மீனவர்களை கொல்வதை அமைச்சர் நியாயப்படுத்தலாமா?

சர்வதேச கடல் எல்லை விதிமுறையை மதித்து இந்திய பகுதிக்குள் மீன்பிடிக்கும் தமிழக மீனவர்களின் உயிருக்கு உத்தரவாதம் அளிக்க அரசு உறுதியாக உள்ளது என்றும் அதே நேரத் தில் இலங்கை கடல் பகுதியில் நுழையும் தமி ழக மீனவர்களை பாதுகாக்க முடியாது என்றும் வெளியுறவுத்துறை அமைச்சர் எஸ்.எம். கிருஷ்ணா பேசியிருக்கிறார். தமிழக மீனவர்கள் இலங்கை கடற்படையினரால் அடிக்கடி சுட்டுக் கொல்லப்படுவது குறித்து மாநிலங்களவையில் தமிழ்நாட்டைச் சேர்ந்த பல்வேறு அரசியல் கட்சி கள் பிரச்சனை எழுப்பியபோது, இவ்வாறு அமைச்சர் கூறியிருக் கிறார்.

அமைச்சரின் இந்தப் பேச்சு இந்திய மீனவர் களை இலங்கை கடற்படையினர் கொல்வதை நியாயப்படுத்துவதை போல் உள்ளது. இந்தியா வும் இலங்கையும் மிக அருகில் உள்ள நாடுகளா கும். இரு நாடுகளையும் கடல் தான் பிரிக்கிறதே தவிர, நடுக்கடலில் அந்த எல்லை என்ன என் பதை அப்பாவி மீனவர்கள் அறிந்திருக்க முடி யாது. காரணம், எல்லையை வரையறுக்க ஒளிரும் மிதவைகள் இல்லை. இதுகுறித்த தமிழக மீன் வளத்துறையின் அறிவிப்பு என்ன ஆனது என்று தெரியவில்லை.

முன்பு மீனவர்கள் படகுகளில் பாய்மரம் கட்டி காற்றின் விசையில் கரையில் இருந்து கட லுக்குள் ஐந்து கி.மீ தூரம் சென்று மீன்பிடித்துவந் தனர். ஆனால் நமது கடல் பகுதியில் மீன்வளம் குறைந்தபின்னர் படகுகளில் எந்திரம் பொருத்தி பல கி.மீ தூரம் சென்றால் தான் மீன்கள் கிடைக் கின்றன. இந்த நேரங்களில் மீனவர்கள் தெரியா மல் எல்லையை தாண்டிவிடுகிறார்கள்.

நமது எல்லைக்குள் மீன் பிடித்தாலும் இலங் கை கடற்படையினரால் தாக்கப்படுவதும் சுட் டுக் கொல்லப்படுவதும் தொடர்கிறது. மீனவர் கள் எல்லை தாண்டிச் சென்றால் அவர்களை இலங்கை கடற்படையினர் கைது செய்து இந்தி யாவிடம் ஒப்படைக்கலாம். ஆனால் சுடுவது, சித்ரவதை செய்வது, வலைகளை அறுப்பது, படகுகளை சேதப்படுத்துவது என்பது ஏற்றுக் கொள்ள முடியாது. பல நாடுகளில் இதுபோன்ற சம்பவங்கள் நடைபெறும் போது மீனவர்களை கைது செய்து அவர்களை சம்பந்தப்பட்ட அர சாங்கத்திடம் ஒப்படைக்கிறார்கள். ஆனால் இலங்கை இவ்வாறு செய்யவில்லை. தமிழக மீன வர்களை தாக்குவதிலேயே குறியாக உள்ளது.

இலங்கை மீனவர்கள் கூட திசைமாறி இந்தி யாவுக்குள் நுழைந்த சம்பவம் நடந்துகொண்டு தான் இருக்கிறது. அந்த நேரங்களில் இந்திய கட லோர காவல்படை அவர்களை கைது செய்கிறதே தவிர சுட்டுக் கொல்வதில்லை. இந்தியாவில் குஜ ராத் மாநிலத்தையொட்டிய மேற்கு கடற்கரை பகு தியிலும் ஏராளமான மீனவர்கள் நடுகடலுக்கு சென்று மீன் பிடித்து வருகிறார்கள். அதே போல் எல்லையையொட்டியுள்ள பாகிஸ்தான் மீனவர் களும் மீன் பிடித்து வருகிறார்கள். இவர்கள் தெரி யாமல் எல்லையை கடந்து விட்டால் கைது செய்யப்படுகிறார்கள். மாறாக கொல்லப்படுவ தில்லை. பின்னர் பேச்சுவார்த்தை மூலம் இரு நாடுகளின் மீனவர்கள் பரஸ்பரம் விடுவிக்கப் படுகிறார்கள்.

ஆனால் உலகிலேயே இலங்கை அரசு தான் கொடுமையாக நடந்து கொள்கிறது. எனவே இந்தப் பிரச்சனையில் மத்திய அரசு தலையிட்டு தமிழக மீனவர்களின் உயிருக்கும் உடமைக்கும் பாதுகாப்பு அளிக்கவேண்டும்

1974 ஆம் ஆண்டு கச்சத்தீவு உடன்பாட்டின் படி இந்திய மீனவர்கள் அந்த தீவில் ஓய்வெடுக் கவும் வலைகளை உலர்த்தவும் உள்ள உரிமை யை நிலைநாட்ட வேண்டும். இதற்கான நடவ டிக்கையை எடுக்க வேண் டியது மத்திய அரசு தான். இலங்கை அரசுடன் பேச்சு நடத்தி மீனவர் கள் தாக்கப்படும் நிகழ்வுகளுக்கு நிரந்தரத் தீர்வு காணப்பட வேண்டும்.

(தீக்கதிர்)