள்ளது. தடை செய்யப்பட்டிருந்த புதிய கடற்கரை வீதியும் போக்குவரத்துக்காகத் திறந்துவிடப்பட்டது. றெக்கிளமேஷன் பிரதேச மக்கள் இப்போது தங்கள் சொந்த வீடுகளில் குடியேறலாம்.

இதேபோல, அதிஉயர் பாதுகாப்பு வல யமாக உள்ள வடமராட்சி கிழக்குப் பகுதியும் விரைவில் மீள்குடியேற்றத்துக்காக மக்களுக்குக் கையளிக்கப்படும் என்று யாழ். மாவட்ட கட்டளைத் தளபதி மேஜர் ஜெனரல் மஹிந்த ஹதுருசிங்ஹ கூறுகின்றார். அதி உயர் பாதுகாப்பு வலயங்கள் படிப்படியாக நீங்கிவிடும் என்ற நம்பிக்கையை இது தருகின்றது.

இவ் விடயத்தில் தமிழ்த் தேசியக் கூட்டமைப்புத் தலைவர்கள் தங்கள் பொறுப்பை உணர்ந்து செயற்படுவதாகத் தெரியவில்லை. மீள்குடியேற்றம் தொடர்பாகவும் அதி உயர் பாதுகாப்பு வலயம் தொடர்பாகவும் அரசாங்கத்தை விமர்சிப்பதுடன், தங்கள் பொறுப்பு முடிந்துவிட்டதென அவர்கள் கருதுகின்றார்கள். எப்போதும் விமர்சனம் செய்வதே தமிழ்த் தேசியக் கூட்டமைப்புத் தலைவர்களின் அரசியலாகிவிட்டது. இந்த விமர்சன அரசியலால் மக்களின் எந்தப் பிரச்சினையும் இதுவரை தீரவில்லை. பிரச்சினையை வளர்த்துச் சிக்கலாக்கியதுதான் விமர்சன அரசியலின் சாதனை.

தமிழ் மக்களின் அத்தியாவசிய பிரச்சினைகள் தொடர்பாக இணக்க அரசியல் நடைமுறையைப் பின்பற்றுவதன் மூலம் தீர்வைத் துரிதப்படுத்த முடியும் என்பதற்கு குரு நகர் றெக்கிளமேஷன் பகுதியும் வடமராட்சி கிழக்கும் உதாரணமாக விளங்குகின்றன. இவை தொடர்பாகத் தமிழ்த் தேசியக் கூட்டமைப்புத் தலைவர்கள் எவ்வித பேச்சுவார்த்தையிலும் ஈடுபடாத போதிலும், அரசாங்கம் மக்களின் தேவை உணர்ந்து செயற்பட்டிருக்கின்றது. தமிழ் மக்களின் பிரதிநிதிகள் அரசாங்கத்துடன் பேச்சு வார்த்தை நடத்துவதன் மூலம் தீர்வைத் துரிதப்படுத்து வது சாத்தியமாகும். எனவே, தமிழ்த் தலைவர்கள் இதுவரை காலமும் எவ்வித பலனும் அளிக்காத விமர்சன அரசியலைக் கைவிட்டு, இணக்க அரசியல் மூலம் மக்களுக்கு விமோசனம் பெற்றுக்கொடுப்பதற்கு முன் வர வேண்டும்.

(தினகரன்)