விவசாயக் கடனும் விற்பனை வசதியும்

வடக்கு, கிழக்கு விவசாயிகளுக்குப் பெரும்போக காலத்தில் கடன் வழங்குவதற்காக எண்பது கோடி ரூபா ஒதுக்கப்பட்டுள்ளது. வங்கிகளுக் கூடாக 14 வீத வட்டியில் இக் கடன் வழங்கப்படவு ள்ளது. விவசாயிகள் 8 வீத வட்டியை மாத்திரம் செலு த்தினால் போதும். அரசாங்கம் 6 வீத வட்டியைச் செலு த்தும். இரண்டு மாகாணங்களிலும் அதிகமாகப் பயிரி டப்படும் பயிர் வகைகளுக்காக இக்கடன் வழங்கப் படுகின்றது.

வடக்கு, கிழக்கு மக்களின் பிரதான சீவனோபாயம் விவ சாயமும் மீன்பிடியுமாகும். விவசாயத்தில் ஈடுபடுபவர் களுக்கு அரசாங்கம் இலகு கடன் வசதி செய்து கொடுப்பதைச் சாதாரண விடயமாகக் கருதக்கூடாது. விவசாயம் சிறக்கும்போது விவசாயிகளின் வாழ்க்கை தரம் மேலோங்கும். இரண்டு மாகாணங்களிலும் பெரு ம்பான்மையானோர் விவசாயிகளாக இருப்பதால் ஒட்டு மொத்தமாக அம்மாகாணங்களில் பணப்புழக்கம் அதி கரிப்பதற்கு இக்கடனுதவி வழி சமைக்கின்றது.

இரண்டு மாகாணங்களிலும் உற்பத்தி செய்யப்படும் விளை பொருட்களை விற்பதற்கான வசதிகள் இருக்கும் பட் சத்திலேயே அரசாங்கம் வழங்கும் கடன் மூலம் விவ சாயிகள் முழுமையான பலனை அடைய முடியும். இக் கடனுதவிக்குப் பின் உற்பத்தி முன்னரிலும் பார்க் கக் கூடுதலாகவே இருக்கும். எனவே, வடக்கு மற்றும் கிழக்கு மாகாணங்களின் விவசாய விளை பொருட் களை அம்மாகாணங்களுக்கு வெளியே மேலும் கூடு தலாக விற்பனை செய்வதற்கான வசதிகள் செய்து கொடு க்கப்பட வேண்டியது அவசியம். இல்லையேல் எவ்வ ளவுதான் கடனுதவி செய்தாலும் அதனால் ஏற்படக்கூ டிய முழுமையான பலனை விவசாயிகள் அனுபவி க்க இயலாமற்போய்விடும். இந்த விற்பனை வசதிக ளைச் செய்து தரவேண்டிய பொறுப்பு அரசாங்கத்தை சார்ந்ததெனினும் மாவட்டப் பாராளுமன்ற உறுப்பினர் கள் அனைவருக்கும் இவ்விடயத்தில் கணிசமான பொறுப்பு உண்டு. இது அரசாங்கத்தின் வேலை என்று கூறி அவர்கள் ஒதுங்க முடியாது. அரசாங்கம் செய்கி ன்ற உதவி முழுமையாக விவசாயிகளுக்குப் பயன்ப டக் கூடிய வசதி வாய்ப்புகளைப் பெற்றுக்கொடுப்பது அவர்களால் தெரிவு செய்யப்பட்ட பிரதிநிதிகளின் தலையாய கடமை.

வட மாகாண விவசாயிகளுக்குப் பிரத்தியேகமான ஒரு பிரச்சினையும் உண்டு. கிழக்கு மாகாணம் நீர்வளம் மிகுந்த பிரதேசம். வட மாகாணம் அவ்வாறல்ல. குறி ப்பிட்டுக் கூறுவதானால், யாழ்ப்பாண மாவட்டம் வள மான பயிர்ச் செய்கை நிலங்களைக் கொண்டுள்ள போதி லும், விவசாயத்துக்கு நிலக்கீழ் நீரிலேயே பெருமள வில் தங்கியிருக்க வேண்டியுள்ளது. இப்போது நிலக் கீழ் நீர்வளம் குறைந்து வருகின்றது. இதற்குப் பல காரணங்கள் உள்ள போதிலும் கிராமியக் குளங்கள் கைவிடப்பட்டிருப்பது பிரதான காரணம். மழைகாலங் களில் இக்குளங்களில் சேகரிக்கப்பட்ட நீர் ஊறிச் செல் வதன் மூலம் நிலக்கீழ் நீர்வளம் குறையாமல் பாது காக்கப்பட்டது. இப்போது இத்தகைய பல குளங்கள் முற்றாகக் கைவிடப்பட்ட நிலையில் தூர்ந்துவிட்டன. அவற்றைப் புனரமைத்து மழை நீரைத் தேக்குவது விவசாயிகளுக்குப் பெரிதும் நன்மை பயக்கும். உள்ளூர் அரசியல் தலைவர்கள் இதற்கு முன்கை எடு த்துச் செயற்பட வேண்டும்.

அரசாங்கம் விவசாயிகளுக்குச் செய்கின்ற நன்மை முழு மையாக அவர்களுக்குப் பயன் தருவதை உறுதிப் படுத்துவதில் அவர்களைப் பிரதிநிதித்துவப்படுத்தும் அரசியல்வாதிகளின் பங்களிப்பும் முக்கியமானது.

(தினகரன்)